Tíminn - 04.01.1989, Blaðsíða 20

AUGLÝSINGASÍMAR: 680001 —686300
RÍKISSKIP
NÚTÍMA FLUTNINGAR
Holnarhúsinu v/Tryggvogötu,
S 28822
eru okwW-
_fiármál
&
jjMMgjMjanm
SAMV1NNUBANKANS
SUÐURLAWDS8RAUT W • 108 REYKJAVtK
ALÍSLENSKT GREIÐSLUKORT

Q '
B l L

'a
ÞRÚSTUR
685060
VANIR MENN
Tíminn
MIÐVIKUDAGUR 4. JANÚAR 1989
Ingólfur Guðbrandsson segir beinum afskiptum sínum af ferðamálum trúlega lokið eftir átök við Ómar Kristjánsson:
Ómar segir Andra Má hafa
leikið tveimur skjöldum
Undanfari þeirra miklu breytinga á stjórnunarstörfum Útsýn-
ar, sem enduöu með burtför þeirra feðga Ingólfs Guðbrandsson-
ar fyrrv. stjórnarformanns og Andra Más Ingólfssonar fyrrv.
framkvstj. hjá Útsýn og núverandi framkvstj. Ferðamiðstöðvar-
innar, virðist bæði langur og flókinn. I bréfi sem Ómar
Kristjánsson framkvæmdastjóri Þýsk-íslenska hf. sendi Tíman-
um í gær rekur hann aðdraganda þess að þeir feðgar eru nú báðir
hættir störfum hjá Útsýn hf. í bréfi þessu segir m.a.:
„Nú um áramótin keypti Þýsk-
íslenska hf. síðustu hlutabréf Ing-
ólfs Guðbrandssonar í Ferða-
skrifstofunni Útsýn hf. og á Ing-
ólfur því ekkert í fyrirtækinu."
Þá er því lýst með hvað hætti
Þýsk-íslenska eignaðist Útsýn í
fjórum áföngum frá 1. janúar
1986 til síðastliðinna áramóta.
„Frá því s.l. haust hefur sonur
Ingólfs, Andri Már, starfað sem
framkvæmdastjóri sölu- og mark-
aðsmála hjá Útsýn... Á síðustu
vikum ársins 1988 stirðnaði því
miður samstarf okkar Andra. Svo
virðist sem honum hafi mislíkað
að aðaleigandi fyrirtækisins vildi
hafa áhrif á rekstur þess. f mínum
huga er afstaða af þessu tagi
barnaleg.
Svo fór að Andri Már afhenti
mér uppsagnarbréf á fundi okkar
að kvöldi föstudagsins 30.. des-
ember þar sem hann sagðist hætta
störfum hjá Útsýn ef afskipti mín
af rekstri fyrirtækisins minnkuðu
ekki verulega. Við ræddum málið
á fundinum og ég sagði að við
þyrftum báðir að hugsa það í
rólegheitum yfir áramótin því
þessi ákvörðun virkaði fljótfærn-
isleg á mig“.
Andri Már mun í þessu samtali
þeirra Ómars hafa tekið það fram
að ef ekki yrði breyting á sam-
starfi þeirra tveggja, myndi hann
standa við uppsögnina og snúa
sér að áframhaldandi námi.
Ómar segist í bréfi sínu hafa,
af algjörri tilviljun, komist að því
morguninn eftir að Andri Már
hafi keypt sér farmiða til Spánar
þ. 2. þ.m. þar sem hann hugðist
gegna störfum fyrir aðra ferða-
skrifstofu.
Að þeirri staðreynd ljósri hafi
honum þótt sýnt að menn léku
tveimur skjöldum og að samstarfi
þeirra Andra Más hlyti að vera
lokið, þar sem hann hefði hafið
störf fyrir einn af samkeppnisaðil-
unt Útsýnar.
Ómar segist því næst hafa gert
ráðstafanir til að hindra að Andri
bæri út trúnaðargögn- og upplýs-
ingar, enda hlytu það að teljast
eðlilegar varúðarráðstafanir við
slíkar aðstæður. Við yfirferð á
skjölum Útsýnar á skrifstofu
Andra munu nokkrir af hótel-
samningum Útsýnar á Spáni ekki
hafa fundist. Þeir hafi hinsvegar
fengist staðfestir frá Spáni þannig
að engin röskun eigi að hljótast
af þessu fyrir viðskiptavini skrif-
stofunnar.
Ómar segir það rangt að gerður
hafi verið þriggja ára samningur
við Ingólf Guðbrandsson og að
það sé hrein fjarstæða að samn-
ingur hafi verið fjarlægður af
skrifstofu hans, eins og haft hafi
verið eftir honum í einu dagblað-
anna. Hann segir starfsferli þeirra
feðga lokið hjá Útsýn hf. og það
sé vonandi að Ingólfur Guð-
brandsson fari að skilja að hann
sé búinn að selja fyrirtækið.
Hann segist vongóður um að
sem flestir starfsmenn fyrirtækis-
ins haldi áfram störl'um fyrir fyrir-
tækið og að nú verði megin-
áhersla lögð á það að fá vinnufrið
svo hægt verði að þjóna við-
skiptavinum Útsýnar með sem
bestum og öruggustum hætti.
Tíminn hefur hins vegar heimildir
fyrir því að þó nokkrir starfs-
manna hyggist hætta hjá fyrirtæk-
inu í kjölfar þessara sviptinga.
Ingólfur Guðbrandsson hefur
m.a. sagt að sér hafi verið sagt
upp s.l. sumar en sú uppsögn
síðan verið dregin til baka. Því
hafi honum komið atburðirnir
undanfarna daga mjög á óvart.
Hann hefur og sagt að viðbúið
sé að beinum afskiptum hans af
ferðamálum sé lokið en ekki sé
ólíklegt að hann hafi einhver
óbein áhrif. Hann segir að þekk-
ing sín og reynsla hafi verið lítils
metin af núverandi eiganda Út-
sýnar og því telji hann sér ekki
endileg skylt að standa við ákvæði
það í sölusamningi Útsýnar að
hann starfi ekki að ferðamálum
fyrir nokkurn samkeppnisaðila
skrifstofunnar. Þá hefur Ingólfur
sagt að hefði sig grunað að sala
Útsýnar yrði honum svo dýrkeypt
sem raun hefði borið vitni, þá
hefði hann að öllum líkindum
ekki selt hana á sínum tíma.
- áma.
Fermingarveislur
að seljast upp?
Þó töluvert langt sé til vors, og
þar með til ferminga, virðast að-
standendur fermingarbarna þegar
vera farnir að huga að aðkeyptum
veisiuföngum.
Hjá Veitingahöllinni fengust þau
svör að mjög mikið væri um það að
fólk væri búið að panta veislur hjá
þeim. Ástandið er jafnvcl orðið
þannig að einstakir fermingardagar
eru á góðri leið með að verða
„upppantaðir". Jóhannes Stefáns-
son matreiðslumaður sagði að
mjög mikið væri búið að panta í
sali þá er þeir hefðu á sínum
snærum. Óvenjumikið mun vera
um pantanir og töluvert meira en á
sama tíma í fyrra. Jóhannessagðist
alveg eins eiga von á því að uppselt
yrði í janúar. Nú þegar væru bæði
2. og 9. apríl orðnir „þéttir".
Slegið var á þráðinn á nokkra
aðra þá staði sem taka að sér
veisluhöld fyrir fólk og bar þeim
aðilum saman um það að þó ekki
væri um formlegar pantanir að
ræða hjá þcim væri greinilegt að
fólk væri óvenju fljótt að taka við
sér í undirbúningi ferminganna.
- áma
Þórður Friðjónsson forstjóri Þjóðhagsstofnunar:
4% gengisfelling bætir
afkomu vinnslu um 2,5%
Gengisfellingin sem ríkisstjórnin
ákvað á fundi sínum í fyrrakvöld og
kom til framkvæmda í gærmorgun
hefur þau áhrif að staða fiskvinnsl-
unnar er svipuð og í lok september
á síðasta ári, samkvæmt útreikning-
um Þjóðhagsstofnunar.
Þórður Friðjónsson forstjóri
stofnunarinnar sagði í samtali við
Tímann að í meginatriðum mætti
gera ráð fyrir þvf að vinnslan, þ.e.
frysting og söltun saman, verði rekin
með lítilsháttar halla. „Frystingin
ein sér verði hins vegar með nokkr-
um halla, eða nálægt 3%, en söltunin
með hagnað nálægt 4%. Þar sem
þáttur frystingarinnar er stærri en
söltunarinnar gefur þetta þá niður-
stöðu að vinnslan verði rekin með
lítilsháttar halla,“ sagði Þórður.
Hann sagði að veiðar yrðu áfram
reknar með töluverðum halla og
botnfiskveiðar og vinnsla saman
sömulciðis rekið með töluverðum
halla. „Þessi gengisfelling um 4%
skilar til vinnslunnar nálægt 2,5% í
bættri rekstrarafkomu, en hún er
ótvírætt erfið áfram,“ sagði Þórður.
Aðspurður um áhrif gengisfelling-
arinnar á verðlag sagði Þórður að
samkvæmt þeirra tölum væri verið
að tala um 1,5% til 2% hækkun
verðlags. ASÍ segir að gengisfelling-
in hafi í för með sér 2 til 3% hækkun.
„Þetta fer eftir ákaflega mörgu, en
miðað við að fyrst og fremst séu
teknar beinar afleiðingar þessara
erlendu verðbreytinga á efnahagslíf
hér innanlands, þá erum við að tala
um tölur eins og 1.5% til 2%. ASÍ
virðist meta áhrifin meiri heldur en
við,“ sagði Þórður. - ABÓ