Tíminn - 19.05.1989, Blaðsíða 3

Laugardagur 20. maí 1989
HELGIN
3
Af A
Fanzisca og Gunnar Gunnars-
son á heimili sínu við Dyngjuveg
í Reykjavík.
Skáldið við vinnuborð sitt.
sú að setjist þeir niður til að lesa þær
þá opnist þeim fljótlega nýr og
víðáttumikill heimur íslensks sveita-
lífs, íslenskrar náttúru og íslenskrar
sögu. Og það heimur sem verði
minnisstæður og menn langi kannski
helst af öllu til að yfirgefa ekki strax
aftur.
En ekki má þó hverfa frá þessu
efni án þess að minnast á þá sögu
Gunnars, þar sem hann beitir hvað
mestum listrænum töfrabrögðum, og
það er Vikivaki. Sú saga er vægast
sagt ákaflega sérstæð, en hún gerist
hér uppi á íslenskri heiði. Þar hefur
ekkjumaður byggt sér nýtískulegt
hús og býr í því einn. Um áramót vill
svo til að í útvarpi er blásið í lúðra,
og veit hann þá ekki fyrri til en hús
hans fyllist af fólki. Á staðnum er
gamall kirkjugarður, þar sem hinir
framliðnu hafa villst á þessum lúðr-
um og lúðrum hins efsta dags og risið
upp frá dauðum. Þetta er fólk frá
miðöldum, en einnig er þar stakt
höfuð, sem reynist hvorki meira né
minna en vera af sjálfum Gretti
Ásmundarsyni. Úr verður svo hin
skemmtilegasta söguflétta, eins og
við er að búast.
Og ekki má þá heldur gleyma
öðru smágerðu snilldarverki, sem er
Aðventa. Þetta er stutt skáldsaga,
sem ýmsir hafa viljað nefna helgi-
sögu, og er í sannleika sagt síður en
svo út í loftið.
Hún gerist rétt fyrir jól, áaðventu,
og segir frá fjalla- og fjárleitar-
manninum Benedikt. Hann fer í
árlega eftirleit sína inn á öræfi,
ásamt hundi sínum og forystusauð.
Þar lenda þeir í foráttuveðrum og
verða allir þrír að heyja harða bar-
áttu við óvægin náttúruöfl, áður en
þeim tekst að koma útigangsfénu,
sem eftirleitin skilaði, aftur til
byggða.
I þessari litlu sögu fer ekki á milli
mála að margs konar táknmáli er
beitt. Það er ekki út í loftið að hún
gerist undir jól og fjallar um mann
sem leggur á sig mikið erfiði til þess
að bjarga lifandi verum í húsaskjól
fyrir hátíðina. Þar er kominn góði
hirðirinn, sem við þekkjum úr Biblí-
unni, í líki íslensks sveitamanns og
uppi á íslenskum öræfum.
Landið og sagan
Og kannski er það alls ekki út í
loftið að segja að Aðventa feli í sér
líkt og í hnotskurn öll helstu höfund-
areinkenni Gunnar Gunnarssonar.
Venjulega leynist nefnilega töluvert
meira í sögum hans heldur en liggur
þar á yfirborði við fyrsta og fljótleg-
an lestur. í sögum hans er í rauninni
verið að takast á við margvísleg
vandamál mannlegs lífs, spurningar
um hluti eins og hvað sé rétt breytni
og hvað röng í mannlegum samskipt-
um, eða þá um það hvað taki við
eftir líkamsdauðann og hvort lífið
hér á jörðinni lúti raunverulega
einhverri guðlegri stjórn að ofan.
Að þessu leyti fer ekki á milli mála
að sögur hans eru mannbætandi, og
þegar við það bætist að í þeim er
oftast nær ríkjandi töluverð tog-
streita, af völdum þeirra andstæðu
póla góðs og ills, sem í þeim ríkja
gjaman og hér var getið, þá leiðir af
því að þær eru líka spennandi.
Gunnari var nefnilega töluvert vel
lagið að halda lesendum sínum við
efnið.
Og er þá hinu ógleymt að sem
íslenskur rithöfundur í erlendu landi
tók hann sér það fyrir hendur að
túlka íslenskan veruleika í þessum
sögum sínum, jafnt gamlan sem
nýjan. Af því stafar sú sérkennilega
þverstæða að þessi höfundur, sem
blómann úr ævi sinni skrifaði fyrir
erlenda lesendur, er í rauninni tölu-
vert íslenskari en ýmsir þeir sem
skrifuðu hér h'eima. Það er ástæðan
fyrir því að enn í dag eiga sögur hans
fullt erindi til íslenskra lesenda.
-esig
AÐ
HÓTEL
LOFTLEIÐUM
ER
GJALDEYRIS-
AFGREIÐSLA
OPIN Á
ÓTRÚLEGUSTU
TÍMUM
Já, það er ekki ofsögum sagt
af þjónustu Landsbankans
við erlenda
jafnt sem innlenda ferðamenn.
Gjaldeyrisafgreiðslan
á Hótel Loftleiðum
er opin sem hér segir:
Mánudaga - föstudaga
kl. 8:15-16:00 og 17:00-19:15.
Laugardaga og sunnudaga
kl. 8:15-19:15.
Á sama tíma eru afgreiddar
ferðatryggingar.
Að öðru leyti er almenn afgreiðsla
opin á venjulegum tímum:
Mánudaga-föstudaga kl. 9:15-16:00 og
fimmtudaga síðdegis kl. 17:00-18:00.
Verið velkomin,
- hvenær sem er.
Landsbanki
íslands
Banki alira landsmanna