Tíminn - 05.11.1988, Blaðsíða 5
Laugardagur 5. nóvember 1988
HELGIN
5
llllllllllllllllll LEIKLIST
Um eðli listarinnar
og gildi vináttunnar
Gestaleikur Leikfélags Akureyrar á Litla sviðinu er „Skjald-
bakan kemst þangað líka“ eftir Árna Ibsen
Dagana 9.-16. nóvember verður
gestaleikur á Litla sviði Þjóðleik-
hússins. Þá mun Leikfélag Akur-
eyrar sýna rómaða uppfærslu sína
á „Skjaldbakan kemst þangað
Iíka“ eftir Árna Ibsen í leikstjórn
Viðars Eggertssonar. Vakin er at-
hygli á því að sýningar verða
einungis sex talsins, en Litla sviðið
tekur um 100 áhorfendur í sæti.
Þessi sýning L.A. hefur hlotið
einróma lof gagnrýnenda, en með
hlutverkin í leiknum fara tveir
máttarstólpar leikfélagsins um ára-
bil, þeir Theodór Júlíusson og
Þráinn Karlsson. Tónlist og áhrifs-
hljóð eru eftir Lárus H. Grímsson.
Guðrún Svava Svavarsdóttir hann-
aði leikmynd og búninga, en Ingvar
Björnsson hannaði lýsingu.
Það er skemmtileg tilviljun að
þann 9. nóvember, þegar fyrsta
sýning fer fram í Reykjavík, verða
liðin rétt fjögur ár síðan leikhúsið
frumsýndi „Skjaldbökuna" t' Ný-
listasafninu í Reykjavík, en síðan
hefur verkið farið víða og jafnan
vakið verðskuldaða athygli. Lilla
teatern í Helsinki tók verkið til
sýninga 1985 og frumuppfærsla
Egg-leikhússins var sýnd í Dublin,
Kaupmannahöfn og Brighton,
Englandi, 1986 og 87. Pá hafa
leikhús á meginlandi Evrópu og
vestan hafs sýnt verkinu áhuga.
„Skjaldbakan kemst þangað
líka“ fjallar sem kunnugt er um
einstæða vináttu og hvernig henni
reiðir'af á öfgakenndum ógnartím-
um. Persónur leiksins eru skáld-
bræðurnir William Carlos Williams
og Ezra Pound, og greinir í leikrit-
inu frá öndverðum viðhorfum þess-
ara jöfra til lífsins og listarinnar, en
þótt þessir menn væru miklir vinir
tókust þeir hraustlega á um
skoðanir sínar.
Williams er læknir í smábæ - og
skáld og skiptir tíma sínum milli
þessara hugsjónastarfa, sannfærð-
ur um að þetta tvennt verði ekki
sundur skilið. Hann kýs að deila
kjörum með almúganum og yrkja
um það smáa í nánasta umhverfi,
en tekst þannig að skyggnast urn
veröld alla. Með ást sinni á sínum
takmarkaða samastað umbreytir
hann honum í Paradís á jörðu.
Ezra Pound er annars sinnis - og
annars eðlis. Hann kýs að þeytast
um heiminn allan, drekka í sig
andann á hverjum stað, komast
yfir alla mannlega hugsun. Vegna
þess að „heimurinn er hans vett-
vangur“. Hann vill höndla stóra
heiminn og fella hann í einn stóran
ljóðabálk. Hann er rótlaus og finn-
ur loks samastað á Ítalíu í
„hugmynd" þeirri, sem jafnan
gengur undir nafninu „fasisimi".
Ezra Pound var eitt merkasta Ijóð-
skáld þessarar aldar, en mátti sæta
illri meðferð vegna skoðana sinna
og einkum þó vegna áróðursávarpa
sinna í útvarp fasistanna á stríðsár-
unum. Hann var handtekinn og
geymdur í búri, pyndaður og loks
dæmdur í Bandaríkjunum fyrir
landráð. Nærri lá að Pound yrði
tekinn af lífi fyrir yfirsjón sína, en
skáldbræður og vinir, þar á meðal
Williams, sáu til þess að lífi hans
var þyrmt.
í þessu leikriti er spurt um eðli
vináttunnar, um gildi listarinnar og
jafnvel um tilgang lífs okkar hér og
nú, en þótt atburðarásin gerist fyrr
á öldinni eru hliðstæður hennar við
nútímann deginum Ijósari.
Fyrsta sýning á Litla sviði Þjóð-
leikhússins, Lindargötu 7, verður
miðvikudaginn 9. nóvember kl.
20. 30. Næstu sýningar verða
fimmtudaginn 10. nóvember,
föstudaginn 11. nóvember, laugar-
daginn 12. nóvember, sunnudag-
inn 13. nóvember og miðvikudag-
inn 16. nóvember. Allarsýningarn-
ar hefjast kl. 20.30. Miðasala á
allar sýningarnar hefst þriðjudag-
inn 1. nóvember í miðasölu Þjóð-
leikhússins.
Theodór Júlíusson í Hlutverki Williams og Þráinn Karlsson í hlutverki Ezra Pound,
SUPER
TIL
BORGA
VILTU NOTA
FERÐINA?
til:
Kaupmannahafnar fyrir 18.780 kr.,
Frankfurt fyrir 16.170 kr.,
Glasgow fyrir 15.370 kr.,
Gautaborgar fyrir 18.780 kr.,
Lundúna fyrir 17.750 kr.,
Luxemborgar fyrir 18.600 kr.,
Oslóar fyrir 18.020 kr.,
eða Stokkhólms fyrir 22.500 kr.
HVAÐER
SÚPER APEX
FARGJALD?
Hámarksgildistími farseöils er 1 mánuður.
Lágmarksgildistími er 1 sólarhringur meö því
skilyröi aö gist sé aðfararnótt sunnudags.
Sæti þarf aö bóka meö a.m.k. 14 daga
fyrirvara meö þeim undantekningum að í
desember er hægt aö bóka Súper APEX til
Kaupmannahafnar, Gautaborgar, Öslóar og
Stokkhólms fram aö brottför.
Ávallt skal bóka far báöar leiðir og greiða
farseðil um leiö. Engar breytingar er hægt aö
gera á farseðli eftir aö hann hefur verið
afhentur.
Börn á aldrinum 2-11 ára fá 50% afslátt
frá Súper APEX veröi og börn yngri en 2 ára
fá 90% afslátt.
Upplýsingar og farpantanir í síma 25 100.
FLUGLEIDIR
AUK/SfA k110(320-225