Tíminn - 17.02.1987, Blaðsíða 2

2 Tíminn
Þriðjudagur 17. febrúar 1987
Búrekstrarkönnun Ræktunarfélags Noröurlands:
Könnunin stuðli að
aukinni hagkvæmni
- á komandi árum í búvöruframleiðslu og staðsetningu hennar
Ræktunarfélag Norðurlands
stóð fyrir búrekstrarkönnun á sl.
ári, sem náði til samtals 1407 jarða
í Húnavatnssýslum, Skagafjarðar-
sýslu, Eyjafjarðarsýslu og Pingeyj-
arsýslum. Niðurstöður hennar
voru kynntar á ráðunautafundi sem
lauk í gær á Hótel Sögu.
Könnunin var hugsuð sem liður
í upplýsingaöflun, þannig að hægt
verði að vinna út frá staðreyndum,
að aukinni hagkvæmni í búvöru-
framleiðslunni, staðsetningu henn-
ar og uppbyggingu nýrra atvinnu-
þátta í sveitum, vegna þeirrar tak-
mörkunar í framleiðslu á naut-
gripa-og sauðfjárafurðum sem
leiðir af ákvæðum búvörulaganna.
Þessi takmörkun krefst mikillar
uppbyggingar á nýjum sviðum ef
byggðin á að haldast með líkum
hætti og nú er og kjör þeirra sem í
sveitunum búa eiga að vera í
samræmi við kjör annarra stétta.
f könnuninni var leitað eftir
viðhorfum bænda gagnvart bú-
stærð og því framleiðslumagni sem
talið varð að búseta á viðkomandi
jörðum þyrfti að grundvallast á til
frambúðar ef þar yrði áfram hefð-
bundinn búrekstur.
Könnuninni var m.a. ætlað að
geta verið leiðbeinandi um hvar
nýrrar atvinnuuppbyggingar er
helst þörf, bæði hvað varðar ein-
stök býli og einstök sveitarfélög
sem heild. Könnunin getur því á
raunhæfan hátt stuðlað að mark-
vissri nýtingu á fé Framleiðnisjóðs
og orðið grunnur til þess að byggja
á raunhæfar aðgerðir sem tryggja
áframhaldandi búsetu og bætta af-
komu í sveitum landsins. Þetta
næst þó því aðeins að hugur fylgi
máli um að halda landinu í byggð
með líkum hætti og nú er.
Könnunin leiddi í Ijós að 931
jörð eða 66% jarðanna voru jarðir
með framleiðslu í hefðbundnum
greinum, mjólk og/eða kindakjöt
að meginhluta. Af þessum jörðum
voru 582 sem eru uppbyggðar og
ekki þörf fyrir umtalsverðar endur-
bætur vegna búrekstrar á næstu
árum. Þá kemur fram að fjöldi
jarða er líkur í öllum sýslum, eða
um 320. (Þá eru Húnavatnssýslur
taldar saman), en í Norður-Þing-
eyjarsýslu eru 112 jarðir.
f niðurstöðum könnunarinnar
kemur fram að uppbygging jarða
er hlutfallslega styrkust í Norður-
Þingeyjarsýslu sem er í fullu sam-
ræmi við niðurstöður um aldur
rekstrarbygginga þar.
í könnuninni kemur fram að á
117 jörðum þessara sýslna er ráð-
gert að búrekstur hætti á næstu
árum. Til viðmiðunar má benda á
að 112 jarðir eru í byggð í Norður-
Þingeyjarsýslu. Gert er ráð fyrir að
hætt verði búrekstri á 40 jörðum í
Skagafirði, 23 jörðum í A- Húna-
vatnssýslu, 16 jörðum í S-Þingeyj-
arsýslu, 14jörðum í V-Húnavatns-
sýslu, og 12 jörðum í Eyjafjarðar-
sýslu og N-Þingeyjarsýslu hvorri
fyrir sig.
ABS
Borgarráð:
in fá fram-
og tómstundaráðs
Borgarráð hefur saniþykkt tillögu
íþrótta-og tómstundaráðs um út-
hlutun á fé til framkvæmda á svæð-
um íþróttafélaga í Reykjavík. í ár er
áætlað að verja 20 milljónum til
mannvirkjagerðar á íþróttavöllum
borgarinnar, en í fyrra var 4,8 mill-
jónum varið til sambærilegra fram-
kvæmda.
Valur fær hæsta styrkinn, eða
3.800.000,- og á að verja upphæðinni
til framkvæmda við grasvöll á Hlíð-
arenda. Þróttur fær 3.500.000,- til
byrjunarframkvæmda við grasvöll
og endurbyggingu á malarvelli við
Sæviðarsund og Í.R. fær 3.200.000,-
til framkvæmda við girðingar og
byrjunarframkvæmdir við grasvöll í
Suður-Mjódd.
Ármann, Fylkir, K.R. og Leiknir
fá á bilinu tvær til tvær og hálfa
milljón til framkvæmda við grasvelli,
bað-og snyrtiaðstöðu o.fl. Fram fær
1.800.000,- til lokaframkvæmda við
lóð og umhverfi svæðis við Safamýri
og Víkingur fær 400,000,- vegna
uppgjörs á framkvæmdum við
grasvöll. ABS
Akureyri:
Nýr stórmarkaður
KEA fyrirhugaður
í miðri Glerárgötu
Bygginganefnd og skipulagsnefnd
á Akureyri hafa nú fengið í hendur
frumteikningu að byggingu verslun-
arhúsnæðis KEA í Glerárgötu 36.
Um er að ræða allt að 2.400 fermetra
viðbyggingu á einni hæð við hlið
Byggingavörudeildar KEA ásamt
bílastæði fyrir rúmlega 200 bíla.
Þetta kemur fram í janúarblaði
KEA-fregna.
Bygginganefd og skipulagsnefnd
hafa ekki gert neinar athugasemdir
við frumteikningu þessa, aðra en þá
hugmynd að möguleiki yrði á beygju
úr Glerárgötu að stórmarkaðnum en
gert var ráð fyrir í upphafi að öll
aðkoma að húsinu yrði frá Hvanna-
völlum. Raflagnadeild KEA er nú til
húsa í útbyggingu Glerárgötu 36 auk
þess sem fleiri byggingar á lóðinni
þyrfti að rífa ef af nýbyggingunni
verður. Valur Arnþórsson kaupfé-
lagsstjóri KEA segir að hafist verði
handa um leið og hönnun er lokið og
fjárhagsaðstæður leyfa.
ABS
Iðnaðardeild Sambandsins og Álafoss:
ULLARKAUP
STÖÐVUD UM
ÓÁKVEDINN TÍMA
- innflutningur á ull var meiri en
útflutningur á síðasta ári
Iðnaðardeild Sambandsins og
Álafoss hafa nú hætt móttöku á ull
um óákveðinn tíma, þar sem ekki er
lengur tekin áhætta á hugsanlegu
tapi á viðskiptum með íslenska ull.
Á síðasta ári vantaði um 40 mill-
jónir samanlagt til þess að niður-
greiðslurnar til Iðnaðardeildarinnar
og Álafoss næðu heimsmarkaðs-
verði, aðsögn forráðamanna þeirra.
Fyrir um viku misstu fyrirtækin
þolinmæðina og lokuðu fyrir alla
ullarmóttöku. Er þetta gert eftir að
fyrirtækin höfðu rætt árangurslaust
við ríkisstjórnina uni auknar niður-
greiðslur.
Töluverðar birgðir eru af ull hjá
fyrirtækjunum, auk þess sem bænd-
ur ættu að skila af sér vetrarrúinni
ull á næstunni.
Á síðustu misserum hefur heims-
markaðsverð á íslenskri ull lækkað
mjög, einkum vegna mikillar sölu
Sovétmanna á ull f sauðalitum.
Iðnáðardeild hefur sent kaupfél-
agsstjórum bréf, þar sem fram
kemur, að stjórnendum deildarinnar
sé uppálagt að reka hana með hagn-
aði á sama tíma og í gildi sé sam-
komulag um að kaup á íslenskri ull
eigi að ganga fyrir, gegn því að
ríkisstjórnin skuldbindi sig til að
greiða hana niður að heimsmarkaðs-
verði.
Á tímabilinu 1. janúar 1986 til 1.
nóvember 1986 voru flutt út 906,4
tonn af ull fyrir andvirði 47,5 mill-
jónir króna. Á sama tímabili voru
flutt inn 1180 tonn af ull fyrir
andvirði 181,9 milljónir króna.
Einkum er flutt inn ull frá Nýja
Sjálandi.
„Bæði fyrirtækin flytja inn ull
vegna þess að íslenska ullin dugir
ekki í allar þær ullarvörur sem
framleiddar eru hér á landi og einnig
eru menn að leita að öðruvísi ull en
framleidd er á íslandi. Menn eru að
hugsa um að framleiða það sem selst
á markaðnum hverju sinni,“ sagði
Gunnlaugur Þráinsson hjá Álafossi.
Gunnlaugur sagði að vörurnar úr
nýsjálensku ullinni stingju síður en
vörur úr íslensku ullinni. ABS
Frá hugbúnaðarsýningunni í Skaftahlíðinni. Tímamynd Pjetur
IBM á íslandi og ellefu fyrirtæki önnur:
Héldu viðamikla
hugbúnaðarsýningu
Verðlaun voru afhent í hugbúnaðarsamkeppni IBM
Búfræðikandídatar
mótmæla:
„Ráðning
garðyrkju-
fræðings
óviðunandi“
Aðalfundur Félags íslenskra
búfræðikandídata átelur stjórn
Búnaðarsambands Suðurlands
harðlega fyrir að hafa ráðið
Kjartan Ólafsson garðyrkjufræð-
ing sem framkvæmdastjóra.
í því santbandi benda þeir á að
samkvæmt búfjárræktarlögum og
jarðræktarlögum skuli fram-
kvæmdastjóri búnaðarsambands
vera búfræðikandídat að mennt
eftir nám á háskólastigi. Því sé
ráðning Kjartans skýlaust laga-
brot og alvarleg þar sem viðkom-
andi búnaðarsamband sé það
stærsta á landinu og allar búgrein-
ar stundaðar.
Fundurinn krefst þess að starf
framkvæmdastjórans verði aug-
lýst laust til umsóknar án tafarog
búfræðikandídat verði ráðinn til
starfans eigi síðar en 1. septemb-
ernæstkomandi. Stjórn búnaðar-
sambandsins hefur gert bókun
þess efnis að ráðning fram-
kvæmdastjórans gilti aðeins til 1.
september 1987. Hins vegar hefur
stjórnin ekki viðurkennt að
ráðningin sé ólögmæt. ABS
IBM á íslandi hélt nýlega um-
fangsmikla hugbúnaðarsýningu í
sam vinnu við ellefu íslensk fyrirtæki.
Ætlunin með þessari uppákomu
var að gefa sem greinabesta heildar-'
mynd af fjölþættum íslenskum hug-
búnaði sem hér fæst fyrir IBM S/36
tölvur. Við opnun sýningarinnar
voru afhent verðlaun í nýafstaðinni
samkeppni fyrir íslenska hugbúnað-
arframleiðendur.
Fyrstu verðlaun, hálfa milljón
króna, hlaut tölvuþjónustufyrirtæk-
Enn virðist
Svo virðist sem land haldi áfram
að rísa í grennd við Kröflu. Niður-
stöðum er þó tekið með nokkurri
varkárni þar sem frostþensla í jarð-
vegi hefur áhrif á hallamæla í stöðv-
arhúsi. Eysteinn Tryggvason hjá
Norrænu eldfjallastöðinni sagði í
samtali við Tímann í gær að sér
virtist sem land risi enn þrátt fyrir
nokkra ónákvæmni vegna frostþen-
slu.
Tíminn skýrði frá því fyrir
skemmstu að landris er nú orðið
ið Rekstrartækni hf., fyrir hugbúnað
til að nota við kostnaðareftirlit og
áætlanagerð í fiskiðnaðarfyrirtækj-
um. Önnur verðlaun, tvö hundruð
þúsund krónur hlutu Benedikt Jó-
hannesson og Gísli Hjálmtýsson,
fyrir hugbúnað, sem ætlaður er til að
halda utan um verðbréf og hentar
það verðbréfaeigendum sem og
verðbréfaskuldurum. Þátttakendur
í hugbúnaðarsamkeppninni voru
hátt á annan tug.
landið rísa
meira en það var fyrir síðasta gos á
Kröflusvæðinu, 1984. Það fylgir
þeirri reglu sem talin er viðtekin að
land hækki alltaf meira fyrir næsta
gos á eftir, en það gerði við síðasta
gos.
Sífellt verður vart hræringa á
Kröflusvæðinu en þær eru smávægi-
legar. Heldur virðast þær hafa auk-
ist, en það skal tekið fram að erfitt
er að greina litla kippi frá frost-
sprengingum í jarðveginum.
-ES
Kröflusvæðiö: