Tíminn - 27.09.1989, Page 1

Þingflokkur Sjálfstæðisflokksins hefur samþykkt stefnu í
landbúnaðarmálum sem gerir ráð fyrir samkeppni innlendra
og erlendra búvara eftir þriggja til fimm ára aðlögunartíma:
íhald gefur búvöru-
samningi langt nef
Stríðandi öfl í Sjálfstæðisflokknum hafa komist
að málamiðlun í landbúnaðarmálum, en sem
kunnugt er treysti þingflokkurinn sér ekki til að
móta slíka stefnu á tveggja daga þingflokksfundi
í lok ágúst sl. sem gagngert var boðaður til að
móta stefnu í atvinnumálum. Nefnd sem falið var
að vinna þetta verk hefur fengið tillögur sínar
samþykktar og munu þær liggja fyrir landsfundi
flokksins í byrjun næsta mánaðar. Samkvæmt
þeim er flokkurinn ekki tilbúinn til að gera nýjan
búvörusamning þegar núverandi samningur
rennur út 1992. Hugsanlegt væri þó að semja um
tveggja ára viðbótarsamning en að honum
loknum ætti að hafa skapast slíkt jafnræði milli
búgreina og slík aðlögun að innanlandsmarkaði
að unnt yrði að heimila innflutning á búvöru. Hér
eru uppi hugmyndir um þrengri tímamörk í
aðlögun búvöruframleiðslu en áður hafa heyrst
og grundvallarbreytingu frá því sem helstu
talsmenn flokksins í landbúnaðarmálum hafa
rætt um. • Blaðsíða 5
Sjálfstæðismenn setja landbúnaði ákaflega þröng tímamörk. Fengju þeir að
ráða má reikna með að tími landbúnaðarins væri fljótur að renna út.
Yfirskoðunarmenn ríkisreiknings krefjast skýringa á afmæli Ingólfs Margeirssonar:
Sælt er að verða fer-
tugur elsku Ingó minn
Baksíða