Tíminn - 24.08.1983, Blaðsíða 4

. 1 f
/1' 11
Krem og lotion
taktu bestu kosti hvors um sig
og þá hefurðu: CREMEDAS
Jafnvel bestu lotion og bestu
hörundskrem hafa ekki ciginleika
Cremedas.
Cremedas er nefnilega „bœði-og ’ V
hörundskrem og bodylotion í
einu.
1 Cremedas hefur mýkjandi,
nœrandi og verndandi eiginleika
kremsins. Þá eiginleika, sem halda húðinni mjúkri og þjálli.
Cremedas er ekki feitt eins og krem og leggst þess vegna
ekki í lag utan á húðinni.
2 Cremedas er þœgilegt í notkun. Það er auðvelt að bera á
sig og það hverfur fljótt inn í húðina, eins og lotion. Það
gefur húðinni þann raka, sem hún þarfnast tilað sporna við
þurrki, ertingu og sárindum. Hin góðu áhrif haldast lengur
en af venjulegu lotion.
Cremedas mýkir og verndar eins og krem,
smýgur fljótt inn í húðina, eins og lotion.
JOPCOh.f. Vatnagörðum 14, simi39130
Kjarnaborun
Tökum Ur steyptum veggjum fyrir hurðir, loftræstingu, glugga,
og vmisskonar lagnir, 2", 3", 4", 5", 6" og T borar.
HLJOÐLÁTT OG RYKLAUST. Fjarlægum múrbrotið, önnumst
ísetningai hurða og glugga ef óskað er. Hvert á land sem er. ;
Skjót og góð þjónusta.
Kjarnaborun sf.
Símar 38203-33882
HRINGIÐU^\
BLADIÐ
KEMUR UM HÆ^ '
SÍMI 86300
T J ) ♦
MIÐVIKUDAGUR 24. ÁGÚST 1983
fréttir
■ „Ég fullyrði að þetta eru öruggustu og sterkustu árabátar sem völ er á fyrir ár og vötn,“ segir Birgir Steingrímsson,annar
eigenda Hlyns s.f. á Húsavík. Kveðst hann ætla að halda smíði þeirra áfram meðan eftirspurn haldist. Tímamynd Þröstur
Skipulegt nýtt
átak til að kynna
ísl. idnvaming
— segir Birgir Steingrímsson á Húsavík
Húsavík: „Þessir bátar eiga sér
langa sögu, sem ég kann ekki
aö rekja alla. En viö hjá Hlyn
s.f. hófum að fást við þessa
árabátasmíði eftir ósk Laxár-
félagsins og erum nú að smíða
fjórða bátinn fyrir félagið,“
sagði Birgir Steingrímsson,
annar eigandi Hlyns s.f. á
Húsavík, er við spurðum hann
um bátana sem við höfðum
komið auga á hjá honum.
Laxárfélagið sagði Birgir sett saman
úr þrem deildum, frá Akureyri,
Reykjavík og Húsavík. Hafi félagið
leigt meginhluta neðri Laxár til stang-
veiða óslitið síðan skömmu eftir stríð.
„Til veiðanna við Laxá eru notaðir
rúmlega 20 bátar víðs vegar um ána. í
upphafi keypti félagið báta frá Noregi
og einnig hjá bátasmiðum á Akureyri
og á Húsavík. Húsavíkurbátarnir
þóttu sérlega liprir, stöðugir og sterkir
og sá sem þá smíðaði var Jóhann
Sigvaldason, bátasmiður. En þegar
Jóhann dó og bátar fóru að ganga úr
sér smíðaði Baldur Pálsson, bátasmið-
ur á Húsavík nokkra báta, sem þóttu
ennþá bestir, en Baldur sameinaði
bátalag Jóhanns og Júlíusar Sigurjóns-
sonar, annálaðs bátasmiðs um og eftir
síðustu aldamót. Júlíus þessi smíðaði
m.a. Tjörnesbátinn með úrvals báta-
lagi, sem tíundað er í bókinni „íslensk-
ir sjávarhættir“ eftir Lúðvík Kristjáns-
son. Bók þessi er hreint frábær og
höfum við Hlynsmenn notið góðs af
henni m.a. með því að smíða áhöld
eftir myndum úr henni, með afbragðs
árangri.
Nú rak að því að Baldur Pálsson
hætti bátasmíðum sakir aldurs og
heilsubrests og Laxárfélagið fór að
vanhaga um bát. Við Hlynsmenn
höfðum lítilsháttar komið nálægt við-
haldi á bátunum og fyrir beiðni Laxár-
félagsins og að höfðu samráði við
Baldur bátasmið smíðuðum við einn
tilraunabát. Baldur eftirlét okkur báta-
mót sín og tilsögn og leiðbeiningu við
verkið. Tilraunin tókst það vel að nú
erum við að smíða bát númer 4, sem
fyrr segir.
Kostir þessara báta eru ótvíræðir,
vegna öryggis þeirra, stöðugleika og
styrks, umfram t.d. plastbáta. Laxá er
vatnsmikil og straumþung og rennur
öll í hrauni og eggjagrjóti. Dæmi um
styrkleika þessara báta er, að ennþá
eru margir bátar Jóhanns Sigvaldason-
ar i góðu ásigkomulagi eftir rúmlegá
30 ára, og það mikla, notkun. Dæmi
um öryggi bátanna er að enn hefur
ekki orðið neitt alvarlegt slys við
notkun þeirra þrátt fyrir að allt of oft
sé áfengi fylgifiskur laxveiðimanna,
sem auðvitað ætti ekki að viðgangast.
Eitt sinn fyrir nokkrum árum lenti
maður í bát fram af stærsta fossinum í
ánni. Manninum varð ekki meint af en
báturinn hvarf í fossinn og sást ekkert
af honum fyrr en fossinn skilaði honum
lítið brotnum c.a. þremur vikum síðar.
Gert var við bátinn og er hann enn í
notkun," sagði Birgir.
Verð á bátunum, tilbúnum til notk-
unar, sagði Birgir um 42 þús. kr. og
ætti það verð að geta verið stöðugt
miðað við kaupgjaldsvísitölu.
- HEI
Byrjað á viðbygg-
ingu við Sólvang
Hafnarfjörður: Vinna er nú að hefjast
við grunn nýrrar viðbyggingar við
Sólvang í Hafnarfirði, sem nú eru 30
ár frá því tekið var í notkun. Viðbygg-
ingin er í tveim sambyggðum húsum,
alls um 1.888 fermetrar að stærð.
Áætlað er að uppsteypa húsanna og
ytri frágangur verði boðin út á næstu
dögum og að því verki verði lokið á
miðju næsta ári, samkvæmt frétt frá
bæjarstjóranum í Hafnarfirði. Sam-
kvæmt áætlunum Hafnarfjarðarbæjar
er miðað við að fyrra húsið verði tekið
í notkun í lok næsta árs, en síðara
húsið 1985. Þetta er hins vegar háð því
að ríkissjóður fjármagni sinn hluta
kostnaðarins, sem alls er áætlaður 33,3
millj. króna, samkvæmt núgildandi
verðlagi.
í öðru þessara nýju húsa er heilsu-
gæslunni áætlað rými fyrir heimilis-
lækna, sérfræðinga, og hjúkrunar-
fræðinga. í hinu húsinu á að vera
anddyri, forsalur, rannsóknastofa,
röntgen, afgreiðsla, ritarar, skjala-
geymsla, eldhús, geymslur, vörumót-
taka og afgreiðsla matar og borðsalur.
f kjallara verður þvottahús og ýmis
fleiri aðstaða, sem sameiginleg er fyrir
Sólvang og heilsugæsluna.
Jafnframt eru áformaðar gagngerar
breytingar á 1. hæð gamla Sólvangs,
einkum norðurhlutanum, þar sem
áætlað er að koma fyrir iðjuþjálfun,
sjúkraþjálfun, dagvistun og hvíldar-
herbergi í rými því sem eldhús og
þvottahús eru nú til húsa.
- HEI