Tíminn - 04.03.1983, Page 7

FÖSTUDAGUR 4. MARS 1983

7
■ Það getur veríð svolítið heitt að bera loðfeld í sumarhitunum
í Ástralíu og hvað er þá betra en að taka sér sundsprett? Ja, það
væri þá ekki nema að fá sér smáslurk af bjór’.
Petra
nýtur
lystisemda
lífsins!
■ Hvíta kanínan hún Petra, sem á heima
í Melbourne í Ástralíu, kann heldur betur
að njóta gæða lífsins. Þegar heitt er í veðri,
tekur hún sér gjarna sundsprett, ásamt
eiganda sínum, Chris Bull, sem er 14 ára.
Að sundsprettinum loknum, veit hún
ekkert betra en að skella í sig svo sem tveim
undirbollum af köldum bjór!

sem þú tefldir í útlöndum?
„Já, ég vona að eigi kannske
eftir að fara aftur út að tefla."
Hvenær lærðirðu að tefla?
„Eg lærði mannganginn þegar
ég var 5 ára.“
Hver kenndi þér hann?
„Hann heitir Friðrik og er
eldri bróðir minn. Hann er 17
ára núna.“
Er hann góður?
„Já, já, en ég er alveg búinn
að ná honum núna.“
Ertu nokkuð kominn í skák-
skólann hans Friðriks Ólafsson-
ar?
„Nei, ekki ennþá, en ég ætla
að reyna að koma mér inn í
hann.“
Teflirðu mikið í skólanum?
„Nei, það er ekkert mikið teflt
þar nema svona í skólamótum
og svoleiðis. En ég er í Taflfé-
lagi Reykjavíkur. Ég fer oft á
þriðjudags og fimmtudagsæfing-
ar. Það mega allir fara á þær.
Það eru bæði 10 mínútna og 15
mínútna skákir og þeir sem
koma þangað eru bæði krakkar
og fullorðnir, en á laugardögum
eru æfingar fyrir 14 ára og yngri
og ég fer stundum þangað líka.“
Stúderarðu mikið um byrjanir
og svoleiðis?
„Já,dálítiðsvona byrjanabæk-
ur, Informator og svoleiðis."
Eru það ekki þykkar og erfiðar
bækur?
„Jú, voðatega þykkar, það eru
sjö hundruð og eitthvað skákir í
þeim og þær koma tvisvar á ári.“
Finnst þér þú læra mikið af
því að fara yfir skákirnar?
„Já, mér finnst iíka gaman
bara að skoða skákirnar."
Teflið þið mikið á heimilinu?
„Já, dálítið. Við bræðurnir
teflum mikið og höfum stundum
mót. Við erum þrír og ég er
yngstur.“
Ert þú kannske orðinn bestur?
„Nei, við erum svona svipað-
ir,“ segir skákmeistarinn og við
þökkum honum fyrir spjallið og
óskum honum velgengni í skák-
listinni.
JGK
erlent yfirlit
■ SUNNUDAGURINN 6.
marz verður mikill kosningadag-
ur í Vestur-Evrópu. Að sjálf-
sögðu eru það þingkosningarnar
í Vestur-Þýzkalandi, sem draga
■ Jacques Chirac
Mest hef ur verið deilt um
Deffeire og Chirac
Harðri kosningabaráttu að Ijúka í Frakklandi
að sér mesta athygli. Vegna
þeirra hefur það horfið meira í
skuggann, að sama dag fara fram
borgar- og sveitarstjórnarkosn-
ingar í Frakklandi.
Þessar kosningar þykja þó
líklegar til að hafa veruleg áhrif
á frönsk stjórnmál, þar sem
stjórnarandstæðingar hafa reynt
að draga landsmálin inn í
kosningabaráttuna og skorað á
kjósendur að nota tækifærið til
að segja álit sitt á stjórnarstefnu
Mitterrands.
Þetta þykir ekki óklókt af
stjórnarandstöðunni, því að frá
upphafi þótti líklegt, að stjórn-
arflokkarnir, sósíalistar og
kommúnistar, myndu verða fyrir
verulegu tapi í þessum kosning-
um.
Ástíeðan er sú, að þegar síðast
var kosið, eða 1977, unnu vinstri
flokkarnir mikinn sigur og mun
meiri en í fosetakosningunum
1981. Það hefur verið talið ólík-
legt að þeir héldu meirihlutanum
í öllum þeim borgum, þar sem
þeir unnu þá.
Aðalbaráttan milli flokkanna
er háð í 220 borgum, þar sem
íbúar eru fieiri en 30 þúsund. í
minni sveitarfélögum er flokka-
skipunin ógleggri og meira kosið
um heimamál.
í áðurnefndum 220 borgum
fengu vinstri flokkarnir í kosn-
ingunum 1977 meirihluta í 154
þeirra eða 61 fleiri en í næstu
kosningum á undan. Það hefur
þótt líklegt, að þeir muni missa
meirihlutann í ýmsum þeirra
borga, þar sem þeir fengu hann
í fyrsta sinn 1977.
Yfirleitt er vinstri flokkunum
spáð tapi, en það verður ekki
talið verulegt, þótt þeir missi
meirihlutann í 15-25 borgum,
þar sem þeir náðu honum í
kosningunum 1977.
Skoðanakannanir bentu til
þess fram eftir vetri, að tap
vinstri flokkanna yrði mjög veru-
legt. Síðustu kannanir hafa verið
þeim heldur hagstæðari.
Þótt margir flokkar taki þátt í
kosningunum stendur baráttan-
aðallega milli tveggja bandalaga
líkt og í forsetakosningunum
1981. Sósíalistar og kommúnist-
ar hafa myndað bandalag annars
vegar og Gaullistar og mið-
flokkabandalagið hins vegar.
Sambúðin milli miðflokka-
bandalagsins og Gaullista er nú
talin öllu betri en í forseta-
kosningunum 1981, því að Jacq-
ues Chirac, leiðtogi Gaullista,
veitti Giscard forseta ekki yfir-
lýstan stuðning í seinni umferð
þeirra. Nú hafa þeir ræðzt við og
telja sig standa vel saman.
■ Gaston Defferre
Kosningalögunum hefur verið
nokkuð breytt síðan 1977. Þá
fékk sá flokkur, sem hlaut 50%
greiddra atkvæða eða meira, alla
fulltrúana. Nú fær sá flokkur,
sem fær 50.01% greiddra at-
kvæða, helming fulltrúanna og
einn að auki. Afgangurinn skipt-
ist milli flokka í samræmi við
atkvæðamagn.
Það var stjórn Mitterrands,
sem kom þessari breytingu fram.
{ þeim borgum, þar sem eng-
inn einn flokkur fær meirihluta,
verður kosið aftur 13. marz.
Fyrst í þeirri umferð munu flokk-
arnir hafa með sér bandalög, en
bjóða fram sér í lagi 6. marz.
EINS og vænta má, beinist at-
hygli fjölmiðla mest að kosninga-
baráttunni í fáum borgum, þar
sem þekktar persónur koma við
sögu.
Ein borg hefur þó dregið að
sér langmesta athygli í þessu
sambandi. Það er Marseille.
Einn af helztu leiðtogum sósíal-
ista, Gaston Defferre, hefur ver-
ið borgarstjóri þar í 30 ár og
talinn ósigrandi. Nú gera and-
stæðingar hans sér vonir um að
geta lagt hann að velli.
Defferre, sem er 72 ára, hefur
jafnan verið mikill andstæðingur
kommúnista, en situr nú í stjórn
með þeim. Hann fer með eitt
erfiðasta ráðuneytið, innanríkis-
ráðuneytið, en undir það heyra
lögreglumálin.
Andstæðingar hans gera mikla
hríð að honum fyrir samstarf við
kommúnista og ótrausta stjórn
lögreglumáia, þar sem ýmiss
konar glæpir fari í vöxt.
Þetta gildir ekki sízt um Mar-'
seille, sem er mikil hafnarborg.
Margir útlendingar, einkum frá
Afríku og Asíu, hafa tekið sér
þar bólfestu í fátæklegu úthverfi,
sem stundum er kallað Harlem
Frakklands. Ýmis alþjóðleg
glæpasamtök virðast hafa komið
sér fyrir í Marseille.
Þótt Defferre geti bent á, að
margt hafi snúizt á betri veg í
Marseille í boigarstjórnartíð hans,
hefur vandamálum sízt fækkað,
því að ný hafa komið til sögunn-
ar.
Ástandið í Marseille var þó
miklu verra, þegar Deferre tók
við borgarstjórninni, en þá mátti
heita, að þar ríkti algert stjórn-
leysi, og alls konar óaldarlýður
færi sínu fram.
Miðflokkabandalagið og
Gaullistar hafa veirið sammála
um frambjóðanda gegn Def-
ferre. Hann er Jean-Claude-
Goudin, formaður þingflokks
miðflokkabandalagsins. Hann er
talinn eitt af helztu foringjaefn-
um þess.
SVO mikið kapp er í kosninga-
baráttunni í Marseille, að næst-
um allir helztu stjórnmálafor-
ingjar landsins hafa mætt þar á
kosningafundum,
Mesta athygli vakti fundurinn,
þar sem Chirac lét ljós sitt skína
og réðist harkalega á Defferre.
Chirac mátti þó tæpast við því
að fara frá París, en þar var hann
kjörinn borgarstjóri 1977 og sæk-
ir nú um endurkjör. Framtíð
hans sem flokksforingja og for-
setaefnis, getur oltið verulega á
úrslitunum í París.
Chirac hefur að mörgu leyti
reynzt ötull borgarstjóri. Borg-
arstjórnarembættið þótti ekki
neitt merkisembætti áður, en
Chirac hefur hafið það til vegs og
virðingar. Nú kemur tæpast sá
þjóðhöfðingi til Parísar, að hann
heilsi ekki upp á borgarstjórann.
Þetta eitt myndi þó ekki nægja
honum til sigurs, ef hann hefði
ekki beitt sér fyrir ýmsum mikl-
um framkvæmdum og haldið
fjármálum borgarinnar í góðu
horfi.
Fargjald með strætisvögnum
og neðanjarðarlestum hafa
dregizt inn í kosningabaráttuna.
Andstæðingar vinstri flokkanna
bera ekki ósjaldan saman far-
gjöld í París og Marseille. í París
eru þau 2.20 frankar, en í Mar-
seille. 3.80. í París stendur far-
miðasalan undir39% af kostnað-
inum.
Chirac hefur á mörgum svið-
um aukið framlög til svokallaðra
velferðarmála, t.d. hækkað elli-
styrk. Það getur því orðið vinstrí
flokkunum erfitt að glíma við
hann.
Þórarinn
Þórarinsson,
ritstjóri, skrifar