Fréttablaðið - 05.02.2009, Síða 35

FIMMTUDAGUR 5. FEBRÚAR 2009 7veljum íslenskt ● fréttablaðið ●
„Kettir eru sérhæfðustu
kjötætur á jörðinni og ekki
til sú kattartegund sem á sér
forsögu um að borða fisk,
enda þurfa þeir lífsnauðsyn-
lega ensím og amínósýrur
úr kjöti, sem ekki finnast í
fiski,“ segir Þorleifur Ágústs-
son, dýralífeðlisfræðingur
og stjórnarmaður Murr ehf.,
sem í mars setur á markað
fyrsta kattarmatinn úr ís-
lenskum kjötafurðum og sér-
sniðinn að líffræðilegri nær-
ingarþörf katta. „Íslendingar
búa við mikið dýraheilbrigði
og hafa aðgang að heilbrigð-
um sláturdýrum svo hrá-
efnið er afbragð, en afurðir
hafa ekki verið nýttar nógu
vel til þessa. Við höfum því,
í samstarfi við SH-Afurðir á
Blönduósi og Norðlenska á
Akureyri, nýtt hráefni sem
stimplað er til manneldis
fyrir ketti og lagt upp með
að nota engin viðbætt auka-
efni eða E-efni. Því er Murr-
kattarmatur lífrænn, nátt-
úrulegur og rétt samsettur
miðað við daglega orkuþörf
dýrsins.“ - þlg
Heilnæmur
kattarmatur
Umbúðir hins nýja Murr-kattar-
matar, en murr þýðir að mala.
Matvörur frá fyrirtækinu
Hollusta úr hafinu ehf. er nú
líka hægt að nálgast á netinu
en vefverslunin nattura.is hóf
nýlega sölu á vörum frá því.
Hollusta úr hafinu vinnur
matvöru úr þara og á heima-
síðu fyrirtækisins kemur
fram að þaranum er safn-
að í hreinum og ómenguðum
fjörum og er áhersla lögð á
verkun við bestu aðstæður.
Eitt af markmiðum fyrir-
tækisins er að endurvekja
þjóðlega hefð í matargerð og
stuðla að neyslu fólks á hollu
sjávarfangi. Einnig má nálg-
ast vörurnar í verslunum,
meðal annars í Heilsuhúsinu,
Heilsubúðinni Góð heilsa gulli
betri, Heilsuhorninu á Akur-
eyri og Fjarðarkaupum. - rat
Hollusta í
netverslun
Eyjólfur Friðgeirsson með vörur
frá Hollustu úr hafinu sem fást nú
líka á netinu. FRÉTTABLAÐIÐ/ANTON
Eitt af því heilsusamlegasta sem Ís-
lendingar láta inn fyrir sínar varir er
lýsi, hvort sem það er sopið af stút lýs-
isflösku eða innbyrt í pilluformi. Lýsi
er samheiti á fitu sem unnin er úr
sjávardýrum, en til eru margar gerð-
ir af lýsi, eins og þorskalýsi, loðnu-
lýsi, síldarlýsi, túnfisklýsi, háfalýsi,
hákarlalýsi og sardínulýsi, og meðan
enn voru stundaðar hvalveiðar við Ís-
land var einnig framleitt lýsi úr hval.
Þorskalýsi er ein besta uppspretta
A- og D-vítamína og var lengi notað til
að tryggja að almenningur fengi nægi-
legt magn af þessum vítamínum. Í lýsi
úr fiskum eru fitusýrurnar DHA og
EPA í flokki Omega-3 fitusýra. Þykir
nánast fullsannað að Omega-3 fitu-
sýrur dragi úr líkum á hjarta- og
æðasjúkdómum, en rannsóknir hafa
verið gerðar víða um heim þar sem
áhrif DHA og EPA á liðagigt, þung-
lyndi, eyrnabólgu í börnum og elliglöp
voru skoðuð. Hefur áhugi manna líka
vaknað á DHA og jákvæðum áhrifum
þess á meðgöngu, fóstur, þroska heila
og taugakerfis og ýmsa geðræna sjúk-
dóma. - þlg
Einhver besta uppspretta A- og D-vítamíns
Lýsi gerir augun falleg og hjartanu gott, svo fátt sé upp talið af heilsusamleg-
um eiginleikum þess.