Fréttablaðið - 30.12.2007, Blaðsíða 56

32 30. desember 2007 SUNNUDAGUR
N1-deildarbikar karla:
Haukar-Fram 28-29 (14-17)
Mörk Hauka: Kári Kristján Kristjánsson 9 (12),
Sigurbergur Sveinsson 7 (11), Andri Stefan 4 (10),
Halldór Ingólfsson 2/2 (2/2), Gísli Jón Þórisson 2
(3), Freyr Brynjarsson 2 (5), Gunnar Berg Viktors-
son 1 (2), Pétur Pálsson 1 (3).
Varin skot: Magnús Sigmundsson 2 (11/2)
18,2%, Gísli Guðmundsson 11(31/1) 35,5%
Hraðaupphlaup: 4 (Andri 1, Kári, Gunnar Berg)
Fiskuð víti: 2 (Sigurbergur, Gísli)
Utan vallar: 6 mínútur
Mörk Fram: Jóhann Gunnar Einarsson 7 (11),
Andri Berg Haraldsson 6/3 (10/3), Einar Ingi
Hrafnsson 4 (8), Stefán Stefánsson 3 (4), Hjörtur
Hinriksson 3 (6), Haraldur Þorvarðarson 3 (9),
Guðjón Finnur Drengsson 1 (2), Rúnar Kárason 1
(3), Halldór Jóhann Sigfússon 1 (3).
Varin skot: Björgvin Gústavsson 13 (38/1)
34,2%, Magnús Gunnar Erlendsson 5 (8/1)
62,5%
Hraðaupphlaup: 2 (Stefán, Jóhann Gunnar)
Fiskuð víti: 3 (Halldór Jóhann 2, Guðjón)
Utan vallar: 10 mínútur
N1-deildarbikar kvenna:
Fram-Valur 21-26 (8-14)
Mörk Fram: Stella Sigurðardóttir 8/5 (14/6),
Sigurbjörg Jóhannsdóttir 4 (6), Pavla Nevarilova
4 (7), Marthe Sördal 3 (5), Sara Sigurðardóttir 2
5(), Karen Einarsdóttir (1), Ásta Birna Gunnars-
dóttir (4/1), Þórey Rósa Stefánsdóttir (6)
Varin skot: Karen Einarsdóttir 15 (41/2) 36,6%
Hraðaupphlaup: 5 (Nevarilova 2, Sara, Sördal,
Sigurbjörg)
Fiskuð víti: 7 (Nevarilova 4, Þórey, Sara, Stella)
Utan vallar: 14 mínútur
Mörk Vals: Kristín Guðmundsdóttir 10 (15), Íris
Ásta Pétursdóttir 4 (4), Ágústa Edda Björnsdóttir
4 (9), Hafrún Kristjánsdóttir 3/2 (4/3), Katrín
Andrésdóttir 2 (7), Dagný Skúladóttir 2 (7),
Hildigunnur Einarsdóttir 1 (2)
Varin skot: Berglind Íris Hansdóttir 17/1 (37/5)
45,9%, Jolanta Slapikiene (1/1) 0%
Hraðaupphlaup: 6 (Dagný 2, Íris 2, Kristín,
Ágústa)
Fiskuð víti: 3 (Anna María, Dagný, Ágústa)
Utan vallar: 10 mínútur
Þýski handboltinn:
Wilhelmshavener - Flensburg 27-40
Gylfi Gylfason skoraði átta mörk fyrir Wilhelms-
havener, Einar Hólmgeirsson og Alexander
Petersson skoruðu báðir tvö mörk fyrir Flensburg.
Füchse Berlin - Göppingen 27-23
Jaliesky Garcia Padron skoraði fimm mörk fyrir
Göppingen.
Balingen - Rhein-Neckar Löwe 35-33
Lemgo - Wetzlar 27-19
Logi Geirsson var ekki í leikmannahópi Lemgo.
Gummersbach - GWD Minden 32-25
Guðjón Valur Sigurðsson skoraði sex mörk fyrir
Gummersbach, Róbert Gunnarsson skoraði þrjú
en Sverre Jakobsson komst ekki á blað. Einar Örn
Jónsson var markahæsti leikmaður Minden með
sex mörk.
TuS N-Lübbecke - Nordhorn 31-30
Birkir Ívar Guðmundsson varði eitt skot í marki
Lübbecke en Þórir Ólafsson lék ekki með liðinu.
Tussem Essen - Magdeburg 35-30
Kiel - Grosswallstadt 33-21
Hamburg - Melsungen 38-25
ÚRSLITIN Í GÆR
HANDBOLTI Valur varð í gær N1-
deildarbikarmeistari kvenna
þegar liðið lagði Fram, 21-26. Valur
hafði yfirhöndina allan leikinn og
vann öruggan sigur á baráttuglöðu
liði Fram sem gafst aldrei upp þó
að munurinn hafi farið í átta mörk
snemma í síðari hálfleik.
Valsstelpur mættu mjög ákveðn-
ar til leiks og spiluðu frábæra
vörn allan fyrri hálfleikinn. Liðið
komst fljótt yfir og jók forskot sitt
jafnt og þétt er leið á hálfleikinn
og þegar hálfleiksflautið gall mun-
aði sex mörkum á liðunum, 8-14.
Fram skoraði fyrsta mark síðari
hálfleiks en svo komu þrjú mörk
Vals og munurinn því orðinn átta
mörk, 9-17. Þá slökuðu Valsstelpur
á klónni. Öflugur varnarleikur
liðsins hvarf eins og dögg fyrir
sólu og Framstelpur gengu á lagið
og minnkuðu muninn í tvö mörk,
18-20.
Kristín Guðmundsdóttir skoraði
þá þrjú af fjórum næstu mörkum
leiksins og Valur náði aftur
öruggri forystu sem liðið lét ekki
af hendi. Sanngjarn fimm marka
sigur Vals, 21-26, því staðreynd.
Kristín Guðmundsdóttir fór
mikinn í liði Vals og skoraði 10
mörk, þar af 6 síðustu 15 mínútur
leiksins. Kristín hefur ekki náð
sér á strik með Val í vetur og vildi
ólm bæta úr því nú þegar mikið
var í húfi. „Það vantaði að koma
mér í gang. Ég hef ekki spilað
mjög vel og sjálfstraustið hefur
vantað. Ég ákvað að reyna að gera
mitt allra besta í dag,“ sagði
Kristín sem ásamt Berglindi Hans-
dóttur, markverði Vals, var besti
leikmaður vallarins.
Kristín sagði að þreyta umfram
annað hefði valdið því að Valur
missti örugga forystuna í seinni
hálfleik. „Þær eru mjög sterkar.
Gefast aldrei upp og maður þarf á
öllu sínu að halda gegn þeim.
Þegar við slökuðum á í vörninni þá
tók Berglind við í markinu. Hún
varði það sem slapp í gegn. Það
small allt í dag,“ sagði Kristín sem
vildi að lokum hrósa umgjörðinni
hjá HSÍ og N1 í deildarbikarnum.
„Það var frábær umgjörð hér í
dag hjá HSÍ. Stemning í húsinu og
dúkurinn á gólfinu. Þetta var rosa-
lega gaman. Vonandi verður þetta
hefð og fólk fjölmennir á völlinn.“
Einar Jónsson, þjálfari Fram,
sagði lið sitt hafa eyðilagt fyrir
sér sjálft með slökum fyrri hálf-
leik. „Við vorum of langt frá Vals-
liðinu. Þetta er of gott lið til að
elta. Ég hélt að við myndum ná
þeim og jafna í síðari hálfleik, þá
hefði allt getað gerst en við náðum
því ekki. Við fórum með alltof
mörg dauðafæri, víti og dauðafæri
í hornunum. Berglind varði alltof
mikið af dauðafærum. Hún er auð-
vitað frábær markvörður en við
hefðum átt að gera betur,“ sagði
Einar. - gmi
Kristín og Berglind fóru á kostum þegar kvennalið Vals lagði Fram og tryggði sér deildarbikarmeistaratitilinn:
Valsvörnin alltof sterk fyrir Framstúlkur
SIGRINUM FAGNAÐ Valsstúlkur fóru
með sigur af hólmi í úrslitaleik N1-deild-
arbikarsins gegn Fram. Hér sjást þær
fagna sigrinum um leið og lokaflautan
gall. FRÉTTABLAÐIÐ/VALLI
BIKAR Á LOFT Hafrún Kristjánsdóttir hampar deildarbikarmeistaratitlinum í Laugar-
dalshöll í gær. FRÉTTABLAÐIÐ/VALLI
HANDBOLTI Dramatíkin var allsráð-
andi í Laugardalshöll í gær. Fram
varð deildabikarmeistari eftir 30-
28 sigur á Haukum en þær tölur
eru rangar þar sem eitt marka
Framara var tvískráð í fyrri hálf-
leiknum. Lesa má nánar um það
annarsstaðar á síðunni.
Haukar byrjuðu betur og kom-
ust í 3-1 en Framarar svöruðu því
með þremur mörkum. Liðin skipt-
ust á að skora en í stöðunni 9-10
skoruðu Framarar fjögur mörk í
röð og náðu fimm marka forystu.
Haukar skoruðu tvö síðustu mörk
fyrri hálfleiks og var staðan 14-17
í hálfleiknum.
Fram skoraði fyrsta mark síð-
ari hálfleiks en Haukar hófu hægt
og rólega að minnka muninn og
þegar tólf mínútur voru eftir af
leiknum komust Haukar yfir 23-
22. Þá skiptust liðin á að skora þar
til Fram komst aftur yfir, 25-26,
er átta mínútur voru eftir af
leiknum.
Magnús Erlendsson kom í mark
Fram á lokasprettinum og gerði
gæfumuninn. Hann varði fimm af
átta skotum sem komu á markið á
sama tíma og sóknarmenn Fram
áttu sífellt erfiðara með að koma
boltanum framhjá Gísla Guð-
mundssyni í marki Hauka.
Lokamínúta leiksins var æsi-
spennandi. Halldór Ingólfsson
jafnaði metin úr vítakasti þegar
nákvæmlega mínúta var eftir af
leiknum. Fram fór í sókn en missti
boltann klaufalega. Haukar brun-
uðu upp völlinn í leit að jöfnunar-
markinu. Haukar misstu boltann í
óðagoti og Fram brunaði upp völl-
inn þar sem Rúnar skoraði síðasta
mark leiksins.
Jóhann Gunnar Einarsson átti
mjög góðan leik fyrir Fram og
mætti einkar glaðlyndur í viðtal
eftir leik „Þetta var mjög sætt. Við
lögðum mikið á okkur í þessari
keppni. Þetta var mjög erfið
keppni að spila svona tvo daga í
röð í pásunni strax eftir jólin en
vel þess virði. Það er frábær
umgjörð á þessu móti og ég bjóst
ekki við þessu svona flottu. Þetta
var frábært,“ sagði Jóhann.
Aron Kristjánsson var að vonum
svekktur með tapið en hafði engu
að síður gaman að skemmtilegum
leiknum. „Þetta var hörkuleikur.
Við misstum þá of mikið fram úr
okkur í fyrri hálfleik. Spiluðum
ekki nægjanlega góða vörn og
markvarslan var eftir því. Það
gerir það að verkum að við eltum
þá of mikið og höfðum ekki marga
leikmenn að skipta inn. Við komum
okkur inn í leikinn aftur með mikl-
um baráttuvilja. Við neituðum að
gefast upp og ætluðum að vinna
þennan leik. Við jöfnum leikinn og
svo er óðagot í restina sem gerir
það að verkum að við náum ekki
að jafna aftur,“ sagði Aron sem
vildi að lokum óska Fram til ham-
ingju með sigurinn. - gmi
Framarar sigldu til sigurs með herkjum
Fram tryggði sér N1-deildarbikarinn með sigri á Haukum í dramatískum leik. Eftir æsispennandi lokamín-
útur tryggðu Framarar sér sigur eftir kaflaskiptan og stórskemmtilegan úrslitaleik í Laugardalshöll.
ÖLL SUND LOKUÐ Guðjón Finnur
Drengsson reynir að finna leið framhjá
vörn Hauka sem tekur fast á horna-
manninum knáa. FRÉTTABLAÐIÐ/ARNÞÓR
SIGRI HAMPAÐ Framarar stilltu sér upp í myndatöku eftir sigurinn á Haukum í gær
og fögnuðu titlinum með stæl. FRÉTTABLAÐIÐ/ARNÞÓR
HANDBOLTI Íslenska u-18 ára
landslið karla í handbolta tapaði
fyrir Frökkum í úrslitaleik Hela
cup í Þýskalandi í gærkvöld, 40-
36. Liðið gerði mjög vel með því
að komast í úrslitin en það vann
Þjóðverja í undanúrslitum 34-33 í
gær.
Í fyrradag spilaði íslenska
landsliðið þrjá leiki, það vann
Pólverja og lið frá Saar héraði en
tapaði illa fyrir Frökkum sem vann
riðilinn. Frakkar urðu aftur
banamenn Íslands í úrslitunum en
liðið bætti sig mikið í þeim leik frá
tapinu í riðlinum. Liðið getur því
vel unað árangurinn á hinu sterka
og glæsilega móti í Þýskalandi. - hþh
U-18 ára landslið Íslands:
Tapaði í úrslit-
um á Hela cup
HANDBOLTI Sú nýbreytni að spila
deildarbikarinn á
milli fjögurra
efstu liða N1-
deildarinnar
heppnaðist frá-
bærlega eða
allt þar til
tímaverðir
gáfu Fram
aukamark um
miðbik
úrslita-
leiks
liðs-
ins og Hauka í karlaflokki í gær.
Um miðbik fyrri hálfleiks ráku
blaðamenn í blaðamannastúkunni
upp stór augu. Fram hafði skorað
marki meira en bókhald allra
blaðamanna í stúkunni sýndi. Eftir
miklar vangaveltur og yfirferð
komust blaðamenn að því mistök
hefðu átt sér stað á tímavarða-
borði en ekki í blaðamannastúk-
unni. Aðstoðarmaður þjálfara
Fram, Einar Björnsson, spurði
undirritaðan í hálfleik hvort hann
hefði misst af marki.
Undirritaður benti öðrum dóm-
ara leiksins, Antoni Pálssyni, á
mistökin í
hálfleik og
eins var
ritara og eftirlitsdómara bent á
mistökin. Engu að síður var ekkert
aðhafst.
Ritari skráði einu marki fleira á
Andra Berg Haraldsson. Þulur
leiksins sem einnig hélt skor bar
saman með blaðamönnum fjölda
marka Andra, sem voru sex, en
ekki með ritara.
Ríkissjónvarpið sýndi beint frá
leiknum. Hálfleikstölur þeirra
sýndu 14-17, en ekki 14-18, líkt og
skorklukkan í höllinni. Tölfræð-
ingar Ríkissjónvarpsins voru með
réttan markafjölda hjá Andra en
voru með einu marki ofaukið á
Jóhanni Gunnari Einarssyni því
tölfræðingur sjónvarpsins rang-
lega skráði eitt marka Einars Inga
Hrafnssonar á Jóhann. Það var
leiðrétt á þann máta að marki var
bætt við skor Einars Inga en ekki
dregið af Jóhanni.
Leikurinn hefði vafalaust spil-
ast öðruvísi hefði ritari haldið rétt
um stöðu leiksins og þá sérstak-
lega spennandi lokamínútur hans.
Bæði lið og HSÍ munu vafalaust
fara vel yfir sjónvarpsupptökur af
leiknum en Aron Kristjánsson,
þjálfari Hauka, kallaði eftir því að
annar leikur yrði leikinn ef skor
blaðamanna reynast rétt. Jóhann
Gunnar vildi ekki láta þetta
skyggja á sigurgleði sína og sagði
einfaldlega. „Ég nenni ekki að
spila annan leik í bráð, ég er frek-
ar þreyttur, það er klárt.“ - gmi
Mistök voru gerð á ritaraborðinu í úrslitaleik Fram og Hauka í gær þegar eitt markanna var tvískráð:
Aron vill láta spila úrslitaleikinn aftur
ÓSÁTTUR Aron Kristjánsson vill
láta endurtaka úrslitaleikinn.