Fréttablaðið - 04.09.2007, Blaðsíða 42

Vill sjá West Ham spila í Meistaradeildinni
Handknattleiksdeild
Vals hefur stefnt handknattleiks-
deild Fram fyrir dómstóli HSÍ
vegna máls Sigfúsar Páls Sigfús-
sonar. Mál hans eru í miklum hnút
en hann er samningsbundinn Fram
en vill losna frá félaginu.
Í samningi hans segir að honum
sé heimilt að ræða við önnur félög
á ákveðnu tímabili sem Sigfús og
gerði. Hann ræddi við Val sem
gerði tvö tilboð í samning hans
hjá Fram.
Það fyrra var upp á 600 þúsund
krónur og hið síðara 1,5 milljónir.
Í fréttatilkynningu sem Valur
sendi frá sér í síðasta mánuði
vísar félagið í tvær greinar í
samningi Sigfúsar. Annars vegar
að hámarksfjárhæð í samningum
um félagaskipti við „smálið“
erlendis er 5.000 evrur, um 450
þúsund krónur. Enn fremur að
„gæta skal sanngirni í samning-
um um félagaskipti við innlend lið
og stórlið erlendis“.
Augljóst er að Valur telur að 1,5
milljónir króna sé sanngjarnt til-
boð, ef mið er tekið af því að
erlend „smálið“ þurfi ekki að
borga nema 450 þúsund krónur
fyrir hann.
Dómstóll HSÍ treystir sér ekki
til að ákveða hvað sé sanngjarnt
verð og því mun á fimmtudaginn
næstkomandi hlutlaus matsmaður
verða kvaddur fyrir héraðsdóm
Reykjavíkur sem mun skila sinni
greinargerð fyrir dómstóli HSÍ.
Jón Eggert Hallsson, formaður
handknattleiksdeildar Fram, vildi
lítið tjá sig um málið en ítrekaði að
hann teldi félagið í fullum rétti
hvað þetta varðaði.
Dagur Sigurðsson, framkvæmda-
stjóri Vals, vildi ekkert tjá sig en
vísaði í áðurnefnda fréttatil-
kynningu.
Þar kemur einnig fram að Fram
hafi „hafnað tillögu Vals um skip-
an sérstaks gerðardóms til að
ákvarða sanngjarna greiðslu
vegna félagaskiptanna“.
Afar sjaldgæft er að samnings-
mál íþróttamanna við félagslið
fari fyrir almenna dómstóla hér á
landi. Þetta er enn fremur enn
einn kaflinn í sögu þessara félaga
þar sem deilt er um leikmenn og
samningsstöðu þeirra. Sem dæmi
má nefna mál Helga Sigurðssonar
og Bo Henriksen knattspyrnu-
manna.
Matsmaður kvaddur fyrir héraðsdóm
VISA-bikar karla
Landsbankadeild kvenna:
Meistaradeild Evrópu:
Norska úrvalsdeildin:
Sænska úrvalsdeildin:
Norskir fjölmiðlar hafa
fjallað um frumraun Gunnars
Heiðars Þorvaldssonar í norska
boltanum um helgina. Dagblaðið
nefnir hversu mikið hann líkist
Morten Gamst Pedersen sem
spilar nú með Blackburn.
Gunnar Heiðar spilaði fyrstu 63
mínúturnar í 3-2 sigri Vålerenga á
Start. „Ég er sáttur við Gunnar
Heiðar. Hann byrjaði mjög vel en
síðan dró aðeins af honum,” sagði
Harald Aabrekk, þjálfari
Vålerenga, eftir leikinn en
Gunnar Heiðar og Christian
Grindheim þóttu ná vel saman í
byrjun leiksins.
Þykir afar líkur
Morten Gamst
NBA-stjörnurnar voru
í aðalhlutverki á fyrsta degi
Evrópukeppni landsliða sem hófst
á Spáni í gær.
Dirk Nowitzki var með 35 stig í
83-78 sigri Þjóðverja á Tékkum,
Tony Parker var með 16 stig og 4
stoðsendingar í 74-66 sigri Frakka
á Pólverjum og Andrei Kirilenko
var með 24 stig og 12 fráköst í 73-
65 sigri Rússa á Serbíu. Þá unnu
Spánverjar auðveldan 82-56 sigur
á Portúgal þar sem Pau Gasol var
stigahæstur með 19 stig.
Sarunas Jasikevicius, leikmaður
Golden State, var með 18 stig í 86-
69 sigri Litháena á Tyrkjum.
NBA-stjörnur
atkvæðamiklar
Bergur Ingi
Pétursson úr FH bætti í gær
Íslandsmetið í sleggjukasti í
fimmta sinn á árinu og braut
jafnframt 70 metra múrinn þegar
hann kastaði 70,30 metra á 19.
Coca Cola móti FH í Kaplakrika.
Bergur hefur nú bætt
Íslandsmetið um 4,02 metra á
þessu ári en í mars bætti hann
met Guðmundar Karlssonar sem
var 66,28 m frá árinu 1994.
Bergur fór yfir
70 metrana
Fjölnismenn eru komnir í
úrslitaleik VISA-bikars karla eftir
2-1 sigur á Fylki í framlengdum
undanúrslitaleik á Laugardals-
vellinum í gærkvöldi. Þetta er í
fyrsta sinn sem Fjölnir kemst í
bikarúrslitaleikinn og aðeins í
þriðja sinn frá upphafi sem lið
utan efstu deildar spilar bikar-
úrslitaleik á Laugardalsvellinum.
Síðast gerðist það þegar KA komst
alla leið árið 2001 en Grindvíkingar
fóru líka alla leið sjö árum áður.
Það var Atli Viðar Björnsson
sem skoraði sigurmark Fjölnis á
112. mínútu leiksins eftir að hafa
fengið langa sendingu inn fyrir
Fylkisvörnina. Atli Viðar stakk
David Hannah af og skoraði af
mikilli yfirvegun. Þetta var
kannski súrsætt sigurmark því
Atli Viðar má ekki taka þátt í
úrslitaleiknum þar sem að hann er
í láni frá FH, mótherjum Fjölnis-
manna 6. október næstkomandi.
Það var ljóst frá byrjun leiks að
vindurinn myndi spila stórt hlut-
verk þar sem það gekk rok og
vatnsveður eftir endilöngum vell-
inum. Fjölnismenn léku með vindi
fyrir hlé og hvort sem Fylkismenn
vanmátu mótvindinn eða misstu
hvað eftir annað einbeitingu í
sendingunum þá töpuðu þeir
mörgum boltum á miðjunni sem
gaf Fjölni kifæri á að sækja hratt
á þá. Framan af leik var það því 1.
deildarliðið sem sá um að skapa
mestu hættuna.
Hinir eldfljótu framherjar
Fjölnis voru duglegir að keyra á
varnarmenn Fylkis sem lentu í
miklum vandræðum en gátu þakk-
að fyrir að lítið kom úr sóknarað-
gerðum Fjölnismanna þegar þeir
voru komnir upp að markinu.
Fylkismenn biðu átekta og víst
að Fjölni tókst ekki að nýta kæru-
leysislegar sendingar úr öftustu
varnarlínu; má segja að
þolinmæðin hafi borið árangur.
Peter Gravesen átti snilldar-
sendingu inn fyrir vörnina á
markamínútu fyrri hálfleiks og
Albert Ingason stakk varnarmenn
Grafarvogsliðsins og skoraði í
gegnum klof markvarðarins
Þórðar Ingasonar sem mætti
honum á nærstöng.
Fjölnisliðið var þó ekkert á því
að brotna þrátt fyrir að hafa fengið
þetta mark á sig rétt fyrir hálfleik.
Liðið kom af miklum krafti inn í
seinni hálfleikinn og það leið ekki
á löngu áður en leikurinn var aftur
orðinn jafn. Fjölnismenn höfðu
ekki nýtt hornspyrnur sínar fram-
an af leik en í kjölfar þeirrar ell-
eftu varði Víðir Leifsson skot Atla
Viðars Björnssonar með hendi og
Jóhannes Valgeirsson dæmdi víta-
spyrnu sem Gunnar Guðmunds-
son skoraði úr af miklu öryggi.
Það skall oft hurð nærri hælum
það sem eftir lifði leiks og bæði lið
fengu tækifæri til að komast yfir.
Albert Ingason átti skot í slána
ellefu mínútum fyrir leikslok
skömmu eftir að Fjalar Þorgeirsson
hafði varið skalla Fjölnismannsins
Ómars Hákonarsonar af örstuttu
færi. Færin voru fleiri en hvorugu
liðinu tókst að bæta við og því
varð að framlengja.
Það var vel hægt að sjá það í
þessum leik af hverju Fjölnir er
búinn að skora 51 mark í 18 leikj-
um í 1. deildinni í sumar. Liðið var
þarna að skapa einu besta
varnarliði Landsbankadeildar-
innar mikil vandræði og sýndi að
það er engin tilviljun að menn eru
að upplifa ævintýrasumar í
Grafarvogi þar sem félagið er
komið í bikarúrslitaleikinn og með
annan fótinn upp í Landsbanka-
deildina.
Það verða FH og Fjölnir sem spila til úrslita um VISA-bikar karla. Það var ljóst
eftir 2-1 sigur 1. deildarliðs Fjölnis á Fylki í framlengdum undanúrslitaleik í gær.