Tíminn - 17.07.1987, Page 4

Föstudagur 17. júlí 1987
4 Tíminn
Bæjarstjórn Akraness:
Selur hlutabréf og
stofnar þróunarsjóð
Nú er ( undirbúningi stofnun
sérstaks atvinnuþróunarsjóðs fyrir
Akranesbæ. Bæjarstjórn Akraness
samþykkti á fundi sínum á þriðj-
udag að söluhagnaður af hlutabréf-
um bæjarins í Krossvík hf. sem var
um 10 milljónir króna, muni renna
sem stofnframlag í fyrirhugaðan
atvinnuþróunarsjóð. Gert er ráð
fyrir að söluhagnaður af öðrum
hlutabréfum bæjarins muni einnig
renna í sjóðinn og auk þess verði
árleg fjárveiting í sjóðinn a.m.k. 2
milljónir króna að núvirði næstu
fjögur árin.
Að sögn Ingibjargar Pálmadótt-
ur forseta bæjarstjórnar á Akranesi
er ætlunin að hlutverk fyrirhugaðs
atvinnuþróunarsjóðs verði fyrst og
fremst að stuðla að eflingu atvinnu-
lífs á Akranesi. Ekki sé búið að
samþykkja reglugerð fyrir sjóðinn
en í þeirn drögum sem fyrir liggja
er gert ráð fyrir að tilgangi sjóðsins
verði náð með lánveitingum til
nýframkvæmda á vegum einstakl-
inga, fyrirtækja og stofnana til
lengri eða skemmri tíma. Einnig
með því að sjóðurinn gefi fyrir-
tækjum kost á kaupleigu á vélbún-
aði, auk þess sem gert er ráð fyrir
möguleika á fjármögnun á rann-
sóknum í tengslum við nýjar at-
vinnugreinar sem gætu stuðlað að
eflingu atvinnulífs. Þá yrði heimilt
að veita áhættulán til hagnýtra
athugana og áætlanagerðar sem
ætla mætti að leiði til aukinnar
atvinnuþróunar. Ef sú yrði raunin
yrð lánið endurgreitt í formi pen-
inga eða hlutafjár. Þá er gert ráð
fyrir að sjóðurinn geti varið fé til
hlutabréfakaupa í fyrirtækjum á
Akranesi til að auðvelda stofnun
fyrirtækja eða endurskipulagningu
eldri fyrirtækja.
Einnig er fyrirhugað að sjóður-
inn geti veitt lán eða styrki til
sérnáms í þágu atvinnulífsins þegar
sérstaklega stendur á að mati sjóð-
stjórnar og viðkomandi á ekki rétt
á láni úr öðrum sjóði. Þá verði
honum heimilt að veita ábyrgð
gagnvart lánveitingum annarra
sjóða enda sé baktrygging fyrir
hendi. Gert er ráð fyrir að sjóður-
inn verði sjálfstæður sjóður en í
eigu Akraneskaupstaðar.
-HM
Færri
hreindýr
verða
felld í ár
Ákveðinn hefur verið fjöldi
hreindýra sem leyft verður að skjóta
í ár. Alls eru dýrin sex hundruð en
voru í fyrra um sjö hundruð. Fækk-
unin mun stafa af því að í fyrra
vantaði mikið upp á að kvótinn yrði
fylltur.
í ár skipta 32 hreppar með sér sex
hundruð dýrum. Flest dýrin verða
felld í Borgarfjarðarhreppi, eða 54.
í Norðfjarðarhreppi og Helgustaða-
hreppi verða felld 52 dýr, svo fram-
arlega að menn noti allan kvótan.
Fljótsdalshreppur og Jökuldals-
hreppur 45 dýr. Skriðdalshreppur
og Vallahreppur 32 dýr. Áðrir
hreppar fengu færri dýr í sinn hlut,
allt niður í þrjú og fjögur dýr.
Veiðitíminn stendur frá 1. ágúst
fram til 15;september. -ES
Lúðueldi á Reykjanesi:
Söfnun á
smálúðu
í Faxa-
flóa hafin

Starfsmenn á vegum Hafrann-
sóknastofnunar eru að hefjast handa
um veiðar á fimm til sex þúsund
smálúðum í Faxaflóa sem notaðar
verða við eldistilraunir. íslandslax
og Hafrannsóknastofnun eru sam-
eiginlega að gera tilraunir með smá-
lúðueldi í kerjum, í aðstöðu íslands-
lax í grennd við Grindavík. Hafa
tilraunirnar staðið nokkurn tíma og
fyrstu niðurstöður benda til þess að
um arðvænlegt eldi geti verið að
ræða.
Dr. Björn Björnsson hefur yfir-
umsjón með tilraununum. Sagði
hann að þær lúður sem nú verða
veiddar í Faxaflóa og fyrstu tilraunir
með þær gefi tóninn í þessu sam-
bandi. Mikill dauði hefur verið hjá
lúðunum fyrstu vikurnar í kerjum og
vonast Björn og félagar til þess að
hægt verði að komast fyrir þessa
erfiðleika og þar með tryggt að hægt
verði að stunda eldið og það skili
arði. Rannsóknir nú beinast að því
að kanna hversu mikill þéttleiki
lúðunnar er mögulcgur í kerjunum.
á fermetra.
íslandslax hyggur á stórfellt eldi á
lúðu sýni tilraunir fram á arðsemi.
-ES
íslenskar myndir
í Regnboganum
Sómabátarnir tveir halda til Færeyja með fljótandi sjávarútvegssýningu.
Útflutningsráð íslands:
Sjávarútvegssýning
á floti í Færeyjum
íslenskar kvikmyndir verða sýnd-
ar í kvikmyndahúsinu Regnbogan-
um í sumar dag hvern kl. 19.00.
Sýndar verða flestar kvikmyndir sfð-
ustu 10 ára. Þær eru allar með
íslensku tali en enskum texta, þannig
að erlendir ferðamenn geti notið
þeirra líka.
Færeyingar munu á næstu dögum
eiga kost á að sjá fljótandi sjávarút-
vegssýningu frá íslandi. Útflutn-
ingsráð fslands í samvinnu við ís-
lensk framleiðslufyrirtæki í sjávarút-
vegi sendi í gær tvo Sómabáta fulla
af íslenskum tækjabúnaði til Færeyja
þar sem íslensk framleiðsla tengd
sjávarútvegi verður kynnt. Bátarnir
munu sigla á milli fimmtán færeyskra
bæja og væntanlegum kaupendum
þar boðið að skoða og prófa varning-
inn sem settur hefur verið um borð
í bátana. Mun ferðinni ljúka í Þórs-
höfn þar sem höfð verður móttaka
fyrir þá aðila í Færeyjum sem sýnt
hafa íslensku framleiðslunni áhuga.
Að sjálfsögðu munu þar verða á
boðstólum íslenskar matvörur og
íslenskar veigar.
Að sögn Jens Ingólfssonar farar-
stjóra í Færeyjaförinni og svæðis-
stjóra norðvestursvæðis hjá Útflutn-
ingsráði íslands var talið að sýning
sem þessi muni vekja meiri áhuga en
hefðbundin sölusýning. Kostir þessa
fyrirkomulags í Færeyjum væru
augljósir þar sem sýningin komi til
heimabæja væntanlegra kaupenda
þar sem koma bátanna hefur verið
rækilega auglýst í stað þess að kaup-
endur þurfi að ferðast á sýningar-
stað.
Jens sagði að Útflutningsráð ís-
lands legði mikla áherslu á Færeyja-
markað og að menn væntu mikils af
honum. Þetta framtak væri því aðe-
ins byrjunin á öflugu markaðsátaki
fyrir íslenskar vörur í Færeyjum.
Beny Rehman í Braodway
Beny Rehman einn þekktasti
skemmtikraftur í Sviss mun
skemmta gestum í veitingahúsinu
Broadway helgina 24. og 25. júlí
nk. Skemmtidagskrá Beny Reh-
man og félaga byggist aðallega á
tónlist sem er úr ýmsum áttum auk
þess sem þeir bregða á leik í litlum
skemmtiþáttum.
U.þ.b. 200 ferðamenn frá Sviss
munu koma hingað til lands að
skemmta sér í Broadway með Beny
Rehman og hljómsveit auk þess að
eyða helginni við að skoða sig um
í Reykjavík.
Lottó:
Norðfirðingar
happadrjúgir
Lottókassinn í Neskaupstað er
líklegast sá happadrýgsti á land-
inu.
Síðan íbúar Neskaupstaðar
fengu kassann í desember ’86,
hafa fjórir aðilar verið með fimm
rétta og hlotið allt frá 400 þúsund
kr. upp í 850 þúsund kr. í flestum
tilfellum er um að ræða tölur sem
fólkið hefur valið sjálft en ekki
tölvan á staðnum og yfirleitt á
miða sem það er alltaf með sömu
tölurnar á. Síðasta laugardags-
kvöld kom vinningurinn upp á
tölur sem eigandi miðans hafði
haft margar helgar í röð og jafn-
framt unnið marga smávinninga
á. Eitt laugardagskvöld voru tveir
aðilar með fimm réttar. Starfs-
menn Söluskála ESSO í Nes-
kaupstað.þar sem lottókassinn
er, sögðu jafnframt að þetta væru
einu vinningarnir með fimm rétta
sem fólk á Austurlandi hefur
hlotið. Lottókassinn í Nes-
kaupstað er að vonum mjög
vinsæll að sögn starfsmanna Sölu-
skálans. -IDS