Fréttablaðið - 11.06.2008, Blaðsíða 2
MARKAÐURINN 11. JÚNÍ 2008 MIÐVIKUDAGUR2
F R É T T I R
„Fjármálafyrirtæki vega þungt í
Úrvalsvísitölunni. Gengi þeirra
hefur lækkað miklu meira en
flestar aðrar greinar,“ segir
Þórður Friðjónsson, forstjóri
Kauphallarinnar.
Úrvalsvísitalan lækkaði næst-
mest allra vísitalna í heimi á
fyrstu fimm mánuðum ársins.
Þetta kemur fram í sænska dag-
blaðinu Dagens Industri. Aðeins
hlutabréfavísitalan í kauphöll-
inni í Víetnam lækkaði meira á
sama tíma.
Mest var hækkunin í kauphöll-
inni í Afríkuríkinu Gana en hluta-
bréfavísitalan þar stökk upp um
rúm 45 prósent á fyrstu fimm
mánuðum ársins. Á eftir fylgja
markaðir í Mið-Austurlöndum.
Hlutabréfavísitalan í kauphöll
Ho Chi Minh-borgar féll um 56,5
prósent á sama tíma og Úrvals-
vísitalan seig um 37,9 prósent.
Úrvalsvísitalan lækkaði sömu-
leiðis mest allra vísitalna í Vestur-
Evrópu á tímabilinu. Á eftir
koma SOFX-vísitalan í kauphöll-
inni í Búlgaríu og Belex-vísital-
an í kauphöllinni í Júgóslavíu. Sú
síðasttalda lækkaði um 23,3 pró-
sent. - jab
M E S T A L Æ K K U N
Vísitala Land Lækkun
1. Ho Chi Minh Víetnam - 56,6%
2. OMX-15 Ísland -37,9%
3. ISE Pakistan -31,0%
4. CSI Kína -28,5%
5. CSE Indland -28,0%
6. BSE Sensex Indland -26,4%
7. PSE Filippseyjar -26,1%
8. Sofix Búlgaría -25,6%
9. Belex-15 Júgóslavía -23,3%
10. Gaborone Botsvana -22,8%
G E N G I S Þ R Ó U N
Vika Frá ára mót um
Atorka -2,3% -32,1%
Bakkavör -1,9% -43,6%
Exista -7,8% -52,8%
Glitnir -0,9% -22,8%
Eimskipafélagið -2,4% -42,4%
Icelandair -13,2% -35,9%
Kaupþing -1,0% -13,6%
Landsbankinn -2,4% -31,8%
Marel -4,6% -11,3%
SPRON -5,6% -51,8%
Straumur -4,5% -30,3%
Teymi -11,3% -51,3%
Össur -2,5% -3,8%
*Miðað við lokagengi í Kauphöll á mánudag.
Samskip útskrifaði 5. júní síðast-
liðinn á sjötta tug erlendra
starfsmanna úr íslenskunámi.
Um sjötíu starfsmenn stunduðu
íslenskunám á vegum félagsins
í vetur.
Markmiðið með náminu var
að auka tjáskipti milli samstarfs-
félaga, auka starfsánægju og
auka möguleika á starfsþróun
innan fyrirtækisins. Hefur fé-
lagið lagt áherslu á íslenskunám
meðal erlendra starfsmanna til
að styrkja þá í starfi.
Nú voru útskrifaðir fjórir
hópar, alls 53 starfsmenn. Fyrir
áramót voru útskrifaðir 52
starfsmenn, sem flestir héldu
áfram námi eftir áramótin, auk
þess sem nokkrir bættust í hóp-
inn. Alls starfa 83 starfsmenn
af erlendum uppruna, frá sex-
tán löndum, hjá Samskipum á
Íslandi.
Samskip útskrifa erlent
starfsfólk úr íslenskunámi
ÚTSKRIFT Krystian Baranowski, starfsmaður í Vörumiðstöð Samskipa, tekur við prófskír-
teininu úr hendi Erlu Bolladóttur hjá Alþjóðahúsi.
KAUPHÖLL ÍSLANDS Úrvalsvísitalan í
Kauphöllinni lækkaði mest allra vísitalna
í evrópskum kauphöllum á fyrstu fimm
mánuðum ársins. MARKAÐURINN/STEFÁN
Ísland lækkaði mest
Hrein eign lífeyrissjóðanna jókst
um þrjátíu milljarða króna í apríl,
að því er fram kemur í nýjum
tölum frá Seðlabankanum.
Heildareignir sjóðanna námu
þá 1.739 milljörðum.
Verðbréfaeign sjóðanna með
föstum tekjum jókst um ríflega
fjórtán milljarða króna. Verð-
bréfaeign með breytilegum tekj-
um um 22,5 milljarða.
Ætla má að iðgjöld lífeyris-
sjóða nemi samanlagt um tíu
milljörðum króna á mánuði. Þá
er ekki gert ráð fyrir séreignar-
sparnaði. - ikh
Enn vaxa eignir
lífeyrissjóðanna
Ingimar Karl Helgason
skrifar
„Þetta eru ákveðin viðbrögð
við ástandi á markaðnum. Það
er töluvert framboð á húsnæði
og ákveðin mettun, auk þess
sem teikn eru á lofti í efnahags-
málunum,“ segir Már Másson,
upplýsingafulltrúi Glitnis.
Fram hefur komið í Mark-
aðnum að veðhlutfall íbúðalána
hjá Glitni og Landsbankanum
er komið niður í sjötíu prósent
af markaðsvirði. Landsbank-
inn lánar enn fremur ekki fyrir
meiru en sem nemur brunabóta-
og lóðamati fasteignar.
Það er af sem áður var þegar
bankarnir lánuðu fyrir níutíu
prósentum af markaðsvirði, í
sumum tilvikum kaupverðið allt.
Gylfi Magnússon, dósent við
Háskóla Íslands, segir að bank-
arnir telji vera talsverðar líkur
á lækkun fasteignaverðs „og þar
með að veð rýrni“. Þá megi hafa
í huga að vextir séu svo háir
að það eykur líkurnar á að lán-
takendur geti ekki staðið undir
vaxtagreiðslum. „Það, ásamt
versnandi atvinnuhorfum og
versnandi horfum í fyrirtækja-
rekstri, eykur líkurnar á því að
það reyni á veð.“
Gylfi segir það einnig skipta
máli að bankarnir reyni nú að
halda aftur af útlánum sem mest
þeir geti. „Til þess að það tak-
markaða lausa fé sem þeir hafa
nýtist lengur. Hvort tveggja
dregur úr vilja og getu bankanna
til að veita húsnæðislán.“
Þórólfur Matthíasson,
prófessor við Háskóla Íslands,
sagði í síðasta Markaði, að lækk-
andi veðhlutfall kynni að vera
merki um að banki sé, að minnsta
kosti tímabundið, að draga sig út
af húsnæðismarkaði. Már Más-
son segir svo ekki vera. „Við
erum ábyrg fjármálastofnun og
stillum veðhlutfallið eftir að-
stæðum.“ Menn hafi metið það
svo að hægjast muni um á fast-
eignamarkaði.
Þórólfur Matthíasson sagði
einnig að lækkun veðhlutfalls
kynni að vera til merkis um að
lánveitendur telji verð eigna of
hátt nú og að verðið verði lægra
í framtíðinni. „Lækkun veðhlut-
falls væri þá varúðarráðstöfun
sem ætlað væri að tryggja hags-
muni skuldareiganda kæmi til
greiðslufalls í framtíðinni.“
Seðlabankinn og fjármálaráðu-
neyti spá töluverðri lækkun fast-
eignaverðs. Seðlabankinn hefur
spáð þrjátíu prósenta raunlækk-
un og á dögunum kom fram hjá
aðalhagfræðingi bankans að það
kynni að vera vanmetið.
Bankarnir búa sig
undir verðlækkun
Glitnir segist lækka veðhlutfall íbúðalána vegna aðstæðna á
markaði. Lækkun fasteignaverðs er fyrirsjáanleg. Dósent segir
auknar líkur á að lántakendur standi ekki undir háum vöxtum.
V E X T I R O G V E Ð H L U T F A L L
Vextir í prósentum Veðhlutfall í prósentum
Landsbanki 6,3 og 7,8 70 af markaðsvirði*
Glitnir 6,5 70 af markaðsvirði
Kaupþing 6,4 80 af markaðsvirði
SPRON 6,85 og 7,55 75 af markaðsvirði**
Gildi lífeyrissj 4,94 og 5,95 65 af fasteignamati eða sölumati**
LSR 5,26 og 5,75 65 af fasteignamati eða markaðsvirði*
Íbúðalánasjóður 5,2 og 5,7% 80 af af kaupverði
* Aldrei meira en 100 prósent af lóða- og brunabótamati
** Aldrei yfir brunabótamati # Hámarkslán 18 milljónir króna
Gengi hlutabréfa í DeCode,
móður félagi Íslenskrar erfða-
greiningar, fór undir einn banda-
ríkjadal í gær og hafði aldrei
verið lægra. Um miðjan dag stóð
það í 96 sentum á hlut.
DeCode var skráð á Nasdaq-
hlutabréfamarkaðinn í Banda-
ríkjunum árið 2000. Gengi bréf-
anna endaði í 25,44 dölum á hlut
á fyrsta degi og fór hæst í 28,75
dali 11. september sama ár. Eftir
það tók það að lækka jafnt og
þétt með stöku sveiflum. Miðað
við gengið í gær hefur það fallið
um 96 prósent frá fyrsta degi.
Fyrir skráningu bréfanna voru
dæmi um að þau gengju kaup-
um og sölum á gráum markaði
á rúma sextíu dali á hlut. Hafi
hlutafjáreigandi keypt bréf í
DeCode fyrir eitt hundrað þús-
und krónur á þeim gráa nemur
verðmæti bréfa hans í dag um
1.700 krónum. Það dugar fyrir
einum bíómiða – að Regnbogan-
um undanskildum – stórum poka
af poppi og kók. Eftir standa
hundrað krónur í stöðumæli. - jab
KÁRI STEFÁNSSON FORSTJÓRI
Sá sem keypti hlutabréf í DeCode
fyrir átta árum getur selt þau og farið
einu sinni í bíó fyrir andvirðið.
Bréf í DeCode aldrei lægri
ÍBÚÐIR Í REYKJAVÍK Svo virðist sem
bankarnir búi sig undir verulega verðlækk-
un íbúðarhúsnæðis. Það endurspeglast
meðal annars í lækkandi veðhlutfalli
íbúðalána. MARKAÐURINN/STEFÁN
Hlutafjárútboði Marel Food System lauk á föstu-
daginn var. Góð þátttaka var í útboðinu og var sjö
prósenta umframeftirspurn eftir hlutum í félag-
inu.
Stjórn félagsins ákvað að nýta ekki heimild til að
auka við hluti sem í boði voru. Heimild var fyrir því
að auka hlutafé um allt að 30 milljónir evra umfram
þær 117 milljónir sem í boði voru. Það var ekki gert
og því var hlutafé félagsins aukið um 117 milljónir
evra eða tæplega 14 milljarða íslenskra króna.
Ákveðið var að Landsbankinn, sem var annar
stærsti hluthafinn í Marel fyrir hlutafjárútboð-
ið, minnkaði hlutfallslega við hlutafjáreign sína
í Marel. Vilji stjórnarinnar stóð til að stuðla að
dreifðari hlutafjáreign sem og auknu floti hluta fé-
lagsins.
Að sögn Harðar Arnarsonar, forstjóra Marel
Food Systems hf., lýkur fjármögnun félagsins á
kaupum Stork Food Systems með þessu hlutafjár-
útboði, segir í tilkynningu. - as
Fjármögnun Marels
á kaupum í Stork lokið
HÖRÐUR ARNARSON Forstjóri Marel Food Systems.
FRÉTTABLAÐIÐ/GVA
Viðskiptavinir farsímafyrirtæk-
isins Nova eru nú orðnir tíu þús-
und talsins. Nova kom inn á mark-
aðinn fyrir um hálfu ári. Af þessu
tilefni fékk tíuþúsundasti við-
skiptavinurinn, Þorsteinn Hólm
Stefánsson, sautján ára nemi við
Menntaskólann Hraðbraut, Nokia
N95 8G-síma að launum. Á mynd-
inni má sjá Þorkel þar sem hann
fékk far með hjólavagni Nova um
leið og hann tók við gjöf í tilefni
áfangans.
Nova með tíu þúsund viðskiptavini
ÞORSTEINN HÓLM Hann var tíuþús-
undasti viðskiptavinur Nova og fékk af því
tilefni far með hjólavagni fyrirtækisins.