Tíminn - 17.10.1987, Blaðsíða 7

Laugardagur 17. október 1987
Tíminn 7
Jarðarkaup borgarinnar í Vatnsenda:
BÆJARRÁÐ KÓPAVOGS
BREGST ÓKVÆÐA VIÐ
„Bæjarráðsmönnum finnst það
ekki eðlilegt að samskipti milli sveit-
arfélaga gangi svona fyrir sig, að það
sé búið að undirrita samning og
síðan komið og sagt hana nú,“ sagði
Kristján Guðmundsson, bæjarstjóri
Kópavogs, varðandi viðskipti
Reykjavíkurborgar og landeigenda
í Vatnsenda. „í þessu samhengi er
rétt að það komi fram að við höfum
margoft óskað eftir því að gengið
verði frá óljósum mörkum milli
Reykjavíkur og Kópavog. Þess
vegna höfum við sett þessi jarðar-
kaup borgarinnar innan marka
Kópavogs í samhengi við þá um-
ræðu.“ Greindi Kristján einnig frá
því að bærinn gekk frá líkum málum
við Garðabæ fyrir nokkru og þar sé
allt á hreinu.
Sagði Kristján Guðmundsson að
bæjarráð hefði ákveðið að skipa
menn f viðræðunefnd við borgina til
að ræða landamerkin og þessa uppá-
komu ofan í kjölinn. Þetta væri ekki
bara spurning um það hvort Kópa-
vogur nýtti sér þann forkaupsrétt
sem getið er um í kaupsamningi
borgarinnar og Vatnsendamanna.
Það væri langt síðan borgin hefði
sýnt hug á að komast yfir land á
þessu svæði og borgaryfirvöldum
ætti að vera fullljóst um afstöðu
bæjaryfirvalda Kópavogs. Sagðist
Kristján ekki vera tilbúinn til að tjá
sig um það hvert yrði framhaldið á
þessum viðskiptum. Það yrði að
bíða og sjá hvaða niðurstöður koma
út úr störfum þessarar sérstöku sam-
skiptanefndar.
Landið sem um ræðir, er við
Elliðavatn og er m.a. fyrirhugað að
svokallaður ofanbyggðarvegur liggi
þar urn. Á þessu svæði er einnig
nokkuð stórt byggingarsvæði, sem
borgin hefur áætlað að verði íbúða-
hverfi. Samkvæmt skipulagi borgar-
innar myndi þetta íbúðahverfi tengj-
ast Efra- Breiðholti á annan kantinn
og Rauðavatnsbyggðinni á hinn.
Alls er landið yfir 40 hektarar að
stærð.
- KB
Sambandslandið í Smárahvammi:
Forkaupsréttur Kópavogs
lengdur til áramótanna
Bæjarráðsmenn Kópavogs
ákváðu á fundi sínum á fimmtudag-
inn var, að fara fram á það við
Samband íslenskra samvinnufé-
laga, kaupendur að landi úr Smára-
hvammsjörðinni, að þeir fram-
lengdu uppgefinn frest á forkaups-
réttindum bæjarins. Hefur um
þetta tekist samkomulag, að sögn
Kristjáns Guðmundssonar bæjar-
stjóra, á sérstökum fundi allra
bæjarstjórnarmanna og forsvars-
manna SÍS. Fresturinn, sem um
ræðir, er til næstu áramóta.
Þessi framlenging á fresti for-
kaupsréttinda bæjarins, er til kom-
in vegna þess að bæjaryfirvöld vilja
fá að sjá grófa byggingar- og ráð-
stöfunaráætlun hinna nýju landeig-
enda, áður en fallið verður frá
forkaupsrétti.
Sagði Kristján Guðmundsson,
bæjarstjóri, að málið hefði alls
ekki, og á engu stigi þess, verið
rætt í samhengi við svokallað Hall-
dórsmál. öll afgreiðsla þessara við-
skipta Sambandsins, af bæjarins
hálfu, væri af jákvæðum toga.
Sagði hann einnig að það hefði
verið Ijóst, frá því Sambandið
barst í tal sem væntanlegur landeig-
andi í Kópavogi, að flestir bæjar-
ráðsmenn væru málinu fylgjandi.
Því má skjóta hér inn að Tíminn
hefur fregnað af öðrum hópi
manna er virðist vera að keppa við
fjársöfnun Halldórs Jónssonar um
þessa 24.05 hektara lands úr
Smárahvammsjörðinni. Ekki hefur
rcynst unnt að fá það staðfest,
enda virðist slíkur möguleiki nú
vera út úr allri umræðu varðandi
Sambandslandið. - KB
Merkisdagar SVFÍ:
Landsátak til
sjóslysavarna
Merkisdagar Slysavarnafélags
Islands verða haldnir í næstu viku,
nánar tiltekið dagana 23.-25. októ-
ber. Þá mun fólk á vegum Slysa-
varnafélagsins ganga í öll hús í
landinu og bjóða til kaups barm-
merki, sem er björgunarhringur úr
málmi. Með þessu er Slysavarna-
félagið að hleypa af stokkum
landsátaki til aukinna sjóslysa-
varna um allt land.
Fé það sem mun safnast við sölu
merkjanna mun verða notað til
hinna ýmsu verkefna samtakanna,
til dæmis kaupa á stærri og hrað-
skreiðari björgunarbátum en nú
almennt tíðkast, en þörf fyrir slíka
báta hefur aukist mjög samfara ört
vaxandi sjósókn smábáta á
grunnslóð og fjölgun sportbáta.
Nú þegar hafa verið teknir í
notkun hraðskreiðir björgunarbát-
ar og er Jón E. Bergsvcinsson frá
Reykjavík dæmi um slíkan bát.
Reynslan hefur sýnt að bátar þessir
eru stórkostleg öryggisbót fyrir
sjómenn, en þeir ná á slysstað mun
fljótar en áður tíðkaðist og geta
athafnað sig í mun erfiðari veðrum
og aðstæðum en áður var. Hrað-
bátar þessir samhliða hinum nýju
flotbúningum sem nú á að koma í
öll íslensk skip munu án efa bjarga
mörgum mannslífum í framtíðinni.
Halldór Ásgrímsson sjávarút-
vegsráðherra er verndari Merkis-
daga SVFÍ og hvetur hann bjóðina
til sameiginlegs stórátaks. Á blaða-
mannafundi sem Slysavarnafélagið
hélt í Viðey sýndi sjávarútvegsráð-
herra meðal annars notkun hinna
nýju flotgalla sem Landssamband
íslenskra útvegsmanna gaf Slys-
avarnaskóla sjómanna á dögunum.
- HM
Bændur - Verktakar
Höfum til afgreiðslu strax STEYR 8090a með eða án frambúnaðar.
Hagstætt verð
Mjög góð greiðslukjör
Hafið samband
Flatahraun 29,
220 Hafnarfjörður
sími 91-651800.