Tíminn - 04.01.1989, Síða 3

Miövikudágur 4. jánúar 1989
Tíminn 3
Dómur fallinn í einstæðu sakamáli þar sem eiginkona kærir eiginmann fyrir nauðgun:
Dæi m idi III r jr ■ ii rl w 1 ka msá r ás
Þann 1. november 1986 kærði eiginkona eiginmann sinn fyrir
nauðgun og Ukamsmeiðingar. í framhaldi af því ákvað ríkissak-
sóknari að málið skyldi tekið fyrir og mun þetta vera í fyrsta skipti
á Norðurlöndunum, svo vitað sé, að kæra af þessu tagi leiðir til
dómsmeðferðar.
Hinn 22. desember s.l. féll dóm-
ur í þessu máli sem hljóðar á þá
leið að talið er ósannað að um
nauðgun eða nauðgunartilraun
hafi verið að ræða en maðurinn
hlaut dóm vegna líkamsárásar sem
hann framdi í kjölfar þess að
eiginkonan neitaði að hafa við
hann samfarir.
Eiginmaðurinn var ákærður hinn
10. ágúst 1988 fyrir í fyrsta lagi að
hafa nauðgað eða reynt að nauðga
eiginkonu sinni á sameiginlegu
heimili þeirra aðfaranótt laugar-
dagsins 1. nóvember 1986. í öðru
lagi var hann ákærður fyrir að hafa
í framhaldi af nauðguninni eða
nauðgunartilrauninni ráðist á eig-
inkonuna og barið hana, togað í
hárið á henni og snúið upp á
höfuðið á henni með þeim af-
ieiðingum að hún hlaut glóðar-
auga, sprungur og marbletti.
Niðurstaða dómsins var sú að
ákærði var sýknaður af fyrri hluta
ákærunnar, þ.e. nauðgun eða til-
raun til nauðgunar. Dómurinn
byggðist á því að eiginmaðurinn
neitaði alfarið að hafa haft samfarir
við konuna og læknisvottorð og
önnur gögn studdu ekki nægjan-
lega, að mati dómsins, þann fram-
burð eiginkonunnar að hann hafi
haft við hana samfarir. Það var
hinsvegar talið sannað að eigin-
maðurinn hafi ráðist á konuna,
barið hana og veitt henni áverka.
Hann var dæmdur til refsingar fyrir
þá líkamsárás svo og nokkur önnur
brot sem ákært var fyrir í þessari
sömu ákæru, en þau vörðuðu sam-
skipti hans og eiginkonunnar seint
á árinu 1987.
Ákærða var gert að greiða einn
þriðja hluta sakarkostnaðar en
tveir þriðju hlutar kostnaðarins
voru felldir á ríkissjóð. Eiginmað-
urinn var jafnframt dæmdur í
þriggja mánaða fangelsisvist, skil-
orðsbundið í þrjú ár og gert að
greiða eiginkonunni 60 þúsund
krónur í miskabætur.
Verjandi í málinu var Örn
Clausen hrl. og af hálfu ákæru-
valdsins sótti málið Björn Helga-
son saksóknari. Dómari í málinu
var Arngrímur fsberg sakadómari.
Hvort málinu verður vísað til
Hæstaréttar liggur ekki fyrir en
frestur ákærða til áfrýjunar er ekki
runninn út. SSH
Gestum og forráðamönnum Hótel íslands ber ekki saman:
HYGGJAST KÆRA
HÓTEL ÍSLAND!
Tíminn náði í gær tali af einum
gesta Hótel íslands á nýársnótt,
Gunnari Erni Þorsteinssyni. Hann
kom til skemmtunarinnar við sjötta
mann og leist þeim síður en svo vel
á ástandið. Hann, ásamt félögum
sínum, hyggst kæra hótelið fyrir að
hleypa inn fleira fólki en leyfilegt er.
Það hefur hins vegar ekki enn tekist
sökum þess að sá sem hefur með slík
kærumál að gera hjá lögreglunni
hefur fram að þessu verið vant við
látinn að sögn Gunnars. Gunnar
Örn lýsir ástandinu þannig:
„Þegar við komum inn var gífur-
legur troðningur á staðnum og þá
sérstaklega í stiganum sem liggur
niður á neðri hæð hússins. Það var í
raun stórhættulegt að fara þar niður.
Við áttum hinsvegar engra kosta
völ, því við bárumst hreinlega niður
með straumnum. Við ræddum það
einmitt okkar á milli að ef til elds-
voða hefði komið hefði illa farið.
Við fórum beint inn á skrifstofu
hótelsins og fórum fram á endur-
greiðslu miðaverðsins og fengum
hana. Á meðan við biðum eftir að fá
hana sáum við stúlku sem hafði
meitt sig mjög illa á fæti. Ég veit ekki
hvort hún fótbrotnaði eða ekki en
hún virtist töluvert meidd. Þessi
stúlka var með strák og númerið á
aðgöngumiðanum hans var annað-
hvort 3300 eða 3400 og eitthvað.
Ég hef komið nokkrum sinnum á
Hótel ísland, m.a. var ég þar á
nýársnótt fyrir ári og ég hef aldrei
upplifað neitt þessu líkt“.
- Hafið þið hugsað ykkur að láta
þetta mál ganga lengra?
„Já, vinir mínir hafa reynt að tala
við lögregluna og reynt að tala við
lögregluna og reynt að kæra staðinn
fyrir að brjóta reglur um hámarks-
fjölda fólks inni í húsinu".
- Reynt segirðu, hefur það ekki
gengið?
„Við höfum ekki ennþá náð tali af
þeim aðila hjá lögreglunni sem hefur
með þessi mál að gera.
- Meiddist einhver ykkar á Hótel
íslandi þessa nótt?
„Ein stúlka í hópnum meiddist
lítillega, hún fékk spark í fótlegg og
bólgnaði upp.“
- Urðuð þið vör við þær veiíingar
sem áttu að vera á boðstólum?
„Nei, við sáum hvorki tangur ne
tetur af þeim. Hvorki snakk ne
hatta.“ — áma.
Nýr maður í stól
í gær var formlega skipt um
mann í stól bankastjóra Lands-
banka íslands. Helgi H. Bergs lét
af störfum nú um áramótin vegna
aldurs og vék því úr þessum virðu-
lega stól. En maður kemur í manns
stað og það er Valur Arnþórsson,
stjórnarformaður Sambands ís-
lenskra samvinnufélaga, sem tók
við stöðunni. Hér takast því í
hendur fráfarandi og núverandi
bankastjóri þessa stærsta banka á
íslandi. Tímamynd Árni Bjarna
Ármann Reynisson í Ávöxtun með nýtt fyrirtæki, Ár hf., m.a. til fjármálaráðgjafar og eignaumsýslu:
AR HF. TILEFNI ATHUGA-
SEMDAR BANKAEFTIRUTS
„Félagið heitir Ár hf. Tilgangur félagsins er fjármálaráð-
gjöf, umboðs- og kynningarstarfsemi, inn- og útflutningur og
eignaumsýsla.“
- Þannig er tilgangur Ár hf. skráður I hlutafélagaskrá og
þótt þetta sé almennt orðað má segja að stofnendurnir telji
megintilganginn fjármálaráðgjöf og sé starfsemi félagsins á
því sviði, þá heyrir hún undir lög um verðbréfaviðskipti og
skylda starfsemi.
Til slíkrar starfsemi þarf leyfi
viðskiptaráðherra og menn sem
slíkri starfsemi stýra þurfa að upp-
fylla viss skilyrði - þurfa meðal
annars að vera fjár síns ráðandi.
Sá sem stýrir Ár hf. er það hins
vegar ekki. Hann heitir Ármann
Reynisson og stýrði Ávöxtun sf. sem
nú er til gjaldþrotameðferðar og þar
sem Ávöxtun var sameignarfélag er
bú Ármanns inni í gjaldþrotameð-
ferðinni.
Valdssvið bankaeftirlitsins nær
yfir alla bankastarfsemi, þar með
talið fjármálaráðgjöf og verðbréfa-
miðlun.
Bréf frá bankaeftirliti
„Við stofnun Ár hf. sá bankaeftir-
litið ástæðu til að skrifa stjórnarfor-
manni hins nýstofnaða fyrirtækis
bréf þar sem vakin var athygli stjórn-
ar þess á því að í lögum er verðbréfa-
miðlun skilgreind sem hvers konar
milliganga um kaup eða sölu
verðbréfs, sem kaup eða sala verð-
bréfs í annarra þágu og ráðgjöf sem
veitt er gegn endurgjaldi um slík
kaup eða sölu,“ sagði Þórður Ólafs-
son forstöðumaður bankaeftirlitsins.
„Þannig fellur fjármálaráðgjöf
sem veitt er í atvinnuskyni undir
verðbréfalögin. Bankaeftirlitið benti
stjórnarformanninum á það að félag-
ið þyrfti að sækja um leyfi til við-
skiptaráðuneytisins ætluðu þeir sér
að starfrækja fjármálaráðgjöf sem
félli undir verðbréfamiðlun.
Þetta hefur bankaeftirlitið gert
einnig gagnvart öðrum aðilum en
þessu fyrirtæki, sem hafa skráð sig í
firmaskrá og hafa haft þennan
tilgang, þannig að þetta bréf er ekki
einsdæmi."
Þórður sagði að með þessum að-
gerðum væri verið að beina þeim
tilmælum til félaganna að þau hefji
ekki neina þá starfsemi sem hugsan-
legt er að falli undir ákvæði laga um
verðbréfamiðlun, án leyfis við-
skiptaráðherra, enda liggi við brot-
um á lögunum sektir, varðhald eða
fangelsi.
Athygli viðskipta-
ráðuneytis vakin
Ármann Reynisson, Pétur Björns-
son og Ávöxtun sf. óskuðu eftir
greiðslustöðvun á sínum tíma en því
var synjað. Úrskurðaði skiptaréttur
14. okt. s.l. að Ávöxtun og bú þeirra
Ármanns og Péturs skyldu tekin til
gjaldþrotaskipta.
Að sögn Tryggva Axelssonar vakti
bankaeftirlitið athygli viðskipta-
ráðuneytisins á því að þrátt fyrir að
bú Ármanns Reynissonar væri til
gjalþrotameðferðar hefði Ármann
staðið að stofnun, og kynnt sig í
fjölmiðlum og víðar sem fram-
kvæmdastjóra hins nýja fyrirtækis,
Ár hf.
Ráðuneytið kannaði málið að
sögn Tryggva og í ljós kom að
ráðningu framkvæmdastjóra hafði
verið frestað og enginn væri skráður
framkvæmdastjóri fyrirtækisins Ár
hf. í hlutafélagaskrá.
Tíminn fékk í gær staðfest hjá
skránni að enn hefði ekki verið
skráður framkvæmdastjóri fyrir-
tækisins heldur hafa tveir stjórnar-
menn þess prókúruumboð, þau Stef-
anía Guðmundsdóttir stjórnarfor-
maður og Reynir Ármannsson.
í lögum um hlutafélög nr. 32 frá
1978 er þó kveðið á um að skrá skuli
framkvæmdastjóra og kveðið á um
fjárræði þeirra o.fl. Samkvæmt þeim
ákvæðum gæti Ármann vart verið
framkvæmdastjóri.
Engu að síður heldur Ármann
Reynisson áfram að titla sig fram-
kvæmdastjóra og kynna sig sem
slíkan opinberlega.
Athygli Tímans hefur verið vakin
á því að þrátt fyrir allt sé veitt
fjármálaráðgjöf hjá fyrirtækinu og
sagði heimildamaður að þeir sem
þar leituðu ráðgjafar gerðu það
einkum vegna þess hve mikið traust
þeir bæru til þekkingar Ármanns
Reynissonar og hann vfsaði engum
frá sér.
Þegar þetta var borið undir Ár-
mann Reynisson tók hann málaleit-
an blaðamanns fálega og spurði
hvers konar yfirheyrslur væru hér á
ferðinni og lýsti vanþóknun sinni á
því sem hann nefndi frekju blaða-
manns. Aðspurður sagði hann:
„Þetta fyrirtæki stundar enga fjár-
málaráðgjöf á einn eða annan hátt,“
og vildi ekki tjá sig frekar um
starfsemi fyrirtækisins við blaðið.
-sá