Tíminn - 27.05.1988, Síða 2

2 Tíminn
Föstudagur 27. maí 1988
Þörungarnir við strendur Noregs hafa drepið um 5% heildarframleiðslunnar:
500 tonn af eldisfiski
orðið þörungunum að bráð
Fréttir af þörungatorfunum sem herja á fiskeldisstöðvar Norð-
manna virðast nokkuð ýktar, samkvæmt upplýsingum sem fengust
hjá Odd Ustad hjá Fiskoppdretternes salgslag í Þrándheimi, en
Fiskoppdretternes salgslag er sölusamband fiskeldisstöðva í Noregi.
„Þetta er a.m.k. mjög stórt þör-
ungabelti," sagði Odd Ustad í sam-
tali við Tímann í gær, þegar hann
var inntur eftir því hversu mikið
vandamál þörungatorfan væri.
„Þörungabeltið er meira og minna
samhangandi frá Kristiansandi á
suðurströndinni og upp til Stavanger
á vesturströndinni, nánar tiltekið
miðj a vegu milli Stavanger og Karm-
öy. Til þessa hafa þörungarnir drep-
ið um 500 tonn af fiski, lax og urriða
sem er að verðmæti 20 milljónir
norskra króna,“ sagði Ustad. Þetta
er alls ekki mikið í samanburði við
heildarverðmæti eldisfiska í norsk-
um fiskeldisstöðvum, sagði hann,
því heildarverðmætið er áætlað 3
milljarðar norskra króna. En Norð-
menn höfðu gert áætlun um að á
þessu ári yrðu framleidd 76 þúsund
tonn af matfiski. Á því svæði sem
þörungarnir eru á sveimi fara um 3
til 5% af fiskeldi Norðmanna fram.
Ustad sagði í gær að á síðustu
tuttugu og fjórum tímum hefur eng-
inn fiskur drepist af völdum þessara
þörunga. Ástæðuna sagði hann vera
þá að meira en 20 fiskeldisstöðvar í
Rogaland, sem er svæðið í kring um
Stavanger, hefðu tekið eldiskvíarnar
og dregið þær með bátum og skipum
frá ströndinni og inn á fjörðinn,
þannig að þær hefðu alveg sloppið
við þörungatorfurnar. Ustad sagði
að eldisstöðvar fyrir norðan Stavan-
ger væru ekki að því er virtist í
neinni hættu sem stæði.
„Til þessa hefur þetta ekkert haft
áhrif á markaðinn, vegna þess að við
slátrum fiskinum áður en þörungarn-
ir berast að kvíunum, ef önnur ráð
eru ekki fyrir hendi, eins og með að
draga þær í burtu. Við höfum getað
fullnægt markaðnum og verðið er
eðlilegt. Við teljum að þetta hafi
engin áhrif á okkar markaði og ég
mundi vilja koma því að, að sá fiskur
sem þörungarnir hafa lagst á verða
ekki settir í sölu, heldur einungis
þeir sem við höfum sjálfir slátrað,
áður en þörungarnir fóru að leggjast
á þá,“ sagði Ustad. Sagði hann að
eins og ástandið virtist vera nú, þá
væri engin ástæða til að ætla að
Norðmenn þyrftu að kaupa seiði,
hvorki frá íslandi né öðrum löndum,
þar sem nóg væri til í Noregi.
Vestur af Danmörku er stór torfa
af þörungum, en að sögn Ustad fóru
danskir líffræðingar til að taka sýni
úr þeirri torfu og ekki er enn vitað
hvaða tegund er þar á ferðinni, né
hvaðastefnuhúnmuntaka. -ABÓ
Framkvæmdir Vegagerðarinnar í sumar:
Norðurland eystra
Tíminn birti 21. maí s.l. fyrsta kortið með
framkvæmdum Vegagerðar ríkisins á
Norðurlandi eystra í sumar. Þar var Eyja-
fjörður og nágrenni tekið fyrir. Hér kemur
það næsta í röðinni og fær-
um við okkur í þetta sinn
austar á bóginn.
Aðaldalsvegur (845), Syðra Fjall
- Norðausturvegur: Styrktur verður
og lagfærður 5 km langur kafli frá
Norðausturvegi suður fyrir
Hvammaveg. Fjárveiting í verkið
nemur 3,7 milljónum króna og það
verður unnið af vinnuflokki vega-
gerðarinnar í júní. Klæðing verður
einnig lögð á veginn á þessum kafla.
Fjárveiting nemur 4,8 milljónum
króna og verður það gert af vinnu-
flokki vegagerðarinnar í júní.
Kísilsvegur (887): Lagt verður á 5
km langan kafla frá Norðausturvegi
að Nyrðri- Skógum. Fjárveiting
nemur 6 milljónum króna og verður
verkið unnið af vinpuflokki vega-
gerðarinnar í júlí.
Norðurlandsvegur (1): Keyrt verður
burðarlagi í 2,45 km langan kafla frá
Garði að Skútustöðum. Fjárveiting
nemur 2,7 milljónum króna og verð-
ur verkið unnið af vinnuflokki vega-
gerðarinnar í ágúst.
Mývatnsvegur (848): Lagður verður
1,1 km langur kafli frá Vagnbrekku
að Stekkjarnesi. Fjárveiting nemur
2,7 milljónum króna og verður verk-
ið unnið af vinnuflokki vegagerðar-
innar í júlí.
Flugvallarvegur Mývatnssveit (850):
Lagður verður 0,8 km langur kafli
frá Kísilvegi að flugvelli. Fjárveiting
nemur 3 milljónum króna og verður
verkið unnið af vinnuflokki vega-
gerðarinnar í ágúst. JIH
Enn eru mótorhjólamenn á fleygiferð:
Stakk lögreglu af
Mótorhjólamenn hafa nú upp á
síðkastið farið hamförum á hjólum
sínum, og er skemmst að minnast
hópsins sem tekinn var við Grinda-
vík í síðustu viku, eftir að sá
hraðskreiðasti hafði mælst á 219
kílómetra hraða.
Nú var hins vegar á ferðinni
mótorhjólamaður í Árnessýslu,
sem lögreglan reyndi að stöðva
fyrir hraðakstur. Þó að lögreglan
færi yfir hundrað kílómetra hraða,
tókst mótorhjólamanninum að
sleppa, þrátt fyrir að lögreglan
bæði kolíega sína í Hafnarfirði og
Reykjavík um aðstoð. -SÓL
Víglundur Þorsteinsson, formaður iðn- rekenda vill opna landið fyrir fjármagni:
Er 1
□ e i (i
hh rú r l
Félag íslenskra iðnrekenda hélt í gær framhaldSársþing sitt, en
eins og ntenn rekur minni til, frestaði FÍI aðalfundi sínum í mars
vegna óvissuástandsins í þjóðfélaginu.
A fundinum í gær, var Víglundur Þorsteinsson, formaður
félagsins, harðorður í garð aðila vinnumarkaðarins, fyrir að hafa
ekki samið skynsamlegar en raun ber vitni. Þá gagnrýndi hann
bankakerfiö harðlega, sagði það þungt og dýrt í rekstri og varpaði
fram þeirri spurningu hvort ekki væri tímabært að leyfa erlendum
bankastofnunum að eiga eða reka bankaútibú hér á landi.
„Ólga, óróleiki og óvissa eru
þau orð sem koma fyrst í hugann
þegar maður reynir að gera sér
grein fyrir ástandi og horfum í
íslenskum þjóðarbúskap á þessu
ári. í raun er þó ef til vill réttara að
tala um þjóðfélagsátök í þessu
sambandi, því ekki verður annað
sagt en að þau hafi verið óvenju
mikil á þessu fyrsta ári samdráttar
eftir undangengið góðæri," sagði
Víglundur í ræðu sinni.
Hann sagði lægstu laun hafa
hækkað um 75-80% á síðustu 18
mánuðum og kaupmáttur aukist
meira en nokkru sinni fyrr. Því
væri erfitt að skilja þá kjarasamn-
inga sem samið hefði verið um.
Benti hann á að skynsamlegra
hefði verið að semja um kauplækk-
un, í stað þess að láta gengisfell-
ingu og verðbólgu rýra launin, nú
þegar samdráttarskeið blasir við.
„Staðreyndin er sú að laun sem
hlutfall af heildartekjum hafa
hækkað svo mjög í íslenskum fram-
leiðslufyrirtækjum að samkeppnis-
staða þeirra er vægast sagt orðin
mjög erfið," sagði Víglundur.
Hann sagði það ekki skrýtið að
fyrirtæki þyrftu að segja upp starfs-
fólki til að halda samkeppnisstöðu
sinni.
Síðan vék hann orðum sínum að
vaxtamálum. Sagði hann það til-
finningu sína að íslendingar væru
nú skuldugri en nokkru sinni og
því þyrfti að vara fólk við. Við
værum líklega þeir einu sem
spöruðum ekki fyrir utanlandsferð-
um, heldur slægjum lán. Þá benti
hann á misræmi í raunvöxtum inn-
og útlána, en sagði jafnframt að
háir raunvextir hefðu ekki megnað
að stöðva útlánaflóðið.
Víglundur deildi síðan hart á
bankakerfið. Hann sagði það
þungt í vöfum og dýrt í rekstri og
það þarfnaðist mikils vaxtamunar
á inn- og útlánum til að standa
undir kostnaði. Allt bankakerfið
þyrfti endurskoðunar við, endaði
kostaði það mikið fé að halda því
gangandi.
„Má atvinnulífið vænta þess að
íslenska bankakerfið taki betur við
sér og bryddi upp á nýjum vinnu-
brögðum sem hafa sameiginlega
hagsmuni sparifjáreigenda, lántak-
enda og bankanna sjálfra að leið-
arljósi, eða þurfa að koma til enn
frekari ráðstafanir til þess að örva
nýsköpun á þessu sviði og auka
samkeppni á fjármagnsmarkaðn-
um jafnt á sviði innlána sem út-
lána? Það hlýtur að vera áleitin
spurning nú hvort ekki sé tímabært
að opna landið fullkomlega, hvort
heldur snertir innlána eða útlána-
hliðina. Þannig að Islendingar geti
sparað og tekið lán í útlöndum og
að útlendingar geti sparað eða
tekið lán á Islandi. Jafnhliða slík-
um aðgerðum, ef framkvæmdar
yrðu, þyrfti að heimila erlendum
bönkum að eiga og reka banka hér
á landi,“ sagði Víglundur og bætti
við að ekki væri mikill tími til
stefnu. -SÓL