Fréttablaðið - 31.07.2006, Page 58

31. júlí 2006 MÁNUDAGUR30
FÓTBOLTI Frank Lampard hefur
gagnrýnt Sven-Göran Eriksson
opinberlega fyrir að velja ekki
sóknarmanninn Jermain Defoe í
leikmannahóp enska landsliðsins
fyrir HM. Eriksson tók aðeins
fjóra sóknarmenn með sér til
Þýskalands, þar á meðal Theo
Walcott sem hafði aldrei spilað
leik í efstu deild.
„Það hefði gefið okkur meiri
möguleika ef Jermain hefði líka
komið með, ég spilaði með honum
hjá West Ham og þekki hæfileika
hans. Það voru mistök hjá Eriks-
son að velja hann ekki,“ sagði
Lampard. Wayne Rooney og
Michael Owen áttu báðir við
meiðsli að stríða fyrir mótið og
því voru Peter Crouch og Walcott
einu sóknarmennirnir sem voru
alveg heilir. - egm
Lampard gagnrýnir Eriksson:
Mistök að velja
ekki Defoe
Á ÆFINGU Jermain Defoe er hér á æfingu
með enska landsliðinu. NORDICPHOTOS/AFP
FÓTBOLTI Hermann Hreiðarsson
lék í stöðu miðvarðar er Charlton
mætti Valencia í æfingaleik seint
á laugardagskvöldið á Spáni.
Valencia hafði sigur, 3-1, með
mörkum Fernandos Morientes,
Baraja og Silva en Gonzalo Sor-
ondo skoraði eina mark Charlton.
Hermann hefur verið orðaður við
nokkur lið á Englandi undanfarið
en hann á eitt ár eftir af samningi
sínum við Charlton.
Ian Dowie, nýráðinn stjóri
Charlton, hefur undanfarið látið
Hermann leika í stöðu vinstri
bakvarðar en á laugardagskvöldið
var hann mættur í sína gömlu
leikstöðu. - esá
Charlton mætti Valencia:
Hermann á
sínum stað
FÓTBOLTI Evrópumeistaramóti U-19
landsliða lauk í Póllandi um helgina
og stóðu Spánverjar uppi sem
sigurvegarar með því að leggja
Skotland að velli 2-1 í úrslitaleik.
Kristinn Jakobsson dæmdi úrslita-
leikinn og gerði það vel. Sóknar-
maðurinn Bueno skoraði bæði
mörk Spánverja. - egm
Evrópumót U-19 landsliða:
Spánverjar
tóku bikarinn
FÓTBOLTI Jose Antonio Reyes, leik-
maður Arsenal, vill halda heim til
Spánar en hann hefur ekki fundið
sig í London. Þessi 22 ára leikmað-
ur var keyptur á rúmar tíu millj-
ónir punda frá Sevilla í janúar
2004 en hann hefur nú verið orðað-
ur við stórliðið Real Madrid.
„Ég hef ekki náð að venjast líf-
inu í Englandi og það væri draum-
ur að komast til Real Madrid. Ég
hef alls ekkert á móti Arsenal sem
er frábært félag og ég hef fengið
mikinn stuðning þaðan. Ástæðurn-
ar fyrir því að ég vil fara eru
aðrar,“ sagði Reyes. - egm
Leikmannamál Arsenal:
Reyes þjáist
af heimþrá
HEIMÞRÁ Reyes er orðaður við Real Madrid.
NORDICPHOTOS/AFP
FÓTBOLTI Ólafur Örn Bjarnason lét
markvörð Fredrikstad verja frá
sér víti í leik með Brann í gær.
Það kom þó ekki að sök þar sem
Brann vann leikinn, 3-1, og hélt
þar með forystu sinni á toppi
deildarinnar. Ólafur og Kristján
Örn Sigurðsson léku allan leikinn
fyrir Brann rétt eins og Veigar
Páll Gunnarsson í Stabæk en
hann og félagar hans töpuðu, 3-1,
fyrir Sandefjord. Birkir Bjarna-
son sat á varamannabekk Viking
sem vann Ham-Kam, 2-1.
Í Svíþjóð vann topplið Hammar-
by 3-0 sigur á Häcken. Pétur Mart-
einsson og Gunnar Þór Gunnars-
son voru sem fyrr í byrjunarliði
Hammarby en Pétur fór af velli á
58. mínútu. Jóhann Guðmundsson
var ekki í hópi GAIS sem tapaði 3-0
fyrir Elfsborg.
Bjarni Ólafur Eiríksson og
Hörður Sveinsson léku báðir allan
leikinn fyrir Silkeborg sem tapaði
fyrir Nordsjælland, 1-0, en þetta
var þriðja tap liðsins í jafn mörg-
um leikjum í upphafi dönsku leik-
tíðarinnar. Í Belgíu hófst tímabilið
um helgina og kom Rúnar Krist-
insson inn á sem varamaður á 75.
mínútu í 2-1 sigurleik Lokeren á
Standard Liege en hann var nærri
búinn að leggja upp mark. - esá
Íslendingar í Evrópu:
Ólafur lét verja
frá sér víti
STAÐAN Í LANDSBANKADEILDINNI:
1. FH 12 9 2 1 21-7 29
2. FYLKIR 11 5 2 4 14-13 17
3. VALUR 11 4 4 3 15-13 16
4. BREIÐABLIK 12 5 2 5 19-23 16
5. KEFLAVÍK 11 4 3 4 20-12 15
6. VÍKINGUR 12 4 3 5 14-11 15
7. GRINDAVÍK 11 3 5 3 16-13 14
8. KR 11 4 1 6 10-22 13
9. ÍA 12 4 0 8 15-21 12
10. ÍBV 11 3 2 6 11-20 11
Akranesvöllur, áhorf.: 1300
ÍA FH
TÖLFRÆÐIN
Skot (á mark) 7–8 (2–3)
Varin skot Bjarki Freyr 2 – Daði 2
Horn 3–6
Aukaspyrnur fengnar 1–5
Rangstöður 13–16
FH 4–3–3
Daði Lár. 8
Guðmundur 7
Ármann Smári 7
Ásgeir Gunnar 6
Hermann A. 5
Baldur Bett 7
*Sigurvin 8
Matthías 8
Tryggvi G. 6
Ólafur Páll 5
(71. Atli Guðnason -)
Lindbaek 6
(81. Allan Dyring -)
*Maður leiksins
ÍA 4–5–1
Bjarki Freyr 7
Kári Steinn 5
Árni Thor 7
Heimir E. 6
Pálmi H. 6
Ellert Jón 8
Igor Pesic 6
(52. Andri J. 6)
Þórður G. 7
Jón Vilhelm 4
(52. Dean Martin -)
(65. Guðjón H. 6)
Hafþór Ægir 5
Hjörtur 5
0-1 Sigurvin Ólafsson (38.)
0-1
Garðar Örn Hinriksson (6)
FRJÁLSAR Svo gæti farið að heims-
og ólympíumeistarinn í hundrað
metra hlaupi karla, Bandaríkja-
maðurinn Justin Gatlin, verði
dæmdur í lífstíðarbann frá keppni
í frjálsum íþróttum. Á laugardag-
inn sagði hann frá því að í apríl
síðastliðnum hefði hann fallið á
lyfjaprófi og í gær var greint frá
því að B-sýni hans hefði einnig
reynst jákvætt fyrir karlhormón-
inu testósteróni.
Árið 2001 féll Gatlin einnig á
lyfjaprófi og reyndist þá vera
amfetamín í sýni hans. Samkvæmt
öllu ætti hann því að vera dæmdur
í lífstíðarbann. - esá
Justin Gatlin:
Fær ef til vill
lífstíðarbann
JUSTIN GATLIN Féll á lyfjaprófi í vetur.
NORDIC PHOTOS/AFP
GOLF Þegar Íslandsmótinu í högg-
leik lauk í gær á Urriðavelli voru
tveir nýjir Íslandsmeistarar
krýndir í greininni. Sigmundur
Einar Másson, GKG, hafði verið
með forystuna strax frá fyrsta
degi og vann svo karlaflokkinn
með miklum yfirburðum. Helena
Árnadóttir, GR, þurfti að þreyta
bráðabana við Ragnhildi Sigurð-
ardóttur og hafði betur.
Hvort um kynslóðaskipti sé að
ræða skal ef til vill ósagt látið en
það skal tekið fram að margir
atvinnukylfingar Íslands tóku
ekki þátt, svo sem Birgir Leifur
Hafþórsson, Heiðar Davíð Braga-
son og Ólöf María Jónsdóttir.
Sigur Sigmundar var engu að
síður mjög glæsilegur og vann
hann með átta högga mun á þá
Úlfar Jónsson, Auðunn Einarsson
og Birgi Má Vigfússon en sá
síðastnefndi vann í umspili um 2.
sætið á mótinu. Úlfar náði reyndar
að minnka forystuna í fjögur högg
eftir að hafa fengið tvo fugla, á 13.
og 14. braut, en hann náði ekki að
fylgja því eftir og sigur Sigmundar
var aldrei í hættu.
„Þetta er búið að vera erfitt en
loksins er þetta búið og ég gerði
það sem ég ætlaði mér að gera,“
sagði Sigmundur Einar, kampa-
kátur eftir mótið. „Dagurinn í dag
var mjög skemmtilegur en svolítið
erfitt að halda einbeitingunni. En
eftir að ég náði fugli á 17. braut þá
gat ég leyft mér að anda aðeins
léttar. Ég vissi að Úlfar var nálægt
mér á tímabili en ég hugsaði sem
minnst um það og hélt mér við
mitt leikskipulag.“
Sigmundur Einar hafði ásamt
þjálfara sínum lagt línurnar fyrir
mótið á ákveðinn máta og var hann
viss um að það hefði skilað sér
sigrinum.
Helena var einnig hæstánægð
með sigurinn en hún og Ragnhildur
voru einnig jafnar áður en keppni
hófst í gær. Snemma dags var
Helena búin að dragast þremur
höggum aftur úr Ragnhildi en
náði að jafna metin fyrir rest og
hafði svo sigur í þriggja holu
bráðabana.
„Það þýðir ekkert að gefast
upp þó að á móti blási. Ég náði að
halda rónni í dag og það var það
sem skipti máli,“ sagði Helena.
Nína Björk Geirsdóttir úr
GKG var einungis einu höggi á
eftir Helenu og Ragnhildi og
Tinna Jóhannsdóttir, GK, fylgdi
svo einu höggi á eftir Nínu. Þess-
ar fjórar voru í sérflokki hjá kon-
unum en sem fyrr segir hafði
Sigmundur fáheyrða yfirburði í
karlaflokki.
- esá
Helena Árnadóttir og Sigmundur Einar Másson urðu Íslandsmeistarar í golfi:
Tveir nýir meistarar krýndir
SIGRINUM FAGNAÐ Sigmundur fagnar eftir
að hafa sett síðasta púttið niður.
FRÉTTABLAÐIÐ/HEIÐA
MEISTARARNIR Helena Árnadóttir og Sigmundur Einar Másson með sigurlaunin eftir mótið.
FRÉTTABLAÐIÐ/HEIÐA
FÓTBOLTI Aðeins eitt mark var
skorað á Skaganum í gær þegar ÍA
og FH mættust en það skoraði Sig-
urvin Ólafsson í fyrri hálfleik.
Skagamenn fengu reyndar kjörið
tækifæri til að jafna metin í þeim
síðari þegar þeir fengu vítaspyrnu
en hún fór forgörðum og því voru
það gestirnir úr Hafnarfirði sem
gátu brosað breitt á tónleikum
Sigur Rósar seinna um kvöldið.
Skagamenn spiluðu hörkuvel á
upphafskafla leiksins en um mið-
bik fyrri hálfleiks fjaraði spila-
mennskan skyndilega út. Ellert
Jón Björnsson skapaði oft á tíðum
usla á hægri kantinum og átti hann
fyrsta skot leiksins sem Daði
Lárusson varði. Stuttu seinna fékk
Tryggvi Guðmundsson dauðafæri
en Bjarki Guðmundsson lokaði
markinu vel og náði að verja. Það
var svo á 38. mínútu sem eina
mark leiksins kom en þá urðu
heimamönnum á mistök í vörn-
inni, Andre Lindbaek renndi bolt-
anum út á Sigurvin sem skoraði
með hörkuskoti í hornið.
FH-ingar voru komnir með
undirtökin á miðjunni þar sem
Sigurvin, Baldur Bett og Matthías
Vilhjálmsson voru í aðalhlutverki.
Snemma í seinni hálfleik áttu þó
Skagamenn flotta sókn þegar Haf-
þór Ægir Vilhjálmsson átti frá-
bæra sendingu á Ellert Jón sem
renndi boltanum á Þórð Guðjóns-
son en skot hans fór yfir markið. Á
68. mínútu átti Þórður frábæra
sendingu á Ellert Jón sem skaut
yfir markið en Hermann Alberts-
son braut á honum og var réttilega
dæmd vítaspyrna. Á punktinn fór
Hjörtur Hjartarson en vítabaninn
Daði Lárusson varði spyrnu hans.
Eftir þetta virtist allur vindur
úr heimamönnum og FH-ingar
voru líklegri til að bæta við á loka-
kaflanum en Skagamenn að jafna.
Sanngjarn sigur og eru Íslands-
meistararnir komnir með tólf
stiga forskot en Skagamenn töp-
uðu þarna sínum áttunda deildar-
leik í sumar. „Þetta var erfiður
leikur, Akranesvöllur er alltaf víg-
völlur sama hvernig gengi liðsins
hefur verið. Þeir spila sóknarbolta
og taka áhættur og því er sterkt
hjá okkur að halda hreinu á móti
þeim. Þeir gáfu okkur lítið svæði
en við spiluðum bara okkar bolta,
Skagamenn spila skemmtilegan
fótbolta og gaman að mæta þeim,“
sagði Sigurvin Ólafsson, marka-
skorari FH.
„Það var gaman að ná að skora,
ég gerði það líka í fyrri leiknum
gegn þeim. Verst að við spilum
ekki oftar við ÍA. Við höfum lent í
miklum hremmingum upp á síð-
kastið og því sérstaklega mikil-
vægt að ná að vinna þennan leik,
við sýndum það að við erum komn-
ir til baka. Við höfum misst mátt-
arstólpa í meiðsli en alltaf náum
við að setja saman lið og erum
vonandi komnir í gang núna aftur,“
sagði Sigurvin eftir þennan góða
sigur.
elvargeir@frettabladid.is
Mark Sigurvins tryggði FH
sigur gegn Skagamönnum
FH-ingar komust í gær í tólf stiga forystu á toppi Landsbankadeildar karla eftir
eins marks sigur á ÍA. Þetta var áttundi tapleikur Skagamanna á tímabilinu en
Daði Lárusson varði vítaspyrnu Hjartar Hjartarsonar í síðari hálfleik.
HART BARIST Leikmenn FH og ÍA gáfu
ekkert eftir í gær. FRÉTTABLAÐIÐ/EIRÍKUR
SIGURMARKINU FAGNAÐ FH-ingar fagna marki Sigurvins Ólafssonar en Hafþór Ægir Vil-
hjálmsson er niðurlútur að sjá. FRÉTTABLAÐIÐ/EIRÍKUR