Tíminn - 09.08.1989, Blaðsíða 3

Tíminn 3
Fjöldi barna mætti í Dugguvoginn í gær með úttroðna sekki af einnota umbúðum.
Móttaka einnota umbúöa hófst í gær:
Tímamynd Pjetur.
Dagur glersog dósa
AUt frá því að einnota umbúðir tóku að flæða yfir frónska
grund hefur margur talið það þjóðlegan sið að sáldra þeim
um fjöll og dal, líkt og Hans og Gréta völum og brauðmolum
forðum. Frá og með gærdeginum, 8. ágúst, er þess þó von að
einhverjum daprist útbreiðsian, því nú er hafin móttaka
nokkurra tegunda þeirrar plastflóru er undanfarið hefur
„prýtt“ farinn veg hérlendan.
Hér er um að ræða 33ja og 50 cl.
málmdósir, 33ja cl. plastdósir, svo-
nefndar PET plastflöskur í stærðun-
um 50, 100, 150 og 200 cl., að
ógleymdum glerflöskum undan öli.
Með þessu opnast landsmönnum
vænleg leið til auðsöfnunar, því 5
krónur eru greiddar fyrir stykkið og
gildir þá einu hvort einingarnar eru
sem þá er þær komu úr móðurkviði
eða lemstraðar og lífsþreyttar. Eina
skilyrði móttöku er, að fólk sé búið
að viða að sér nægilegu magni til að
fylla stóran plastpoka að hálfu, þ.e.
um 100 einingum og skulu mismun-
andi gerðir flokkaðar saman í poka.
Pá frábiður Endurvinnslan sér öll
sýnishorn af fyrra innihaldi þeirra.
Umbúðum verður veitt móttaka á
51 stað, á Stór-Reykjavíkursvæðinu,
Akranesi, ísafirði, Akureyri, Vest-
mannaeyjum, Selfossi og Reykja-
vík. Einnig munu nokkrar verslanir
taka við umbúðum.
Á höfuðborgarsvæðinu eru mót-
tökustaðir Endurvinnslunnar sem
hér segir:
í vesturbæ á horni Boðagranda og
Eiðisgranda.
í Breiðholti að Jaðarseli, við
hverfisstöð Gatnamálastjóra.
f Kópavogi að Dalvegi 7, við
sandgryfjurnar.
í Hafnarfirði við Flatahraun, í
húsi Vinnuskólans.
Stærsta móttakan er til húsa að
Dugguvogi 2 í Reykjavík. Hún var
opnuð í gær kl. 13 við hátíðlega
athöfn, þar sem Eiríkur Hannesson,
stjórnarformaður Endurvinnsjunn-
ar, og Jón Sigurðsson iðnaðarráð-
herra fluttu ávörp. Þá afhenti Kristín
Bjarnadóttir, aðstoðar-skátahöfð-
ingi, hinni nýju starfsemi nokkur
grenitré til varðveislu, til marks um
velþóknun skátahreyfingarinnar á
rekstrinum. Að því loknu hj álpuðust
ráðherra og lítil skátahnáta við að
koma fyrstu dósinni fyrir kattarnef í
einni þar til gerðri vél, er Endur-
vinnslan fékk frá Svíþjóð. Enn hefur
Endurvinnslunni þó ekki borist allur
vélakostur, enda fyrirtækið aðeins
tveggja mánaða gamalt. T.d. verða
starfsmenn að telja allar dósir er
berast upp á gamla móðinn, uns
sérstakar vigtar, sem búnar cru sjálf-
virkum teljurum, komast í gagnið.
Síðan fá hinir rösku safnarar kvittun
fyrir innlögðum fjölda og -í Reykja-
vík og sex stöðum úti á landi - ávísun
á staðnum. Dósirnar hafna hins
vegar í greipum endurvinnslufyrir-
tækisins Hringrásar, er pressar þær í
ferninga til útflutnings.
Að sögn Gunnars Bragasonar
framkvæmdastjóra er Endurvinnsl-
an komin til að vera og fjárhags-
grundvöllur tryggður. Fastir starfs-
menn eru 8 en 30 lausráðnir, mcst
skólafólk.
Undir slagorðinu „ Við endurnýt-
um verðmæti" munu skátar, Hjálp-
arstofnun kirkjunnar og hjálpar-
sveitirnar sameinast um móttöku á
umbúðum, bæði í svonefndar dósa-
kúlur og dósakassa, er komið veröur
upp í mörgum fyrirtækjum. Ágóðan-
um af dósunum verður varið til
æskulýðs- og björgunarstarfa, hjálp-
arstarfs og umhverfisræktar. JBG.
Ný reglugerð um netaveiði göngusilungs í sjó:
Sett til að koma í veg
fyrir laxveiði í sjó
Fjögur lagnet í sjó voru gerö
upptæk í Vestur Húnavatns-
sýslu í síðustu viku. Ágreining-
ur er á milli bónda þess sem
Iagði netin og veiðivarðar um
hvort netin séu ætluð til sil-
ungsveiði eða laxveiði, en lax-
veiði í sjó er bönnuð. Er netin
voru gerð upptæk voru í þeim
tveir laxar og sést hafði til
bóndans áður þar sem hann
tók úr þeim þrjá aðra, að sögn
sjónarvotts. Ekki fengust upp-
lýsingar um stærð eða sverleika
möskvanna, en starfsmaður
Veiðimálastofnunar mætti á
staðinn og gerði mælingar á
netunum. Samkvæmt heimild-
um Tímans voru á ferðinni
öflugri net en þurfa þykir til
silungsveiða.
Nú fyrir skemmstu gaf landbún-
aðarráðherra út reglugerð um
göngusilungsveiði í sjó, þar sem
gefið er upp hver möskvastærð
silungsveiðineta skuli vera, ásamt
leyfilegri girnisþykkt. Þetta er gert
til þess að koma í veg fyrir laxveiði
í silungsnet í sjó, en þess eru dæmi
að bændur hafi bæði viljandi og
óviljandi veitt lax í net sem gefin
eru upp fyrir silungsveiði í sjó.
í reglugerðinni er kveðið á um
að girnisþykkt silunganeta megi
ekki vera meiri en 0,3 mm. og á
það að tryggja að laxinn festist alla
jafna ekki í netum sem lögð eru í
sjó fram frá landi, heldur syndi í
gegnum þau. Kveðið er á um að
möskvi silungsneta skuli ekki vera
smáriðnari en 4,5 sm. en ekki
stórriðnari en 5,0 sm og gildir þetta
um bil á milli hnúta í möskvum.
Að sögn Vigfúsar Jóhannssonar
hjá Veiðimálastofnun er með setn-
ingu þessarar reglugerðar verið að
leysa uppsafnaðan vanda, sem til
er kominn vegna breyttra að-
stæðna, m.a. vegna aukins laxeldis
í sjó. Mun algengara sé að lax
veiðist óvart í silungsnet sem lögð
eru í sjó, en það að hann sé veiddur
í þau vísvitandi. „Það má segja að
með þessu sé verið að sníða þessi
lög og reglugerðir að því sem þau
eiga að fjalla um, þ.e. silungsveiði
en ekki laxveiði", sagði Vigfús.
Hann bætti því við að um leið væri
komið í veg fyrir að menn féllu í
þá freistni að hafa netin það ramm-
ger að laxinn festist í þeim.
Gert er ráð fyrir í nefndri reglu-
gerð að einungis megi nota lagnet
við silungsveiði í sjó og skuli það
vera landfest, liggja þvert á fjöru
og eigi vera lengra en 50 metrar.
Pá skal netið fljóta á flotlínu í sjó
og óheimilt er að kafleggja eða
mynda fyrirstöðu eða gildru með
staurum, grjóti eða öðrum föstum
búnaði. -ÁG
Miövikudagur 9. águst 1989
Heildarupphæð vinninga
05.08 var 2.071.112
Enginn hafði 5 rétta sem var
kr. 1.770.518
Bónusvinninginn fengu 8
ogfær hver kr. 38.409
Fyrir4tölurróttarfær
hver 7.260 ogfyrir
3 réttar tölur fær hver um
sig 340
Sölustaðir loka 15 mínútum
fyrir útdrátt í Sjónvarpinu.
Sími 685111.
Upplýsingasímsvari 681511.
Lukkulínan: 99 1002.