Tíminn - 19.02.1987, Blaðsíða 3

Fimmtudagur 19. febrúar 1987
Tíminn 3
'
a iSIÍi
Hvalvíkin lestaði í gær tólf þúsund pakka af skreið í Keflavík og heldur því næst til Vestmannaeyja. Alls mun skipið
sigla með 30 þúsund pakka af skreið til Nígeríu. Tímamynd Sverrir
Skreiðarútflutningur Skreiðarsamlagsins:
Hvalvíkin fer um íandið
og lestar30.000 pakka
Selt í gegnum Decacia International Ltd.
Flutningaskipið Hvalvíkin var í
gær í Keflavíkurhöfn að lesta um
tólf þúsund pakka af skreið. Skipið
hafði áður tekið fimm þúsund pakka
í Reykjavíkurhöfn, sem komu úr
Hafnarfirði. Lestun átti að ljúka í
Keflavík í gærkvöldi. Þá heldur
skipið á aðrar hafnir en gert er ráð
fyrir að alls sigli skipið með þrjátíu
þúsund pakka af skreið til Nígeríu.
Skipið mun lesta skreið í Vest-
mannaeyjum, á Austurlandi og
Snæfellsnesi. Búist er við því að
skipið verði fulllestað í lok næstu
viku. Það er Skreiðarsamlagið sem
flytur skreiðina út. Ólafur Björnsson
er stjórnarformaður samlagsins.
Tíminn spurði Ólaf hvort banka-
ábyrgðir hefðu fengist fyrir skreið-
ina.
„Það eru engar bankaábyrgðir
fyrir þessu. Þetta er selt í samvinnu
við breska fyrirtækið Decacia Int-
ernational Ltd. Öll skreiðin fer í
þúsund pakka faktúrur. Decacia
munu snara út fyrir tollinum strax
svo skreiðin fer strax í land. Það sem
ekki selst fljótlega fer í kæligeymsl-
ur,“ sagði Ólafur.
Fyrirtækið Decacia hefur ekki
áður haft milligöngu um sölu á
skreið en hefur hinsvegar skipt við
íslendinga áður. Sagði Ólafur að
Decacia hefði svipuð sambönd og
Uni lever hafði í Nígeríu á sínum
tíma.
„Áhættan í þessari sölu er hverf-
andi. Það gefur augaleið að þessi
skreið verður ekki seld annarsstaðar
en í Nígeríu og við höfum ákveðið
forskot að vera komnir með hana
niður eftir,“ sagði Ólafur -ES
Siguröur Haraldsson, kosningastjóri Framsóknarflokksins
á Noröurlandi eystra:
„Steingrímur tilbúinn
að hitta Stefánsmenn"
„Ekki orðið var viö úrsagnir"
í viðtali við Tímann í gær sagði
Haraldur M. Sigursson kosninga-
stjóri sérframboðs Stefáns Valgeirs-
sonar, að búast mætti við hundruð-
um úrsagna úr Framsóknarflokkn-
um. í framhaldi af þessari frétt
leitaði Tíminn álits Sigurðar Har-
aldssonar kosningastjóra Framsókn-
arflokksins á Norðurlandi eystra á
þessum ummælum.
„Ég hef ekki orðið var við þessar
úrsagnir úr Framsóknarflokknum
sem kosningastjóri Stefáns talar um
og ég bið menn að taka allar fullyrð-
ingar um þær með fyrirvara.
Það getur varla styrkt stöðu okkar
framsóknarmanna að ganga úr
flokknum og því síður styrkir það
kjördæmið að kljúfa Framsóknar-
flokkinn. Hann hefur verið sá póli-
tíski styrkur sem kjördæmið hefur
getað treyst á. Með því að sundra
honum er verið að vinna gegn hags-
munum þess. Þetta bið ég framsókn-
armenn að athuga vel áður en þeir
taka einhverjar skyndiákvarðanir
um úrsögn."
Hvað fannst þér um að Steingrím-
ur skyldi neita stuðningsmönnum
Stefáns um viðtal?
„Hér var ekki um neitt viðtal að
ræða heldur einhvers konar leiksýn-
ingu, og ég er alveg sammála þeirri
afstöðu sem Steingrímur og Páll
tóku. Þeir sáu ekki ástæðu til að taka
þátt í einhverri fjölmiðlasýningu
þarna fyrir utan Hótel KEA þar sem
við vorum með vinnufund.
Ég vil hins vegar taka það fram að
Steingrímur hefur marg oft ítrekað
að hann sé reiðubúinn að hitta þá
Stefánsmenn hvenær sem er og ræða
málefnalega við þá. Mér er kunnugt
um að hann hefur boðist til að koma
hingað norður og hitta þá á laugar-
daginn 28 febrúar, strax og hann
kemur af Norðurlandaráðsþingi."
Hvað viltu segja um þann klofning
sem orðinn er?
„Klofningurinn er tilkominn fyrir
tilstilli þessara manna sjálfra. Þeir
eru að fá fólk til að ganga úr
Framsóknarflokknum af einhverjum
hefndarhug. Ég fæ ekki séð að það
geti verið flokknum eða íbúum þessa
kjördæmis til heilla.
Við höfum kosið að vera ekki að
munnhöggvast um þessi mál í fjöl-
miðlum og svo sem sjá má hafa það
verið Stefánsmenn sem reynt hafa
að æsa til ófriðar á þeim vettvangi.
Við hefðum kosið að heyja
kosningabaráttu við þá á sama
grundvelli og við aðra flokka.
Ég vil hins vegar segja það um
okkar lista að um hann er heilmikil
stemmning. Það eru afskaplega
margir sem vilja vinna að framgangi
listans enda að margra áliti einn best
samansetti listinn sem flokkurinn
býður fram á landinu, m.a. sá eini
sem er með konu í öðru sæti. Að
henni er nú vegið. Það er vissulega
hart að vita til þess að með framboði
sínu hafi Stefán ákveðið að ráðast
gegn henni sérstaklega og er augljóst
að allt tal hans um jafnrétti og
aukinn hlut kvenna í pólitík er tóm
sýndarmennska.“
Eyönlfaraldurinn:
Baráttuáætlun
yfirvalda kynnt
Bæklingar og „skimanir"
Heilbrigðisyfirvöld hafa kynnt
áætlun sína í baráttu við sjúkdóm-
inn eyðni í ár. Þegar hefur hluta
áætlunarinnar verið hrint í
framkvæmd. Unnið er að útgáfu
fjölda bæklinga og hafa sumir
þeirra þcgar litið dagsins ljós. Von
er á bæklingi um eyðni í mars og
verður hann prentaður í áttatíu
þúsund eintökum. Bæklingur um
notkun smokka verður gcfinn út.
Minnisstæður er mörguni nvút-
kominn bæklingur Samtaka '78
sem hlaut nokkra umræðu.
Þá verður á næstunni tekin í
notkun rannsóknarstöð þar sem
hægt verður að rannsaka blóð, eða
skima, þeirra sem landlæknir og
fleiri hafa ákveðið að skulu mót-
efnamældir. Þegar hefur verið á-
kvcðið að skima blóð þeirra, scm
leita læknis vegna kynsjúkdóms,
kvenna við fyrstu mæðraskoðun og
kvenna sem gangast undir fóstur-
eyðingu. Þá hefur sá mögulciki
verið ræddur að allir þeir sem
leggist inn á sjúkrahús verði mót-
efnamældir. Hin nýja rannsóknar-
stöð sem tekin verður í gagnið
fljótlega mun gera þessar skoðanir
mögulegar. -ES
Aukafjárveiting
vegna fræðslu?
Ragnhildur Helgadóttir heil-
brigðisráðherra sagði á blaða-
mannafundi scm haldinn var vegna
eyðni í gær að hún hefði rætt við
fjármálaráðherra vegna hugsan-
legrar aukafjárveitingar vegna
fræðslustarfs yfirvalda í baráttunni
við eyðni. Ragnhildur sagði að
Þorsteinn Pálsson fjármálaráð-
herra hefði tekið vel í þá beiðni.
Á nýsamþykktum fjárlögum var
framlag ríkisins samþykkt 5,3
milljónir króna til fræðslustarfs
vegna eyðni.
En framlög koma víðar en frá
ríkinu í baráttunni. Aðstandendur
ísafoldar prentsmiðju eru nú að
vinna bækling unt eyðni. Verður
bæklingurinn gefinn út á kostnað
prentsmiðjunnar. Um er aö ræða
32 síðna bækling sem Haraldur
Briem smitsjúkdómalæknir og
Guðjón Magnússon aðstoðarland-
læknir hafa veitt sérfræðilega ráð-
gjöf við útgáfu á.
Útkoma bæklingsins tefst nokk-
uð þar scm farmannaverkfall setti
strik í reikninginn varðandi papp-
írspantanir prentsmiðjunnar. Bíða
vcrður eftir að pappír komi tii
landsins og er von á útkomu bækl-
ingsins eftir um það bil átta vikur.
' -ES
Landlæknir um eyðnibaráttuna:
Líklega hægt að
hefta útbreiðslu
- svo framarlega að smitleiðir breytist ekki
„Ef smitleiðir breytast ekki frá
því sem-mi er vitað, er mjög líklegt
að unnt verði aö hefta útbreiðslu
veikinnar meðal þcss fólks scm er
í áhættuhópunum og er móttæki-
legt fyrir fræðslu," sagði landlæknir
á funj.fi með fréttamönnum í gær,
þar sem barátta gegn eyðni var
kynnt. Ólafur Ólafsson, landlæknir
ræddi meðal annars um hverjir
væru í áhættuhópi framtíðarinnar.
Hann sagði það ljóst að erfitt yrði
að ná til þeirra scm vegna lítillar
menntunar, skilningsleysis eða
skorts á vilja og gctu ná ekki að
tileinka sér fræðsluna.
„Ekki er víst að bæklingar og
fjölmiðlafræðsla nái vel til þess
fólks og því verður að grípa til
annarra ráða. Það verður að leita
það uppi og freista þess með öllum
ráðum að gera því Ijósa hættuna.
Samkvæmt upplýsingum lögreglu
og SÁÁ cru t.d. á ferðinni fimmtán
til tuttugu unglingsstúlkur sem eru
háðar fíkniefnum og stunda m.a.
vændi,“ sagði'Ölafur.
Tíminn hafði samband við lög-
regluyfirvöld vegna orða Jandlækn-
is um vændi. Þar fengust þau svör
að sá kvittur hefði komið upp fyrir
um tveimur árum, að unglings-
stúlkur hefðu stundað vændi. Það
mál hefði hinsvegar verið kannað
og ekki reynst eiga við rök að
styðjast. -ES
KOSNINGASKJÁLFTIÁ
NORÐURLANDIEYSTRA
Frá Halldóri Inga Ásgeirssyni fréttarítara Tím-
ans á Akureyri:
Óhætt er að segja að kosninga-
skjálfta sé farið að gæta á Norður-
landi eystra, Sturlumálið svokallaða
í algleymi og aldrei hefur verið jafn
mikið framboð af listum. Nú þegar
hafa Framsóknarflokkur, Sjálf-
stæðisflokkur, Alþýðubandalag og
Samtök jafnréttis og félagshyggju
sem er sérframboð Stefáns Valgeirs-
sonar gengið frá listum sínum. Al-
þýðuflokkur, Kvennaframboð og
Flokkur mannsins eru að leggja
- 7-9 listar í boði
síðustu hönd á sína lista þessa dag-
ana. Bandalag jafnaðarmanna er
enn óráðin gáta en heimildir Tímans
herma að þeir bandalagsmenn hafi
fullan hug á framboði og telji rauna
að útreið flóttamannsins Kolbrúnar
Jónsdóttur í prófkjöri Alþýðu-
flokksins beri þess ekki merki að
hún hafi tekið með sér stuðnings-
menn BJ frá því í síðustu kosning-
um.
Norðurland eystra á nú 7 þing-
menn en samkvæmt nýjum kosn-
ingalögum verða þeir ekki nema sex
á næsta kjörtímabili. Ljóst þykir því
að barátta flokkanna verður jafnvel
enn harðari en í undangengnum
kosningum og kosningamaskínur
flokkanna gefi atkvæðum lítinn frið
á kjördag.
Loks bendir nú flest til þess að
einstaklingar innan Samtaka um
jafnrétti landshluta muni bjóða fram
í kjördæminu en framboð þessa nýja
flokks verður endanlega ákveðið á
landsfundi nú um helgina.