Tíminn - 15.04.1989, Blaðsíða 11
/ \r
Laugardagur 15. apríl 1989
Tíminn 23
FRÉTTAYFIRUT
WASHINGTON - George
Bush forseti Bandaríkjanna
hefur náö samkomulagi viö
þingið um viöræöur um leiðir til
aö undirbúa fjárlög áriö 1990. i
Markmiöiö verður aö skera j
fjárlagahallann niöurí 100 mill-
jaröa dollara án þess aö
hækka skatta. Gert er ráð fyrir |
að fjárlagahalli þessa árs verði
163 milljarðar dollara en hann
var 155 milljarðar í fyrra.
LUANDA - Leiðtogar!
Swapo skæruliöahreyfingar-;
innar í Namibíu skýrðu frá því;
aö skæruliöar hreyfingarinnar
sem staðið hafa í bardögum í
Namibíu væru nú að koma tii
stööva sinna í Angóla í sam-
ræmi viö samkomulag sem
batt enda á blóðuga bardaga í
Namibíu í síöustu viku. Margir
skæruliöanna eru særöir eftir
átökin viö öryggissveitir í Nam-
ibíu, en bardagarnir kostuðu
um 200 manns lífið.
BEIRÚT - Hlé varö á stór-
skotahríðinni í Beirút í gær og
komu íbúar borgarinnar út á
göturnar til að leita fanga eftir
20 klukkustunda látlausa
sprengjuhríð sem kostaði aö
minnsta kosti 20 manns lífið.
Átökin undanfarið eru þau
höröustu sem verið hafa í
borgarastyrjöldinni í Líbanon
þau 14 ár sem hún hefur
staöið.
TOKYO - Enn eitt áfalliö
fyrir ríkisstjórn Takeshita. Fyrr-
um utanríkisráðherra Japans,
Shintaro Abe játaöi aö Recruit
fyrirtækið hafi greitt konu hans
9,3 milljónir yena í föstum
mánaðargreiðslum í þrjú ár.
WAHSINGTON - Þingið í
Bandaríkjunum ákvað að veita
nær 50 milljónum dollara til að
aðstoða Kontraliða. Aðstoðin.
á ekki að vera á neinn hátt
hernaðarleg og er það í sam-
ræmi við samþykkt Miðamer-
íkuríkja um að stöðva hernað-
arstuðning við Kontra á móti
stjórnmálalegum umbótum í
Níkaragva.
SEOUL - Rúmlega 30 þús-
und suðurkóreskir hermenn
sem tóku þátt í bardögunum
við Norður-Kóreu í Kóreustríð-
inu gengu um götur Seoul og
kröfðust þess að Moon Ik-
hwan hinn 71 árs prestur yrði
tekinn af lífi fyrir að hafa farið
norður yfir og rætt við stjórn-
völd í Norður-Kóreu um frið.
Með þeirri athöfn sinni braut
hann andkommúnísk lög sem
eru í gildi í Suður-Kóreu. Aftur
á móti fóru stúdentar og friðar-
sinnar í mótmælagöngu og
kröfðust þess að Moon yrði
leystur úr haldi.
N‘DJAMENA - Ríkis-
stjórnin í Chad segist hafa
brotið á bak aftur uppreisnartil-
raun fyrr í þessum mánuði og
hafi innanríkisráðherra lands-
ins Ibrahim Itno, hershöfðingi
landsins og ráðgjafi forsetans
tekið þátt í uppreisninni.
Illlllllllllillll ÚTLáND .....................................I..IIIIIIIHIHI.Illlllllllll... ...........................................
Kynþáttaólga Kartvela eða Georgíumanna og mannfallið í Tbilisi dregur dilk á eftir sér:
Leiðtogi kommúnista í
Georgíu baðst lausnar
Leiðtogi kommúnistaflokksins í
Georgíu, Dzhumber Patiashvili,
sagði af sér embætti í kjölfar gagn-
rýni sem hann hefur hlotið vegna
viðbragða við mótmælaaðgerðum
þjóðernissinna í Tbilisi, en nítján
manns létu Iífið í troðningi er varð
þegar herlið var sent til móts við
mótmælagöngu þúsunda manna á
sunnudaginn var. Patiashvili bað
sjálfur um lausn vegna gagnrýninn-
ar.
Það mun vera Givi Gumbaridze
yfirmaður KGB sovésku öryggislög-
reglunnar í Georgíu sem hefur tekið
við leiðtogaembættinu, en hann hef-
ur einungis verið yfirmaður Georg-
íudeildar KGB í fáeina mánuði.
Patiashvili tók við af Eduarde
Sévardnadse sem yfirmaður komm-
únistaflokksins í Georgíu þegar Sé-
vardnadse tók við embætti utanríkis-
ráðherra Sovétríkjanna árið 1985.
Yfirvöld í Georgíu eru nú að
rannsaka hvort fótur sé fyrir þeim
ásökunum um að hermenn hafi beitt
skóflunt til að berja á hinum átta
þúsund mótmælendum sem kölluðu
þjóðernisslagorð fyrir utan opinber-
ar byggingar í Tiblisi.
Patiashvili tilkynnti afsögn sína á
fundi miðnefndar kommúnista-
flokksins í Georgíu, en á þeim fundi
var einnig mættur George Sévardna-
dse sem sendur var til Georgíu til að
sætta menn. Það hefur tekist nokkuð
vel, enda Sévardnadse vinsæll mjög
meðal þjóðar sinnar í Georgíu, því
lífið virðist að mestu ganga sinn
vanagang. Margir skólar eru þó enn
lokaðir. Þá eru hermenn og skrið-
drekar enn á götum Tbilisi til að
koma í veg fyrir að upp úr sjóði.
Moskvuútvarpið skýrði frá því í
gær að 328 manns hefðu verið hand-
teknir eftir mótmælaaðgerðirnar. Þá
segir í frétt í Krasnaya Zvezda
málgagni sovéska hersins að her-
menn sem sendir hafi verið gegn
mótmælagöngunni hafi verið
drukknir og gengið mjög harkalega
til verks, meðal annars barið konur
og stúlkur með herskóflum. Þá vitn-
ar blaðið í læknanema sem segjast
hafa séð lík sem báru áverka eftir
slíkar skóflur.
Patiashvili fyrrum leiðtogi kom-
múnistafloksins hafði á mánudag
skýrt frá því að það hefðu verið
Skriðdrekar og hernienn gæta enn laga og reglna á götum Tbilisi höfuðborgar Georgíu vegna kynþáttamótmælanna
um síðustu helgi. Leiðtogi kommúnistaflokksins í Georgíu sagði af sér í gær vegna atburðanna á sunnudag.
afdrifarík mistök hjá honum að
halda að með því að senda óvopnaða
hermenn gegn mótmælagöngu þjóð-
ernissinnaðra Georgíumanna hefði
verið hægt að komast hjá mann-
skaða.
Hermenn þeir sem sendir voru
gegn mótmælafólkinu voru ekki
Georgíumenn heldur komu þeir frá
öðrum hlutum Sovétríkjanna. Það
hefur verið regla hjá Sovétmönnum,
enda gætu komið upp agavandamál
ef hermenn eiga að berja á eigin
þjóð, ættingjum, vinum og kunn-
ingjum.
ATH.
Að undanförnu hefur Tíminn notað
heitið Grúsía og Grúsíumenn um þá
þjóð sem um er fjallað. Það mun
hins vegar vera rússneska heitið yfir
Georgíumenn. Þeir kalla sig reyndar
Kartveli á sinni mállýsku og land sitt
Sakartvelo. Hins vegar nota hinir
stoltu Kartvelar stundum einnig orð-
ið Georgía um sig og land sitt. Því
mun það orð verða notað framvegis
hér á síðunni.
Vatnsmengun í ám aö drepa Alsírbúa:
BANVÆNT VATN
í OUED CHLEF
Stærsta á í Alsír er svo mikið
menguð að eiturefnin í henni eru
farin að skilja eftir sig dauðaslóð.
Vatnið er banvænt ef það er drukk-
ið og veldur útbrotum cf menn
baða sig í því. Þetta koni frant í
frétt hinnar opinberu fréttastofu í
Alsír í gær.
- Gasi sem sleppt er út í and-
rúmsloftið er víða að eyðileggja
náttúruna og eiturefnaúrgangur
hefur mengað svo ár að vatn er
víða orðið banvænt, sagði í frétt-
inni.
Oued Chlef áin sem er sú stærsta
í Alsír á upptök sín í fjöllunum
suður af Alsír og rennur hún í
vesturátt um fimm héruð þar sem
eitraður úrgangur frá sykurvinnslu,
pappírvinnslu, olíuefnaiðnaði og
plastverksmiðjum rennuróhindrað
í hana. Við bætist skólp frá bæjum
og borgum scm liggja að ánni.
- Afleiðingar mengunarinnar er
nær alger eyðilegging lífríkis f ánni
og nágrcnni hennar í árdalnum þá
500 km sent hún rennur frá upptök-
um til ósa þar sem hún fellur sem
eitraðu kokteill í Miðjarðarhafið,
sagði einnig í fréttinni,-
Vatnsinengun er nú fimm sinn-
um meiri en talið er óhætt og ef
fram heldur sem horfir ntun meng-
unin verða fimmtánföld í lok aldar-
innar ef ekkert er að gert.
Yfirmaður landamæralögreglunnar í ísrael:
Morðin á íbúum Nahalin mistök
Yfirmaður landamæralögreglu
ísraela viðurkenndi í gær að árás
liðsmanna lögreglunnar á palestín-
ska þorpið Nahalin hafi verið
mistök, en lögreglumennirnir drápu
að minnsta kosti fjóra Palestínu-
menn og særðu fimmtán. Reyndar
segja Palestínumenn að átta manns
hafi fallið.
Arabísk vitni segja að lögreglu-
mennirnir hafi lent í útistöðum við
ísraelska hermenn áður en árásin
var gerð á íbúa Nahalin, rétt fyrir
dögun í fyrradag. Sögðu vitnin að
lögreglumennirnir hefðu neitað
skipun liðsforingja í ísraelska hern-
um um að yfirgefa þorpið.
- Það er enginn vafi á því að
mistök voru gerð í Nahalin. Málið
verður rannsakað og ályktanir
dregnar, sagði Meshulim Amit yfir-
maður landamæralögreglunnar í
gær.
Aðfarir löreglumannanna voru
grimmilegar í Nahalin. Þeir ruddust
inn í hús Palestínumannanna sem
sátu að snæðingi áður en birti í
Eftir að dregið hafði úr viðskipta-
halla Bandaríkjamanna fáeina mán-
uði, þá gat ríkisstjórn Bush ekki
glaðst yfir því lengi, því viðskipta-
hallinn hefur aukist töluvert að nýju.
Tölur fyrir febrúarmánuð sem birtar
voru í gær sýna að viðskiptahallinn
samræmi við föstuboðskap kórans-
ins í hinum heilaga Ramadan mán-
uði, drógu menn út á hlað og skutu
fjóra menn með köldu blóði. Líkur
Bandaríkin:
nam 10,5 milljörðum bandaríkja-
dala, en hafði verið 8,68 milljarðar í
janúar.
Þrátt fyrir að útflutningur hafi
aukist um 0,6% í febrúar jókst
innflutningur til mikilla muna eða
um 5,3%.
eru á að fleiri hafi fallið í átökunum.
Palestínumenn hafa boðað þriggja
daga verkfall á hernumdu svæðunum
vegna árásarinnar.
Þó fjármálaspekúlantar í Wall
Street hafi gert ráð fyrir auknum
viðskiptahalla, þá varð hallinn í
febrúar mun meiri en ráð var fyrir
gert. Telja margir þeirra að árið í ár
verði metár hvað viðskiptahalla
áhrærir.
Viðskiptahalli eykst að nýju