Fréttablaðið - 16.05.2007, Qupperneq 6

Um 34 prósentum
fleiri innlendar fréttir birtast á
fréttasíðunni Vísir.is en hjá helsta
samkeppnisaðilanum, Mbl.is. Á
Vísi birtust 1.710 innlendar frétt-
ir á tímabilinu 15. mars til 15.
apríl en á sama tíma birtust 1.274
innlendar á Mbl.is.
Samkvæmt könnun Fjölmiðla-
vaktarinnar birtast einnig fimmt-
án prósentum fleiri erlendar
fréttir á Vísi, eða 1.051 á móti 912
á Mbl.is.
Alls birtist 2.761 frétt á Vísi á
tímabilinu, eða 86,3 fréttir á dag.
Þær voru 68,3 á dag á Mbl.is.
„Okkur hefur lengi grunað að
Vísir.is væri ekki bara iðulega
fyrstur með fréttirnar, heldur
væri hann líka að birta fleiri frétt-
ir en samkeppnisaðilarnir,“ segir
Þórir Guðmundsson, ritstjóri
Vísis.
„Vísir.is hefur verið að styrkja
fréttaþjónustu sína verulega und-
anfarna mánuði og við vefinn
starfa nú á annan tug frétta-
manna,“ segir Þórir og bætir við
að á vefnum megi til dæmis sjá
beinar útsendingar af mörgum
fréttaviðburðum, innanlands sem
utan.
Þess skal getið að Fréttablaðið
er í samstarfi við Vísi.is og birt-
ast þar einnig fréttir úr blaðinu.
Flestar fréttir birtast á Vísi.is
„Bæjarráðið hefur
fullan skilning á þessum mála-
rekstri íbúanna,“ segir Gísli Ein-
arsson, bæjarstjóri á Akranesi,
um mótmæli 602 íbúa vegna
ólyktar af fiskimjölsvinnslu og
hausaþurrkun.
Eins og fram kom í Fréttablað-
inu í gær átti bæjarráðið fund
með fulltrúum óánægðu íbúanna
í síðustu viku. Á þeim fundi voru
einnig fulltrúar heilbrigðisnefnd-
ar Vesturlands og Umhverfis-
stofnunar og óskaði bæjarráðið
eftir umsögnum frá þeim.
„Það eru þessi faglegu vinnu-
brögð sem þetta gengur eftir. Ég
reikna með að þeir sendi okkur
svör eftir helgina og við þurfum
að taka ákvarðanir í framhaldi af
því. Við virðum skoðanir íbúanna
og við vitum að það sem þessir
602 undirrituðu var engin vit-
leysa. Það var virkileg ástæða til
að kvarta,“ segir bæjarstjórinn.
Að sögn Gísla var ólyktin hvað
verst í bænum fyrr á þessu ári
þegar verið var að bræða bein og
kolmunna hjá HB Granda. „Mín
persónulega skoðun er sú að það
var gersamlega óþolandi fnykur
þessa daga. Það var ekki einu
sinni hægt að aka í gegnum bæinn
án þess að vera mengaður af lykt-
inni,“ segir bæjarstjórinn.
Bræðslu kolmunna og beina
hafði verið hætt á Akranesi en
var tekin upp aftur á vertíðinni í
vetur sem leið. Krafa íbúanna er
sú að HB Grandi hætti bræðslu
beina og kolmunna í bænum.
Þá vilja íbúarnir að hausþurrk-
un Laugafisks verði flutt á skipu-
lagt iðnaðarsvæði fyrir utan
bæinn því ekkert verði ráðið við
óþefinn. Bæjarstjórinn segir
stöðuna hjá Laugafiski hafa batn-
að. „Ástandið hefur lagast hjá
Laugafiski eftir að þeir fóru að
vera með ferskara hráefni,“ segir
Gísli og vísar þar til að áður hafi
brunnið við að fyrirtækið væri að
vinna úr úldnu hráefni.
Gísli játar að umræddur rekst-
ur sé mikið hagsmunamál. „En
það breytir ekki því að þetta
ástand var óþolandi,“ segir hann.
Ásgrímur Kárason, verk-
smiðjustjóri hjá Laugafiski á
Akranesi, sagðist ekkert hafa um
málið að segja og vísaði á Ingu
Jónu Friðgeirsdóttur, forstjóra
fyrirtækisins. Ekki náðist sam-
band við Ingu Jónu sem er erlend-
is.
Hjá HB Granda var vísað á Vil-
hjálm Vilhjálmsson, yfirmann
uppsjávardeildar. Ekki náðist í
hann heldur.
Lyktin var óþolandi
segir bæjarstjórinn
Gísli Einarsson bæjarstjóri Akraness segir íbúa hafa ærna ástæðu til að kvarta
undan ólykt í bænum. Hún hafi verið gersamlega óþolandi. Bæjaryfirvöld fái
faglegar umsagnir um málið í næstu viku og taki ákvarðanir í framhaldi af því.
„Það var ekki einu sinni
hægt að aka í gegnum
bæinn án þess að vera mengaður
af lyktinni.“
Erling Ólafsson, skordýrafræðingur hjá
Náttúrufræðistofnun, segir að óstöðugleiki sé í
pöddulífinu. Farið sé að vora mun fyrr en fyrir tíu
árum og gróður rjúki upp sem aldrei fyrr en
skordýrin séu ekkert að flýta sér.
„Það er dálítið erfitt að átta sig á þessu. Hver
tegund hefur sína lífshætti, hunangsflugan er til
dæmis óvenjusein, merkilegt nokk, þrátt fyrir
þokkalegt ástand. Ég átta mig ekki á geitungunum,
þeir eru farnir að sýna sig en í mjög litlum mæli.
Ég bíð enn eftir deginum eina sem margir vakna.
Mér sýnist hann ekki kominn ennþá,“ segir hann.
Erling hefur á tilfinningunni að einhver óróleiki
sé yfir skordýralífinu. „Það er eins og lífríkið geri
sér ekki alveg grein fyrir því hvernig það eigi að
bregðast við vorinu. Maður áttar sig ekki alveg á
því hvað er að gerast í þessu veðurfari,“ segir hann.
Dagurinn sem geitungar hafa farið á stjá hefur
oftast verið kringum 20. maí en Erling segir að
búast hafi mátt við að hann færðist fram og fyrir
þremur árum hafi hann verið 10. maí. Ómögulegt sé
að segja hvenær þetta verði í ár. „Það er ekki okkar
mannanna að ákveða það. Lífverurnar ákveða það
sjálfar. Það er eitthvað að gerast og erfitt að spá í
það. Það er einhver óróleiki í kerfinu.“
Erling segir að grenitré komi brún undan vetri
vegna sitkalúsar.
Fulltrúar Evrópuþings-
ins og ríkisstjórna aðildarríkja
Evrópusambandsins komust í gær að
samkomulagi um að setja þak á
reikigjöld í farsímaþjónustu, í því
skyni að takmarka kostnað Evrópu-
búa sem nota síma sína á ferðalögum
utan heimalandsins.
Ákveðið var að þakið yrði 0,49
evrur á mínútu fyrir að hringja
símtal erlendis og 0,24 evrur fyrir að
taka við símtali. Farsímafélögin hafa
barist hatrammlega gegn reglugerð-
inni, sem nú bíður endanlegrar
samþykktar Evrópuþings og
ráðherraráðs, en hún getur leitt til
allt að sjötíu prósenta lækkunar á
reikigjöldum.
Samkomulag
um þak á gjöld
Lórítín®
– Kröftugt ofnæmislyf
Notkun:
Skömmtun:
Frábendingar: Varúðarreglur:
Aukaverkanir:
H
V
ÍT
A
H
Ú
S
IÐ
/
S
ÍA
-
9
0
2
5
-
A
c
ta
v
is
7
0
4
0
0
3
Ætlar þú að heimsækja Kára-
hnjúkavirkjun í sumar?
Sækir þú viðburði Listahátíðar?