Tíminn - 04.01.1989, Page 5

Miövikudagur 4. janúar 1989
Tíminn 5
1,6 íslendingar um hvert ökutæki:
Virðumst komin fram úr
Ameríkónum í bílaeign
Það iætur nærri 1,6 íslendingar séu um hvert eitt
ökutæki, en ef fólksbílar eru teknir sérstaklega út þá er
1,98 manns um hvern bíl. Þetta má lesa út út bráðabirgða-
tölum Bifreiðaeftirlits ríkisins um bifreiðaskráningar fyrir
árið 1988.
Samkvæmt þessum tölum eru
504 bílar á hverja 1000 íbúa hér á
landi, en til samanburðar má geta
þess að Bandaríkjamenn sem löng-
um hafa verið taldir mesta bílaþjóð
heims voru með 473 bíla á hverja
1000 íbúa árið 1984 samkvæmt
hagtölum Seðlabanka íslands frá
síðasta mánuði. Því miður eru ekki
til nýrri tölur um bílaeign Banda-
ríkjamanna en mjög ólíklegt er að
bílaeign þeirra hafi aukist ásíðustu
árum það mikið að hún nái þeim
fjölda sem bílaeign á hverja 1000
íbúa hefur náð hér á landi.
Samkvæmt bráðabirgðatölu
Bifreiðaeftirlitsins kemur fram að
heildarfjöldi skráðra ökutækja á
árinu 1988 var 154.796. Þar af var
fjöldi bifreiða og bifhjóla 140.412
árið 1988 en var árið 1987 134.469,
sem er 4,4% aukning. 127.332
fólksbifreiðar voru á skrá við árs-
lok 1988 en 121.694 árið 1987 sem
er 4,6% aukning. Vörubifreiðum
fjölgaði um 1,9% á milli ára, þ.e.
úr 11.845 árið 1987 í 12.074 árið
1988. Mest var hins vegar aukning-
in í skráðum bifhjólum, eða 8,3%,
úr 929 í 1.006 bifhjól. Skráðir
tengivagnar árið 1988 voru 1.490,
dráttarvélar voru 10.484 og tor-
færutæki 2.410.
Ef borinn er saman fjöldi ný-
skráninga á þessum tveim árum
kemur í ljós að nýskráningar á
bifreiðum og bifhjólum voru árið
1987 23.430 en árið 1988 15.186.
Þar af voru 12.780 nýjar bifreiðar
og bifhjól flutt inn árið 1988 en
18.478 árið á undan. Árið 1987
voru fluttar inn 4.952 gamlar bif-
reiðar og bifhjól en árið 1988
rúmlega helmingi færri eða 2.406.
Árið 1988 voru 9.673 bifreiðar og
bifhjól afskráð en árið á undan
15.932. Skráð eigendaskipti á síð-
asta ári voru 43.071 talsins en voru
árið á undan 46.442 talsins.
-ABÓ
Álafoss hf. stendur nú í viðræðum við
lánardrottna sína og Atvinnutryggingarsjóð:
„Af gjörgæslu
fyrir mitt ár“
Enn er Álafoss hf. rekinn með
verulegum halla þrátt fyrir að á því
rúma ári sem fyrirtækið hefur verið
starfandi hafi afkoman batnað
stöðugt. Jón Sigurðarson segir Ála-
foss hf. ennþá á gjörgæslu, en kveðst
vonast til að því ástandi linni fyrir
mitt ár.
Viðræður standa nú yfir á milli
fyrirtækisins og helstu lánardrottna
þess, það eru Iðnlánasjóður, Iðnþó-
unarsjóður og Landsbankinn. Jón
sagði þessi mál á réttir leið og kvaðst
vænta niðurstaðna af viðræðunum
um næstu mánaðamót. Þá hafa
einnig verið í gangi viðræður við
Atvinnutryggingarsjóð.
Forráðamenn Álafoss hf. bíða nú
spennti eftir viðbrögðum við nýrri
framleiðslulínu frá fyrirtækinu sem
kynnt hefur verið á Vesturlöndum.
Tugum milljóna hefur verið eytt í
kynningu þessarar línu er saman-
stendur bæði af bandi og fatnaði og
er þetta stærsta og dýrasta kynning
sem ráðist hefur verið í á íslenskum
ullarvörum erlendis. Að sögn Jóns
Sigurðarsonar standa einnig fyrir
dyrum viðræður við nýtt sovéskt
fyrirtæki, Rosvneshtorg, um við-
skipti og eru taldar góðar líkur á að
það fyrirtæki kaupi ullarvörur á
þessu ári, þó enn sé of snemmt að
fullyrða þar um. Þær viðræður munu
að öllum líkindum hefjast um miðj-
an þennan mánuð.
Utkoman úr viðræðunum við
Sovétmenn og viðtökurnar á nýju
framleiðslulínunni á Vesturlöndum
munu svo skera úr unt hvort koma
þarf til skerðingar vinnuviku hjá
Álafossi hf. að nýju. - ág
Brotist inn á tveim stööum:
Miklar skemmdir
í Fossvogsskóla
Tvö innbrot voru framin í fyrri-
nótt. f öðru tilfellinu var brotist inn
í verslun að Laugavegi 6 og kom
lögreglan að tveimur mönnum inni í
versluninni. Annar mannanna leið
út af þegar inn í verslunina kom
vegna ölvunar og gaf lítil svör þegar
reynt var að vekja hann. Farið var
með hann á slysadeild tii athugunar
og síðan í fangageymslu.
Þá var um svipað leyti tilkynnt um
innbrot í Fossvogsskóla. Þar hafði
verið farið inn og miklar skemmdir
unnar. -ABÓ
Bifvélavirkjar á landsbyggöinni virðast sumir hverjir efast um
ágæti færanlegrar skoöunarstöðvar Bifreiöaskoöunar íslands:
Ottast atvinnutap
vegna stöðvarinnar
Sklptar skoðanir eru um ágæti færanlegrar skoðunarstöðvar
Bifreiðaskoðunar íslands. BOgreinasambandið leggur til að
samráð verði haft við verkstæðin um tilhögun skoðunar bifreiða
á landsbyggðinni.
Víða óttast menn að vinna verði
færð úr héraði með tilkomu skoð-
unarstöðvarinnar. Atvinnumála-
nefnd Akraness hefur mótmælt
fyrirhugaðri framkvæmd og bif-
vélavirkjar á Akranesi vilja sjálfir
sjá um skoðunina. Karl Ragnars
framkvæmdastjóri Bifreiðaskoð-
unarinnar segir það ekki koma til
greina.
Samkvæmt heimildum Tímans
er nokkur urgur í landsbyggðar-
mönnum vegna færanlegu skoðun-
arstöðvarinnar sem tekin verður í
notkun á næstunni.
Tíminn ræddi við Björn Ómar
Jónsson í stjórn Bílgreinasam-
bandsins en hann sagði þetta mál
hafa verið rætt á síðustu aðalfund-
um sambandsins.
„Það er ekkert launungarmál að
við hjá Bíigreinasambandinu erum
frekar svartsýnir á að þetta gangi
upp,“ sagði Björn. Hann benti á að
þeir væru með aðrar tillögur sem
að þessu lytu. Þeir væru hlynntari
því að Bifreiðaskoðun íslands
gerði samning við verkstæðin um
framkvæmd þessarar þjónustu.
Vinna væri takmörkuð úti á landi
og það sem þeir hefðu í huga væri
að þessháttar samningar myndu til
dæmis flýta fyrir tækjavæðingu
verkstæðanna. Ef til vill væri þá
hægt að dreifa vinnunni frekar yfir
allt árið. Að gert væri Ijóst hvað
ætti að skoða og hvers konar tæki
skyldi nota en skoðunin færi fram
inni á verkstæðunum undir þeirra
umsjón.
Annar möguleiki væri sá að
ieigja Bifrciðaskoðuninni aðstöð-
una. Eða hún sendi menn á staðinn
sem í samráði við þá sem ynnu á
viðkomandi verkstæði myndu
skoða bílana.
„Afleiðingar starfsemi færan-
legu skoðunarstöðvarinnar verða
þær að tæknivæðingu verkstæð-
anna seinkar. Sum þeirra ntunu
jafnvel leggja upp laupana," sagði
Björn. Hann sagði Bílgreinasam-
bandið hafa bent á sín sjónarmið
og reynslu í þessum máluni þótt
enn sem komið er hefði það ekki
verið tekið til greina.
Atvinnumálanefnd Akraness og
eigendur bifreiðaverkstæða héldu
fund 13. nóvember síðastliðinn.
Þar var rædd hugsanleg skerðing
atvinnutækifæra og burtstrcymi
fjármagns úr bænuni. Þá var samið
bréf bæði til stjórnar Bifreiða-
skoðunar íslands sem og þing-
manna Vcsturlands.
„Við erum nijög óhress með að
utanaðkomandi aðilar skuli eiga
að annast þetta verk. Eftirskoðun
er rýr tekjulind þó hún krefjist
sama tækjabúnaðar og fyrri
skoðun," sagði Ragnheiður Þor-
grímsdóttir, formaður Atvinnu-
málanefndar.
Hún sagði þau hafa bent á þcssi
atriði í bréfum sínum. Einnig hefði
verið skorað á hlutaðcigandi að
ganga til samninga við bifvéla-
virkja í bænum um að þeir taki
vcrkið að sér.
Bifvélavirkjar á Akranesi hafa
einnig skrifað Bifreiðaskoðuninni.
Þeir lýstu sig reiðubúna til að koma
í santeiningu upp skoðunarstöð í
samræmi við kröfur sent gerðar eru
til stöðva af þessu tagi. Þar sem
ekkert svar hefur borist við bréfun-
um er í bígerð að gera kostnaðar-
áætlun og scnda hana einnig.
Ragnheiður sagðist gruna þá í
Bifreiðaskoðuninni um að ætla sér
að fara sínar eigin leiðir án nokkurs
samráðs við Atvinnumálanefnd.
„Við kjósum þó heldur að farið
verði samningaleiðina"
Tíminn bar mál þetta undir Karl
Ragnars framkvæmdastjóra Bif-
reiðaskoðunar íslands.
„Ég tók þessum bréfum sent
ábendingum um að ekki mætti
skerða þjónustuna frá því sent
verið hefur. Það er nákvæntlega
það sent Bifreiðaskoðunin hyggst
hindra að komi fyrir." Hann sagði
að fjölga ætti skoðunarstöðvum
um allt land. Færanlega skoðunar-
stöðin ætti alls ekki að fara til
Akraness. Þar væri meiningin að
setja upp fasta stöð á vegum Bif-
reiðaskoðunarinnar.
Karl sagði einnig að ekki yrði
undir neinum kringuntstæðum
samið við verkstæðin um að inna
þessa þjónustu af hendi. „Það yrðu
óhjákvæmilega hagsmunaárekstr-
ar ef viðgcrðarverkstæði ættu að
hafa eftirlit með sjálfu sér.“ -jkb