Tíminn - 07.10.1988, Blaðsíða 7

Föstudagur 7. október 1988
Tíminn 7
Sortnar yfir atvinnuástandinu á Akranesi:
A annað hundrað hefur
verið sagt upp störfum
ÖIlu starfsfólki Akraprjóns um 40 að tölu og Hafarnarins
með 70 starfsmenn hefur verið sagt upp störfum og koma
uppsagnirnar til framkvæmda í lok ársins. Þá hefur einnig
hluta starfsmanna málmiðnaðarfyrirtækisins Stuðlastáls,
sem meðal annars hefur starfað við hitaveitulagnir í
Reykjavík sagt upp starfsfólki á meðan fleiri verkefni eru
ekki fyrir hendi.
„Pað er óvíst hvernig þessi mál
fara,“ sagði Guðbjartur Hannes-
son forseti bæjarstjórnar Akraness
í samtali við Tímann í gær, að-
spurður um atvinnumálin. „Við
höfum haft dálítið atvinnuleysi í
kjölfarið á lokuninni á Hennes,
dótturfyrirtæki Henson fyrir ári.
Þar misstu milli 40 og 50 konur
vinnuna og ekki allar fengið vinnu
síðan. Núna hefur prjónastofan
Akraprjón sagt upp sínu starfs-
fólki, en við bindum miklar vonir
við að henni verði bjargað, þar
sem þetta er til þess að gera traust
fyrirtæki sem hefði átt að ganga, en
hefur farið illa eins og önnur ullar-
fyrirtæki á síðustu mánuðum. En
það er ekki séð fyrir endann á því
eins og er,“ sagði Guðbjartur.
Aðspurður sagði hann að líklega
kæmu þær til framkvæmda 1. des-
ember.
Guðbjartur sagði það þjóðfé-
lagslega skyldu að endurreisa
Akraprjón. „Petta var fyrirtæki
sem að miklu leyti var búið að
greiða niður allan stofnkostnað og
ef eitthvað ullarfyrirtæki átti að
ganga þá var það þetta fyrirtæki,"
sagði Guðbjartur. „Ef ríkisstjórnin
bjargar ekki þessu fyrirtæki, þá
veit ég ekki hverjum hún ætti að
bjarga."
Málmiðnaðarfyrirtækið Stuðla-
stál hefur einnig sagt upp starfs-
fólki hjá sér og munu þær uppsagn-
ir koma til framkvæmda 1. desem-
ber. Þeirra stærsta verkefni hefur
verið við hitaveitulagningu í
Reykjavík og hefur það starfað að
mestu leyti á almennum útboðs-
markaði. Guðbjartur sagði að
fyrirtækið hefði að undanförnu
verið að leita eftir verkefnum, en
sem stæði væru ekki sjáanleg verk-
efni á borðinu og því hafi þeir sagt
starfsfólkinu upp.
Haförninn hefur einnig sagt upp
öllu sínu starfsfólki og koma upp-
Forseti bæjarstjórnar telur að ef einhver atvinnustarfsemi eigi skilið stuðning ríkisvaldsins, þá sé það Akraprjón.
sagnirnar til framkvæmda um ára-
mótin. Guðmundur Pálmason for-
stjóri fyrirtækisins sagði í samtali
við Tímann að þeir hefðu sagt upp
öllu fólkinu með lögformlegum
fyrirvara. Hann sagði aðspurður
að ástæðan væri ekki eingöngu
hráefnisskortur, heldur ekki síður
erfiðleikar í rekstri og myndu þeir
sjá til um áramót hvort úr rættist.
Guðbjartur sagði að atvinnu-
ástandið á Akranesi hefði verið
allgott að undanförnu og rífandi
vinna í mörgum fyrirtækjum. „Við
höfum okkar föstu kjarna eins og
Sementverksmiðjuna, Grundar-
tanga, skipasmíðastöðin hefur haft
næga vinnu og HB & co hefur
keyrt á fullu, svo dæmi séu tekin,
þannig að í heild hefur ástandið
verið gott. „Aðalvandamálið hefur
verið konur sem lenda í unpsögn-
um í prjóna og saumaiðnaði, sent
þarf endilega að levsa.“ sagði Guð-_:
bjartur. -ABÓ
Fyrir skömmu afhenti Byggung b.s.v.f. 14 íbúðir við Austurströnd á
Seltjarnarnesi, og er það jafnframt lokaáfangi byggingarfram-
kvæmda félagsins á Seltjarnarnesinu. Nú er unnið við smíði 87
íbúða í Selásnum ofan við Árbæ í Reykjavík og er reiknað með að
þær verði afhentar eigendum á tímabilinu frá október til janúar 1989.
Á myndinni er Jón Baldvinsson, framkvæmdastjóri Byggungar að
afhenda Sjöfn Kolbeins lyklana að nýrri og fullfrágenginni íbúð við
Austurströnd á Seltjarnarnesi.
Norræna lögreglusambandið:
íslendingur í
formennsku
Stjórnarfundur í Norræna lög-
reglusambandinu (NPF) var haldinn
í Reykjavík þann 19. september s.l.
Þorgrímur Guðmundsson, formaður
Landssambands lögreglumanna var
kosinn formaður Norræna lögreglu-
sambandsins á fundinum og er það í
fyrsta sinn sem íslenskur lögreglu-
maður gegnir því embætti. Formað-
ur sænska lögreglusambandsins var
kosinn varaformaður norræna sam-
bandsins.
Norræna lögreglusambandið var
stofnað 1921 en Landssamband lög-
reglumanna varð aðili að samtökun-
um 1978. Nú eru samtök lögreglu-
manna frá öllum Norðurlöndunum
aðilar að Norræna lögreglusamband-
inu óg eru um 40.000 lögreglumenn
innan vébanda þeirra.
Tilgangur Norræna lögreglusam-
bandsins er að standa vörð um
sameiginlega hagsmuni norrænna
lögreglumanna bæði í fjárhagslegum
og faglegum efnum. Meðan á
stjórnarfundinum stóð gengu full-
trúar norræna sambandsins á fund
þáverandi dómsmálaráðherra, Jóns
Sigurðssonar, vegna vanefnda ríkis-
valdsins á kjarasamningum við
Landssamband lögreglumanna.
Kvikmyndasjóður (slands:
Orvar kvikmynda
gerð fyrir börn
Bílstjóri þessa vígalega trukks, Curt Goranson, varð meistari
ársins í Evrópu-trukkakeppni sem nýlega fór fram í Zolder í Belgíu
17.-18. september. Varð hann efstur í ár í flokki trukka á venjulegum
dekkjum. Þó að enn sé ein keppni eftir i þessum flokki, er Corason
lang efstur með 204 stig. En á eftir að berjast um annað og þriðja
sæti i trukkakeppninni og fer lokabardaginn fram á Spáni, milli
Frakkans Cuynet, sem kominn er með 136 stig og Svíans Bjork með
143 stig. Þeir keppa á Ford Cargo og Scania T 143.
Keppni þessi skiptist einnig í flokka eftir Iítratalí vélarinnar en þar
er Goranson efstur í flokki bíia með minni vél en 14 lítra. Ford
Cargoinn er enn efstur í vélarflokki undir 11,95 lítra og Scanian er
efstur í vélarflokki undir 18,5 lítra. Það er þvi hart barist milli þessara
þriggja helstu ökumanna á trukkum. Nú bíðum við bara spennt yfir
því hvenær kaupfélagsbílstjórarnir okkar fara að leiða saman hesta
sína á lokuðum brautum við Straumsvík og víðar. KB
Stjórn Kvíkmyndasjóðs Islands
hefur ákveðið að örva gerð kvik-
mynda fyrir börn með því að veita
nokkrum höfundum kvikmynda-
handrita fyrir barna- og unglinga-
myndir viðurkenningu fyrir handrit
sín.
Viðurkenningin verður í formi
fjárframlags til frekari vinnslu hand-
ritanna, og er til hennar efnt í
tengslum við „Markað möguleik-
anna“, sem haldinn verður hér á
landi 17.-21. otkóbern.k. „Markað-
ur möguleikanna“ er haldinn að
frumkvæði Norræna starfshópsins
um börn og barnamenningu, og
verður fjallað þar um börn og lifandi
myndir. Þriggja mannan dómnefnd,
tilnefnd af stjórn Kvikmyndasjóðs,
mun lesa þau handrit sem berast, og
velja nokkur úr til viðurkenningar.
Handrit, eða handritsúrdrættir, eigi
lengri en nemur 20 vélrituðum
siðum, berist skrifstofu Kvikmynda-
sjóðs, pósthólfi 320, 121 Reykjavík,
í lokuðu umslagi ásamt dulnefni og
réttu höfundarnafni í öðru lokuðu
umslagi, eigi síðar en 15. janúar
1989.
Þá hefur úthlutunarnefnd Kvik-
myndasjóðs ákveðið að afturkalla
framleiðslustyrk þann, sem veittur
var Bíói h.f. til gerðar kvikmyndar-
innar „Meffí“, við aðalúthlutun úr
sjóðnum fyrr á þessu ári. Afturköll-
un sína byggir úthlutunarnefnd á
því, að forsendur, sem gefnar voru
við umsókn um styrk, séu nú
brostnar. Stjórn Kvikmyndasjóðs
hefur lýst einróma stuðningi sínum
við þessa ákvörðun úthlutunar-
nefndar.
Efstur í 14 lítra flokki