Tíminn - 03.11.1988, Qupperneq 12

12 Tíminn
FRÉTTAYFIRLIT
GDANSK — Hin útlægu j
verkalýðssamtök Samstaða í
styður við bakið á hinum opin- >
beru verkalýðssamtökum Pól-1
lands OPZZ í baráttunni gegn I
því að Lenín skipasmíða- i
stöðvunum verði lokað, en
Samstaða var einmitt stofnuð í
þar árið 1980. Þúsundir með- I
lima Samstöðu og OPZZ stóðu j
hlið við hlið á mótmælafundi í
skipasmíðastöðvunum og ;
samþykktu að taka höndum |
saman til að koma í veg fyrir j
lokun stöðvanna 1 .desember. I
WASHINGTON — Michael >
Dukakis, sem nú reynir af'
mætti að ná í skottið á George j
Bush varaforseta Bandaríkj-1
anna, sem hefur stungið af í
baráttunni fyrir forsetakosning-
arnar sem fram fara 8. nóvem-
ber, fordæmdi getuleysi og
framkvæmdaleysi bandarísku
ríkisstjórnarinar í gíslamálinu
og sagðist gera „allt sem í
mínu valdi stendur" til að leysa
gísla í Líbanon úr haldi. \
OSLO — Norðmenn og Ind- ’
verjar bentu hvor á aðra vegna
frétta af því að Norðmenn hafi
selt Indverjum fimmtán tonn af
þungu vatni á laun árið 1983,
en þungt vatn er nauðsynlegt
til að framleiða kjarnorku-
sprengjur. Indverska stjórnin
neitar staðfastlega að hún hafi
flutt inn hvaö þá einn dropa af
norsku þungu vatni.
NEW YORK — Imelda Mar-
cos fyrrum forsetafrú á Filipps-
eyjum hélt til bónda síns, sem
er í útlegð á Hawai, eftir að
Dorisar Duke sem er banda-
rískur milljónamæringur
greiddi fimm milljóna dollara
tryggingu þá er dómstóll í New ,
York krafðist svo Imelda slyppi -
við varðhald, en hún og maður'
hennar hafa verið kærð fyrir
fjárdrátt úr ríkissjóði Filipps- i
eyja og að hafa notað fé í
ólöglegt fasteignabrask á Man-
hattan. Imelda segist alsak-
laus.
GENF-( friðarviðræðunum
sem nú fara fram í Genf hafa
írakar nú boðist til þess að
leysa úr haldi 30 þúsund!
stríðsfanga íraka ef íranar geri j
slíkt hið sama. í Riyadh lýstu i
sex Arabaríki því yfir að þau
styðji heilshugar friðarum-1
leitanir Javier Perez de Cuellar
aðalritara Sameinuðu þjóð- \
anna og hugmyndir hans um I
að höggva á hnút þann sem f
verið hefur á friðarviðræðun-1
um.
Fimmtudagur 3. nóvember 1988
ÚTLÖND
Hinir strangtrúuðu Gyðingar eru sigurvegarar þingkosninganna í ísrael, en smáflokkar strangtrúarmanna eru í
lykilaðstöðu hvað varðar stjórnarmyndun. Gamli skæruliðaforinginn Shamir telur Ijóst að Likudbandalag hans muni
mynda stjórn með strangtrúarflokkunum og útiloka mið og vinstriöflin frá stjórnvelinum.
Þingkosningarnar í ísrael:
Strangtrúarflokkarnir og
hægri öflin sigurvegarar
Gamli skæruliðaforinginn Yitzak Shamir var kampakátur
í gær eftir að Ijóst var að hægri öflin í landinu höfðu sigrað í
þingkosningunum sem haldnar voru á þriðjudag. Hann má
eflaust að einhverju leyti þakka Palestínumönnum sem nú
brúka svipaðar aðferðir og hann sjálfur gerði í baráttunni
gegn Bretum áður en Ísraelsríki var stofnað, fyrir þessi úrslit.
Grimmileg árás Palestínumanna á ísraelskan langferðabfl á
sunnudaginn þar sem ung Gyðingakona og þrjú ung börn
hennar létu lífið voru án efa vatn á myllu hægri aflanna í
ísrael.
Spánn:
Þrátt fyrir að Shamir forsætisráð-
herra sé kampakátur með úrslitin þá
tapaði Likudbandalag hans fjórum
þingsætum á meðan aðalandstæð-
ingurinn Verkamannaflokkurinn
með Simon Peres í fararbroddi tap-
aði ekki nema þremur þingsætum,
en þessir flokkar hafa setið nauðugir
viljugir í ríkisstjórn undanfarið
kjörtímabil, þar sem ekki náðist að
mynda meirihlutastjórn eftir öðrum
leiðum.
Pað sem gerir Shamir kampakátan
er sú vissa hans að hann geti myndað
ríkisstjórn með eiginlegum sigurveg-
urunt kosninganna sem eru smá-
flokkar er byggja stefnu sína á
strangtrúarstefnu og hægri sinnuð-
um smáflokkum. Segist Shamir að
líkindum geta myndað stjórn sent
hafi á bak við sig 64 til 65 þingmenn,
en í Knesset ísraelska þinginu eru
120 þingmenn. Reyndar hóf hann
stjórnarmyndunarviðræður við
þessa flokka strax og úrslit lágu
fyrir, en alls eru fimmtán flokkar á
Knesset.
Shimon Peres núverandi utanrík-
isráðherra og formaður Verka-
mannaflokksins sagði hins vegar
ekki sjálfgefið að trúarflokkarnir
ntynduðu stjórn með Likudbanda-
laginu, heldur kæmi vel til greina að
Verkamannaflokkurinn, smáflokkar
á miðjunni gætu myndað ríkisstjórn.
En hvað sem því líður er Ijóst áð
trúarflokkarnir munu setja sitt mark
á ríkisstjórn þá er mynduð verður.
Palestínumenn og Arabaríkin eru
óánægð með þessi úrslit þar sem
Shamir hefur boðað harkalegar að-
gerðir gegn Palestínumönnum á
hernumdu svæðunum og útilokað
allar friðarviðræður á meðan Peres
var tilbúinn til viðræðna og jafnvel
að gefa eftir hernumdu svæðin undir
Palestínuríki ef það tryggði frið og
öryggi ísraels. I yfirlýsingu PLO
sagði að úrslitin væru „spark í
friðinn“.
Baskar bjóða
hlé á átökum
og viðræður
Skæruliðar Baska hafa boðið
spænskum stjórnvöldum tveggja
mánaða hlé á hryðjuverkum, en
Baskar hafa barist fyrir sjálfstæði
sínu með alls kyns hryðjuverkum
síðustu tuttugu árin. Á móti vilja
skæruliðar Baska fá spænsku ríkis-
stjórnina til að ræða leiðir til þess að
tryggja frið í Baskahéruðunum og
að spænska lögreglan dragi úr að-
gerðum sínum gegn aðskilnaðar-
sinnuðum Böskum.
ETA skæruliðasamtökin settu
fram þetta tilboð í yfirlýsingu sem
birtist í róttæku dagblaði Baska,
Elgin, en í yfirlýsingunni lýstu sam-
tökin sig ábyrga fyrir morði á lög-
reglumanni í Bilbao í síðustu viku.
ETA samtökin setja þetta tilboð
fram fjórum dögum eftir að þeir
slepptu lausum kaupsýslumanninum
Emiliano Revilla sem samtökin
rændu fyrir átta mánuðum,. en á
sínum tíma varð mannránið til að
binda endi á viðræður Baska og
spænskra stjórnvalda.
Innanríkisráðherra Spánar Jose
Luis Corcuera sagði í ríkisútvarpi að
ETA, sem drepið hafa fjórtán manns
á þessu ári, yrðu fyrst að binda enda
á árásir sínar áður en viðræður yrðu
mögulegar. „Með drápum eru við-
ræður óhugsandi.“
ETA benti ríkisstjórninni á að
ræða við Antxon Etxebeste sem er
einn af leiðtogum hreyfingarinnar,
en hann er í útlegð í Alsír. „Ef
viðbrögð spænskra stjórnvalda eru
jákvæð mun ETA hætta aðgerðum
næstu sextíu daga þar á eftir" sagði
í skjalinu. „Á því tímabili og sem
endurgjald yrði lögreglan að draga
úr aðgerðum sínum í Baskalandi."
Á síðasta ári ræddi sendinefnd
spænsku ríkisstjórnarinnar við Etx-
ebeste, en þeim viðræðum var slitið
þegar ETA drápu ellefu manns í
sprengjutilræði í Zaragoza og rændu
Revilla.
ETA segist vilja ræða um pólitísk-
ar kröfur sínar um sjálfstjórn Baska-
lands, en ríkisstjórn Spánar segist
einungis tilbúin að ræða um leiðir til
að gera skæruliðum kleift að bera
klæði á vopnin og taka þátt í þjóðlíf-
inu á eðlilegan máta.
Þess má geta að ETA hreyfingin
segist hafa fengið átta milljónir doll-
ara fyrir lausn Revilla og muni því
fé verða varið í uppbyggingu sam-
takanna.
Pólland:
Sextán fórust
í flugslysi
í Bialobrzegi
Sextán manns fórust í flugslysi ■
Póllandi í gær þegar tveggja hreyfla
farþegaflugvél af sovéskri gerð fórst
við bæinn Bialobrzegi, suður af
Varsjá. Þrettán farþegar og áhöfn
flugvélarinnar sluppu lífs, en slasað-
ir.
Embættismenn pólska ríkis-
flugfélagsins LOT skýrðu frá því að
vélin sem er af gerðinni Antonov-24
sem var í eigu flugfélagsins hafi
verið í áætlunarflugi frá Varsjá til
borgarinnar Rzeszow þegar hún
brotlenti við Bialobrzegi með fyrr-
greindum afleiðingum. Ekki er ljóst
hvað olli slysinu.
Antonov-24 flugvélarnar vorú
hannaðar f byrjun sjöunda áratugs-
ins og var þeim ætlað að geta lent á
litlum flugvöllum við erfiðar aðstæð-
ur og geta þær tekið hátt í fimmtíu
farþega. Um ellefuhundruð vélar af
þessari gerð voru framleiddar þar til
smíði þeirra var hætt árið 1978 og
hafa vélarnar reynst ágætlega þar
sem þær hafa verið í notkun í
Sovétríkjunum, austantjaldsríkjun-
um og í löndum þriðja heimsins.
Síðasta stóra flugslysið í Póllandi
var í maímánuði á síðasta ári en þá
fórst sovésksmíðuð Ilyushin-62M
þota við Varsjá og fórust allir þeir er
innanborðs voru, 17 að tölu.
Dularfullur sjúkdómur hrjáir íbúa
Tsjernóvtsí í Úkraínu:
Börn missa hárið
Dularfullur sjúkdómur herjar nú
á börn í bænum Tsjernovtsí í Úkra-
ínu og standa læknar ráðþrota gagn-
vart vandanum. Sjúkdómurinn felst
í þvf að bömin missa hár sitt og
starfsemi taugakerflsins traflast lítið
eitt. Uppi hafa verið getgátur um að
slysið í Tsjernóbíl kjarnorkuverinu
árið 1986 sé orsakavaldurinn, en
kjarnorkuverið er í 450 km fjarlægð
frá Tsjernovtsí. Læknar vísa þessum
möguleika á bug og segja Ijóst að
ekki sé um að ræða afleiðingu geisla-
virkni.
Yfirmaður heilbrigðismála í
Tsjernovtsí I. Penishkevits sagði í
viðtali við dagblaðið Pravda Ukraini
að tvö til þrjú börn séu send á
sjúkrahús á hverjum degi vegna
þessa.
„Tala sjúklinga er nú áttatíu og
tveir“ sagði Penishkevits í viðtalinu
sem birtist 30. október.
Penishkevits sagði að sérfræðingar
hefðu verið kallaðir til hvaðanæva til
að rannsaka þennan dularfulla sjúk-
dóm sem þjakað hefur börn á aldrin-
um eins árs til fimmtán ára og vakið
hefur mikinn ugg meðal bæjarbúa.
Hann sagði að orsökin sé ekki ljós,
en að líkindum sé um áhrif einhvers-
konar efnamengunar að ræða, en
öruggt sé að geislavirkni sé ekki
orsökin.
ÚTLÖ
UMSJÓN:
Hallur
Magnússon
BLAÐAMAÐ \Æ3