Tíminn - 17.03.1988, Blaðsíða 5
Fimmtudagur 17. mars 1988
Tíminn 5
ÁRÓDURSSTRÍD
Á FULLRIFERD
Nýr angi af kjaradeilu kennara
og ríkisins kom upp á yfirborðið í
gær með miklu áróðursstríði samn-
ingsaðila. Ráðuneytismenn, með
Jón Baldvin í broddi fylkingar,
léku eitruðu peði fram um tvo reiti
með blaðamannafundi kl. 16 í gær,
þar sem annarsvegar voru kynntar
kröfur kennara, frá sjónarhóli
ríkisins, auk upplýsinga ráðuneytis
um laun ýmissa hópa ríkisstarfs-
manna.
Forsvarsmenn Kennarasam-
bands íslands svöruðu þessum leik
Jóns Baldvins með blaðamanna-
fundi klukkustund síðar, þar sem
staða mála var kynnt frá sjónarhóli
kennara. Óhætt er að segja að
upplýsingar á þessum fundum hafi
stangast all verulega á.
Jón Baldvin Hannibalsson,
fjármálaráðherra, sagði á blaða-
mannafundi, hinum fyrri, að kröf-
ur kennara innan JJins íslenska
kennarafélags væru metnar upp á
65% hækkun launa. Kröfur Kenn-
arasambands íslands væru hinsveg-
ar „nokkru hófsamari", eins og
ráðherra orðaði það. Kröfur HÍK
væru þannig um 51% umfram það
sem ríkið hefði boðið kennurum
nú. Jón Baldvin sagði að tilboð
ríkis nú væri í samræmi við kjara-
samning VMSÍ og VSÍ auk þess
sem tillit væri tekið til ábendinga
starfskjaranefndar.
Aðspurður um hvort ekki væri
óeðlilegt að ætla að kennarar sam-
þykktu samning svipaðan þeim
sem verkafólk hefði að undanförnu
kolfellt, sagðist Jón Baldvin enn
binda vonir við að kennarar stilltu
sínum kröfum í hóf, enda hefði
reynslan sýnt að hófsamir kjara-
samningar tryggðu fólki betri laun,
þegar til lengri tíma væri litið.
Á fundinum var lagt fram yfirlit
um áætluð heildarlaun ýmissa
starfshópa í ríkisgeiranum í des-
ember sl. Þessar tölur eru fundnar
út með því að leggja ofan á strípaða
kauptaxta í desember sl. meðaltal
aukagreiðslna fyrir hvern mánuð
ársins 1986, þ.m.t. yfirvinnu-
greiðslur. Fram kemur að heildar-
laun framhaldsskólakennara innan
HÍK í desember sl. hafi verið
98.703 kr., en grunnskólakennarar
í HÍK hafi fengið 77.807 kr. í laun
þann mánuð. Laun framhalds-
skólakennara í Kennarasambandi
Islands, samkvæmt þessum
plöggum, voru í desember sl. krón-
ur 91.815 kr., en laun grunnskóla-
kennara 74.820 krónur.
Svanhildur Kaaber, formaður
Kennarasambands íslands, mót-
mælti þessum launatölum Jóns
Baldvins harðlega á blaðamanna-
fundi hinum seinni í gær. „Inn í
þessum tölum eru t.d. laun stjórn-
enda skólans, sem að sjálfsögðu
eru hærri en hjá hinum almenna
kennara. Þarna eru líka talin laun
ýmissa hópa kennara, sem raðast
hærra í Iaunaflokka en almennir
kennarar gera. Þegar reiknuð eru
meðaltalsdagvinnulaun almennra
grunnskólakennara og leiðbein-
enda, kemur í ljós að í desember
1987 eru meðaltalsdagvinnulaun
grunnskólakennara 55.000 krónur,
en það er um 6% lægra en fram
kemur í upplýsingum fjármála-
ráðuneytisins. Ef gengið er út frá
sömu forsendum og ráðuneytið
gerir, eru heildarlaun, þ.m.t. yfir-
vinna, um 69 þúsund krónur, eða
8% lægri laun en ráðuneytið segir
kennara fá.“
Verkfallshljóð í
Frá fundi kennara í Broadway
(Tíinamvnd Gunnar)
Jón Baldvin Hannibalsson og Indriði H. Þorláksson á blaðamannafundi
í gær. Tímamynd Gunnar.
Svanhildur lét þess getið að
kennarar gætu ekki gengið að því
tilboði, sem ríkið hefði komið
fram með í yfirstandandi samn-
ingaviðræðum, því að það þýddi í
raun kjararýrnun fyrir kennara-
stéttina. Hún lagði þó áherslu á að
þrátt fyrir að mikið bæri á milli,
teldu kennarar að leggja bæri mikla
áherslu á að halda áfram viðræð-
um, því það væri deginum ljósara
að samningar þyrftu einhverntím-
ann að nást.
í gær hófst atkvæðagreiðsla
félagsmanna í Kennarafélagi ís-
lands um heimild til verkfallsboð-
unar. Atkvæðagreiðslunni lýkur í
dag. Verði heimildin samþykkt,
má búast við að verkfall verði
boðað 25. marsogverkfallkennara
hæfist þá 11. apríl nk., ef ekki nást
samningar fyrir þann tíma. óþh
kennurum
Kennarar í Kennarasambandi
fslands og Hinu íslenska kennara-
félagi, héldu mjög fjölmennan bar-
áttufund í Broadway í fyrradag.
Þar var staðan í kjaramálum
kennara rædd, en í gær og í dag fer
fram allsherjaratkvæðagreiðsla hjá
KÍ (mest grunnskólakennarar) um
það hvort veita eigi stjórn félagsins
verkfallsheimild. Á morgun og
mánudag fer fram sams konar
atkvæðagreiðsla hjá HÍK (mest
framhaldskólakennarar). Baráttu-
andi var á kennarafundinum í
Broadway og af málflutningi
manna þar er ljóst að stjóriíum
félaganna verði veitt yerkfallshei-
mild. Skólastarf í grunnskólum og
framhaldsskólum landsins gæti því
lamast um miðjan apríl, þ.e. fljót-
lega eftir að páskafríum lýkur,
vegna kennaraverkfalls. Á Bro-
adwayfundinum kom það mjög
ákveðið fram að kennarar vísa allri
ábyrgð á afleiðingum verkfalls á
hendur ríkisvaldinu. Benda kenn-
arar á niðurstöðu starfskjaranefnd-
ar menntamálaráðuneytisins,
kennarafélaganna og fjármálaráð-
uneytisins þar sem kemur fram að
betri laun kennara myndu efla
skólastarf í landinu.
í ályktun Broadwayfundarins
segir m.a.: „Nú hafa samningavið-
ræður staðið yfir frá því í desember
og ekkert miðar í samkomulagsátt.
Þrátt fyrir fögur fyrirheit um kjara-
bætur til kennara og bætt skóla-
starf, liggur nú fyrir tilboð sem
gengur í þveröfuga átt... . Fundur-
inn átelur stjórnvöld harðlega fyrir
að etja kennurum enn einu sinni út
í verkfallsaðgerðir sem koma til
með að bitna á þeim sem síst
skyldi." - BG
Kennarar missa
samúð nemenda
Yfirvofandi verkfall framhalds-
skólakennara getur haft alvarlegar
afleiðingar í för með sér fyrir þá
nemendur sem ætla sér að útskrifast
nú í vor. Á undanförnum fjórum
árum hefur HÍK farið tvisvar sinnum
í verkfall og yrði verkfallið nú því
það þriðja sem þessir nemendur
lentu í.
Þeir nemendur í Menntaskólanum
við Hamrahlíð sem hafa hugsað sér
að útskrifast í vor og lent í tveim
fyrrnefndum verkföllum, hafa sent
áskorun til samtaka kennara annars
vegar og Fjármálaráðuneytisins hins
vegar. fáskoruninni benda nemend-
urnir á hversu bagalegt það sé fyrir
þá ef til þriðja verkfallsins kæmi og
skora því á deiluaðila að komast að
samkomulagi þannig að ekki þurfi
að koma til verkfalls.
Elísa Henný Amardóttir nemandi á
4. ári í M.S. (Tímamynd Gunnar)
Nemendur á 4. ári í Mennta-
skólanum við Sund sem Tíminn
hafði tal af í gærdag voru sammála
um að verkfall, ef til þess kæmi,
hefði mjög slæm áhrif.
„Það væri slæmt ef til verkfalls
kæmi og það yrði í einhvern tíma,
þannig að við gætum ekki tekið
prófin," sagði Elísa Henný Arnar-
dóttir nemandi á fjórða ári í Mennta-
skólanum við Sund, „eða þá að
próftíminn yrði styttur og prófunum
þjappað saman.
í hinum tveim verkföllunum höf-
um við misst mikið af kennslu en það
kemur ekki svo mikið niður á fjórðu-
bekkingum núna vegna þess að við
förum í upplestrarfrí á þessum
tíma.“
Svipað var uppi á teningnum hjá
þeim Sigurði B. Halldórssyni, Eiríki
Sigurður B. Halldórsson, Eiríkur Guðmundsson og Guðjón Karlsson.
(Tímamynd Gunnar)
Guðmundssyni og Guðjóni Karls-
syni. Þeir sögðu meðal annars að
verkfallið gæti haft slæm áhrif ef til
þess kæmi, vegna þess að þeir hefðu
hugsað sér að útskrifast í vor. „Það
versta er óvissan í kring um lærdóm-
inn, vitandi það að þetta fari kannski
alit út um þúfur,“ sagði Sigurður.
„Þetta er það seint á skólaárinu, að
það hefur óneitanlega áhrif á próf-
lesturinn,“ bætti Guðjón við. Einnig
kom það fram hjá þeim að svo virtist
sem kennarar í M.S. væru ekki
áfjáðir í að fara í verkfall, enda væru
kennarar í framhaldsskólum búnir
að missa alla samúð meðal nemenda
vegna þess að þeir virðast nota
útskriftarhópinn sem verkfallsvopn.
„Annars held ég að það verði ekkert
verkfall hjá þeim,“ sagði Eiríkur að
lokum. -ABÓ