Tíminn - 17.10.1987, Blaðsíða 3

Laugardagur 17. október 1987
Tíminn 3
Kjötið
„finnst" á
mánudag
„Þessi mismunur liggur í mis-
munandi talningaraðferðum og
þessa dagana eru menn frá
bönkunum og Sambandinu að
vinna að því að samræma aðferðir
sínar,“ sagði Guðbjörn Jónsson,
umsjónarmaður afurðalána hjá
Samvinnubankanum, er Tíminn
spurðist fyrir um „kjötið sem
ekki fannst". Sagði hann að töl-
urnar skýrðust strax eftir helgi.
Sagði hann líka að kjötið væri
talið í stæðum en ekki vigtað
skrokk fyrir skrokk, eins og
margir virtust halda af fréttum
síðustu daga. Taldi hann að rýrn-
unartölur ættu eftir að lækka
verulega í endanlegum tölum.
Tíminn hefur heimildir fyrir því
að endanlegar tölur verði nálægt
100 tonnum.
Hjá Landsbankanum fengust
þær upplýsingar að eðlileg rýrnun
væri um 0,5-1% og að þessar
fyrstu tölur dagblaðanna væru
alveg út í hött.
Búnaðarbankinn gaf þær upp-
lýsingar að þær talningar sem
farið hefðu fram hjá þeim fyrir-
tækjum er skipta við afurðalána-
deildina þar, væru mjög nálægt
því sem talið var.
Þau fyrirtæki sem fengið hafa
lán með veði í kjötbirgðum sínum
eru kaupfélög og sláturfélög víða
um land. Búvörudeild SlS hefur
af þeim sökum milligöngu við
bankana í flestum tilfellum, þar
sem sláturfélög eru víða í eigu
kaupfélaga.
Hafði einn viðmælandi Tímans
á orði að leitt væri að þurfa að
taka skyndilega gleði frá starfs-
mönnum fjármálaráðuneytis,
sem töldu að nú yrði minna um
niðurgreiðslur en ætlað hafði
verið. KB
Vesturbær:
Sofandi maður
stunginn hnífi
Við Meistaravelli í Reykjavík var
haldið samkvæmi aðfaranótt föstu-
dagsins. Eitt leiddi af öðru og um
miðja nóttina var sofandi maður
stunginn hnífi, þar sem hann svaf í
myrkvuðu herbergi. Var hann í
skyndingu fluttur á slysadeild, en
reyndist minna slasaður en haldið
var í fyrstu, með sár á hálsi.
Maður og kona voru færð í fanga-
geymslur lögreglunnar eftir ver-
knaðinn og dvöldu þar í nokkurn
tíma. Maðurinn hefur játað að hafa
beitt hnífnum. Hann er vel þekktur
hjá lögreglunni, enda „góðkunn-
ingi“ hennar. -SÓL
Fimmti hver
gigtveikur
Fjórar og hálf milljón Norður-
landabúa þjáist af gigt, þar af 50
þúsund íslendingar, eða fimmti hver
landsmaður. Þetta eru stórar tölur,
enda er gigtin dýrasti sjúkdómur
þjóðanna, í læknishjálp, fötlun og
vinnutapi.
Þetta var m.a. til umræðu á fundi
Norræna gigtarfélagsins sem haldinn
var í Finnlandi nýverið. Þann fund
sóttu þrír íslendingar og var íslenska
sendinefndin undir forystu Sigríðar
Gísladóttur, varaformanns Gigtar-
félags íslands.
Tilefni fundarins var einkum að
undirbúa norrænt gigtarþing, sem
haldið verður í Reykjavík á næsta
ári. Einnig var ákveðið á fundinum
að stefna að stofnun sambands
norrænna gigtarfélaga á þinginu í
Reykjavík næsta vor. -SÓL
NISSAIM
PATHFINDER
NISSAN PATHFINDER
VERÐUR FÁANLEGUR INNAN SKAMMS í ÖLLUM GERÐUM
★ Nissan Pathfinder er með 6 strokka bensínvél
(sama vél og er í Nissan sportbílnum 300 zx).
★ Nissan Pathfinder er einnig með 2.4 lítra bensínvél, þrælöflugri.
★ Nissan Pathfinder er fáanlegur með sjálfskiptingu eða 5 gíra.
★ Nissan Pathfinder er fáanlegur með ótal aukahlutum.
Ef hinir kröfuhörðu jeppagagnrýnendur Bandaríkjanna eru á einu máli um að Nissan Pathfinder sé sá besti,
þá hlýtur að vera fótur fyrir því.
PATHFINDER VERÐUR TIL SÝNIS í REIÐHÖLLINNI NÚ UM HELGINA -
17. OG 18. OKTÓBER - KL. 10-20 BÁÐA DAGANA
/S
ra

M 1957-1987 Yi
Vv 30 æ
S^ára^
INGVAR HELGASON HF.
Sýningarsalurinn/Rauðagerði, simi 33560.