Tíminn - 19.08.1986, Page 16

Hálstöflur
meðVISA
Framarar viröast ætla aö
klúöra íslandsmótinu enn eitt áriö.
Á sunnudagskvöldið gerðu þeir
aðeins jafntefli gegn FH á heima-
velli 2-2 og Valsmenn eru nú
komnir í efsta sæti deildarinnar.
Valsmenn unnu auðveldan sigur á
Eyjamönnum þar sem Sigurjón
Kristjánsson skoraöi tvívegis. Mót-
iðerþó langtfráþví aö verabúið.
Seðlabankinn ver sig í okurmálinu:
Heimild en ekki skylda
að auglýsa hámarksvexti
Seðlabankinn vísar alfarið á bug
ásökunum um að hann hafi ekki
staðið sig sem skyldi varðandi upp-
lýsingar um hæstu lögleyfðu vexti.
En sem kunnugt er var Björn Páls-
son sýknaður af fjórum ákæruliðum
í nýgengnum okurdómi, vegna
Iressa meinta trassaskapar Seðla-
bankans að þvt' er fram kom hjá
dómendum.
Seðlabankinn bendir í greinargerð
á að hann hafi heimild en ekki
skyldu til að ákveða hámarksvexti
og lágmarksvcxti af innlánum og
útlánum banka og sparisjóða, svo og
heimíld til að ákveða hámarksvexti
samkvæmt lögum nr. 58/1960 um
bann við okri og fl. Frá II. ágúst
1984 hafi sú stefnubreyting orðið í
vaxtamálum, að frumkvæði ríkis-
stjórnar og Seðlabanka, að innláns-
stofnunum var heimilað að ákveða
sjálfum útláns- og innlánsvexti af
ákveðnum þáttum.
Við þá breytingu hafi Seðlabank-
inn litið svo á að hámarksvcxtir í
lánsviðskiptum séu „jafnháir og al-
mennir útlánsvcxtir eru hæstir á
þeim tírna sem til skuldar er stofnað
í bönkum og sparisjóðum cða breyti-
legir í samræmi við þá vexti“ eins og
segir í frétt frá Seðlabankanum.
Enda séu bankarnir skyldaðir til að
auglýsa á áberandi hátt vexti við
btfnka og sparisjóði til að auðvelda
almenningi upplýsingar á þcssu
sviði.
Seðlabankinn telur sig því raunar
hafa sinnt upplýsingaskyldu sinni á
þessu sviði, og m.a.s. langt umfram
það sem hann er skyldur til sam-
kvæmt gildandi lögum og vísar því
öllum ásökunum í þessum efnum
alfarið á bug.
Akureyri
Kona lést
í eldsvoða
Kona dó, cr hús við Fjólugötu
2 á Akureyri brann á sunnudags-
kvöldið. Konan var ein heima í
húsinu er eldurinn kom upp.
Reykkafarar fundu konuna með-
vitundarlausa í húsinu er slökkvi-
lið kom á staðinn um miðnætti og
var hún þegar flutt á sjúkrahús en
dó í gærmorgun.
Eldsupptök eru ókunn, en hús-
ið sem er járnklætt timburhús,
ein hæð og kjallari, er mikið
skemmt eftir eldsvoðann.
Konan hét Margrét Halldóra
Harðardóttir 38 ára að aldri og
átti heima í Fjólugötu 2 á Akur-
eyri. Hún lætur eftir sig eigin-
mann og 5 börn. ABS
Hvalveiðar hafnar að nýju:
SEXDYR
VEIDD í GÆR
- heildarveiðin 81 dýr
Hvalveiðar hófust að nýju nú um
heigina, eftir nokkuð óvænt sumar-
frí. Báðir hvalbátarnir fóru út á
sunnudagskvöld, og voru komnir á
miðin í gærmorgun. Hjá Hval hf.
fengust þær upplýsingar í gærkvöldi
að sex hvalir hefðu veiðst og áttu þeir
von á öðrum bátnum inn í Hvalfjörð
um tvöleytið í nótt en hinum nú í dag.
Hvalveiðar hafa verið stopp frá
27. júlí þegar sumarleyfum var flýtt
til að hvalveiðar lægju niðrkmeðan
rætt var við Bandaríkjamenn. Heild-
arveiðin það sem af er vertíðinni er
81 dýr, 62 langreyðar og 40 sand-
reyðar í rannsóknarverkefni Haf-
rannsóknarstofnunar. í rannsóknar-
verkefninu var einnig gcrt ráð fyrir
að 80 hrefnur yrðu veiddai, en flest
bendir til að ckkcrt verði af hrefnu-
veiðum í ár.
-BG
Háskólinn fær
afmælisgjöf
Háskóli íslands á sent kunnugt cr
75 ára afmæli á þessu ári og af því
tilefni færði Magne Lcrheim, for-
stjóri háskólans í Björgvin skólanum
afmælisgjöf. Gjöfin cr myndskreytt
norsk þýðing Dr. Gustavs Storm á
Heimskringlu, en hún kom fyrst út
1899 og hefur lengi verið ófáanleg.
Magne Lerheim gat þess við af-
hendinguna að sér þætti það sérstak-
lega við hæfi að afhcnda þessa gjöf,
þar scm Hcimskringla væri skýr
vottur um frændsemi Norður-
landamanna og uppspretta þeirrar
sögulcgu hefðar sem mótast hefði á
Norðurlöndum.
Háskólarektor, Sigmundur Guð-
bjarnason veitti gjöfinni viðtöku.
Patreksfjörður:
Piltur lést í
vélhjólaslysi
18 ára piltur dó er vélhjól scm
hann var á lenti utan í öryggisgirð-
ingu rétt við Apotekið á Patreks-
firði.
Svo virðist sem hann hafi misst
vald á hjólinu er hann ók upp
Aðalstrætið og lenti á girðingunni en
engin vitni eru að slysinu. Talið er
fullvíst að pilturinn hafi látist sam-
stundis. Hann var með öryggishjálm
og full réttindi til að keyra vélhjól.
Pilturinn hét Gilbert Þráinsson og
var frá Patreksfirði.
ABS
Franska flugsveitin Patrouill de France flaug lágflug yfir Keykjavík ð laugardaginn kl. 18.30 á Alfa jet
orrustuþotum og lenti á Reykjavíkurflugvelli. Á flugdaginn mun þýska flugsveitin sýna flug á slíkum orrustu-
flugvélum. (Tímainynd-Sverrir)
50 ár síðan flug hófst á íslandi:
Afmælisvika hefst í dag
- með opnun sýningar á Reykjavíkurflugvelli
í tilefni af því að nú eru 50 ár
síðan flug hófst á íslandi, verður
handin afmælisvika á vegum Flug-
málafélags íslands og Flugmála-
stjórnar. Vikan hefst í dag kl.
17:30 þar sem forsætisráðherra,
Steingrímur Hermannsson opnar
sýningu í Flugskýli nr. 1 á Reykja-
víkurflugvelli, þar sem TF-Ögn
verður m.a. afhjúpuð en það er
eina nugvélin sem hönnuð hefur
verið og smíðuð á fslandi.
f skýlinu eru um 30 sýningarbás-
ar þar sem flugfélög, flugvélafram-
leiðendur og fagfélög í flugi eru
með sýningar. Alla dagana fram á
laugardag er svæðið opið milli kl.
17:00 til 23:00 og á hverjum degi
mun verða slökkviliðsæfing kl.
18:00. Hvert kvöld eftir kl. 20:00
verður flugsýning, en mismunandi
sýningar á hverju kvöldi.
Á föstudeginum verður fyrirlest-
ur á Loftleiðum þar sem fyrirlesari
frá Evrópusambandi flugmála-
stjórna talar um framtíðarhorfur í
flugmálum. Fyrirlesturinn er ætl-
aður hagsmunaaðilum í flugi.
Á laugardeginum er síðan flug-
dagurinn, ef veður leyfir en annars
verður hann á sunnudeginum og
hefst kl. 14:00 og stendur í 3 tíma.
Á sýningunni verða flugvélar frá
flugherjum Bandaríkjanna, Dan-
merkur, Þýskalands, Frakklands
og Englands. Það verður bæði
sýning á jörðu niðri og einnig
flugsýning þar sem m.a. verður
listflug, svifflug, fallhlífarstökk og
flugvélar ríkisins munu fljúga yfir,
t.d. flugvélar flugmálastjórnar,
þyrla landhelgisgæslunnar og fleiri.
Svæðisútvarp Reykjavíkur mun
senda út frá flugturninum á
Reykjavíkurflugvelli þar sem við-
töl verða tekin við þá menn sem
viðkoma sýningunni.
ABS