Tíminn - 06.10.1987, Blaðsíða 2

2 Tíminn ;
Þriöjudagur 6. október 1987
Akvörðun Verðlagsráðs veldur ólgu meðal sjómanna:
Akvörðun yfimefndar
stendur enn óhögguð
„Yfirnefnd Verðlagsráðs hefur
lokið störfum við ákvörðun á lág-
marksverði á rækju fyrir umrætt
verðtímabil, 1. október til 31. janúar
1988 með heimild til uppsagnar frá
1. nóvember með viku fyrirvara. Ég
tel að það sé ekki hægt að breyta
þessari ákvörðun. Ég mun því ekki
boða til annars fundar. Mótmælin
sem um er að ræða eru tvö símskeyti.
Annað er frá áhöfnum 56 skipa sem
mótmæla harðlega lækkun rækju-
verðs og skora á yfirnefnd að endur-
skoða þessa ákvörðun og hitt er frá
samtökum rækjusjómanna við Isa-
fjarðardjúp og þeirra orðsending
var í svipuðum dúr,“ sagði Benedikt
Valsson, oddamaður í yfirnefnd
Verðlagsráðs í samtali við Tímann í
gær, en ákvörðun yfirnefndar um að
lækka verð á rækju um 11% að
meðaltali frá síðast gildandi lág-
marksverði, hefur vakið mikla reiði
hjá rækjusjómönnum.
Fyrstu aðgerðir þeirra gegn þess-
ari ákvörðun yfirnefndar hafa nú
litið dagsins ljós. 56 áhafnir veiði-
skipa sendu inn mótmæli til yfir-
nefndar og kröfðust leiðréttingar
mála sinna.
Alls voru haldnir þrír fundir í
yfirnefnd um nýtt lágmarksverð á
rækju. Verðið var ákveðið sl.
fimmtudag með atkvæðum fulltrúa
vinnsluaðila og oddamanns gegn at-
kvæðum seljenda. Áður höfðu full-
trúar sjómanna og útgerðarmanna
farið fram á óbreytt verð, en fulltrú-
ar vinnslunnar farið fram á 20%
lækkun. { greinargerð oddamanns,
Benedikts Valssonar, segir að með
þessari verðákvörðun hafi verið tek-
ið mið af lækkun skilaverðs til vinnsl-
unnar frá síðustu verðákvörðun.
Einnig var áður reiknað með um 8%
inngreiðslu af markaðsverði í Verð-
jöfnunarsjóð og við þessa verð-
ákvörðun reiknað með 3-6% út-
greiðslu. Verðtímabilið er til janúar-
loka 1988, með uppsögn frá 1.
nóvember nk. með viku fyrirvara.
Yfirnefnd tók einnig verðákvörð-
un á hörpuskel á fundi sínum nýver-
ið. Fulltrúar sjómanna og útgerð-
armanna fóru fram á 10% hækkun,
en fulltrúar kaupenda um 8,5%
lækkun að teknu tilliti til útgreiðslna
úr Verðjöfnunarsjóði.
Nýtt lágmarksverð var síðan
ákveðið á fimmtudag með atkvæð-
um fulltrúa kaupenda og oddamanns
gegn atkvæðum fulltrúa sjómanna
og útgerðarmanna. Ákvörðunin fól
í sér um 5% lækkun frá síðast
gildandi lágmarksverði og gildir það
til desemberloka en uppsegjanlegt
frá 1. nóvember nk. með viku fyrir-
vara. -SÓL
Tveir brunar um helgina:
íbúðarhús í V-Landeyjum
og Hellissandi gjörónýt
Tvö hús brunnu til kaldra kola
um helgina. I V-Landeyjum brann
íbúðarhúsið að Vestra Fíflholti, en
það var gamall timburhús. Húsið
er gjörónýtt og er kjallarinn einna
heillegastur. Veggir standa enn, en
allt innbú er fyrir bí. Ekki er vitað
um hver efdsupptök voru.
Á Hellissandi brann svo annað
íbúðarhús, sem einnig er gjöró-
nýtt, en enginn bjó í því húsi. Illa
gekk að slökkva eldinn, þar sem
hvass vindur var og slökkviliðið
komst hvergi í vatnslögn. -SÓL
Kringluleitir
af blómahita
Starfsmenn vcrslana í Kringlunni standa nú stjarfir og kringluleitir
eftir miklar hitasveiflur við afgreiðslustörfin. Panniger mál með vexti
að hitinn inni t byggingunni er miðaður við það hvernig
garðplöntunumgeturbest liðið. Um tíma l'ór hitinn niður í 14gráður
í nokkra daga. Til þess aö ná aftur lífi í blómin var gripið til þess ráðs
að skara verulega að og var hinu tæknilega kyndi- loftræsti- og
rakakerfi beitt til hins ítrasta.
Nógur varð hitinn og þótti kápuklæddum kaupendum jafnvel um
of. Stóri vandinn er hins vegar sá að marga daga getur tekið að brevta
hitanumum einagráðueða rakanumum stig. Kerftðer meira aðsegja
svo fullkomið að fæstir verlsunarmenn geta skilið útskýringar
Sófaníasar yfirtæknimcistara ioftræstingurinnar, sem af kappi reynir
að fikra sig áfram rneð gráðurnar.
Óargadýr á
Hrútafjaröarafrétt
Eftirfarandi frétt mátti finna í Feyki sem gefið er út í Norðurlundi
vestra:
,.LIm helgina fóru menn og smöluðu Meladal. en svo nefnast
vesturhlíðardalsþesssem Hrútafjarðará rennurum. Faðværi ísjálfu
sérekki í frásögur færandi hefðu smalamenn ekki rekist á tvo veturgamla.
hrúta sem hafa gengið þar sjálfala síðan í fyrra haust. Voru hrútarnir
hin verstu villidýr og runnu á leitarmenn er þeir hugðust reka þá til
bvggöa. Þvílíkt atlnefi er óvcnjulcgt hjá sauðfé og lcikur mörgum
forvitni á að vita hvernig stendur á þessu háttarlagi hrútanna. Gera
tnenn því helst skónaaö þeir hafi á þennan hátt varið sig fyrir tófunni
í vetur. Svo fór að skilja varð hrútana eftir enda stórhættulegir
óvopnuðum mönnum. Er þaö síðast af máli þessu að frétta að risin
er upp deila milli sportvciðimanna og áhugamanna um sauðfjárrækt.
Vilja hinir fyrrnefndu ólmir t'ara á dalinn og skjóta hrútana, en hinir
telja þá merkilegt fyrirbæri og vilja láta lauma til þeirra nokkrunt
gintbrum eða ám svo koma megi upp ntannýgum vi11ifjárstofni. “
Lægra verö hjá Einari Ólafssyni á Akranesi en stórmörkuöum
„Tökum ekki við
greiðslukortum“
- segir Einar Ólafsson vera meginástæöuna
Verð fyrir neðan og ofan meðalverð
(1 þessari toflu sést hve olt verð i hvern verslun var fyrir otan og neðan meðalverð hverrar voru). Hveoft Hveoft Fjöldi fyrirneðan fyrirofan vörutegunda meðalverð meðalverð í könnun
Einar Olafsson Akranesi 69 2 71
Grundarbúð Akranesi 46 11 57
SS Akranesi 47 18 65
Skagaver Akranesi 67 7 74
Traðarbakki, Akranesi 47 18 65
Essostöðin Borgarnesi 26 34 60
Kaupf. Borgfirðinga kjörbúð, Borgarnesi 34 41 75
Kaupfelag Borgfirðinga útibú. Borgarnesi 31 38 69
Versl. Jons Eggertssonar, Borgarnesi 22 11 33
Versl. Jöns og Stefans, Borgarnesi 27 43 70
Baula Stafholtstungum 13 45 58
Kaupf. Borgfirðinga. Vegamótum 22 45 67
Kaupf. Borgfirðinga. Hellissandi 9 47 56 •
Hvammur, Ólafsvik 22 51 73
Kaupf. Ólafsvikur 20 46 66
Grund, Grundarfirði 15 40 56
Kaupf. Grundfirðinga 14 43 57
Kaupfélagið i Stykkisholmi 23 44 67
Vöruhúsið Hólmkjör, Stykkishólmi 40 28 69
Kaupf. Hvammsfjarðar, Búðardal 28 35 64
Kaupf. Saurbæinga, Skriðulandi 22 35 57
Kaupf. Kroksfjarðar, Króksfjarðarnesi 4 53 57
Kaupf. Króksfjarðar, Reykholum 7 45 52
Vestlendingar sent hyggjast spara
með innkaupum í stórmörkuðum í
Reykjavík virðast leita langt yfir
skammt - ættu fremur að leggja leið
sína í verslun Einars Ólafssonar á
Akranesi. Verslun Einars sker sig
ekki aðeins, úr með lágt vöruverð, í
samanburði við aðrar verslanir á
Vesturlandi, heldur er meðalverð 71
vörutegundar um 2,3% Iægra en
meðalverð söntu vörutegunda í stór-
mörkuðum í Reykjavík og 8% ódýr-
ari en að meðaltali í stórum hverf-
averslunum í Reykjavík. Af þessari
71 vörutegund voru 48 ódýrari eða á
sama verði en aðeins 23 dýrari en í
stórmörkuðum í Reykjavík, sam-
kvæmt nýrri verðkönnun Verðlags-
stofnunar.
Tíminn spurði Einar hvernig hann
færi að því að selja á svo lágu verði
eins og könnun þessi gefur til kynna.
„Meginástæðuna tel ég vera þá að
við höfum aldrei sclt út á greiðslu-
kort. Við þurfum því ekki að gera
ráð fyrir þeim kostnaði sem af þeim
hlýst, sem að mínu mati er ótrúlega
mikill, bæði í innheimtuþóknun til
kortafyrirtækjanna og auknum
vaxtakostnaði. Raunar er ég hissa
hvað lítið hefur verið gert úr áhrifum
greiðslukortanna á almennt vöru-
verð,“ sagði Einar.
Af öðrurn ástæðum sem hann
taldi geta haft áhrif gat Einar þess að
Akurnesingar hefðu ekki eins langan
opnunartíma verslana og margar
verslanir í Reykjavík. „Hann kostar
sitt“. Sömuleiðis sagðist Einar flytja
töluvert af sínum vörum inn beint
(en það gera t.d. stórmarkaðirnir
líka).
Einar telur sig ekki missa viðskipti
út á það að taka ekki við greiðslu-
kortum, nema kannski síður væri.
„Fólk virðist ekki síður kunna að
meta það að geta keypt á hagstæðu
verði." Verðkönnun þessi náði til
23ja matvöruverslana á Vesturlandi
og til samanburðar er meðalverð á
sömu vörum á sama tíma í stórum
og smáum verslunum í Reykjavík.
Af 76 vörutegundum sem könnun-
in náði til var 71 til hjá Einari
Ólafssyni, og að meðaltali 2.3%
ódýrari en í stórmörkuðum og 8%
ódýrari en í stórum hverfaverslunum
í Reykjavík sem fyrr segir.
Hvort það er svo samkeppninni við
Einar að þakka eða ekki virðist
vöruverð í öðrum verslunum á Akra-
nesi jafnaðarlega vera mun lægra en
annarsstaðar á Vesturlandi. Er t.d.
athyglisvert hve miklu virðist muna
á verði á Akranesi og í Borgarnesi.
Eðlilegri skýringar sýnast geta verið
á því að hæsta verðið reyndist jafn-
aðarlega í Kaupfélagi Króksfjarðar
og útibúi þess á Reykhólum.
Meðalverð allra 76 vörutegund-
anna reyndist aðeins lægra á Vestur-
landi heldur en í litlum hverfaversl-
unum í Reykjavík, um 2,3% hærra
en í stórum hverfaverslunum og
tæplega 9% hærra en í stórmörkuð-
um í Reykjavík. Meðalverð allra
verslana á Vesturlandi var rúmlega
11% hærra en hjá Einari Ólafssyni á j
Akranesi.
Af 71 vörutegund sem fengust hjá
Einari voru 46 á lægsta fmnanlegu
verði í Vesturlandi. Sú búð sem næst
kom var Skagaver á Akranesi með 8
vörur á lægsta verði. Hvorug þessara
verslana átti dæmi um hæsta verð.
Þar sló hins vegar Kf. Króksfjarðar
á Reykhólum metið með ekkert
dæmi um lægsta verð en 15 af 52
vörutegundumáhæstaverði. -HEI
Innbrot í Óperu
Brotist var inn í veitingastað-
inn Óperu aðfaranótt sunnudags-
ins og stolið þaðan ávísunum,
peningum og krítarkortanótum.
Þetta var innkoma staðarins fyrir
laugardagskvöldið, en ekki er
enn Ijóst hve mikið hvarf. Þjófur-
inn, eða þjófarnir hafa enn ekki
fundist, en Rannsóknarlögregla
ríkisins hefur málið til rannsókn-
ar. -SÓL