Tíminn - 25.03.1988, Qupperneq 2

2 Tíminn
Föstudagur 25. mars 1988
Starfsfolk Landakotsspítala:
Atvinnuöryggi
í hættu vegna
rangra fjárlaga
Stjórn Landakotsspítala hélt í gær
fund með starfsfólki spítalans og
útskýrði fyrir því stöðu hans.
Á fundinum var samþykkt áskor-
un starfsfólks til fjármálaráðherra,
Jóns Baldvins Hannibaissonar, þar
sem hann er beðinn um að skapa
eðlilegan rekstrargrundvöll fyrir
starfsemi spítalans.
í bréfi til Tímans segir Niels Chr.
Nielsen, formaður Starfsmannaráðs
Landakotsspítala, að í kjölfar skrifa
og umræðu um stöðu Landakotsspít-
ala, hafi skapast mjög óþægilegt
ástand á sjálfum spítalanum. Þannig
hafi ekki verið mögulegt að ráða
nýtt starfsfólk og það sem fyrir er,
farið að leita sér að annarri vinnu.
„Almennt gerir fólk sér ekki grein
fyrir hversu stór vinnustaður Landa-
kotsspítali er, en á launaskrá spítal-
ans eru um 660 manns, þó ekki allir
í fullu starfi. Það er mjög alvarlegt
mál ef loka á um 50 sjúkrarúmum,
en fyrir hvern sjúkling sem liggur á
spítalanum eru um 2,5-3 starfs-
menn. Það liggur því í augum uppi
að mjög mörg stöðugildi tapast ef til
lokunar kemur,“ segir Niels í bréfi
sínu.
í ályktun starfsfólksins til fjár-
málaráðherra, segir að þar sem fyrir-
hugað sé að loka um 50 sjúkrarúm-
um um næstu mánaðamót, þýði það
að um 120-150 manns missi atvinnu
st'na.
„Það er með öllu óþolandi að
stofna atvinnuöryggi svo margra í
hættu, aðeins vegna vanreiknaðra
fjárlaga.
Það hefur aldrei verið bent á að
starfsemi spítalans ætti að vera önn-
ur en hún nú er og því órökrétt að
áætla fjárveitingar lægri en raun-
verulegur kostnaður er.
Ekki getur starfsfólk sjúkrahúss-
ins sætt sig við að sjúklingar sem
leggjast inn á Landakotsspítala fái
annars flokks þjónustu, einungis
vegna þess að Fjárlaga- og hagsýslu-
stofnun neitar að taka mark á rekstr-
aráætlunum stjórnar sjúkrahússins.
Benda má á að um 500 manns eru á
biðlistum, svo ekki verður annað
séð en að full þörf sé á áframhald-
andi starfsemi spítalans.
Það er því mjög áríðandi að gripið
verði í taumana nú þegar, svo hvorki
starfsfólk spítalans né sjúklingar
þurfi að verða fyrir óþægindum,"
segir í bréfi starfsfólks til Jóns
Baldvins. -SÓL
Starfsfólk Landakotsspítala sendi fjármálaráðherra ályktun í gær þar sem
segir að mjög áríðandi sé að gripið verði í taumana þegar ■ stað.
Tíminn Pjetur
Guðrún Ágústsdóttir og Arndís Steinþórsdóttir, sem báðar eru í undirbún-
ingsnefnd Norræna kvennaþingsins. Tíminn Gunnar
Norrænt kvennaþing:
Búist við allt að
tíu þúsund konum
Norrænt kvennaþing verður hald-
ið í Osló vikuna 30. júlt' til 7. ágúst
1988. Undirbúningurerallurunninn
af konum þó að þingið sé einnig opið
fyrir karlmenn. Þetta verða eins
konar kvennafrídagar fyrir allar
konur á Norðurlöndunum, þar sem
þær hittast og kynna málefni sín.
Gert er ráð fyrir að sjö til tíu þúsund
konur muni sækja ráðstefnuna og
eru um 800 atriði á dagskránni.
Búist er við að u.þ.b. 350-400 ís-
lenskar konur á öllum aldri sæki
ráðstefnuna. Dagskráin fer fram á
öllum Norðurlandamálunum. Kon-
urnar þurfa ekki að kunna öll málin
heldur munu þær hjálpast að við að
skilja hin erlendu tungumál. Fram-
lag íslensku kvennanna mun verða
mjög mikið og fjölbreytt. Ýmsar
íslenskar listakonur koma þar fram
meðal annars tónlistar- og myndlist-
arkonur. Kvöldsamkomur verða á
hverju kvöldi og þar koma allar
þjóðirnar fram.
Áætlað er að ferðin muni kosta á
milli 25.000 og 30.000 krónur á
mann, þar af 11.500 krónur í
fargjald. Alls eru komnar tæpar
300.000 krónur í ferðasjóð en ýmis
sveitarfélög, stéttarfélög og stofnan-
ir ætla að styrkja sínar konur til
ferðarinnar. Jafnréttisráð efnir til
morgunkaffis handa öllum sem hafa
áhuga á ferðinni laugardaginn 26.
mars klukkan 11 á Hailveigarstöðum
við Túngötu. Þar verður hægt að
skrá þátttöku og fylla út eyðublöð,
en það þarf að gera strax.
Starfskynning ÁJB/EE
Ferskfisksölur erlendis:
Agætis ufsaverð á
Þýskalandsmarkaði
Þau voru tvö skipin sem seldu
afla sinn í Þýskalandi í síðustu
viku. Víðir HF landaði rúmum 216
tonnum í Bremerhaven, fékk fyrir
14,8 milljónir, eða meðalverð
68,59 krónur. Björgúlfur EA land-
aði einnig í Bremerhaven, samtals
158,6 tonnum, fékk fyrir tæpar 8,6
milljónir, eða meðalverð upp á
54,12 krónur.
Samtals seldu skipin því 374,8
tonn, fengu 23,4 milljónir, eða
meðalverð upp á 62,47 krónur.
Meginuppistaða aflans var karfi,
eða samtals 280,3 tonn og var
meðalverð hans 63,88 krónur. 36,3
tonn voru af þorski, sem fór á
53,86 krónur hvert kíló, rúm 7
tonn voru af ýsu sem fór á 75,32
krónur hvert kíló og rúm fimm
tonn voru af grálúðu, sem fór á 84
krónur hvert kíló. Góðu fréttirnar
eru þær að ufsaverð var ágætt, og
hefur raunar ekki verið hærra síðan
fyrstu vikuna í janúar. Seld voru
7.7 tonn af ufsa og fór hann á 60,50
krónur hvert kíló.
Bretlandssalan var ekki mikið
fjörlegri. Þrjú skip seldu afla sinn
þar í síðustu viku. Halikon VE
seldi 105,5 tonn í Hull, fékk fyrir
5.8 milljónir króna, eða meðalverð
upp á 55,34 krónur. Bergey VE
seldi einnig í Hull, samtals 141
tonn, fékk fyrir 8,2 milljónir, eða
meðalverð upp á 58.35 krónur.
Loks seldi Klakkur VE í Grimsby,
samtals 208 tonn, fékk fyrir 11,5
milijónir, eða meðalverð upp á
55.31 krónu.
Samtals seldu þessi þrjú skip því
454,7 tonn, fengu fyrir 25,6 millj-
ónir, eða meðalverð upp á 56,26
krónur. 383 tonn voru af þorski,
sem fór á 53,94 krónur hvert kíló.
Kílóverð ýsu, sem 40,5 tonn seldist
af, var 70,82 krónur. Önnur verð
voru eftir því, f lægri kantinum.
Rétt rúm 942 tonn voru seld til
Bretlands í gámum í vikunni sem
leið og fengust tæpar58,5 milljónir
fyrir þann afla. Meðalverð allra
tegunda var 62,04 krónur hvert
kíló. Mest var samkvæmt venju af
þorski, eða 424 tonn og var meðal-
verð hans 57,99 krónur. 219,5 tonn
voru af ýsu sem fór á 70,10 krónur
hvertkíló. 141,3 tonnvoruafkola,
sem fór á 78,92 krónur hvert kíló
og 51,9 tonn voru af ufsa, sem fór
á 31,73 krónur kílóið. -SÓL

Iðnskólanum
gefin Lada
Nýlega færði fyrirtækið Bifreiðar
og landbúnaðarvélar hf. Iðnskólan-
um í Reykjavík nýja Lada Samara
bifreið að gjöf.
Bifreið þessi er að mörgu leyti
dæmigerð fyrir þær smábifreiðir sem
nú tíðkast og mun hún koma sér vel
sem kennslutæki í ýmsum verkþátt-
um greinarinnar.
Við afhendingu bifreiðarinnar í bif-
vélavirkjadeild. Hlynur Árnason,
sölustjóri; Gísli Guðmundsson,
forstj.; Ingvar Ásmundsson, skóla-
stjóri; Ingibergur Elíasson, deild-
arstj., og Guðmundur Guðlaugsson,
yfirkennari.