Tíminn - 19.05.1988, Blaðsíða 15

Fimmtudagur 19. maí 1988
Tíminn 15
llllllllllllllllllll MINNING iillll!llllillll!llllll]!!llilllli!IIMIll!ililllllljlÍ!lllii!lÍliÍ
Erlendur Sigurjónsson
Laugardaginn 23. apríl s.l. var
föðurbróðir minn Erlendur Sigur-
jónsson, Víðivöllum 2, Selfossi, bor-
inn til grafar frá Selfosskirkju á
sjötugasta og áttunda ári, en hann
var fæddur 12. september 1911 á
Tindum í Svínavatnshreppi Austur-
Húnavatnssýslu. Mikill mannfjöldi
var við útförina, bæði ungir og
aldnir.
Foreldrar hans voru hjónin Guð-
rún Erlendsdóttir og Sigurjón Þor-
láksson. Systkinin frá Tindum voru
sjö og var Erlendur þeirra næst
elstur. Hin eru Ástríður fædd 1909
býr nú á Selfossi, Kristín fædd 1915
býr á Tindum, Þorlákur fæddur 1916
bjó lengi á Hvolsvelli, en býr nú í
Reykjavík, Sigrún fædd 1920 lést
ung, Ingibjörg fædd 1921 bjó lengi á
Drangsnesi, látin fyrir nokkrum
árum. Yngst systkinanna er Guðrún
fædd 1926, býr í Reykjavík.
Erlendur stundaði ýmsa vinnu
framan af ævinni, en árið 1948 verða
þáttaskil í lífi hans, þegar hann
ræðst til starfa hjá Hitaveitu Selfoss
og var það mikið lán fyrir hitaveituna
að fá hann til starfa, en Erlendur
starfaði þar alla tíð síðan, eða allt til
þess að hann lét af störfum fyrir
aldurs sakir. Erlendur var alla tíð
hitaveitustjóri. Erlendur var ham-
hleypa til vinnu og mikill hugmaður
að öllu, sem hann gekk að. Ég man
eftir honum, öldruðum manninum,
vinna niður í hitaveituskurði og þar
dró hann hvergi af sér. Erlendur
unni íslensku sveitinni og hann hefði
orðið góður bóndi, enda var hann
búfræðingur frá Hólum í Hjaltadal.
Erlendur hélt mikla tryggð við sína
fæðingarsveit og bæinn Tinda, en
þar bjuggu mágur hans og systir
myndarbúi. Mér er nær að halda að
hann hafi komið þangað á hverju
sumri til að hjálpa til við heyskapinn,
eða gera við ýmsar landbúnaðarvél-
ar, en hann var völundur í höndun-
um. Fað er mér í barnsminni þegar
hann var að undirbúa sig til farar
norður, hve hann var óþolinmóður
að komast ekki sem fyrst af stað.
Síðan var brunað norður eftir mis-
góðum veginum en Erlendur var
mjög góður bílstjóri, raunar má
segja að bílar hafi verið hans áhuga-
mál.
Erlendur kvæntist árið 1940 Helgu
Gísladóttur frá Reykjum í Hraun-
gerðishreppi. Var hjónaband þeirra
einstaklega farsælt og stóð það þar
til Helga lést í byrjun seinasta árs.
Eftir lát Helgu var eins og drægi af
Erlendi frænda mínum. Hann lést
17. apríl s.l. Erlendur og Helga
eignuðust 3 syni. Gísla fæddan 1940.
Hann er kvæntur Jónínu Hjartar-
dóttur, eiga þau 3 dætur. Jóhannes
fæddur 1946. Hann er kvæntur Auð-
björgu Einarsdóttur. Pau eiga 3
börn, tvær dætur og einn son. Yngst-
ur bræðranna var Rögnvaldur fædd-
ur 1952, en hann lést daginn fyrir 5
ára afmæli sitt. Rögnvaldur litli var
sjúklingur frá fæðingu. Ég minnist
þess hve Erlendur og Helga voru
þessum sjúka syni sínum nærgætin
og umhyggjusöm. Áður en Erlendur
kvæntist Helgu átti hann dóttur, sem
Erla heitir. Hún er gift Árna Guð-
mundssyni. Þau eiga þrjú börn, eina
dóttur og tvo syni.
Frændi minn naut þess í starfi og
lífi sínu öllu, að vilja hjálpa og
liðsinna öðrum og nutum við frænd-
systkini hans þess ríkulega og fyrir
það er þakkað nú. Ég hitti frænda
minn í seinasta skipti í september á
seinasta ári. Þar var hann innan um
frændur sína og vini, kátur og hress.
Þannig vil ég minnast hans.
Ég og mitt fólk allt vottum börn-
um og afkomendum Erlendar inni-
lega samúð við fráfall hans.
Blessuð sé minning góðs frænda.
Sigrún Þorláksdóttir.
Eyjólfur Stefánsson
Fæddur 20. október 1895
Dáinn 6. mars 1988
Hann hét Eyjólfur Stefánsson, var
fæddur að Kleifum í Gilsfirði þann 20.
október 1895. Sonur hjónanna Stefáns
Eyjólfssonar og konu hans Önnu Egg-
ertsdóttur. Afi var elstur tólf systkina
en upp komust aðeins níu. Afi ólst upp
á Kleifum og var hann einn vetur á
Hjarðarholtsskóla. Svo kom að því að
hann langaði að reyna eitthvað nýtt.
Afi lagði því land undir fót og ferðaðist
til vesturheims, Kanada. Þar vann afi
öll möguleg og ómöguleg störf. Hann
fiskaði á Manitóbavatni, hann rak
nautgripahjarðir og vann auk þess
venjulega verkamannavinnu svo eitt-
hvað sé nefnt. Fyrst og fremst vann
hann þó við hesta og með hestum, því
að hestar áttu hug hans allan.
Afi dvaldi ytra í þrettán ár, heim
kom hann síðan árið 1925. Árið 1936
verða svo tímamót í lífi hans þegar
hann kvænist Guðlaugu Guðlaugsdótt-
ur frá Fagradal. Afi og amma eignuðust
þrjá syni, þá Stefán, Sturlaug Jóhann
og Guðlaug Veigar. Framan af bú-
skapartíð sinni fluttu þau oft búferlum
en settust að lokum að á Efri-Brunná í
Saurbæ. Við búi þcirra á Efri-Brunná
tók sonur þeirra Sturlaugur og kona
hans Bima. Þá byggðu afi og amma sér
lítið hús í landi Efri-Brunná. Þar
dvöldu þau lengi allt til þess er þau
fengu inni á dvalarheimilinu Silfurtúni
í Búðardal síðastliðið haust.
Fyrstu minningar mínar um afa og
með afa eru um Dinka Dink, gamla
dráttarvél sem afi notaði til að koma
heim til okkar á Efri-Brunná að ná í
mjólk og til að fara að versla. Ég man
að ég og Helga systir vorum settar í
kassa aftan á vélinni og bundnar þar
svo að við dyttum ekki svo litlar höfum
við verið. Þá var aðalfjörið að ferðast
með afa á Dinka Dink. Þegar afi lagði
af stað niður veginn lögðum við af stað
á móti honum til að fá að sitja í síðasta
spölinn.
Afi og amma voru alltaf til staðar,
þau bjuggu aðeins um hálfan kílómetra
frá okkur og það var ósjaldan að farið
var til þeirra og gist þar, sníktir snúðar
hjá ömmu og hlustað á sögur hjá afa,
sögur frá Kanada. Afi hafði alltaf frá
mörgu að segja. Sögur frá Kanada
aðallega, sögur um indjána sem hann
kynntist úti, um svertingja og um hvíta
menn að ógleymdum hestunum. Afi
sýndi okkur myndir ffá framandi
stöðum, frá skógivöxnu landi, af hest-
vögnum, fólki í skrítnum fötum og fullt
fullt af öðrum framandi hlutum.
Ég held að ég hafi aldrei gert mér
grein fyrir því hve mikill heimsmaður
afi raunverulega var. Hve víðsýnn og
veraldarvanur rniðað við sína kynslóð
og jafnvel aðrar kynslóðir líka. Hann
hafði reynt meira, séð meira og kannað
meira en nokkur annar sem ég þekkti
og þekki. Það var líka voðalega gaman
að eiga afa sem gat talað og lesið
útlensku.
Afi minn nú ert þú farinn frá okkur
hér, en þú ert ekki gleymdur. Þakka
þér fyrir að hafa verið hér til staðar allt
mitt líf og fyrir að hafa leyft okkur að
kynnast þér. Blessuð sé minning þín.
Far þú í friði
friður guðs þig blessi
hafðu þökk fyrir allt og allt
Sólveig Sturlaugsdóttir.
Verslunin Grundarkjör (áður KRON) við Furugrund 3 býður ykkur veikomna
til viðskipta
l ið stefnum að því að geta boðið lágt vöruverð, gott vöruval og góða þjónustu.
Opið alla virka daga frá kl. 9.00-20.00
Laugardaga frá kl. 10.00-16.00
Tjaldsvæði lokuð
á Þingvöllum
Gróður er skammt á veg kominn á Þingvöllum.
Tjaldsvæðin verða því lokuð enn um sinn. Þjón-
ustumiðstöð Þjóðgarðsins er hins vegar opin. Þar
er hreinlætisaðstaða fyrir almenning og margvís-
leg fyrirgreiðsla önnur,-
Leiðsögn um þingstaðinn er einnig í boði án
endurgjalds að vanda. Þeim sem hug hafa á
leiðsögn er bent á að snúa sér til þjóðgarðsvarðar
á Þingvallabæ, sími 99-2677.
Stangaveiði fyrir landi Þjóðgarðsins er öllum heimil
endurgjaldslaust til maíloka. Þó eru menn beðnir
að varast veiði í Lambhaga um varptímann.
Þjóðgarðurinn á Þingvöilum
Tónlistarskóli
Kópavogs
Frá Tónlistarskóla Kópavogs. Skólanum verður
slitið og skírteini afhent föstudaginn 20. maí kl. 16
í Kópavogskirkju.
Skólastjóri
írsk Setter eigendur
Næstkomandi sunnudag 22. og mánudaginn 23.
maí verður norskur ræktunardómari á vegum
HRFÍ og írsk Setter deildarinnar til að ræktunar-
dæma stofninn. Setter eigendur sem ekki hefur
náðst samband við vinsamlegast hringið á skrif-
stofu HRFÍ sími 31529 eða Hreiðar 616463 og
Ástu í síma 685344 og fáið allar upplýsingar.
AUGLÝSING
Staða næturvarðar í Arnarhvoli er laus til umsókn-
ar.
Umsóknum sé skilað í fjármálaráðuneytið fyrir 26.
maí 1988.
Fjármálaráðuneytið, 18. maí 1988.
AUGLYSING
Staða símavarðar í fjármálaráðuneytinu er laus til
umsóknar.
Umsóknum sé skilað í fjármálaráðuneytið fyrir 26.
maí n.k.
Fjármálaráðuneytið, 18. maí 1988.
Dráttarvélar
Sannarlega
peninganna virði.
VELAR OG ÞJ0NUSTA HF. - Velaborg
JARNHALSI 2
-SIMI 83266-686655
GRUNDARKJÖR Furuqrund 3 Sími 469S5 - 42062