Fréttablaðið - 13.01.2007, Page 2

Vísindamenn í einka-
reknum háskólum eru margir
ósáttir við að stóraukin framlög
ríkisins til rannsókna skuli öll
renna til Háskóla Íslands (HÍ) í
stað þess að renna í sjóði sem
allir vísindamenn geti sótt um úr
á jafnréttisgrundvelli. Á fimmtu-
dag var samþykkt að veita 640
milljónum króna til rannsókna
innan HÍ á ári næstu árin.
Í samtali við fjóra doktora við
tækni- og verkfræðideild Háskól-
ans í Reykjavík (HR) kemur fram
að full þörf hafi verið á því að
stórauka framlög til rannsókna á
háskólastigi, en þeir telja að
aðferðafræðin sé einkennileg.
„Við teljum að það eigi að keppa
um peningana, og þeir hæfustu
eigi að keppa um að fá peninga í
sínar rannsóknir. Þannig nýtist
peningarnir best,“ segir Anna Ing-
ólfsdóttir, prófessor við HR. „Við
erum alls ekki að biðja um svona
summu fyrir hina háskólana, við
viljum að allir keppi á sama
grundvelli um fjármagnið.“
Björn Þór Jónsson, dósent við
Háskólann í Reykjavík, segir að
besta vísindafólkið innan HÍ sé
einnig hlynnt því að láta féð
renna í samkeppnissjóði. Góðir
vísindamenn græði meira á því
að sækja um styrki í stað þess að
fé sem rennur til HÍ sé dreift
jafnt niður, eins og líklegt sé að
verði gert.
Eini stóri íslenski rannsókna-
sjóðurinn er Rannís-sjóðurinn,
sem veitir um 600 milljónum
króna í styrki á ári. Til saman-
burðar á að auka framlög ríkisins
til rannsókna um 640 milljónir á
ári á næstu árum. Björn segir að
Rannís krefjist ávallt mótfram-
lags þegar styrkir eru veittir úr
sjóðnum, oft í formi launa og
aðstöðu til rannsókna. Ef því fé
sem veitt er til rannsókna HÍ
væri veitt til Rannís í staðinn
væri hægt að losna við mótfram-
lagið.
Eins og staðan sé eftir auka-
fjárveitinguna eigi vísindamenn
innan HÍ mun meiri möguleikja á
styrkjum úr Rannís en aðrir vís-
indamenn, þar sem þeir fái mót-
framlagið tryggt frá ríkinu.
Ármann Gylfason, lektor við
HR, segir að þegar sú upphæð
sem Rannís hefur úr að spila sé
svo lág sem raun ber vitni reyni
sjóðurinn að styrkja sem flesta,
sem kalli á sem hæst mótfram-
lag. „Því hærra mótframlag sem
vísindamenn hafa með sér, því
samkeppnishæfari eru þeir.“
Karl Ægir Karlsson, lektor við
HR, bendir á að sú upphæð sem
nú sé veitt til rannsókna innan HÍ
sé svo há að reikna megi með því
að erfitt verði fyrir Rannís að
sækja fé til þess að auka sam-
keppnisstyrki til vísindamanna.
„Þarna er líka verið að gera
skattgreiðendum óleik,“ segir
Karl. Þegar upphæðin sé orðin
svona há eigi skattgreiðendur
kröfu til þess að féð sé notað sem
best, og til þess þurfi að láta vís-
indamenn keppa um það með því
að láta það renna í samkeppnis-
sjóði.
Gagnrýna að rann-
sóknarfé fari til HÍ
Vísindamenn í einkareknum skólum segja að betra hefði verið að veita fé til
rannsókna í rannsóknarsjóði frekar en að eyrnamerkja það Háskóla Íslands.
Hæfustu vísindamennirnir eigi að keppa um fé á jafnréttisgrundvelli.
Opið: Alla virka daga kl. 9:00-18:00 og laugardaga kl. 12:00-16:00. Sími: 525 8020.
NOTAÐIR BÍLAR
BÍLL DAGSINS
SUBARU LEGACY GL
Nýskr. 07.06 - Sjálfskiptur - Ekinn 6 þús. km. - Allt að 100% lán.
Verð
2.420
.000.
-
Ekki er búið að
taka ákvörðun um hvernig
þremur milljörðum króna sem
Háskóli Íslands fær í viðbótar-
framlög til rannsókna verður
varið. Kristín Ingólfsdóttir,
rektor Háskóla Íslands, segir
að það verði
vandasamt.
„Við þurfum
að finna leið
til að
umbuna
þeim sem
standa sig
vel en líka til
að styrkja
þær
einingar
sem í dag
eru ekki nægilega öflugar.“
Tæplega 50 rannsóknastofnan-
ir eru starfræktar innan
vébanda Háskóla Íslands.
Háskólinn fær 640 milljónir
króna árlega á árunum 2008 til
2011 til rannsókna.
Óljóst hver fær
fé til rannsókna
Frumvarpið um Ríkis-
útvarpið ohf. var afgreitt út úr
menntamálanefnd í gær, að
ákvörðun meirihluta nefndarinn-
ar, gegn vilja minnihlutans. Verð-
ur það tekið til þriðju umræðu
þingsins á mánudag.
Sú breyting varð á frumvarp-
inu að gildistaka laganna er áætluð
1. apríl í stað 1. febrúar áður.
Sigurður Kári Kristjánsson,
formaður menntamálanefndar,
segir tíma til kominn að nefndin
ljúki umfjöllun sinni. Frumvarpið
hafi verið rætt á sextán fundum
frá því það var lagt fram í haust og
á alls 40 fundum síðan fyrsta frum-
varpið um RÚV kom fram fyrir
þremur árum. Á þessa fundi hafi
komið 150 gestir. Sigurður getur
þess líka að 74 klukkustundum
hafi verið varið í þingumræður um
RÚV á síðustu þremur árum.
„Ég fullyrði að fá ef nokkurt
mál hafi fengið jafnmikla og ítar-
lega umfjöllun og þetta og vísa
staðhæfingum um annað á bug,“
segir Sigurður Kári.
Mörður Árnason mælir því ekki
í mót að margir fundir hafi verið
haldnir og segir nefndarstarfið
hafa gengið vel. „En það eru atriði
sem eru ekki útrædd,“ segir Mörð-
ur og á þar við skjöl sem nefndar-
mönnum bárust fyrr í vikunni um
samskipti ráðuneyti fjármála og
menntamála við Eftirlitsstofnun
EFTA. „Við þurfum að kynna
okkur efni þeirra betur og bera
undir álit manna sem við treystum
en það fengum við ekki. Þess vegna
greiddum við atkvæði gegn því að
málið færi úr nefndinni.“
RÚV-lögin taki gildi 1. apríl
Tony Blair, forsætis-
ráðherra Breta, segir að Bretar
megi ekki hika við að berjast gegn
hryðjuverkamönnum þótt það geti
kostað fórnir.
Í ræðu sem hann flutti fyrir
breska hermenn um borð í her-
skipinu Albion, sem lá bundið við
bryggju í Plymouth, sagði Blair að
útilokað væri að sigrast á hryðju-
verkamönnum án þess að beita
hervaldi, þótt það gæti kostað
stjórnmálamenn vinsældir meðal
almennings.
Hættan er sú „að stjórnmála-
menn komist að þeirri niðurstöðu
að það sé alltof erfitt,“ sagði Blair.
„Að gera hið rétta snúist nánast
ómeðvitað yfir í að gera hið auð-
velda.“
Stríðið í Írak hefur frá upphafi
mætt andstöðu almennings í Bret-
landi og valdið forsætisráðherr-
anum verulegum pólitískum
vandræðum. Hann sagðist þó enn
þeirrar skoðunar að almenningur
í Bretlandi yrði að átta sig á því
að hernaðaraðgerðir á stöðum
eins og Írak og Afganistan séu
nauðsynlegar til þess að vernda
öryggi Breta og styrkja stöðu
þeirra í heiminum.
Breska þjóðin þarf að vera
„viljug að berjast gegn hryðju-
verkum og gjalda kostnaðinn af
þeim bardaga hvar svo sem hann
er, rétt eins og við erum stolt af því
að berjast fyrir friði í Mið-Austur-
löndum, grípa til aðgerða gegn
fátækt eða berjast fyrir að stöðva
mengun umhverfisins.“
Nauðsynlegt að beita hervaldi
Flutningabíll og jeppi skullu
saman við Grafarkot, rétt norðan
við Munaðarnes, laust fyrir
klukkan fjögur í gær. Ökumaður
jeppans, sem var einn í bílnum,
var fluttur með þyrlu Landhelgis-
gæslunnar á gjörgæsludeild
Landspítalans. Að sögn svæf-
ingalæknis er maðurinn alvarlega
slasaður og fór hann í aðgerð í
gærkvöldi.
Ökumann og farþega flutn-
ingabílsins sakaði ekki. Bílarnir
eru báðir ónýtir og þurfti að
flytja þá í burtu með kranabíl.
Að sögn lögreglunnar í
Borgarnesi var færð slæm og
mikil hálka á veginum.
Einn slasaðist al-
varlega í árekstri
„Það er útlit fyrir að verði
nokkuð kalt áfram og mér sýnist á
öllu að litlar breytingar verði á
veðri næstu dagana,“ segir
Sigurður Ragnarsson veðurfræð-
ingur.
„Á Norðausturlandi verður
einna best, en nokkuð frost. Á
suðvesturhorninu verður nokkur
éljagangur og víðar um land.“
Sigurður vonast til að færð
verði þolanleg.
„Það mun myndast púðursnjór
sem þarf lítið til að hreyfist, nánast
ekki neitt, og því gæti orðið nokkuð
blind færð. Um helgina verða þó
engin læti í veðrinu og sjaldan
hvasst. Þetta er ekkert annað en
harðavetur,“ segir Sigurður.
Éljagangur víða
um landið
Kínverjinn sem grunað-
ur er um að hafa stungið ítalskan
starfsmann Impregilo með hnífi á
Kárahnjúkum á nýársdag verður í
farbanni allt til 30. janúar. Þetta
staðfesti Hæstiréttur í gær.
Í gæsluvarðhaldsúrskurði
Héraðsdóms Austurlands segir að
líkamsárásin hafi verið mjög
hrottaleg og að því er virðist
tilefnislaus. Ítalski starfsmaður-
inn hlaut tveggja sentimetra
breiðan og þriggja sentimetra
djúpan skurð á nýrnastæði á
hægri síðu.
Kínverjinn hefur verið rekinn
úr starfi, en honum er gert að
dvelja áfram hér á landi vegna
rannsóknarhagsmuna.
Kínverjinn er
enn í farbanni
Magni, ertu nokkuð gamall
kommúnisti?
Stríðsherrar ættbálk-
anna í Sómalíu hafa samþykkt að
ganga til liðs við nýjan þjóðar-
her.
Aðgerðum Bandaríkjahers í
Sómalíu er annars hvergi nærri
lokið, að sögn háttsetts banda-
rísks embættismanns sem tók
fram að aðgerðir beindust ein-
ungis að því að hafa uppi á grun-
uðum hryðjuverkamönnum.
Talsmenn Bandaríkjastjórnar
hafa borið til baka fregnir um að
eftirlýstur al-Kaídaliði, grunaður
um sprengjutilræði í bandarísk-
um sendiráðum í Austur-Afríku,
hafi fallið í loftárás sem gerð var
í Sómalíu á miðvikudag.
Ættbálkar ætla
að afvopnast