Tíminn - 11.10.1989, Side 5

Miðvikudagur 11. október 1989
Tíminn 5
Ráöstefna um hjálækningar:
Hússein Jórdaníukonungur hitti Vigdísi Finnbogadóttur forseta íslands,
að máli um klukkan 11 ■ gærdag ■ embættisbústað forseta við Laufásveg.
Hússein hafði stutta viðdvöl á íslandi. Hann kom hingað frá Ítalíu en hélt ■
gær áfram til Kanada þar sem hann er boðinn ■ opinbera heimsókn. Á
mvndinni er Vigdís Finnbogadóttir, Hússein konungur og kona hans Noor
al Hússein og sonur þeirra.
Jórdanskir öryggisverðir gættu konungs síns á meðan á dvöl hans á íslandi
stóð, en ekki verður sagt um þessa tvo að þeir séu „óeinkennisklæddir“.
- EÓ
Héraðsráð Snæfellinga saman komið. Talið frá vinstri, Guðmundur Alberts-
son, Gunnar Már Kristófersson, Sturla Böðvarsson, Guðbjartur Gunnars-
son, Kristján Guðmundsson og Stefán Jóhann Sigurðsson.
Héraðsnefnd Snæ-
fellinga stofnuð
Stofnfundur Héraðsnefndar Snæ-
fellinga var haldinn fyrir skömmu og
eru stofnaðilar öll sveitarfélög í
Snæfellsness og Hnappadalssýslu
stofnaðilar. Héraðsnefndin tekur við
verkefnum, eignum og skuldum
sýslunefndar.
Sveitarfélögin gerðu með sér sér-
stakt samkomulag um meðferð eigna
sýslunnar. Rekstur byggðasafna
verður helsta sameiginlega rekstrar-
viðfangsefni héraðsnefndar.
Samkvæmt samþykktum héraðs-
nefndar eru helstu verkefni hennar
utan þess sem héraðsnefndum er
falið í lögum, þessi: samgöngumál,
skóla og félagsmál, almannavarnir
og öryggismál, svæðaskipulag og
byggðaáætlanir, heilbrigðismál,
safna og menningarmál, sameiginleg
hátíðahöld í héraðinu og að lokum
önnur sveitarstjórnarmál sem varða
sýsluna í heild svo og tillögur um
hvað eina, sem verða má Snæfelling-
um til gang og framfara.
Formaður Héraðsnefndar Snæ-
fellinga var kjörinn Sturla Böðvars-
son bæjarstjóri í Stykkishólmi.
- ABÓ
Mörkin dregin milli
lækningaog kukls?
í dag hefur verið boðað til ráð-
stefnu á vegum Samtaka heilbrigðis-
stétta og verður viðfangsefni hennar
hinar svonefndu hjálækningar, en
þeim hefur mjög vaxið fískur um
hrvgg hérlendis á síðustu árum.
Hjálækningar er samheiti yfir
hvers kyns lækningar er falla utan
hefðbundins ramma, þar á meðal
lækningameðferðir af ýmsu tagi.
Hafa sumar ekki sannað ótvírætt
ágæti sitt né verið skilgreindar vís-
indalega. Þeir aðilar, er slíkar lækni-
ngar leggja fyrir sig, eru ýmist hand-
hafar lækningaleyfis eðurei. Skottu-
lækningar eru taldar ein grein hjá-
lækninga og er ljóst að framboð
ýmissa heilsubótar- og lækningaað-
gerða, er framkvæmdar eru af rétt-
indalausu fólki, hefur færst mjög í
vöxt á undanförnum árum. Ákvæði
læknalaga um það hverjir megi
stunda lækningar hérlendis eru skýr
og afdráttarlaus, en að sögn lækna
hefur ákveðið umburðarlyndu við-
gengist í framfylgni ákvæða þessara
undanfarin ár, bæðj hérlendis og í
nágrannalöndunum. Hefur þetta
leitt til þess að ýmsum greinum
skottulækninga hefur vaxið fiskur
um hrygg og hefur sú þróun fengið
læknastéttinni og Læknafélagi ís-
lands nokkurs kvíðboga. Kemur það
fram í fyrstu grein ályktunar er
Læknafélag íslands samþykkti á
aðalfundi sínum, 22. september síð-
astliðinn. Þar er skorað á ráðherra
heilbrigðismála að beita sér fyrir
hertum aðgerðum gegn skottulækni-
ngum hér á landi, í samræmi við 22.
grein læknalaga. í henni segir efnis-
lega, að hvers konar skottulækning-
ar séu bannaðar hérlendis. Undir
það heiti fellir löggjafinn alla þá
aðila er bjóðast til að taka sjúklinga
til lækninga eða gera sér lækningar
að atvinnu, auglýsa sig eða kalla sig
lækna, ráðleggja fólki eða afhenda
lyf er lyfsalar mega einir selja, án
þess að hafa til þess leyfi samkvæmt
lögum.
Aðrar greinar hjálækninga eru á
könnu hinna margvíslegustu heil-
brigðisstétta. Að sögn Jóns Bjarna
Þorsteinssonar læknis, sem jafn-
framt er formaður Samtaka heil-
brigðisstétta, eiga um 8000 félagar í
21 fagfélagi fulltrúa í samtökunum.
Þar á meðal eru læknar, tannlæknar,
hjúkrunarfræðingar, meinatæknar
og sjúkraliðar, sjúkraþjálfarar,
sjúkranuddarar, lyfjafræðingar,
lyfjatæknar, þroska- og iðjuþjálfar
og fleiri. Stéttir þessar hafa ekki
allar lækningaleyfi en vinna þó mikið
gagn á sviði heilsubótar. Má til
dæmis nefna iljanudd, er nú er mikið
stundað, og margir telja sig fá bót
meina sinna eftir slíka meðhöndlun.
Á þingi Samtaka heilbrigðisstétta
munu fulltrúar löggiltra heilbrigðis-
stétta og hjálækningahópa leiða
saman hesta sína og bera saman
bækur sínar um hjálækningar, er á
erlendum málum nefnast alternativ
medicin. Fjallað verður um náttúru-
vörur og náttúrulyf og leitast verður
við að svara því hvort hjálækningar
eigi rétt á sér. Guðmundur Sigurðs-
son læknir mun flytj a erindi, þar sem
hann fjallar m.a. um afstöðu ýmissa
lækna til hjálækninga og birtir tölur
um aðsókn sjúklinga til þeirra er
slíkar lækningar stunda. Þá mun
Hallgrímur Magnússon læknir flytja
pistil um nálastunguaðferðina.
Ráðstefnan verður haldin í dag,
miðvikudaginn ll.október kl. 15.30
í húsakynnum BSRB að Grettisgötu
89. Hún verður öllum opin.
Nokkur skjálfti meðal tölvueigenda
vegna tölvuvírusa:
Föstudagurinn
13. nálgast
Fyrirtæki og stofnanir á íslandi
hafa að undanförnu verið að undir-
búa sig fyrir föstudaginn 13. næst-
komandi, en þá verða þrír sam-
nefndir vírusar virkir. Einn þeirra,
Jerúsalcmvírusinn er þekktur hér
á landi.
Friðrik Skúlason tölvunarf-
ræðingur hefur rekist á Jerúsalem-
vírusinn á einum stað og upprætt
hann. Hann virkar þannig að ef
smitað forrit er keyrt föstudaginn
13. þá þurrkar forritið sjálft sig út.
„Það eyðileggur ekkert annað,“
sagði Friðrik. Ef dagsetningu tölv-
unnar er breytt í 14. október þá fer
vírusinn ekki af stað.
„Þessi föstudagur er í raun ekki
svo alvarlegur. Það eina sem við
höfum gert uppi í háskóla er að
setja vírusavarnarforrit í tölvurn-
ar,“ sagði Friðrik. Hann sagðist
aðspurður heldur betur hafa orðið
var við hræðslu meðal stjórnenda
fyrirtækja og tölvueigenda hér á
landi vegna komandi föstudags.
„Ég hef ekki undan að selja vír-
usvarnarforrit þessa dagana,“
sagði Friðrik. Forritið er ekki ein-
göngu leitarforrit, heldur er það
einnig varnarforrit og að sögn
Friðriks er viðkomandi 100% ör-
uggur gegn öllum þekktum vírus-
um framvegis. Hann sagði að menn
mættu ekki gera of mikið úr föstu-
deginum þar sem, þar sem aðeins
einn þeirra væri þekktur, en mjög
sjaldgæfur, ef nokkur í umferð.
Hinir vírusarnir sem þekktir eru
hér á landi eru mun meira vanda-
mál.
Það er ýmislegt sem hægt er að
gera til að sporna við vírusum, að
sögn Friðriks. Hann sagði að fólk
ætti að forðast það að láta tölvuna
sína hafa of mikil náin samskipti
við aðrar tölvur og ekki taka við
forritum frá öðrum, nema vera viss
um að þau séu ekki smituð.
„Einn þeirra vírusa sem er hve
vinsælastur nú í dag og gerir
óskunda í Israel, er að stofni til
íslenskur," sagði Friðrik. Hann
sagði að vírsarnir hefur flókin ætt-
artré. íslenski vírusinn barst héðan
til Kaliforníu, þar sem honunt var
lítillega breytt og þaðan til ísrael,
þar sem honum er breytt enn á ný
og nú nýlega aftur. Hann virkar
þannig að hann merkir ónotuð
svæði harða disksins, eins og þau
séu ónýt frá sjónarhóli notandans,
en hefur engin áhrif á forrit á
diskinum. Þetta er auðveldlega
hægt að hreinsa burtu.
Aðrir vírusar sem þekktir eru
hér á landi eru svo kallaður haust-
vírus, sem varð virkur í október,
nóvember og desember á síðasta
ári, og því stafar ekki hætta af
honum nú, nema hliðarverkanir
sem virka þannig að sum forrit
starfa ekki eðlilega. Þá er boltavír-
usinn, sem er frægastur hérlendis,
enda kom hann fyrstur vírusa hing-
að til lands, en skemmir ekkert út
frá sér. Að lokum eru það „föstu-
dagsins 13.“ vírusar, þeir eru þrír
að tölu og kallast þeir Jerúsalem-
vírus, eins og getið var um áður,
Suður-Ameríski vírusinn og Data
Crime. Þeir tveir síðastnefndu hafa
ekki fundist hér á landi.
Skýrslutæknifélag íslands heldur
í dag hádegisverðarfund á Hótel
Lind um tölvuvírusa, þar sem mál-
in verða rædd og reifuð. - ABÓ
Aukaþing Norðurlandaráðs:
Norræn fjárlög 1990
Norðurlandaráð heldur aukaþ-
ing 14. nóvember næstkomandi. Á
þinginu verður fyrst og fremst rætt
um Norðurlönd og þróunina í Evr-
ópu, en jafnframt tekin afstaða til
tillagna ráðherranefndar Norður-
landa um norrænu fjárlögin fyrir
árið 1990.
Þetta er í þriðja sinn sem ráðið
heldur aukaþing. Það fyrsta var
haldið 1975 um stofnun Norræna
fjárfestingabankans og annað var
haldið um umhverfismál í fyrra.
Á þinginu verður fjallað um
starfsáætlun Norrænu ráðherra-
nefndarinnar, Norðurlönd í Evr-
ópu 1989-1992, lokaskýrslu al-
þjóðanefndar Norðurlandaráðs
um Evrópumálin auk þingmanna-
tillagna um meðal annars norrænar
upplýsingastofur í Brussel og
Moskvu og NORDPLUS áætlun-
ina.
í tengslum við aukaþingið heldur
forsætisnefnd Norðurlandaráðs,
fastanefndirnar sex og nokkrar
ráðherranefndir fundi. SSH
Hussein Jórdaníu-
konungur hitti
f rú Vigdísi í gær