Tíminn - 15.08.1987, Qupperneq 7

Laugardagur 15. ágúst 1987
Tíminn 7
/
Ávarp landbúnaðarráðherra, flutt við opnun
sýningarinnar BÚ ’87 í gær:
Það er vilji bænda að
verkin tali sínu máli
Landbúnaðarsýningar hafa verið
haldnar hér á landi öðru hvoru um
alllangt skeið. Allar munu þær
hafa átt það sameiginlegt, að hver
þeirra hefur verið umfangsmeiri og
fjölbreyttari heldur en sú næsta á
undan. Þar er sýningin BÚ ’87
engin undantekning nema síður
sé. Því veldur sívaxandi tækni við
framleiðslu hverrar búgreinar og
aukin fjölbreytni í afurðum þeirra,
jafnframt því sem búgreinum
fjölgar, og aldrei hefur orðið meiri
þróun á þessum sviðum en allra
síðustu árin. Jafnframt fer hugviti
og tækni við sýningarhaldið sjálft
sífellt fram og síðast en ekki síst
ytri aðstæður, sem hér hafa skapast
við byggingu hinnar nýju og glæsi-
legu reiðhallar. BÚ ’87 er því
fjölbreyttari og umfangsmeiri sýn-
ing á þessu sviði heldur en nokkru
sinni hefur verið haldin hér á landi.
Fyrir bændur er það að sjálf-
sögðu mikilvægt að fá hér tækifæri
til að kynnast þeim tækjum og
tækni sem hagkvæmust má verða
fyrir þeirra búrekstur og sjá um
leið hvernig best má nýta þeirra
framleiðslu til að fullnægja óskum
og þörfum neytenda fyrir sem fjöl-
breyttasta vöru. Það hlýtur að
verða hvatning fyrir þá sem að
framleiðslunni standa og auka trú
þeirra og bjartsýni á framtíðina.
Hér fá neytendur síðan tækifæri til
að kynnast hinum fjölbreyttu fram-
leiðsluvörum. sem fullnægja þörf-
um okkar á svo fjölmörgum
sviðum. Það ætti að gera okkur
kleift að skilja betur hversu
snautt okkar þjóðfélag væri, ef við
þyrftum að sækja stóran hluta
þeirra til annarra landa. Auk þess
sem það er mikilvægt af fleiri
ástæðum að við skulum geta fengið
þessar afurðir úr því umhverfi sem
við erum svo heppin að hafa hér á
íslandi.
Á undanförnum mánuðum og
ári má segja að nær daglega hafi
komið fram frásagnir um atriði og
aðstæður, sem eru jákvæð fyrir
framleiðslu, er á rætur í íslenskum
jarðvegi. Það er t.d. athyglisvert,
að í markaðsathugun fyrir íslenskt
lambakjöt í Bandaríkjunum, sem
landbúnaðarráðuneytið, Markaðs-
nefnd og Framleiðnisjóður land-
búnaðarins hafa beitt sér fyrir í
samráði við Útflutningsráð, þá hef-
ur þegar komið fram, að þar er
hafin mikil herferð fyrir aukinni
neyslu á bandarísku lambakjöti,
um leið og barist er gegn innflutn-
ingi. Og í þessu söluátaki er fyrst
og fremst höfðað til þeirra neyt-
enda, sem gera mestu kröfurnar
um hollan og góðan mat.
En það eru ekki aðeins beinar
neysluvörur, sem hér ber fyrir
augu. Hér er til dæmis líka kynnt
sú þjónusta sem bændur hafa í
vaxandi mæli á síðustu árum boðið
þeim, sem um landið vilja ferðast.
Og hér er líka reynt að kynna
landið sjálft. Skógrækt ríkisins og
Landgræðsla ríkisins gefa hér
mynd af þeirra starfi og árangri
þess. Þó að sjálfsögðu blasi hann
best við ef við veitum því athygli á
ferðum okkar um landið. En gróð-
urfar og uppgræðsla hefur einmitt
verið töluvert til umræðu að
undanförnu. Sem betur fer hefur
þar komið fram áhugi margra að
styðja að uppgræðslu landsins.
Reynslan sýnir líka hvað þar er hægt
að gera. Og ég tel nauðsynlegt að
ríkisvaldið reyni að koma sem best
til móts við þá sem slíkan áhuga
sýna. Ég hef því meðal annars
beðið landgræðslustjóra að gera
úttekt á þeim svæðum, sem hann
telur að henti vel á umráðasvæði
Landgræðslu ríkisins til úthlutunar
á útivistarsvæðum, svo að allir sem
þess óska, og ella eiga ekki kost á
því á annan hátt, geti þar fengið
skák til að koma upp sínum unaðs-
reit. Það ætti að stuðla að því að
fleiri kysu að verja sumrinu sem
mest til útivistar hérlendis á okkar
löngu og björtu sumardögum og
tengjast þannig landinu betur.
Það er margt sem leitar á hugann
við opnun sýningarinnar BÚ ’87,
sem haldin er í tilefni af 150 ára
afmæli búnaðarsamtakanna í land-
inu, en sjón er sögu ríkari. Það er
sannarlega viðeigandi að þeirra
tímamóta sé minnst á þennan hátt.
Það er í samræmi við viðhorf og
vilja bændastéttarinnar að láta
verkin tala og láta aðra sjá hvernig
þeir hafa gert það á liðnum árum
og gera enn í dag. Ég vil þakka
öllum þeim sem unnið hafa að
undirbúningi þessarar glæsilegu
sýningar og vonast til þess að allir
sem hingað leggja leið sína næstu
daga, komi með opnum huga, svo
að ávinningurinn af þessari sýningu
verði sem mestur fyrir sýningar-
gesti og íslenskan landbúnað.
„úiiupöKKunarvel
Otangrelnöu' ;
Jig REYKJKMÍKURBORG | ■ I
Mr Stödur '1'
Dagvist barna óskar að ráða
forstöðumenn
til starfa á eftirtalin dagvistarheimili Reykjavíkur-
borgar:
- Dagh./leiksk. Fálkaborg v/Fálkabakka, frá og
með 1. ágúst.
- Dagh./leiksk. Foldaborg v/Frostafold.
- Leiksk. Árborg v/Hlaðbæ.
- Leiksk. Leikfell v/Æsufell, frá og með 1. sept-
ember.
- Dagh. Múlaborg v/Ármúla, frá og með 1. sept.
Um er að ræða 9 mánaða starf vegna námsleyf-
is forstöðumanns.
Upplýsingar veitir framkvæmdastjóri og umsjón-
arfóstrur í síma 2 72 77
REYKJMJÍKURBORG
Aautevi Stö^áci
Dagvist barna í Reykjavík tilkynnir
opnun leyfisveitinga fyrir
daggæslu á
einkaheimilum
á tímabilinu 1. ágúst til 31. október.
Vakin skal athygli á því að sérstaklega er þörf fyrir
dagmæður í eldri borgarhverfum.
Nánari upplýsingar veita umsjónarfóstrur með
dagvist á einkaheimilum á skrifstofu Dagvista í
Hafnarhúsinu v/Tryggvagötu, sími 2 72 77.
Umsóknareyðublöð liggja frammi á afgreiðslu
Dagvista.