Tíminn - 10.01.1988, Qupperneq 6

6 Tíminn
Sunnudagur 10. janúar 1988
„BÚIÐ AÐ VERA
ERFITT ÁR“
- sagði Bjarki Elíasson yfirlögregluþjónn í samtali við Tímann um Lögregluskóla ríkisins
Fjöldi björgunarbáta hefur safnast
saman fyrir utan Reykjavíkurhöfn
og þyrla Landhelgisgæslunnar
sveimar yfir. Það má sjá að verið er
að draga mann um borð í einn af
bátunum og þyrlan er að hífa annan
mann um borð. Hvað hafði eiginlega
átt sér stað, fórst bátur þarna við
innsiglinguna, eða hvað? Ekki var
laust, við að aðfarirnar á sundinu
vektu athygli vegfarenda, sem gerðu
jafnvel hlé á ferðum sínum eða að
minnsta kosti drógu úr ökuhraðan-
um til að fylgjast með því sem fram
fór.
Þá sem fylgdust með úr fjarlægð
var eflaust farið að gruna að ekki
væri allt með felldu þegar tekið var
til við að dæla vatni á mennina sem
voru í björgunarbátunum og stöðva
þyrluna í nokkurra metra hæð yfir
þeim, í þeim eina tilgangi að því er
virtist að gera mönnunum um borð
lífið leitt.
Allt hafði þetta sínar cðlilegu
skýringar, því hér var um að ræða
nemendur á seinni önn lögregluskól-
ans við björgunaræfingu á sjó.
Við lögðum því leið okkar á
lögreglustöðina og fengum Bjarka
Elíasson yfirlögregluþjón, til að
segja okkur frá nvaö það væri sem
lögreglumenn fái helst þjálfun í.
Einnig lék okkur forvitni á að vita
hvað það væri sem gerði lögreglu-
starfið svo eftirsóknarvert sem raun
ber vitni. Til marks um það má geta
þess að síðastliðiö haust sóttu milli
70 og 80 manns um störf hjá lögregl-
unni.
TEKURTVÖÁRAÐ
VERDA FULLGILDUR
LÖGREGLUÞJÓNN
„Fyrsti vísir að fræðslu fyrir lög-
reglumenn kom fram 1930 fyrir til-
stuðlan Hermanns Jónasonar, þá
var það bara stutt námskeið. Síðan
er það fyrst um 1964 sem fram
kemur reglugerð um þetta nám.
Það má eiginlega skipta þjálfun-
inni í þrennt, bóklegt nám, verklegt
nám og starfsþjálfun. Einnig leggj-
um við rnikla áherslu á líkamsþjálf-
un,“ sagði Bjarki Elíasson yfirlög-
regluþjónn sem jafnframt sér um
daglegan rekstur Lögregluskóla
ríkisins.
„Náminu í lögregluskólanum er
skipt í tvær annir. Fyrri önnin stend-
ur í átta vikur eða fram í miðjan
desember og þurfa nemendur að ná
5 í meðaleinkunn til að fá að halda
áfrani. Eftir það fara nemendurnir
til síns embættis og vinna þar við
lögreglustörf sem líta má á sem
starfsþjálfun. Að hausti fara þeir
síðan aftur í skólann á síðari önnina,
en hún stendur frá október og fram
í maí, og þeim áfanga þurfa þeir
cinnig að Ijúka með fullnaðareink-
unn.
Ef þcir standast allar þær kröfur
sem gerðar eru á þessu tímabiii, þá
fyrst eru þeir skipaðir í stöður.
Þannig að það tekur um tvö ár að
verða fullgildur lögregluþjónn.
Á þessum tíma er farið í gegn um
allt það sem lögregluþjónum má
verða að gagni, því þeir þurfa að
kunna góð skil á ýmsum lögum og
reglugerðum í þjóðfélaginu til þess
að vinna eftir, svo sem meðferð
opinberra mála sem er nú eiginlega
biblía hvers lögreglumanns. Þar er
útskýrt hvernig þeir eiga að haga sér
í samskiptum við borgarana, hvað
þeir mega gera og ekki síður hitt,
hvað þeir mega ekki gera.“
AÐ UPPFYLLTUM
ÁKVEÐNUM SKILYRÐUM
GETUR ÞÚ ORÐID
LÖGREGLUÞJÓNN
„Til þess að geta orðið lögreglu-
þjónn, þurfa umsækjendur að upp-
fylla ákveðin skilyrði. Þeir þurfa að
vera á aldrinum 20 til 30 ára, hafa
lokið grunnskólaprófi og tveggja ára
framhaldsnámi í einhverri grein,
vera með hreint sakavottorð, stand-
ast kröfur um líkamshreysti og hafa
öll skilningarvit í lagi. Karlar þurfa
að vera 178 sm á hæð og konur 172
sm á hæð.
Umsækjendur eru síðan kallaðir
fyrir valnefnd sem ræðir við umsækj-
endur og spyr þá út úr um sína hagi.
hversu þeir eru vel upplýstir um
þjóðfélagið og hvort þeir séu með
einhverja þá líkamsgalla eða aðra
galla sem ekki væru heppilegir í
lögreglustarfi. Síðan taka þeir inn-
tökupróf í íslensku og eru látnir
ganga í gegnum þrekpróf.“
ÆFINGASTÖÐ í SALTVÍK
„I Saltvík höfum við æfingastöð
fyrir verklegar æfingar. Þar höfum
við möguleika á að setja upp brota-
vettvang, stunda líkamsþjálfun,
björgunaræfingar, leitaræfingar,
slysahjálp, áttavita og ratæfingar,
svo eitthvað sé nefnt. Sérsveitin
hefur þarna líka aðstöðu.
Við vorum með æfingastöðina úti
á Suðurnesi. En vegna nálægðar við
golfvöllinn og byggðina á Seltjarn-
arnesi var ákveðið að flytja æfinga-
stöðina í Saltvík. sem kemur einnig
til af því að við æfum okkur með
táragas sem ekki er hægt að vera
með nema utan við almenna
umferð.“
MIKIL BLÓDTAKA 1985
„Þetta er búið að vera erfitt ár,
það eru 88 manns hérna í skólanum
í tveim deildum.
Ástæðuna fyrir þessum gífurlega
fjölda í skólanum núna má rekja til
ársins 1985. Þá voru launakjör ekki
mjög góð hér og menn sóttu mikið í
burtu og fengu betur launuð störf
annars staðar, sérstaklega ungir
menn. Þetta var mikil blóðtaka, því
það fóru á einu ári um 40 manns frá
okkur hérna í Reykjavík og svo
eitthvað utan af landi, þannig að við
urðum að auglýsa og fá inn nýtt lið.
Nú, launakjörin löguðust í síðustu
samningum þannig að menn sáu
fram á betri tíð. Ég held að það sé
kannski megin ástæðan fyrir þessari
aukningu. En önnur ástæða held ég
að eigi líka stóran þátt, sem er að
lögreglustarfið hefur verið meira í
sviðsljósinu undanfarið heldur en
áður var og ég held að við höfum
fengið jákvæða umfjöllun sem hefur
Bjarki Elíasson yfirlögregluþjónn sér um daglegan rekstur Lögregluskóla
ríkisins. (Tímaraynd Pc(ur)
Við fyrstu sýn mætti halda að skipverjum á Magna væri illa við lögregluna, en svo er víst ekki. Hcldur er verið að venja þá við ágjöf.
(Tímamynd Pétur)