Fréttablaðið - 02.08.2007, Síða 67

Sérstök tækni var notuð við gerð
Live Earth-stuttmyndarinnar
Consumption sem leikstjórinn
Einar Snorri sendi frá sér fyrr í
sumar. Einhvers konar body-
tökuvél var notuð, þannig að
myndavélin var föst á leikurun-
um meðan á tökum stóð.
Hægt er að sjá myndina á heima-
síðunni snorribros.com en í henni
deilir Einar Snorri hart á neyslu-
hyggjuna í samfélaginu. „Í staðinn
fyrir að fólk borði það sem er fyrir
framan það og er hollt eru ungl-
ingar og fleiri að háma í sig allt
það rusl sem það nær í,“ segir
Einar, sem er með annað verkefni
í gangi sem nefnist Mother Nat-
ure, hjá fyrirtæki sínu, Snorri
Bros. „Þar erum við að fókusera á
það fallega í heiminum og fanga
það í náttúrunni sem eftir er.“
Ný tækni í
stuttmynd
Paul Stanley, söngvari og
gítarleikari rokksveitarinnar
Kiss, þurfti að hætta við að koma
fram á tónleikum í Kaliforníu
vegna hjartatruflana. Félagar
hans í sveitinni, Gene Simmons,
Tommy Thayer og Eric Singer,
létu það ekki aftra sér og spiluðu
á tónleikunum sem tríó á meðan
farið var með Stanley á sjúkra-
hús.
„Á meðan á æfingum fyrir
tónleikana stóð fór hjartað í mér í
190 slög á mínútu og hélt því
áfram í klukkutíma,“ sagði
Stanley á heimasíðu sinni. Fékk
hann aðstoð sjúkraliða sem komu
honum í lag á nýjan leik. Stanley,
sem heitir réttu nafni Stanley
Eisen, er 55 ára.
Stanley á
sjúkrahús
Stytta af leikaranum John Wayne
var nýverið afhjúpuð á kúreka-
safni í Oklahoma í Bandaríkjun-
um í tilefni þess að á þessu ári eru
hundrað ár liðin frá fæðingu hans.
Tvö barnabörn Waynes voru
viðstödd athöfnina, önnur þeirra
Anita LaCava Swift. „Það er alltaf
jafn merkilegt fyrir okkar
fjölskyldu að hitta aðdáendur
hans því hann hefur verið látinn í
þrjátíu ár. Samt koma upp að mér
þriggja ára börn sem segjast
dýrka hann og dá,“ sagði hún.
„Það var frábært að eiga svona
goðsögn sem afa.“
Afhjúpuðu
styttu
Íslenska heimildarmyndin Reiði
guðanna eftir Jón Gústafsson
vann sérstök dómnefndarverð-
laun á kvikmyndahátíðinni Stony
Brook sem var haldin á Long
Island í New York um síðustu
helgi.
„Þessi verðlaun eru töluvert
mikill heiður. Þessi hátíð er ansi
virt og hefur verið í gangi í
mörg ár,“ segir Jón. „Það er
alveg ótrúlegt að þessi litla
og ódýra heimildarmynd
frá Íslandi skyldi fá þessi
verðlaun.“
Áhorfendaverðlaunin á hátíð-
inni hlaut Man in the Chair með
Christopher Plummer í aðalhlut-
verki og spáir Jón þeirri mynd
góðu gengi á næstunni.
Þetta eru þriðju verðlaunin sem
Reiði guðanna fær á tiltölulega
skömmum tíma því fyrr á árinu
hlaut hún áhorfendaverð-
laun á kvik-
myndahátíðinni í
Oxford og brons-
verðlaun á kvik-
myndahátíðinni
World Fest í
Houston.
Reiði guð-
anna, eða
Wrath of
Gods, lýsir
þeim
aðstæðum sem voru uppi við gerð
kvikmyndarinnar Bjólfskviðu
eftir Sturlu Gunnarsson. Þurftu
kvikmyndagerðarmennirnir að
glíma við óblíð náttúruöflin og
erfiða peningamenn.
Heimildarmyndin hefur nú
verið sýnd á sjö kvikmyndahátíð-
um víðs vegar um heiminn. Var
hún sýnd í Ástralíu í síðustu viku
og næstkomandi sunnudag verður
hún sýnd á kvikmyndahátíð í
Norður-Kaliforníu. Einnig hefur
hún verið bókuð á Wine Country-
hátíðina sem er haldin rétt fyrir
utan San Francisco. Auk þess hafa
komið fyrirspurnir frá öðrum
hátíðum og dreifingartilboð hafa
einnig borist bæði frá Kanada og
Bandaríkjunum.
Næsta verkefni Jóns verður
leikin kvikmynd sem hann er að
þróa áfram en þangað til mun
hann halda áfram að leikstýra
auglýsingum.
Jón Gústafsson heiðraður í New York