Tíminn - 26.06.1986, Blaðsíða 1

ARGENTÍNA sigraði Belgíu með
2 mörkum gegn engu í heimsmeistara-
keppninni í Mexíkó í gærkvöld. Það var
enginn annar en snillingurinn Maradona
sem skoraði bæði mörkin og var einstak-
lega vel að þeim staðið, sérstaklega því
síoar.
Það verða því Argentínumenn og V-
Þjóðverjar sem keppa um heimsmeistara-
titilinn í knattspyrnu nk. sunnudag.
AIDS ráðstefna sem staðið hefur yfir í
París endaði í gær með því að bandaríski
aidssérfræðingurinn R. Gallo sagði vís-
indamenn tiltölulega bjartsýna á að það
tækist að ráða niðurlögum aids á næstu
árum. Sérfræðingurinn sagði að þegar
væri fyrir hendi umtalsverð þekking á því
hvernig vírusinn hegðaði sér og að strax
á næsta ári ættu að hafa komið fram
hugmyndir um hvernig halda mætti sjúk-
dómnum í skefjum, þó óvíst væri hvort
tækist að finna bóluefni aegn honum. Á
ráðstefnunni kom fram ao um 1991 yrðu
að öllum líkindum yfir 300.000 jarðarbúar
komnir með aids þar af 270.000 Banda-
ríkjamenn.
HÚSALEIGA hækkar um 5% frá
og með júlíbyrjun og reiknast á þá leigu
sem er í júní 1986. Júlíleigan helst
óbreytt næstu tvo mánuði, það er ágúst
og september.
KVEF og hálsbólga herjuðu á 822
Reykvíkinga í maí samkvæmt skýrslum
13 lækna og læknavaktarinnar. 101 var
með iðrakvef, 65 með inflúensu og 48
með lunganbólgu. Þá voru 79 með klam-
edíu, en aðrir sjúkdómar tóku hógværari
tolla.
LEIKSMIÐJA verður opin í Kram-
húsinu frá 9-13 í dag í sambandi við
Norrænu leiklistarhátíðina og verða leið-
beinendur Royston Muldoom og Mureen
Thomas. í Bæjarbíói sýnir Stockholms
Teater Verkstad á morgun og í Þjóð-
leikhúsinu sýna Samar verk kl. 20.00 sem
er ritúölsk framsetningu á sögu og þjóðtrú
Sama.
RÓI PATURSSON, færeyska
Ijóðskáldið sem hlaut bókmenntaverðlaun
Norðurlandaráðs í ár, mun lesa úr verð-
launabók sinni Líkasum í kvöld í
Norrænahúsinu kl. 20,00. Með upplestrin-
um leikur færeyska tónskáldið Sunnelif
Rasmussen eigin verk á píanó ásamt
flautuleikaranum Björn Sunnerstam.
SIGMUNDUR Stefánsson skrif-
stofustjóri á Skattstofu Reykjanesum-
dæmis, hefur verið skipaður skattstjóri
sama umdæmis, en Sveinn Þórðarson
lætur af því starfi sökum aldurs. Auk
Sigmundar sótti Ingvar J. Rögnvaldson
og Magnús Jóhannesson um embættið.
GUNNAR Rafn Einarsson við-
skiptafræðingur og löggiltur endurskoð-
andi, hefur verið skipaður skattstjóri
Norðurlands evstra. Sex sóttu um starfið
auk Gunnars.’þeir Grétar Már Sigurðs-
son, Guðmundur Gunnarsson, Haukur
Sigurðsson, Jón Dalmann Ármannsson,
og tveir sem óskuðu nafnleyndar.
REGLUGERÐ um lög um hús-
næðismál, verður væntanlega afgreidd
frá ráðherra innan fárra daga. Stjórn
Húsnæðisstofnunar sá um samningu
reglugerðarinnar, og fékk Alexander
Stefánsson, félagsmálaráðherra hana til
endanlegrar umsagnar í gær.
KRUMMI
„Það er víst enginn
smá fiskur við Eyjar
þessa dagana, þó
það sé víst mikið til
smáfiskur! “
Breytingarnar á japönsku togurunum:
Hugsanlegt að greiða
verkið með saltsíld
- sjávarútvegsráðherra telur það koma til greina
Halldór Ásgrímsson sjávarút-
vegsráðherra telur það koma sterk-
lega til greina, ef tilboði Pólverja
í breytingarnar á Japanstogurun-
um sex verði tekið, að kannað yrði
hvort unnt sé að greiða fyrir
verkið að hluta til með saltsíld.
Félag japanskra skuttogaraeigenda
hefur sem kunnugt er látið bjóða
út umfangsmiklar breytingar á sex
togurum, en það er lang stærsta
verkefni, sem boðið hefur verið út
af þessu tagi hérlendis. Pólverjar
áttu lægsta tilboðið í þessar breyt-
ingar og hljóðaði það upp á 48
milljónir í hvert skip eða 288
milljónir í allt verkið. „Það kemur
vitanlega allt slíkt til greina, við
hljótum að gera það sem við getum
til þess að greiða fyrir viðskipta-
hagsmunum okkar á þessu sviði,“
sagði Halldór í gær þegar hann var
spurður um þetta atriði.
Talsverð óvissa ríkir um grund-
völl fyrir síldarsöltun í haust, en
markaðshorfur fyrir saltsíld er nú
með dekkra móti. Sovétmenn hafa
fengið tilboð, sem eru mun betri en
líklegt er að við getum boðið, frá
helstu keppninautum okkar og
svipaða sögu má segja af öðrum
mörkuðum fyrir saltsíld. Það virð-
ast því ekki vera nein augljós
efnahagsleg rök fyrir Sovétmenn
að kaupa saltsíld af íslendingum
og hvað þá á því verði sem tókst að
ná í fyrra. Ofan á þetta bætist slæm
afkoma síldarsölunnar í fyrra og
það að ekki hafi farið fram neinar
viðræður við Sovétmenn ennþá.
Hermann Hansson formaður
Samtaka síldarsaltenda á norður-
og austurlandi sagði við Tímann að
þetta væri ekki í fyrsta sinn sem
óvissa ríkti varðandi síldarsöltun
og að menn vildu vissulega salta
síld ef grundvöllur væri fyrir því,
enda væri hér um mikilvæga at-
vinnugrein að ræða. „Ég tel að
höfuð áherslu verði að leggja á að
semja við kaupendur að saltsíld, á
hinum hefðbundu mörkuðum í
Sovétríkjunum, Finnlandi, Sví-
þjóð og hugsanlega Póllandi. En
það er jafnframt Ijóst að menn
verða að komast niður á jörðina
varðandi hráefnisverðið hér innan-
lands. Það hefur sýnt sig, sem
haldið fram í fyrra að það var
bullandi tap á síldarsöltuninni á
síðustu vertíð og stöðuna verður
að endurmeta í Ijósi þess,“ sagði
Hermann ennfremur.
Að undanförnu hefur það verið
rætt meðal nokkurra útgerðar-
manna, að endurnýja skip sín með
nýjum skipum frá Póllandi, sem
yrðu þá að hálfu borguð með
saltsíld. Fram hafa komið ákveðn-
ar viljayfirlýsingar frá Póllandi um
að af slíkum samningum yrði, en
fordæmi er fyrir svona viðskiptum.
Hermann Hansson sagði aðspurð-
ur, að viðskipti af þessu tagi bæri
að skoða með tilliti til markaðs-
öflunar fyrir saltsíld. „Það er mjög
mikilvægt fyrir okkur að halda
sílarsöltun áfram, en hún er vitan-
lega ekki seld nema á markaði þar
sem síldarneysla er fyrir hcndi, og
I hún er fyrir hendi í Póllandi. í
þessu sambandi má benda á að
ótvírætt lægsta tilboðið í breyting-
arnar á japönsku togurunum kom
frá Póllandi og það getur verið, að
koma megi á einhverjum síldarvið-
skiptum í kringum það. Mér finnst
ástæða til að kanna það mál betur
þó hér yrði aldrei um að ræða
nema viðbót við okkar hefðbundu
markaði," sagði Hermann Hans-
son. - BG
„Aprílgabbið"
loks alvara
Það hefur verið vinsælt apríl-
gabb fjölmiðla að tilkynna útsölu í
ríkinu. Kannski hafa yfirmenn þar
komist að raun um að hugmyndin
sé ekki svo vitlaus. Að minnsta
kosti var alvöruútsala í verslun
ÁTVR við Lindargötu í gær og þar
voru um 3000 flöskur af léttvínum
seldar á allt að hálfvirði.
Það vín sem var á boðstólum
voru allt af tegundum sem lítið
seljast í ríkinu og var því gripið til
þessa ráðs til að rýma til fyrir
nýjum birgðum. ÁTVR gaf eftir
innkaupsverð og viðskiptavinir
þurftu aðeins að greiða hluta ríkis-
ins.
Að sögn afgreiðslumanns
ÁTVR við Lindargötu seldust út-
söluvínin upp. í dag verður einnig
útsala á Akureyri.
Það var biðröð við Lindargöturíkið
í hádeginu í gær meðan starfsmenn
tóku matartíina. Og þegar inn var
komið báðu allir um útsöluvínin.
Tímamyndir-Pctur
Skyndilokun við Vestmannaeyjar:
Yfir 60% afla smáfiskur
Lokað hefur verið svæði rétt
undan Vestmannaeyjum, fyrirtog-
bátum. Lokunin kemur í kjölfar
mælingar, sem Landhelgisgæslan
framkvæmdi um borð í einum bát
á svæðinu. Tvö höl voru mæld, og
var verulegt magn af smáþorski
sem mældist. í fyrra halinu var
hlutur þorsks undir 55 sentimetrum
33 prósent, en leyfilegt er að hlut-
fallið sé um 20 prósent. Við seinni
mælinguna reyndist hlutur smá<
þorsks vera 66 prósent. Þá var
gripið til þess ráðs að loka svæðinu
með skyndilokun. Hún varir í viku-
tíma og verður svæðið þá kannað
aftur.
Tíminn hafði skýrt frá háværum
röddum sem bárust Hafrannsókn-
arstofnun til eyma, þar sem haldið
var fram að stórfellt smáfiskadráp
væri stundað við eyjarnar, og þeim
fiski skipað í gáma til flutnings á
Englandsmarkað. Þessar raddir
virðast hafa haft rétt fyrir sér, og
hefur svæðinu nú verið iokað.
Það hefur vakið nokkra undrun
að enginn skyldi verða var við
undirmálsfiskinn, sem landað var í
Vestmannaeyjum, og það var ekki
fyrr en Varðskipið Týr fór á svæðið
og mældi aflann, að ljóst var að um
stórfellt magn af undirmálsfiski var
að ræða í aflanum.
Eftirlitsmaður sá sem sendur var
til Eyja, hafði í gærmorgun, ekki
orðið var við neitt af smáfiski í afla
báta, en í samtali við Tímann í gær
sagði hann að lítið hefði verið um
landanir þann tíma sem hann var
búinn að vera á staðnum.
- ES