Tíminn - 04.01.1989, Page 4

4 Tíminn
Fundað í jólaleyfi þingmanna
um fjárlög og bráðabirgðalög,
bætt upp með lengingu þess:
Þing
kemur
saman
ídag
Alþingi kemur saman í dag eftir
að hafa verið í fríi frá 22. desember.
Ekki er reiknað með að þing standi
lcngi að þessu sinni, en þingmenn
fara aftur í jólaleyfi á föstudag eða
laugardag.
Eins og kunnugt er vannst ekki
tími til að afgreiða fjárlög og bráða-
birgðalögin fyrir jól og var sú
ákvörðun tekin af formönnum þing-
flokkanna að sleppa þinghaldi á
milli jóla og nýárs en koma saman á
fyrstu dögum þessa árs. Guðrún
Helgadóttir forseti sameinaðs Al-
þingis sagði í samtali við Tímann að
ætlunin væri að afgreiða a.m.k. fjár-
lögin og bráðabirgðalögin einnig ef
vilji til þess væri fyrir hendi. t>á er
einnig meiningin að teknar verði
fyrir fyrirspurnir í sameinuðu þingi í
fyrramálið eins og venja er á fimmtu-
dagsmorgnum.
Samkvæmt starfsáætlun þingsins
áttu þingmenn að vera í jólafríi frá
22. desember til 23. janúar, en stór
hluti þess tíma er vanalega notaður
til fundahalda út í kjördæmunum.
Þar sem að nú verður unnið í jólafríi
þingmanna mun það að ölium líkind-
um verða bætt upp með lengingu
þess fram undir næstu mánaðamót.
- ág
Fjallað um frétt Sjónvarpsins
um Atvinnutryggingarsjóð
í Útvarpsráði:
MÁLID ÚR
SÖGUNNI
„Einstakir útvarpsráðsmenn
gerðu athugasemdir við frétt Sjón-
varpsins á öðrum degi jóla, þar sem
fjallað var um Atvinnutryggingar-
sjóð en engin ályktun var borin
upp,“ sagði Markús Á Einarsson
varaformaður útvarpsráðs við frétta-
mann Tímans.
í frétt sjónvarpsins var spurt hvort
ábyrgð stjórnarmanna sjóðsins væri
sambærileg ábyrgð bankaráðsmanna
og var í þessu sambandi vitnað til
fyrirspurnar Matthíasar Á. Mathie-
sen á Alþingi og síðan rætt í fréttinni
um ákærur í Hafskipsmálinu á hend-
ur bankaráðsmönnum Útvegsbank-
ans gamla.
Markús sagði ólíklegt að meir yrði
fjallað um þessa frétt sjónvarpsins
og málið því úr sögunni. -sá
Fri undirrítun samninganna í fyrradag. Magnus L. Sveinsson, formaður VR og Ingi R. Tryggvason, forstjóri BÍ munda pennann. Timunyiid: Pjetor
Samningar undirritaöir milli VR og Brunabótafélagsins:
Hóptryggingar fyrir
alla félagsmenn VR
Nýverið voru undirritaðir samningar á milli Verslunar-
mannafélags íslands, Brunabótafélagsins og B.í. Líftrygging-
ar um hóptryggingar fyrir fullgilda félagsmenn VR. Samning-
arnir eru gerðir til tveggja ára, en með þeim verða félagsmenn
VR m.a. tryggðir utan vinnutíma.
f haust ákvað stjórn VR að leita
tilboða hjá tryggingarfélögunum í
hóptryggingar fyrir félagsmenn VR.
Tilgangurinn var að efla sjúkrasjóð
félagsins og jafnframt stórauka
tryggingarvernd félagsmanna sinna.
Þann 28. nóvember s.l. voru tilboðin
opnuð og reyndist tilboð Brunabóta-
félags íslands og B.f. Líftryggingar
verulega lægra en tilboð annarra
tryggingarfélaga sem öll sendu inn
samhljóða tilboð.
Samningarnir taka til fjögurra
tryggingaþátta og ná til allra full-
gildra félagsmanna VR undir 70 ára
aldri. Frítímaslysatryggingin nær þó
til allra fullgildra félagsmanna sam-
kvæmt sérstöku ákvæði.
f fyrsta lagi er um að ræða Hóplíf-
tryggingu þar sem greiddar eru dán-
arbætur við fráfall félagsmanns hvort
sem er af völdum sjúkdónts eða
slyss. Dánarbæturnar eru frá 150
þúsund krónum en hækka eftir fjöl-
skyldustærð. Félagsmaður sem á
maka og þrjú börn er t.d. líftryggður
fyrir 325 þúsund krónur.
í öðru lagi er s.k. Frítímaslysa-
trygging. Fyrir gerð samningsins
voru félagsmenn VR aðeins tryggðir
í vinnutíma og var það samkvæmt
kjarasamningum. Meðtilkomuþess-
arar nýju tryggingar eru félagsmenn
slysatryggðir allan sólarhringinn.
Félagsmaður sem ferst af slysförum
í frítíma og lætur eftir sig maka og
eitt barn er t.d. tryggður fyrir rúmar
1,3 milljónir. Bætur vegna 100%
örorku sem verður í kjölfar slyss eru
rúmar 3,5 milljónir.
í þriðja lagi er samið um Sjúkra-
dagpeningatryggingu sem tryggir fé-
lagsmönnum VR dagpeninga í veik-
indatilfellum frá því að launagreiðsl-
ur vinnuveitanda falla niður og
greiðast dagpeningarnir í allt að níu
mánuði.
I fjórða og síðasta lagi er samið
um Slysatryggingu barna. Með þess-
ari tryggingu eru öll börn VR félaga
slysatryggð allan sólarhringinn auk
þess innifelur tryggingin útlagðan
kostnað við slys sem verður hærri en
eitt þúsund krónur.
Allar þessar tryggingar eru óháðar
öðrum tryggingum og skerða ekki á
nokkurn hátt rétt félagsmanna VR
til bóta úr öðrum tryggingum sem
þeir kunna að hafa.
Þetta eru stærstu samningar sinnar
tegundar sem Brunabótafélag ís-
lands hefur gert til þessa, en nú eru
8812 félagsmenn skráðir hjá VR.
Auk þeirra trygginga sem samn-
ingar hafa náðst um óskaði VR eftir
tilboðum í viðbótar persónutrygg-
ingar sem hver félagsmaður hefði
frjálst val um. Brunabótafélagið hef-
ur boðið fram nýtt tryggingaform
fyrir einstaklinga og fjölskyldur sem
nefnt hefur verið Fjöltrygging, þar
sem hver tryggingartaki getur sett
saman tryggingar miðað við eigin
þarfir. Þessi nýja Fjöltrygging verð-
ur sérstaklega kynnt VR félögum á
næstu vikum. SSH
Öll viöskipti við Suður-Afríku og Namibíu bönnuö frá áramótum.
Strangt tekið á brotum viö þessum lögum:
VARDAR ÞRIGGJA
MÁNAÐA FANGELSI
Nú um áramótin tóku gildi lög cr
banna öll viðskipti fslendinga við
Suður-Afríku og Namibíu. Brot
gegn ákvæðum þessara laga varða
sektum eða allt að þriggja mánaða
fangelsi ef sakir eru miklar.
Samkvæmt fyrstu grein laganna er
óheimilt að flytja inn til íslands
vörur sem eru upprunnar í Suður-
Afrfku eða Namibíu og jafnframt að
flytja vörur frá íslandi til þessara
landa, eða að gera samning um
útflutning vara frá íslandi þcgar Ijóst
má vera við gerð samnings að endan-
legur áfangastaður þeirra er Suður-
Afríka eða Namibía. Utanríkisráð-
hcrra er þó heimilt að gera undan-
þágu frá banni við innflutningi ef
mannúðarástæður mæla með því.
Lög þessi voru sett þann 20. mat
síðastliðinn og eru viðleitni stjórn-
valda í þá átt að sýna í verki andúð
sína á aðskilnaðarstefnu hvíta
minnihlutans í Suður-Afríku. f>ó var
ákveðið að þeim yrði ekki beitt
vegna innflutnings eða útflutnings
sem átti sér stað fyrir I. janúar á
þessu ári, enda hefði verið samið um
slík viðskipti fyrir 20. maí s.l. - ág
Nú eiga allar vörur frá Suöur-Afríku
og Namibíu að vera liorfnar úr
hillum verslana. f gær mátti þó enn
sjá slíkar vörur í verslunum.
Tímamynd: Pjefur