Tíminn - 27.09.1989, Side 5
Miðvikudagur 27. september 1989
Tíminn 5
Ályktun um landbúnaðarmál sem lögð veröur fyrir jandsfund Sjálfstæðisflokksins gerir ráð fyrir
að skilyrði verði fyrir samkeppni innlendra og erlendra búvöruframleiðenda eftir þrjú til fimm ár:
Sjálfstæðismenn hafna
nýjum búvörusamningi!
Fyrir væntanlegum Iandsfundi Sjálfstæðisflokksins liggja
drög að ályktun um landbúnaðarmál, sem eru eins konar
málamiðlun á milli andstæðra sjónarmiða í flokknum. Þar er
gert ráð fyrir að stefnt verið að því að ná jafnvægi á milli
framleiðslu og neyslu mjólkur og kindakjöts á næstu þremur
til fimm árum. Að ekki komi til nýr búvörusamningur, en
hugsanlega framlenging núgildandi samnings til tveggja ára.
Þessar tillögur voru unnar af nefnd
er skipuð var á vegum þingflokks
sjálfstæðismanna fyrir skömmu síð-
an og hana skipa þingmennirnir
Egill Jónsson, Pálmi Jónsson og
Birgir ísleifur Gunnarsson og Frið-
rik Sóphussson, ásamt málefnanefnd
flokksins.
Friðrik segir að eftir þriggja til
fimm ára aðlögunartíma eigi að
hverfa frá verðábyrgðarkerfinu og
leggja niður fullvirðisréttarkerfið,
og lækka eða jafnvel leggja niður
skatt á kjarnfóður. Ekki komi til
greina að heimila innflutning í þeim
greinum sem styðjast við kjarnfóð-
ur, fyrr en að íslensku framleiðend-
urnir sitji við sama borð og þeir
erlendu. „Við treystum okkur ekki
til þess að það gerist fyrr en við erum
búnir að ná jafnvægi í hefðbundnu
greinunum", segir Friðrik.
Hvað þýðir þetta fyrir hefðbundn-
ar búgreinar?
„Við viljum að framleiðendum
fækki, teljum að það sé betra að
framleiðendum fækki og að hver
bóndi hafi þá meira umleikis í sauð-
fjárræktinni heldur en hingað til. Og
bendum á að við viljum að bændum
verði gert kleift að versla með full-
virðisréttinn sín á milli innan sama
byggðarlags.“
Samkvæmt tillögum sjálfstæðis-
manna er gert ráð fyrir aðlögun
búvöruframleiðslu að innanlands-
markaði á þremur til fimm árum.
Samkvæmt núgildandi búvörusamn-
ingi tekur ríkið ábyrgð á 11.000
tonnum kindakjöts. Innanlands-
neysla er aftur á móti á milli átta og
níu þúsund tonn. Tillagan felur því
í sér á milli tvö og þrjú þúsund tonna
samdrátt í framleiðslu kindakjöts á
næstu þrem til fimm árum.
Friðrik Sophusson segir að sam-
kvæmt þessum tillögum séu þeir
tilbúnir til að framlengja búvöru-
samninginn sem næmi tveimur
árum. „Mjólkurframleiðslan er ekki
vandamál, það er dilkakjötsfram-
leiðslan sem er vandamálið", segir
Friðrik. „Þar munar miklu á verð-
ábyrgð ríkisins og sem er 11.000
tonn og neyslunni sem er nokkur
þúsund tonnum minni, jafnvel þó að
tekin hafi verið tímabundið úr sam-
bandi framleiðsla á umtalsverðu
magni kjöts, vegna riðuveiki, að-
gerða Framleiðnisjóðs og annarra
opinberra aðila sem hafa komið að
málinu."
En nú gera tillögur ykkar ráð fyrir
Fríðrik Sophusson varaformaður
Sjálfstæðisflokksins og einn af
nefndarmönnum í landbúnaðar-
nefndinni fyrír flokksþingið.
því að ná þessum mismun fram-
leiðslu og neyslu niður á nokkrum
árum. Þýðir það ekki mjög mikinn
niðurskurð á skömmum tíma?
Friðrik segir það jú þýða það að
menn verði að draga saman fram-
leiðsluna og það vilji þeir gera með
ýmsum ráðum. Þeir vilji að eldra
fólki verði gert kleift að búa áfram í
sveitum og til þess skuli beitt beinum
lífeyrisgreiðslum til viðkomandi. Þá
sé æskilegt Jarðasjóður liðki til fyrir
þeim sem vilja selja jarðir sínar, en
nái ekki að gera það af markaðs-
ástæðum og fleira megi upp telja.
Þá segir í ályktuninni að stefnt
skuli að því að niðurgreiðslur renni
beint til bænda, enda stuðli það að
aukinni hagkvæmni og lægra vöru-
verði. Einnig sé nauðsynlegt að
sköpuð verði skilyrði fyrir öfluga og
hagkvæma atvinnuuppbyggingu í
sveitum, fjölbreytilegan búskap,
hlunnindanytjar, iðnað og þjónustu-
greinar. - ÁG
Stúlkurnar frá Vestmannaeyjum sem taka þátt í smáloðnukynningu í Japan.
frá vinstrí Dís Sigurgeirsdóttir og Linda Hrönn Ævarsdóttir.
nyi
i M
Islenskar blómarósir
kynnaloðnuí Japan
Um þessi mánaðamót tekur Sölu-
miðstöð hraðfrystihúsanna þátt í
kynningu á nýjum matarréttum unn-
um úr íslenskri smáloðnu í stór-
mörkuðum í Tókíó, Ósaka og fleiri
borgum í Japan. Kynningin er haldin
í samvinnu við stærsta þarlenda
innflytjandann á loðnu frá íslandi,
Kaisei Suisan.
Það er dótturfyrirtæki SH, sem
tók til starfa í Tókíó fyrr á þessu ári,
sem stendur fyrir loðnukynningunni.
Fyrirtækið hefur fengið til liðs við sig
tvær ungar fiskvinnslustúlkur frá
Vestmannaeyjum. Stúlkurnar, sem
heita Dís Sigurgeirsdóttir og Linda
Hrönn Ævarsdóttir, lögðu af stað til
Tókíó í gær.
Kaisei Suisan keypti á síðustu
loðnuvertíð 1200 tonn af smáloðnu
frá SH sem er um helmingur af allri
smáloðnu sem fór til Japans. Þar í
landi er smáloðna vinsæl fisktegund
hjá börnum yngri en 12 ára og þá
einkum sem nasl, enda líta Japamr
á hana sem holla og kalkríka fæðu
fyrir börn í örum vexti. Japönum
þykir íslensk loðna bragðbetri en
sambærileg loðna frá Kanadamönn-
um en þeir eru okkar helstu sam-
keppnisaðilar.
Þær Dís og Linda Hrönn tóku
með sér mikið af blöðrum og íslensk-
um fánum sem þær ætla að gefa
japönskum börnum um leið og þær
minna á naslið úr loðnunni. - EÓ
Borgarráð samþykkti lóð fyrir sorpböggunarstöð í Gufunesi. Sorpbrennsla ekkijengur á döfinni:
Pakkað í Gufunesi, urðað í Alfsnesi
Á fundi horgarráðs i gær var
samþykkt samhljóða úthlutun skipu-
lagsnefndar á lóð í Gufunesi undir
sorpböggunarstöð þannig að útséð
virðist með að sorpböggunarstöðin
rísi þar og sorpinu verði síðan ekið í
Álfsnes þar sem það verður urðað.
Á fundi borgarstjórnar s.l.
fimmtudag lagði Bjarni P. Magnús-
son Alþýðuflokki og fleiri fram til7
lögu um að athuguð yrði hagkvæmni
sorpbrennslu í stað urðunar og voru
útreikningar frá verkfræðistofu
Guðmundar og Kristjáns lagðir fram
á fundi borgarráðs í gær um þetta
efni.
„Ég er afskaplega óhress með
þessa afgreiðslu enda kemst verk-
fræðistofan að þeirri niðurstöðu sem
Davíð Oddsson hefur þegar kynnt;
að sorpbrennsla sé mun óhagkvæm-
ari en böggun. Davíð hefur enda
sjálfur sagt að koma þurfi mönnum
í skilning um þetta sem ekki hefðu
verið nærri þegar um þessi mál var
fjallað áður.
Ég fullyrði því að þetta er bara
pantað álit og það er alvarlegt um-
hugsunarefni að hægt sé að fá menn
úti í bæ til að búa til svona niðurstöð-
ur,“ sagði Bjami.
Hann sagðist telja álitamál hvort
urðun væri hagkvæmari en brennsla
og eins líklegt að brennsla væri
hagkvæmari. Hann sagðist hafa
komist á þá skoðun með því að
ganga á fund borgarverkfræðings og
athugað gögn hans um sörpböggun-
arstöð, framreiknað tölur úr gömlu
skýrslunni um sorpbrennslu frá verk-
fræðistofu Guðmundar og Kristjáns
og borið hvorttveggja saman.
Nú hefði hins vegar sama verk-
fræðistofa stuðst við sína gömlu
athugun en bætt inn í hana sölugjöld-
um og aðstöðugjöldum sem undan-
skilin voru í hinni fyrri. Þannig
hefðu þeir bætt við 260 milljónum og
munaði um minna. Bjarni sagði
síðan:
„Sorpbrennslan yrði jafnframt
orkuveita og það hefði nú mátt láta
á það reyna hvort yfirvöld landsmála
hefðu ekki viljað láta sömu lög gilda
um hana eins og Landsvirkjun og
hún yrði á sama hátt undanþegin
söluskatti. Þá hefur verkfræðistofan
komist að því að urðunin frá sorp-
brennslunni sé alldýr. Þeir ætla að
urða miklu meir en gerist annars-
staðar. Þá komast þeir að því að
urðun frá böggunarstöðinni verði
ekki eins dýr og reiknað hefur verið
með og ég held að hún verði.
Á það er að líta að í brennslunni
er nánast öllum gastegundum eytt.
Hins vegar við böggunina þá er
ruslið urðað og alls konar gerjun á
sér stað í því. Það yrði því að urða
eftir kúnstarinnar reglum ef takast
ætti að hafa uppi sambærilegar
mengunarvarnir og hægt er í nútíma
brennslustöð. Ég dreg það mjög í
efa að urðunarkostnaður sá sem þeir
búa til við böggunina taki mið af
fullkomnustu urðunaraðferðum.
Ég tek því lítið mark á þessum
útreikningum og tel að þetta sé
fyrirfram pöntuð niðurstaða," sagði
Bjarni P. Magnússon borgarfulltrúi.
Sorpböggunarstöð úthlutað lóð í Grafarvogi. Sigrún Magnúsdóttir borgarfulltrúi Framsóknarmanna:
Ekki sorpeyðingu of nærri íbúðahverf i
Borgarráð samþykkti með fimm
samhljóða atkvæðum að tillögu
skipulagsnefndar Reykjavíkur-
borgar að úthluta 4,5 hektara lóð
undir sorpböggunarstöð í landi
Gufuness.
Sigrún Magnúsdóttir borgarfull-
trúi Framsóknarmanna lét bóka að
hún ítrekaði fyrri mótmæli við
sorpeyðingu í næsta nágrenni við
fjölmenna íbúðabyggð. Einnig
væri ljóst að íbúar Grafarvogs-
hverfa losnuðu ekki á næstu árum
við hina hvimleiðu umferð sorpbíla
í gegn um hverfið. Því hefði skipu-
lagsnefnd og Borgarskipulag hefðu
átt að leita að heppilegri staðsetn-
ingu fyrir sorpböggunarstöð.
Sigrún var meðflutningsmaður
að tillögu Bjarna P. Magnússonar
um að athuguð yrði hagkvæmni
sorpbrennslu og flutt var á síðasta
borgarstjórnarfundi. Á fundinum
var lögð fram skýrsla um þetta mál
og sagði Sigrún í gær að menn
hefðu dustað rykið af gamalli
skýrslu um málið og hefði ekki
verið haft fyrir því að leita nýrra
upplýsinga og bæri afgreiðslan
keim af fljótræði.
„Eftir því sem mér skilst hefur
ýmislegt gerst á þeim fjórum árum
sem liðin eru síðan skýrsla verk-
fræðistofunnar var gerð. Þá finnst
mér ólíklegt annað en að úrgangur
sem urða verði frá brennslustöð
verði mun minni en gert er ráð fyrir
í skýrslunni, en þar er talið að hann
verði um það bil helmingi minni en
frá böggunarstöð," sagði Sigrún
Magnúsdóttir borgarfulltrúi.
- sá