Fréttablaðið - 09.02.2009, Blaðsíða 8

8 9. febrúar 2009 MÁNUDAGUR
EFNAHAGSMÁL Talsmenn helstu
fjármögnunarfyrirtækja, sem
hafa lánað til bílakaupa síðustu ár,
segjast enn ekki hafa þurft að taka
marga bíla aftur af skuldurum í
vandræðum. Verst stöddu skuldu-
nautarnir hafi kosið að frysta lán
sín um tíma.
„Nei, við höfum ekki þurft að
gera neitt óeðlilega mikið af því.
Þetta er ekki komið fram ennþá. Við
erum að reyna að taka bílana ekki
og höfum því fryst lánin til fjög-
urra mánuða. Að því loknu ætlum
við að frysta þau í fjóra mánuði til
viðbótar,“ segir Helga Hermanns-
dóttir hjá Avant.
Fyrirtækið láti sér vaxtagreiðsl-
ur duga á meðan. Um 4.600 manns
hafi fryst lán, af um 12.000 skuld-
urum. Helga sagðist ekki hafa
nákvæma tölu um bíla sem hafa
verið endurheimtir eftir efnahags-
hrunið, en skaut á að þeir væru
innan við hundrað talsins.
En ástandið gæti versnað þegar
fram vindur: „Margt fólk er á upp-
sagnarfresti og ekki enn orðið
tekjulaust,“ segir Helga.
Jóhann Fannar Sigurðsson hjá
Lýsingu segir að um 3.500 manns
hafi fryst bílalán sín til þriggja
mánaða og hafi þá greitt helm-
ing afborgana. Eftir fyrstu fryst-
ingu sé í boði að greiða 75 prósent
þeirra, en ekki allir nýti sér það.
Hann gefur ekki upp hve marg-
ir bílar hafi verið teknir af fólki,
en segir í kringum fimimtíu bíla.
Lýsing sé skráður eigandi að um
20.000 bílum.
Haraldur Ólafsson hjá SP-fjár-
mögnun segir að endurheimt bíla
hafi vissulega aukist en margir
hafi fryst afborganahluta lána
sinna og greiði því lægri fjárhæð
mánaðarlega en þeir greiddu
fyrir hrunið.
„Við erum ekki með fullt plan
af bílum og hlutfallslega er þetta
lítið, miðað við að við höfum
lánað í um 24.000 bílum,“ segir
Haraldur. Hann hefur þó ekki
nákvæmar tölur um endurheimt-
ur. Á heimasíðu SP eru 32 bílar
til sölu.
Frysting lána hjá þeim sem
fyrst fengu hana renni út 1. mars
hjá SP, en þá verði farið í annars
konar skuldbreytingu og varan-
legri, eins og hann orðar það. Um
hana má lesa hér til hliðar.
klemens@frettabladid.is
Mig langar til að …
... geta verið löt að loknum
vinnudegi þegar börnin eru sofnuð
enda eru letiköst eitt helsta áhuga-
mál mitt. Í sjónvarpssófanum með
Kellogg's Special K bliss og góða
bíómynd. Er það ekki bara allt í lagi?
Kristjana Guðbrandsdóttir,
blaðamaður og móðir
Kellogg’s Special K
kemur mér á sporið
Við fjölskyldan borðum alltaf morgunmat, eins og t.d. Kellogg's Special K.
Með vel samsettum morgunmat hættir mér miklu síður til að detta
í óhollustu á miðjum morgni eða fituríkan skyndibita í hádeginu.
Það er alltaf frábært að eiga gómsæta Special K stöng að grípa til,
því þá þarf ég heldur ekki að hafa minnstu áhyggjur af því að
innbyrða of margar hitaeiningar.
specialk.is
F
í
t
o
n
/
S
Í
A

F
I
0
2
4
2
9
1
1. Hvaða eini seðlabankastjóri
af þremur hafði beðist lausnar
frá embætti fyrir helgi?
2. Hvað hefur Grótta komist
oft í úrslit í bikarkeppninni í
handbolta?
3. Hver tók kápu Rögnu Árna-
dóttur dómsmálaráðherra í
misgripum á föstudag?
STJÓRNMÁL Fjölmiðlamaðurinn
Sigmundur Ernir Rúnarsson
hefur ákveðið að gefa kost á sér
í annað sæti á lista Samfylking-
arinnar í Norðausturkjördæmi.
Hann staðfesti þetta í samtali við
mbl.is á laugardag.
Sigmundi var sagt upp störf-
um á fréttastofu Stöðvar 2 fyrir
skömmu. Árið 2007 skrifaði Sig-
mundur ævisögu Guðna Ágústs-
sonar, þáverandi formanns Fram-
sóknarflokksins. - sh
Sigmundur Ernir Rúnarsson:
Fer fram fyrir
Samfylkinguna
STJÓRNMÁL Hvorki Sjálfstæðisflokk-
urinn né Framsóknarflokkurinn
hafa skilað ársreikningum vegna
ársins 2007 til Ríkisendurskoðunar,
þrátt fyrir að frestur hafi runnið út
fyrir rúmlega fjórum mánuðum.
Skilin eru erfið í fyrsta skipti þar
sem félagsárið í mörgum af félög-
um flokksins hefur verið frá hausti
til hausts, en ekki almanaksárið,
segir Sigfús Ingi Sigfússon, fram-
kvæmdastjóri Framsóknarflokks-
ins. Hann segir að ársreikningnum
verði skilað fljótlega eftir helgi, og
vinna við ársreikninga vegna árs-
ins 2008 sé þegar hafin.
Tekið hefur talsverðan tíma
að fá upplýsingar frá hátt í 200
aðildarfélögum, en vinnan er að
klárast, segir Andri Óttarsson,
framkvæmdastjóri Sjálfstæðis-
flokksins. Hann segir að reynt
verði að skila sem fyrst.
Stjórnmálaflokkum er nú skylt
að skila ársreikningum til Rík-
isendurskoðunar, samkvæmt
lögum um fjármál stjórnmála-
flokka, sem tóku gildi í ársbyrj-
un 2007. Þegar allir ársreikning-
ar hafa borist Ríkisendurskoðun
verða helstu upplýsingar úr þeim
birtar. Aðrir flokkar hafa þegar
skilað ársreikningum.
Lárus Ögmundsson, skrifstofu-
stjóri hjá Ríkisendurskoðun segist
reikna með því að skil vegna árs-
ins 2008 gangi betur, enda megi
alltaf búast við byrjunarörðug-
leikum. Eðlilegt sé að miða við að
flokkarnir skili ársreikningum
fyrir 1. júní næstkomandi.
- bj
Framsóknarflokkur og Sjálfstæðisflokkur ekki skilað ársreikningum vegna 2007:
Fyrstu skilin reynast erfið
ANDRI
ÓTTARSSON
SIGFÚS INGI
SIGFÚSSON
Gálgafrestur frystra myntlána
Helstu bílalánafyrirtækin segja verst stöddu skuldarana enn njóta góðs af frystingum lána. „Erum að
reyna að taka bílana ekki.“ Innköllun bíla hafi aukist, en teknir bílar hlaupi ekki á hundruðum.
LÚXUSBÍLL Mörg þúsund bílar á götum landsmanna eru í eigu fjármögnunarfyrir-
tækja og bílstjórarnir greiða af þeim reglulega. Þrjú fyrirtæki hafa lánað til kaupa
á um 56.000 bílum. Bíllinn á myndinni tengist efni fréttarinnar ekki beint.
FRÉTTABLAÐIÐ/ANTON
Sp-fjármögnun ætlar nú að hætta að frysta afborganahluta lána, enda hafi
þeir verið frystir í von um að krónan styrktist. Þá greiddi fólk einungis vexti
og lánið lengdist.
Nýja kerfið miðast við að teknar eru upprunalegar afborganir af myntkörfu-
láninu, t.d. 40.000 á mánuði og miðað við ef slíkt lán hefði verið tekið í
íslenskum verðtryggðum krónum. Þá er bætt ofan á 40.000 krónurnar 25
prósentum og afborgun verður því 50.000 á mánuði, í stað þess að vera
mun hærri, til dæmis 80.000.
Með þessum hætti á skuldarinn að geta greitt inn á höfuðstólinn líka og
skuldbreytingin er fólki að kostnaðarlausu. Hana má endurskoða, fari svo að
króna styrkist.
MYNTKÖRFULÁN MIÐUÐ VIÐ VERÐBÓLGU
Við erum að reyna að
taka bílana ekki og
höfum því fryst lánin til fjögurra
mánaða.
HELGA HERMANNSDÓTTIR
TALSMAÐUR AVANT
KÍNA, AP Lítils háttar regn féll á
hluta af Norður-Kína í gær, eftir
að stjórnvöld höfðu látið herinn
skjóta þúsundum eldflauga og
fallbyssuskota með „regngerð-
arefnum“ upp í himininn í þeim
tilgangi að framkalla rigningu.
Verstu þurrkar í manna minnum
þjaka íbúana á þessum slóðum.
4,4 milljónir manna er farið að
skorta drykkjarvatn. „Það verður
ekkert lát á þurrkunum um fyrir-
sjáanlegan tíma,“ sagði í tilkynn-
ingu frá kínversku veðurstofunni.
50-80 prósent minna regn en í
meðalári hefur fallið í Norður- og
Mið-Kína síðan í nóvember. Hálf
vetrarhveitiuppskeran er í hættu í
átta héruðum, að sögn Xinhua. - aa
Skaðræðisþurrkar í Kína:
Reyna að fram-
kalla rigningu
FERÐAÞJÓNUSTA Gistinætur á hót-
elum í desember síðastliðnum
voru um 58.800 og fjölgaði um
tíu prósent frá því í sama mán-
uði í fyrra. Mesta varð fjölgun-
in á Austurlandi, eða um 32 pró-
sent, og á höfuðborgarsvæðinu
um þrettán prósent. Á Norður-
landi fækkaði gistinóttunum um
25 prósent, en annars staðar stóð
hún nokkurn veginn í stað, að því
er fram kemur á vef Hagstof-
unnar.
Gistinætur á hótelum fyrir allt
árið 2008 voru tæplega 1.340.000,
og fjölgaði um tvö prósent frá
árinu 2007, þegar þær voru um
1.310.000. - sh
Fleiri desembergestir:
Hótelgestum
fjölgar milli ára
VEISTU SVARIÐ?