Tíminn - 06.09.1989, Side 5

Miðvikudagur 6. september 1989
Tíminn 5
Fiskvinnslan hf. á Seyðisfiröi lýst gjaldþrota:
Gjaldþrotið
óþekkt stærð
Bæjarfógetinn á Seyðisfirði, Lárus Bjarnason samþykkti
klukkan 11 í gærmorgun ósk forsvarsmanna Fiskvinnslunn-
ar hf. á Seyðisfirði um að fyrirtækið yrði tekið til
gjaldþrotaskipta. í framhaldi var Árni Halldórsson hæsta
réttarlögmaður á Egilsstöðum skipaður bústjóri. Bæjarfóg-
eti vann í gær við gerð eignaskár í þrotabúinu.
Ekki er ljóst hversu stórt gjald-
þrotið er og verður það ekki ljóst
fyrr en öllum kröfum hefur verið
lýst í búið. Ekki er búið að taka
ákvörðun um áframhaldandi starf-
semi í húsinu, en ákvörðun þess
efnis þarf að taka fljótlega að sögn
Lárusar Bjarnasonar bæjarfógeta.
Að sögn Adolfs Guðmundsson-
ar framkvæmdastjóra Fiskvinnsl-
unnar hf. má rekja ástæður gjald-
þrotsins til slæmra rekstrarskilyrða
og uppsafnaðs vanda allt frá árinu
1983 til 1984, sem farið hefði stig
vaxandi. Þar kæmi stefna stjórn-
valda inní, að halda frystingunni
fyrir neðan eða í kring um núllið.
Hann sagði að minnkandi kvóti
hefði haft sín áhrif. „Þá er ég ekki
að gagnrýna kvótakerfið sem slíkt,
því þar sitja allir við sama borð.
Við höfum orðið fyrir skerðingu
hér eins og aðrir, sem minnkar
tekjumöguleika,“ sagði Adolf. Að-
spurður sagði hann að kaup fyrir-
tækisins á Norðursíld á síðasta
vetri hafi ekki verið orsök þess að
svona fór.
Nettó skuldir fyrirtækisins voru
310 milljónir þegar farið var frani
á gjaldþrotaskiptin að sögn Adolfs.
Sagði hann að á móti þeim kæmu
síðan fasteignir og lausafé, en
brunabótamat fasteigna er 528
milljónir.
í nóvember sl. sótti fyrirtækið
um til Atvinnutryggingasjóðs en
fékk þar synjun. Þá var sótt um til
Hlutafjársjóðs. Fyrirtækið var eitt
af 30 fyrirtækjum sem tekin voru
til skoðunar hjá sjóðnum og síðan
komist í 13 fyrirtækja hóp, sem var
tekinn til nánari athugunar. „Við
höfum átt viðræður við Hlutafjár-
sjóð, en þeir settu fram skilyrði
sem var óaðgengilegt,“ sagði
Adolf. Hugmyndin var að sameina
Fiskvinnsluna hf., Norðursíldina,
sem er í 100% eigu Fiskvinnslunn-
ar hf. og Gullberg hf. sem er í eigu
aðila sem allir voru eigendur í hinu
gjaldþrota fyrirtæki. Aðspurður
hvers vegna þeir gátu ekki fallist á
að sameina fyrirtækin, sagði hann
að það hefði þýtt breytt eignarhald
á skipinu og fyrirtækinu sem slíku,
sem menn hefðu ekki kært sig um.
Helgi Bergs formaður stjórnar
sjóðsins sagði í samtali við Tímann
að Hlutafjársjóður hefði talið það
nauðsynlegt að Fiskvinnslan hf.
tryggði sér hráefni. „Það eru gerðir
út á Seyðisfirði tveir togarar, annar
þeirra hefur lagt upp hjá frystihús-
inu, en er ekki eign þess. Við
töldum að það væri nauðsynlegt að
tryggja að annar togarinn í það
minnsta legði upp hjá frystihúsinu
og stungum upp á því að reynt yrði
að sameina þessi fyrirtæki. Við
áttum viðræður við þá um það, en
því var ekki nægjanlega vel tekið
af þeim, en samt leit ég þannig á
að þeim viðræðum var ekki lokið,
þegar þeir fara fram á að fyrirtækið
yrði tekið til gjaldþrotaskipta,"
sagði Helgi. Hann sagði að stjórn-
inni væri skylt að sjá svo um að þau
fyrirtæki sem sjóðurinn tekur þátt
í, hafi. rekstrarmöguleika og því
hafi hráefnisöflunin komið fyrst til
athugunar. Adolf sagði að skipið
hefði lagt upp að mestu hjá húsinu
þau sex ár síðan skipið kom til
Seyðisfjarðar, því hefði ekkert
staðið á því að aflinn kæmi inn.
Aðspurður hvort forsvarsmenn
Fiskvinnslunnar hf. hefðu rætt það
að leigja reksturinn af þrotabúinu,
sagði Adolf svo ekki vera, en rætt
hefði verið um hvernig koma mætti
rekstrinum strax í gagnið, en málið
væri alfarið í höndum skiptaráð-
anda og bústjóra.
Um 120 manns hafa starfað hjá
fyrirtækinu. „Það er ekkert fyrir
þetta fólk að gera, bræðslan er
ekki farin í gang, ég vona að
reksturinn komist sem fyrst í
gang,“ sagði Adolf.
Atvinnumálanefnd Seyðisfjarð-
ar hélt fund vegna þess ástands
sem komið er upp á staðnum og í
ályktun sem samjDykkt var segir að
gjaldþrotið sé mikið áfall fyrir
atvinnulífið og á annað hundrað
manns hafi við það misst atvinnu
sína. Möguleikar til að landa fiski
í kaupstaðnum séu ekki lengur
fyrir hendi og það ástand sem
skapast hafi ógni nú mjög afkomu
bæði einstaklinga og fyrirtækja í
bænum. -ABÓ
Tilraunaveiðar í Dyrhólaós lofagóðu varðandi
hafbeit, en óvelkomnir gestir komu í netin:
Nær kynþroska
regnbogahrygn-
ur komu í net
Tveir regnbogasilungar,
fjögurra og fimm punda
hrygnur, veiddust nýveriö í
net í Dyrhólaós. Það voru
starfsmenn Veiðimálastofn-
unar sem veiddu regnbogasil-
ungana við tilraunaveiðar í
ósnum. Báðar voru hrygn-
urnar við það að ná kyn-
þroska. Þær komu báðar í
sama netið þann 30. ágúst.
Magnús Jóhannsson deildarstjóri
Suðurlandsdeildar Veiðimálastofn-
unar sagði í samtali við Tímann í gæt
að vissulega væri óæskilegt að regn-
bogasilungur næði að skipa sér sess
í vistkerfi hér við land. Hann sagði
að ekki hefði enn tekist að færa
sönnur á að náttúrulegt klak regn-
bogasilungs hefði tekist hér á landi
og bentu allar líkur til þess að
fiskarnir umræddu hefðu sloppið úr
sjókví.
Magnús hefur nokkrar áhyggjur
af útbreiðslu regnbogasilungs.
Ástæðuna sagði hann vera að fisk-
arnir gætu allt eins borið með sér
smit þó þeir virtust ekki sjálfir vera
sýktir. Hann sagði að ástæða væri til
að vera á varðbergi.
Ekki hefur áður veiðst regnboga-
silungur svo austarlega við Suður-
strönd fslands.
Magnús tók það fram í samtali við
Tímann að ólíklegt væri að
regnbogasilungur myndi ná að
klekja út seiðum við íslenskar að-
stæður. „Hann hrygnir á vorin og
okkar veðrátta gerir það að verkum
að ólíklegt er að klak heppnist.
Hinsvegar er Suðurland það lands-
svæði sem líklegast er að klak gæti
tekist á.“ sagði Magnús.
Þá ber að geta þess að regnboga-
silungurinn er hitakærari en aðrir
fiskar í íslenskum ám, og er því
viðbúið að hann eigi erfiðara upp-
dráttar fyrir vikið.
Dyrhólaós lofar gódu
Fyrrnefndar tilraunaveiðar í Dyr-
hólaós eru framkvæmdar af Veiði-
málastofnun fyrir Dyrhólalax hf,
sem í vor sleppti miklu magni af
seiðum í ósnum. Sleppt var tíu
þúsund laxaseiðum um 40 grömm
hvert, fimm þúsund sjóbirtingsseið-
um af svipaðri stærð og sama magni
af bleikju seiðum. Einnig er Dyr-
hólalax með 2.200 bleikjuseiði í
eldiskví í ósnum. Miðað við fyrstu
niðurstöður Veiðimálastofnunar lof-
ar Dyrhólaós góðu sem hafbeitar-
svæði í framtíðinni. Dyrhólalax mun
sleppa svipuðu magni af seiðum
næstu tvö ár og í Ijósi þeirrar reynslu
sem fæst verður tekin ákvörðun um
framhald sleppinga. Einhver vand-
kvæði eru varðandi uppsetningu á
gildru í ósnum, þar sem um gríðar-
legt vatnsmagn er að ræða. Magnús
Jóhannsson telur þó að sá vandi sé
yfirstíganlegur.
Sjóbirtingsseiði þau sem veiddust
í tilraunaveiðinni höfðu náð allt að
300 gramma þyngd, sem verður að
teljast mjög viðunandi, en þau voru
á bilinu 40 til 50 grömm í vor þegar
þeim var sleppt.
Stærstu eigendur Dyrhólalaxs eru;
Björgun hf., Byggðastofnun, Veiði-
félag Dyrhólaós og Eldisstöðin í
Vík. -ES
Ererlentfjármagn í íslenskumsjávarútvegi?
SÍík boð eru
fyrir hendi
„Það hefur verið einhver
áhugi meðai erlendra fisk-
kaupenda á að koma inn í
íslenskan sjávarútveg og enn
Ijósara að íslenskir aðilar
hafa haft áhuga á að leita
fyrir sér hvort erlendir aðilar
hafi áhuga,“ sagði viðmæl-
andi Tímans, sem starfar inn-
an íslensks sjávarútvegs.
Þá sagði hann að íslenskir og
erlendir fiskkaupendur úti í Hull og
Grimsby hafi verið að bjóða fé til að
fjármagna skipakaup, gegn því skil-
yrði að fá fiskinn á markað til sín.
Ekki er vitað til þess að fjármögnun
með þessum hætti hafi átt sér stað.
„Það hefur aldrei komist svo
langt,“ sagði Baldur Gíslason hjá
Gíslason og Marr í Hull í samtali við
Tímann, aðspurður hvort þeir hefðu
boðið mönnum lán eða aðra fyrir-
greiðslu, eða jafnvel að kaupa hlut í
skipum, með því skilyrði að siglt
yrði með aflann til þeirra. Pétur
Bjömsson hjá ísberg í Hull þvertók
einnig fyrir að hans fyrirtæki væri
aðili að íslensku útgerðarfyrirtæki.
„Er það ekki bara af hinu góða
fyrir sveltandi krákur heima á íslandi
að ,fá fjármagn erlendis frá, hvort
sem það kemur frá einhverjum hér í
Englandi, eða öðrum,“ sagði
Baldur. Hann sagðist hafa heyrt því
fleygt frá æði mörgum á svæðinu og
frá Islandi einnig, að slík boð ættu
sér stað. Baldur sagði að óskir hefðu
komið til þeirra frá íslenskum aðil-
um um að afla lána hjá bankastofn-
unum, en enn sem komið væri hefðu
þeir ekki orðið við þeim beiðnum.
Kristján Ragnarsson fram-
kvæmdastjóri LÍÚ sagðist ekki
kannast við neitt fyrirtæki í sjávarút-
vegi fyrir utan íslenskan gæðafisk,
þar sem erlendir aðilar ættu hlut að
máli. Eitthvað væri hins vegar um að
erléndir umboðsaðilar veittu mönn-
um í útgerð smálán. Þeir væru hins
vegar ekki kaupendur að fiski. „Það
sem menn hafa verið hræddir við er
að erlendir fiskkaupmenn hafi kom-
ið einhverjum böndum á okkar
menn með slíkum hætti, en það
höfum við ekki orðið varir við,“
sagði Kristján. -ABÓ

SDl fej pBb u

ln ■ý'W 1

m
; m
mm \
m ' Is
Framkvæmdastjórn Landssambands framsóknarkvenna. Frá vinstri: Ragnheiður Ásta Jóhannesdóttir, Elín R.
Líndal, Þrúður Helgadóttir, Vigdís Sveinbjömsdóttir, Unnur Stefánsdóttir, Inga Þyrí Kjartansdóttir, Magdalena
Sigurðardóttir, Helga Helgadóttir, Sigrún Sturludóttir og Guðrón Jóhannsdóttir.
Landssamband framsóknarkvenna:
Tvö þrep á virðisaukann
Fundur framkvæmdastjórnar
Landssambands framsóknarkvenna
sem haldinn var 30. ágúst s.l., var
tekið undir þær hugmyndir sem nú
eru viðraðar í ríkisstjórninni þess
efnis að tvö skattstig verði á virðis-
aukaskattinum sem taka á gildi um
næstu áramót. Telur stjórnin það
samræmast þeirri stefnu sem L.F.K.
átti frumkvæðið af og samþykkt var
á Alþingi í Vor, þ.e. að næringarríkar
matvörur séu á lægra verði en aðrar
vörur.
Á framkvæmdarstjórnarfundin-
um var m.a. rætt um 4. landsþing
Landssambands framsóknarkvenna,
er haldið verður að Hvanneyri í
Borgarfirði dagana 8-10 sept. næst
komandi. Þar verður meðal annars
fjallað um atvinnumál framtíðarinn-
ar, umhverfis og samgöngumál, auk
þess sem kynning verður á stöðu
Islands gagnvart Efnahagsbandalag-
inu. Fyrirlesarar verða í hverjum
málaflokki og pallborðsumræður á
eftir. Gestir á þiginu verða frá Dan-
mörku og Noregi auk innlendra
gesta. - ÁG