Tíminn - 14.06.1983, Síða 5

ÞRIÐJUDAGUR 14. JUNI 1983
5
fréttir
Stjórnskipuð nefnd skilar tillögum um ferðamálastefnu, stefnt að:
45°/« HBLDARFJOLGUN ERLENDRA
FERDAMANNA A 10 ARA TÍMARIU
■ „Nefndin mælir með að á árunum
1984-1992 verði stefnt að því að árleg
fjölgun erlcndra ferðamanna nemi að
meðaltali um 3.5%. Þessi aukning ásamt
7% aukningu á yfirstandandi ári jafn-
gildir því að 106 þúsund erlendir ferða-
menn kæmu hingað til lands 1992, þ.e.
33 þúsund fleiri en s.l. ár scm jafngildir
um 45% heildaraukningu á þessu 10 ára
tímabili.“
Þetta er ein af þeim tillögum sem er
að finna í nýútkominni skýrslu þriggja
manna nefndar, sem samgöngumálaráð-
herra skipaði árið 1981 „til að gera
úttekt á þjóðhagslegri þýðingu íslenskr-
ar ferðamannaþjónustu og spá um þróun
hennar á næstu árum,“ eins og segir í
skipunarbréfi nefndarinnar. í nefndinni
áttu sæti Birgir Þorgilsson, markaðs-
stjóri Ferðamálaráðs íslands, Helgi
Ólafsson, framkvæmdastjóri áætlana-
deildar Framkvæmdastofnunar ríkisins
og Ólafur S. Valdimarsson, skrifstofu-
stjóri samgönguráðuneytisins, sem jafn-
framt var skipaður formaður nefndar-
innar. Þá starfaði Pétur Pétursson, fyrr-
verandi alþingismaður, sem ritari nefnd-
arinnar allan tímann og tók þátt í
tillögugerð hennar. Kristjón Kolbeins,
viðskiptafræðingur, starfaði einnig fyrir
nefndina á lokastigi verksins.
Hér á landi eru gildandi lög frá árinu
1976 um skipulag ferðamála sem segja
má að séu nauðsynlegur grundvöllur
fyrir ákveðna ferðamálastefnu. Forveri
þessara laga má segja að hafi verið lög
frá árinu 1964 um Ferðamálaráð ogfleiri
þætti ferðamála. Þá var að frumkvæði
eldra Ferðamálaráðs og með fjárstyrk úr
Þróunarsjóði Sameinuðu þjöðanna,
unnin skýrsla af bandarísku fyrirtæki,
Checchi & Co, um ferðamálastefnu.
Þessi skýrsla var unnin á árunum 1972-
1975.
Með þeirri stefnumörkun sem nú
hefur verið lagt til að verði samþykkt, er
í þýðingarmiklum atriðum horfið frá
meginstefnu Checchi & Co., enda for-,
sendur aðrar. Gert er ráð fyrir miklu
hægari fjölgun erlendra fcrðamanna og
að fjárfesting í nýrri aðstöðu fyrir þá
þjóni um leið þörfum íslenskra ferða-
manna. Jafnframt er í þessari stefnu-
mörkun lögð áhersla á náttúrurvernd í
samvinnu við Náttúruverndarráð og
hliðstæða aðila.'
Eins og áður sagði gerir tillaga nefnd-
arinnar ráð fyrir því að fjölgun erlendra
ferðamanna nemi að meðaltali um 3.5%.
Á yfirstandandi ári er hins vegar gert ráð
fyrir 7% aukningu vegna tilkomu hinna
nýju lystiskipa Eddu, og Norröna. Þá
hefur Arnarflug nýlega hafið áætlunar-
flug til og frá Amsterdam, Dússeldorf og
Zúrich og eins er reiknað með fjölgun
erlendra farþega með Flugleiðum á
þessu ári.
Nefndin bendir á að samkvæmt
reynslu annarra þjóða varðandi orlofs-
venjur séu líkur til þess að algengara
verði en fyrr að fólk skipti fríum, taki
hluta þeirra að sumri til og hluta að vetri,
og jafnframt að stærri hluta en áður
verði varið til ferða innanlands eða til
dvalar heima. Nefndin leggur því til að
undir forystu Ferðamálaráðs verði gert
átak til þess að beina íslendingum meira
en verið hefúr að ferðum innanlands.
Erlendis vill nefndin að aukin verði
landkynning á hefðbundnum markaðs-
svæðum (þ.e.a.s. í Vestur-Evrópu og
Bandaríkjunum), en reikna má með að
það kosti íslendinga hlutfallslega meira
landkynningarfé að fá útlendinga til að
heimsækja ísland en "þessi kostnaður er
hjá öðrum þjóðum.
Hér heima vill nefndin að reistar verði
þjónustumiðstöðvar fyrir ferðafólk á
nokkrum stöðum á landinu. Auk þesser
bent á að smáhýsi til leigu fyrir ferða-
menn er fýsilegur kostur og er talið að
þessi tegund ferðamannaþjónustu eigi
mikla framtíð fyrir sér.
Auk þessara tillagna sem hér hefur ver-
ið drepið á leggur nefndin til dæmis til að
átak verði gert í byggingu tjaldstæða, að
gefnir verði út vandaðir og aðgengilegir
bæklingar með sem ítarlegustum upplýs-
ingum um hálendið og umgengni við
það, að unnið verði skipulega að því að
bæta aðstöðu til ráðstefnuhalds, að auk-
in verði menntun og þjálfun þess fólks,
sem annast þjónustu við ferðamenn og
að unnið verði að skipulagningu á
silungsveiði í ám og vötnum með aukna
sölu á erlendum og innlendum markaði
í huga.
Nefndin er þeirrar skoðunar að hlutur
fjárfestingar í ferðamálum þurfi ekki að
aukast að ráði frá því sem verið hefur
undanfarin ár. Við fjárfestingu í ferða-
þjónustu þurfi fyrst og fremst að hafa að
markmiði sameiginlega nýtingarmögu-
leika fyrir innlenda og erlenda ferða-
menn. IngH.
■ Óli H. Þórðarson hjá Umferðarráði, Sverre Borge frá Gjövik og skáti við eina
gangbrautina í Reykjavík.
Vika helgud gangandi
vegfarendum er haf in
■ Lögregluyfirvöld á Norðurlöndum
hafa ákveðið að taka sérstaklega fyrir
fjögur viðfangsefni og helga hverju
þeirra eina viku í tilefni af Norrænu
umferðaröryggisári. Viðfangsefni þessi
eru valin í samræmi við megin tilgang
umferðaröryggisársins, en hann er sá að
auka öryggi vegfarenda með bættri um-
ferðarhegðun og að vekja fólk til um-
hugsunar um þátt hvers og eins í
umferðinni.
Fyrsta umferðarvikan var helguð hjól-
reiðamönnum og ökumönnum mótor-
hjóla og stóð yfir frá 16. til 21, maí sl.
Nýbyrjuð vika er önnur í röðinni og nú
er höfuðáhersla lögð á hegðun vegfar-
enda við gangbrautir og umferðarljós.
Mun lögreglan hvarvetna á landinu
vekja athygli fólks á nauðsyn góðrar og
réttrar hegðunar að þessu leyti. Af þessu
tilefni er hingað kominn norskur lög-
regluþjónn, Sverre Borge frá Gjövik og
mun hann fara víða um land og miðla
þekkingu sinni til almennings. Félagar
í skátahreyfingunni, hjálparsveitum
skáta og Slysavarnarfélagi íslands munu
aðstoða lögregluna við gangbrautar-
vörslu og dreifa bæklingi Umferðarráðs:
„Gangbraut er besta leiðin ef aðgát er
höfð" Gangbrautarvarsla hófst kl. 17.00
í Reykjavík í gær.
- Jól
Jónsmessugleði
í Laugardalshöll
■ Bandalag íslenskra listamanna og
samtökin Líf og land gangast fyrir Jónsr
messugleði í Laugardalshöllinni n.k.
föstudagskvöld, kl. 22.00 til 03.00.
Verða útimarkaðstjöldin af Lækjartorgi
flutt inn í höll og höfð þar meðan á
samkomunni stendur og þannig sköpuð
torgstemning og yfirbragð útihátíðar.
Ýmislegt verður til skemmtunar m.a.
leikþáttur, ballettsýning og hvers konar
leikir og uppákomur. Atli Heimir
Sveinsson og Laufey Sigurðardóttir leika
rag time tónlist, Sigrún Björnsdóttir
leikkona syngur verk eftir Kurt Wcil óe
Sigurður Rúnar Jónsson skemmtir gest-
um méðfiðluleik. Leikinn verður jass og
létt danslög.
Aðgöngumiðar verða seldir í Gallery
Langbrók og við innganginn. Veitingar
bæði pizzur og létt vín verða á boðstól-
um.
- JGK
Hagsmunaadil'
ar í sjávarút-
vegi fjalla um
skýrslu Haf-
rannsókn-
arstofnunar:
^Ekki unnt
að takmarka
þorskveiðar
enn frekar”
■ „Sjávarútvegsráðherra hefur ákveð-
ið, að með tilliti til stöðu þjóðarbúsins
og afkomu útgerðar og fyrirtækja í
sjávarútvegi, sé ekki unnt að takmarka
þorskveiðar enn frekar en þegar er ákveð-
ið, með þeim ráðstöfunum, sem kynntar
voru í upphafi þessa árs,“ segir í frétt frá
sjávarútvegsráðuneytinu, en þessi
ákvörðun var tekin í gær eftir að Halldór
Ásgrímsson, sjávarútvegsráðherra hafði
átt fund með hagsmunaaðilum í sjávar-
útvegi til þess að ræða viðbrögð við
nýjum upplýsingum um ástand þorsk-
stofnsins, en Hafrannsóknastofnun telur
að þorskstofninn sé 8% minni en talið
var og hrygningarstofninn um 25%
minni en talið var og leggur því til að
lágmarks þorskafli verði 300 þús. tonn í
stað 350 þús. eins og greint var frá í
blaðinu fyrir helgi.
í fréttinni er jafnframt bent á að vegna
þess mikla samdráttar sem þegar hafi
orðið á fyrstu fimm mánuðum þessa árs,
verði það að teljast ólíklegt að heildar-
þorskafli á þessu ári fari að neinu marki
yfir 300 þúsund tonn.
- AB
■ Þau kynntu blaðamönnum Jónsmessugleðina. F.v. Þórunn Hafstein, Sigríður
Ingvarsdóttir, Kristinn Ragnarsson, Herdís Þorvaldsdóttir og Ragnhildur Hjaltadótt-
ir.
Tímamynd Róbert
■ „Guð ég trúi þessu ekki“, gæti Jóhanna Sveinjónsdóttir verið að hugsa en hún
var á föstudagskvöldið kjörin ungfrú Hollywood 1983. Sitjandi er Hanna Kristín
Pétursdóttir, en hún var kjörin sólarstjama Úrvals 1983. Gunnhildur Þórarinsdóttir,'
ungfrú Hollywood 1982 er lengst til vinstri á myndinni.
Tímamynd: Árni Sæberg