Tíminn - 21.01.1989, Page 8

18
HELGIN
Laugardagur 21. janúar 1989

Á þeim merku tímamótum
Veturinn er hálfnaður og vertíð
þorrablóta og árshátíða að hefjast.
Jón Baldvin og Ólafur Ragnar
flækjast landshornanna á milli með
samskotabauk og flugelda, á með-
an Steingrímur Hermannsson fer
einn síns liðs á glamorlausa fundi,
útskýrir versnandi ástand efna-
hagsmála fyrir almenningi og
harmar hvernig komið er. Sverrir
Hermannsson þenur sinn „striga-
kjaft“ og líkir Ólafi og Jóni við
illhveli síþyrst í manndráp og
skipskaða.
Á meðan búum við hin, sem
erum bara venjulegt fólk okkur
undir brennivínsdrykkju og há-
karlsát undir sígildum skemmtiatr-
iðum misfrjórra þorrablótsnefnda.
Reyndar er eins og við þurfum
alltaf að hafa einhverjar árstíða-
bundnar skemmtanir og uppákom-
ur til að hlakka til. Sé byrjað á
byrjuninni þá er það hefðbundin
venja að fagna nýju ári strax þann
fyrsta janúar. I endaðan mánuðinn
byrja þorrablótin og þau endast í
bland við árshátíðir, hjónaböll,
krúttmagakvöld og flcira fram að
páskum, en þá hefst fermingarver-
tíðin. Á milli páska og hvítasunnu
fermum við blessuð börnin okkar,
með tilheyrandi fjárútlátum vegna
yfirborðskenndra fermingargjafa og
veislum sem slá hver aðra út
hvað glæsileika og mikilfengleika
snertir.
Á þessu umrædda fermingar-
tímabili fögnum við einnig þeim
tímamótaviðburði að á ákveðnum
degi byrjar sumarið og er hann
kallaður sumardagurinn fyrsti.
Eldheitir byltingarsinnar rífa sig
líka upp að morgni 1. maí og grafa
upp byltingarfánann til þess að veifa
honum framan í auðvaldssinnana
sem um þessar mundir eru að tapa
öllum sínum eigum í atvinnurekstri
sem er allur á hausnum, sama
hvaða nafni hann nefnist. Ef marka
má fréttir úr íslensku atvinnulífi er
vel líklegt að 1. maí skipti um
hlutverk og verði baráttudagur ís-
lenska athafnamanna, gegn verka-
lýðsauðvaldinu sem að lifir í prakt-
ugum vellystingum, á mest af bíl-
um í heiminum sé miðað við mann-
fjölda, mest eigið húsnæði og svo
framvegis. Á meðan eru atvinnu-
rekendur mergsognir af almenn-
ingi, með svívirðilegum launakröf-
um, níðingslegri skattastefnu,
(sem fjármagna samneyslusukk al-
mennings) og alls konar álögum
sem kallaðar eru einu nafni launa-
tengd gjöld. Þessum gjöldum er
safnað saman í sjóði eins og lífeyr-
issjóði sem neita svo atvinnurek-
endum um lán þegar þeir eru að
fara á hausinn.
En áfram með stórhátíðir og
tyllidaga. Þegar búið er að ferma
öll þrettán ára börn sem á annað
borð kæra sig um að verða fermd,
liggur beinast við að halda upp á
afmælið hans Jóns Sigurðssonar.
Þá minnumst við í leiðinni að
landið okkar var lýst sjálfstætt ríki
þann 17. júní árið 1944. í þessum
sama júnímánuði eru einnig
sumarsólstöður og Jónsmessunótt
og ber að fagna hvoru tveggja á
viðeigandi hátt. Hefðbundin
sumarfrí með tilheyrandi sjoppu-
hringakstri í kringum landið eru
algeng í júlí.
Verslunarmannahelgin er stór
viðburður. Þessi helgi var upphaf-
lega alþjóðleg fríhelgi verslunar-
manna en er nú fríhelgi allra ann-
arra en verslunarmanna. Skríllinn
safnast nú saman á fallegustu stöð-
um landsins, í þúsunda vís, drekk-
ur þar brennivín, notar eiturl'yf,
treður upp viðkvæman grassvörð-
inn og breytir honum í svað sem
menn svo velta sér uppúr, misjafn-
lega illa á sig komnir.
Haustið er tími gangna, rétta og
tilheyrandi uppskeruhátíða. Unga
fólkið flykkist í skólana. I fram-
haldsskólunum eru þeir minnstu
og ræfilslegustu teknir fyrir og
píndir og kvaldir af þeim eldri og
sterkari. Annað fólk rakkar sig
saman undir merkjum frjálsrar fé-
lagastarfsemi en fyrr en varir líður
að jólum. Að vísu er fullveldisdag-
uríslands 1. desemberog vitanlega
þarf að halda upp á það líka.
En allar hátíðir hverfa samt í
skuggann af jólunum hvað umfang
og innantóman glæsileika snertir.
Fjölskyldur stofna til gífurlegra
skulda vegna rándýrra gjafa til
ættingja nær og fjær, það er bakað
og bruggað, etið, drukkið og yfir
höfuð sökkva menn sér á kaf í
unaðssemdir holdlegra nautna, á
meðan fæstir ræktan andann eins
og tilefnið var gefið til. Þessi jörfa-
gleði nútímalegra jóla rennur sam-
an við áramótafagnaðinn í taum-
lausri gleði.
Þá erum við komin í heilan hring
og eins og sagði í upphafi er
þorrinn rétt ný byrjaður. Það er
því við hæfi að minnast þessara
merku tímamóta á viðeigandi hátt.
GETTU NU
Það var sjálfur Háifoss í
Þjórsárdal, sem gat að líta
í „Gettu nú“ fyrir viku.
Nú færum við okkur milli
landshluta og spyrjum í
hvaða á virkjunina sem hér
sést er að finna. Um virkj-
unina urðu talsverðar deil-
ur á sínum tíma.
KROSSGÁTA