Tíminn - 07.10.1987, Qupperneq 15
Miðvikudagur 7. október 1987
illlllllllllllllHllllll MINNING '--v:-:'"■:■■■■ ; :
Lára Antonsdóttir
Fædd: 3. júlí 1921
Dáin: 30. september 1987
í dag er til moldar borin Lára
Antonsdóttir, Bræðraborgarstíg 53 í
Reykjavík. Foreldrar hennar voru
Stefanía Eiríksdóttir frá Patreksfirði
Einarssonar frá Saltvík og Anton
Magnús Magnússon frá Reykjavík,
sonur Magnúsar Guðmundssonar
skósmiðs. Faðir Láru fórst með
togaranum Robertsson árið 1925 en
þá var hún aðeins fjögurra ára
gömul. Eftir það ólst hún upp hjá
foreldrum móður sinnar, þeim Vig-
dísi Einarsdóttur frá Tungumúla í
Barðastrandarhreppi og Eiríki Ein-
arssyni. Þau bjuggu þá á Patreksfirði
en fluttu síðan til ísafjarðar og
bjuggu þar um nokkurra ára skeið.
Lára flutti með þeim til Reykjavíkur
árið 1930 og bjó þar til æviloka.
Lára giftist ung Sigurjóni Guð-
mundssyni Jónssonar frá Árbæ í
Ölfusi og eignuðust þau eina dóttur,
Rósu Stefaníu, sem starfar á Skatt-
stofu Akureyrar, en hún er gift Heimi
Ingimarssyni frá Bíldudal. Lára og
Sigurjón skildu.
Lára giftist aftur þann 9. nóvem-
ber 1946 Vali Guðmundssyni Gísla-
sonarskósmiðs í Reykjavík. Lára og
Valur eignuðust þrjár dætur. Sig-
rúnu hjúkrunarkonu en hún er gift
Guðmundi M. Jónssyni, Björk
bankastarfsmann sem er gift Magn-
úsi Leópoldssyni og Ernu, en hún er
gift Sveini Skúlasyni. Barnabörnin'
sem kveðja ömmu sína í dag eru tíu
og barnabarnabörnin fimm og er
harmur þeirra mikill. Við hin, syst-
kini Láru og vinir, kveðjunt hana
með söknuði. Hún bar ætíð með sér
birtu, hlýju og gleði hvar sem hún
kom og skilur brottför slíkrar konu
cftir tóm sem erfitt er að fylla. Á
kvcðjustund cr mönnum gjarnt að
líta yfir farinn veg og rifja upp atvik
og Ijúfar minningar. Lára kunni þá
list að njóta þess sem lífið hefur
uppá að bjóða og hún var óspör á að
veita okkur hinum hlutdeild í lífs-
gleði sinni.
Það var því sem ský drægi fyrir
sólu þegar hún veiktist af þeini
sjúkdómi sem að lokum varð henni
að aldurtila. Hún gekkst undir upp-
skurð sem við vonuðum öll að hefði
læknað hennar mein. því að honum
loknum fór hún aftur til starfa á
barnaleikvellinum sem hún helgaði
starfskrafta sína unr 20 ára skeið.-En
aftur varð hún að hverfa frá störfum
vegna sjúkdómsins. Þótt baráttan
við hann væri löng og ströng heyrð-
um við aldrei æðruorð frá henni.
Víst er að hún naut öruggs stuðnings
eiginmanns og dætra, ekki síst þegar
Ijóst var hvað framundan væri og
mest þurfti á að halda. Við, sem nú
tregum systur okkar svo mjög, trú-
um á lífið og við erum sannfærð um
það að hún er nú komin á það æðra
svið lífsins þar sem kærleikurinn
ríkir. Við minnumst hennar með
virðingu og þökk fyrir allar óg-
leymanlegu stundirnar sem við átt-
um saman. Söknuðurinn er mikill en
mestur er harmur Vals, eiginmanns
hennar. Milli þeirra ríkti ávallt gagn-
kvæm virðing og ást og til þcirra
gátum við, systkinin og vinirnir,
alltaf lcitað. Ég votta honum og
dætrunum samúð mína og fjölskyldu
minnar.
Jón. G. ívarsson
Tíminn 15
Húsverndarsjóður
Reykjavíkur
Á þessu hausti verða í fyrsta sinn veitt lán úr
húsverndarsjóði Reykjavíkur. Hlutverk sjóðsins
er að veita lán til viðgerða og endurgerðar á
húsnæði í Reykjavík, sem sérstakt varðveislugildi
hefur af sögulegum eða byggingasögulegum
ástæðum. Umsóknum um lán úr sjóðnum skulu
fylgja greinagóðar lýsíngar á fyrirhuguðum fram-
kvæmdum, verklýsingar og teikningar eftir því
sem þurfa þykir.
Umsóknarfrestur er til 27. október og skal umsókn-
um stíluðum á Umhverfismálaráð Reykjavíkur
komið á skrifstofu garðyrkjustjóra, Skúlatúni 2,
105 Reykjavík.
Umhverfismálaráð Reykjavíkur.
Sveitarstjóri
Starf s\«eitarstjóra Borgarneshrepps
er lausttil umsóknar. Umsóknir, með upplýsingum
um menntun og fyrri störf, skulu hafa borist
skrifstofu Borgarneshrepps fyrir 23. október nk.
Upplýsingar um starfið veita Eyjólfur T. Geirsson,
oddviti og Gísli Karlsson, sveitarstjóri.
Sveitarstjórn Borgarneshrepps.
FRÍMERKI líllll!llllilíll
AFA DANMÖRK
Aarhus Frimærkehandel hefir
sent frá sér frímerkjaskrána yfir
Danmörku, Færeyjar, Grænland og
Vestur-Indíur. Þessi frímerkjaskrá
er með merkjunum í lit og auk þess
eru skráð jólamerki og frímerkja-
hefti, ársmöppur og sérstakt yfirlit
yfir ýmsar gerðir (týpur) frímerkj-
anna. Þá eru einnig endurprentanir
og reynsluprentanir skráðar.
Þarna er um vandaða sérskrá að
ræða og engin þau mistök, sem því
miður urðu í prentun Norðurlanda-
listans. Myndefni eru gerð mjög góð
skil með litprentuninni og afbrigði í
svart hvítu.
Vegna litarins er þessi skrá nokkru
dýrari en Norðurlandaskráin, sem
kostar Dkr. 95,00, en þessi aftur á
móti Dkr. 118,00.
Eitt er það sem vekur athygli hér,
en það er að fjöldi, upplag fyrsta
dags bréfa er skráður við hverja
útgáfu, á sama hátt og upplagsstærð
merkjanna. Er fjöldi fyrstadagsbréfa
nýrra merkja allt frá rúmu 21 þús-
undi uppí tæp 200 þúsund. Vitus
Bering útgáfan, sú fyrsta er var
opinberlega fyrsta dags stimpluð var
stimpluð í um 50 þúsund eintökum.
Ef nefna á eitt dæmi um verðlag
þá er freistandi að taka frímerkin frá
Thule, útgáfurnar 1935 og 1936.
Þegar sá sem þetta ritar var í gagn-
fræðaskóla var hægt að kaupa þessi
fyrstadagsbréf fyrir nokkrar krónur
í Tóbaksversluninni London, þó 10
ár væru liðin frá útgáfu þeirra. Nú
kosta merkin notuð Dkr. 210,00
samstæðan og hvert merki á bréfi
Dkr. 600,00. Upplagið var líka að-
eins 250 þúsund og um svæðismerki
að ræða, sem aðeins giltu innan
leiðarinnar til Kap York, sem farin
var sem póstferð einu sinni á ári.
Af jólamerkjum eru aðeins tekin
með hin opinberlega útgefnu, ekki
einstaka félagsmerki, nema blokk-
irnar sem Julemærkeforeningen hef-
ir gefið út. Einnig eru teknar
minnaarkir frá sýningum, sem Jule-
mærkekomitteen hefir gefið út.
Skemmtileg og vönduð frímerkja-
skrá.
Sigurður H. Þorsteinsson.
Hafnarfjörður
Víðivellir
Fóstrur eöa starfsfólk óskast til starfa á dagheimilið
Víðivelli. Upplýsingar gefur Þórleif Jónsdóttir,
forstöðukona í símum 52004 og 53500.
Félagsmálastjórinn í Hafnarfirði
TÖLVUNOTENDUR
Við í Prentsmiðjunni Eddu
hönnum, setjum og prentum
allar gerðir eyðublaða fvrir tölvuvinnslu.
Smiðjuvegi 3, 200 Kópavogur. Sími 45000
VELTIBOGAR
Á DRÁTTARVÉLAR
t Systir okkar
Sesselja Eysteinsdóttir
Ingólfsstræti 16, Reykjavik,
lést á heimili sínu 5. október.
Ólafur Eysteinsson, Arnbjörg Eysteinsdóttir,
Einar Eysteinsson, Kristín Eysteinsdóttir.
t
Innilegar þakkir til allra er sýndu okkur vináttu og hlýhug við fráfall og
útför
Friðriks Jónssonar,
vörubílstjóra,
Ásvallagötu 24, Reykjavik
Steinn Steinsson
Þorsteinn Steinsson Sigurbjörg Guðmundsdottir
Finna Birna Steinsson Baldur Hafstað
Friðrik Steinsson
Þorkell Steinsson