Tíminn - 11.05.1989, Side 12

12 Tíminn
Fimmtudagur 11. maí 1989
FRETTAYFIRLIT
MANNHEIM - Fyrrum
stjórnarformaður í vestur-
þýsku fyrirtæki sem sakað hef-
ur verið um að aðstoða Líbýu-
menn að reisa efnaverksmioju
sem Bandaríkjamenn halda
statt og stöðugt fram að eigi að
framleiða efnavopn, hefur ver-
ið handtekinn. Juergen Hipp-
enstiet-lmhausen er nú í haldi
í Bochum sakaður um að hafa
brotið gegn útflutningslögum
Vestur-Þýskalands.
PANAMA - Manuel Antonio
hershöfðingi og valdamesti
maður Panama virðist nú vera
að einangrast eftir að ríki Róm-
önsku Ameríku tóku afstöðu
með Bandaríkjamönnum sem
saka Noriega og ríkisstjórnina
í Panama um stórfelld kosn-
ingasvik.
BEIRUT - Michel Aoun her-
foringi og forsætisráðherra í
herforingjastjórn kristinna
manna i Beirút flúði með fjöl-
skyldu sína og nánustu sam-
starfsmenn í sprengjubyrgi
forsetahallarinnar, en Sýrlend-
inaar skutu tuttugu sprengjum
á nöllina f gær. Hamagangur-
inn hélt áfram og varpa músl-
fmar og kristnir menn sprengj-
um eins og galnir menn hvorir
á aðra og létust að minnsta
kosti tveir menn í skothrfðinni
f gær. Fulltrúar Arababanda-
lagsins komu til Beirút f gær til
ao freista þess að koma á
vopnahléi áður en Beirút verð-
ur endanlega jöfnuð við jörðu.
ABU DHABI - Samkvæmt
heimildum innan sendiráðs
Palestínu ( Abu Dhabi hafa
Bandaríkiamenn undirbúið
friðaráætíun sem byggir á til-
boði ísraela um kosningar á
hernumdu svæðunum. Sam-
kvæmt þessum heimildum
hyggst Baker utanríkisráð-
herra Bandarfkjanna leggja
áætlunina fyrir Sovétmenn, en
hann er f opinberri heimsókn í
Moskvu.
BUDAPEST - Ungverska
þingið braut 40 ára tabú með
því að minnast þeirra 600 þús-
und gyðinga og 30 þúsund
sígauna sem drepnir voru eftir
að Þjóðverjar hertóku Ung-
verjaland árið 1944. Á þing-
fundi sem haldinn var 41 ári
eftir stofnun Israelsríkis stóðu
þingmenn úr sætum sínum og
þögðu f eina mfnútu í virðing-
arskyni við þá er létu lífið f
heimsstyrjöldinni síðari.
UTLÖND
lllllllllllllll
lllllllllllllllllllllllllllllllllllllllllllllllllllllll
Sovésk stjórnvöld bregðast skjótt við endurnýjaðri kynþáttaólgu í Nagorno-Karabakh:
Senda skriðdreka út
á götur Stepanakert
Yfirvöld í Moskvu voru ekki lengi aö senda hermenn og
skriödreka út á götur Stepanakert höfuðstaðar Nagorno-Kar-
abakh héraðs eftir að kynþáttaóeirðir brutust þar út að nýju
milli Azera og Armena. Er greinilegt að stjómvöld ætla að
koma strax í veg fyrir átök sem gætu leitt til blóðbaðs líkt og
varð í Azerbaijan á síðasta ári.
- Borgin er full af skriðdrekum og
hermönnum sem tekið hafa sér stöðu
á öllum mikilvægustu stöðum í borg-
inni, sagði sovéskur blaðamaður í
Stepanakert í símaviðtali við frétta-
stofu Reuters.
- Allsherjarverkfall lamar nú at-
hafnalíf í Stepanakert og segjast
borgarbúar ekki hætta verkfalli fyrr
en málefni Nagomo-Karabakh hafa
verið leyst, sagði sami blaðamaður.
Þrátt fyrir verkfallið hefur ástand-
ið verið tiltölulega rólegt frá því á
föstudag, en þá lenti hópum Armena
og Azera saman í Kirkidzahm, sem
er í 5 km fjarlægð frá Stepanakert.
Þar særðust þrír borgarar og fjórir
hermenn í átökum. Voru það fyrstu
átökin í Azerbaijan frá því sérstök
nefnd skipuð af stjórnvöldum í
Kreml var sett til að stjórna Nag-
orno-Karabakh. Þá hafði 91 maður
látið lífið í kynþáttaátökum.
Verkfallið sem hófst 3. maí sýnir
glögglega að Armenar sem eru í
miklum meirihluta í Nagorno-Kar-
abakh héraði, þó þeir séu í minni-
hluta í sovétlýðveldinu sjálfu, Azer-
baijan, eru óánægðir með störf
nefndarinnar sem leysa átti vanda-
málin íNagorno-Karabakh. Nefndin
var sett á fót þegar Kremlverjar
Sihanouk prins:
Skriðdrekar og hermenn hafa nú tekið sér stöðu á helstu stöðum Stepanakert
höfuðstaðs Nagorno-Karabakh héraðs vegna verkfalls og kynþáttaátaka þar.
höfðu neitað kröfu Armena um að
Nagorno-Karabakh yrði sett undir
stjórn Armeníu.
Átökin í Nagomo-Karabakh nú
koma sér mjög illa fyrir sovésk
stjómvöld sem nú eiga í erfiðleikum
með kynþáttaólgu sem skapast hefur
í Abkhazia héraði sem er á Svarta-
hafsströnd Georgíu. Þar eigast við
Azerar og Georgíumenn, en Azerar
em í miklum meirihluta þar. Þeir
hafa krafist þess að sameinast Azer-
baijan. Sú ólga varð kveikjan að
harmleiknum í Tbilisi höfuðborg
Georgíu 9. apríl þegar tuttugu
manns létust er hermenn beittu eitr-
uðu táragasi á mótmælagöngu Ge-
orgíumanna.
„Flóttamenn haldi
heim til Kambódíu(<
Sihanouk prins, sem leiðir eina af þremur skæruliðahreyf-
ingum sem barist hafa gegn stjórninni í Kambódíu undanfarin
tíu ár, hefur nú hvatt flóttamenn sem dvelja í Thailandi til
þess að halda heim á ný eftir að Víetnamar draga herlið sitt
frá Kambodíu. Hann skýrði frá þessu í ræðu sem hann hélt í
flóttamannabúðum í austurhluta Thailands, en þar hafa 60
þúsund Khmerar dvalið allt frá því að þeir flúði heimaland
sitt Kambódíu þegar Rauðir Khmerar komust þar til valda
árið 1975.
Sihanouk tók það skýrt fram að
enginn hinna 300 þúsund flótta-
manna frá Kambódíu sem nú eru í
Thalandi yrði neyddur til þess að
halda heim á ný.
Sihanouk sem ræddi við Hun Sen
forsætisráðherra ríkisstjórnar
Kambódíu í Hanoi í síðustu viku
sagðist bjartsýnn á að Víetnamar
myndu yfirgefa Kambódíu fyrir lok
septembermánaðar og að ríkis-
stjórnin í Hanoi muni gera þær
úrbætur í stjórnmálum sem hún
hefur lofað.
Sihanouk lýsti því einnig yfir í
síðustu viku að hann hygðist snúa
aftur til Kambódíu og vinna með
núverandi valdhöfum þar við að
byggja upp landið að nýju.
Þetta er honum mögulegt eftir að
ríkisstjórn Hun Sen breytti stjórnar-
skrá landsins, sagðist stefna að fjöl-
flokkakerfi og sagðist hafa skilið við
sósíalismann.
Þó Sihanouk hafi ákveðið að
ganga til friðarsamninga við stjórn-
ina í Hanoi eftir að víetnamskt
herlið er farið frá Kambódíu, þá er
ekkert sem bendir til þess að Rauðir
Khmerar hætti baráttu sinni. Siha-
nouk hefur því lagt áherslu á að
Rauðir Khmerar verði að fá ein-
hverja hlutdeild í stjórn landsins í
framtíðinni, þrátt fyrir að þeir beri
ábyrgð á dauða rúmlega milljón
Khmera sem ýmist voru myrtir eða
létust úr harðræði á valdatíma þeirra
1975 til 1979.
- Það er mjög hættulegt að skilja
Rauða Khmera eftir í frumskógin-
um, sagði Sihanouk sem stefnir
greinilega að því að endurheimta
fyrri þjóðhöfðingjasess sinn í Kamb-
ódíu.
Danmörk:
Lá látinn
í koju í
18mán.
Danskur ellilífeyrisþegi lá lát-
inn í rúmi sínu í fjölbýlishúsi
átján mánuði áður en flugnager
þvingaði nágranna hans að kanna
ástand mannsins.
- Þetta er ekki fjölbýlahús þar
sem fólk þekkir hvert annað vel,
sagði kona er bjó á hæðinni fyrir
neðan gamla manninn í viðtali
við Ekstra Bladet.
Konan hafði haft samband við
félagsmálastofnun til að fá íbúð
sína eitraða með skordýraeitri
eftir að stórar svartar flugur fór
að gera sig heimakomnar hjá
henni. Flugumar komu úr íbúð-
inni að ofan, en að því komust
verkamenn sem hugðust eitra
fyrir flugunum.
Byssa daglegur
gestur í skól-
um Los Angeles
Vopnuð árás hvern dag í skólum
Los Angeles. Þetta er sá raunveru-
leiki sem blasir við í skólalífinu þar
vestra ef marka má skýrslur lög-
reglunnar í Los Angeles. Vegna
þessa hefur lögreglan komið á fót
sérstökum sveitum sem eru sér-
þjálfaðar í að eiga við þessar árásir.
Á þessu ári hafa verið gerðar 140
vopnaðar árásir í skólum eða á
skólalóðum borgarinnar. Á síðasta
ári voru 228 árásir í skólum þar
sem byssur voru með í spilinu og
259 árið 1987.
• f þessum 140 tilfellum þessa árs
var tólf sinnum beitt rifflum eða
haglabyssum, en í hin skiptin var
skatnmþyssa með í leiknum.
James Baker utanríkisráðherra Bandaríkjanna
ræðir við Sévardnadse starfsbróður sinn í Moskvu:
ÁNÆGÐIR MED
VIÐRÆÐURNAR
James Baker utanríkisráðherra
Bandaríkjanna er nú í Moskvu og
ræddi hann við starfsbróður sinn
Eduarde Sévardnadse drjúga stund
í gær. Þeir félagarnir voru báðir
hæstánægðir með fundinn og sögðu
hann lofa góðu um framhaldið. Þetta
er fyrsti opinberi fundur utanríkis-
ráðherranna.
Utanríkisráðherrarnir frestuðu að
ræða um fyrirhugaðar viðræður um
takmörkun kjarnavopna, en þeim
var frestað í nóvember, tveimur
mánuðum áður en Bush tók við
völdum. Misjafnar áherslur Vestur-
Þjóðverja annars vegar og sérstak-
lega Bandaríkjamanna og Breta hins
vegar um það hvernig skuli standa
að þeim viðræðum um takmörkun
skammdrægra kjarnavopna hafa
skapað kreppu innan NATO.
í stað þess að ræða takmörkun
kjarnavopna ákváðu utanríkisráð-
herrarnir að ræða fyrst um svæðis-
.bundin átök í heiminum og ræddu
þeir um átökin í Níkaragva og
Afganistan, en munu ræða málefni
Mið-Austurlanda í dag.
Baker mun hitta Mikhaíl Gorbatj-
sov að máli í dag.
Nokkur eftirvænting hefur ríkt
kringum þessa heimsókn Bakers til
Sovétríkjanna, en þetta er frumraun
Bakers sem utanríkisráðherra í svo
mikilvægum viðræðum.