Tíminn - 23.11.1989, Blaðsíða 12

12 Tíminn
Fimmtudagur 23. nóvember 1989
........III r/fkiir liliíJi:f)llllllllllllllllllllllillll,iiih;i:)illllllllllllllllll
Kennslubók
í miðaldasögu
Mál og menning hefur gefið út
bókina Samband við miðaldir
sem er kennslubók í íslandssögu
frá landnámi til siðaskipta.
Samband við miðaldir er
nýstárleg kennslubók að því leyti
að henni er ætlað að sameina nám
í islenskri miðaldasögu og
frumatriðum sagnfræðilegra
aðferða. Lögð er áhersla á að
lesendur kynnist frumheimildum
og læri að lesa úr þeim. Sú þekking
ætti að nýtast þeim í ýmsum
greinum öðrum en sagnfræði.
Fjölmargar ljósmyndir og
skýringarteikningar eru í bókinni
og ábendingar um frekara lesefni
fylgja hverjum þætti, auk ítarlegra
skráa í bókarlok. Bókin á þvi erindi
til allra sem unna íslenskri sögu
þótt hún sé samin sem
kennslubók.
Samband við miðaldir varð til
á námskeiðum í sagnfræði til
kandidatsprófs við Háskóla
íslands þar sem sagnfræðinemar
gerðu ýmsum þáttum sögunnar
skil undir verkstjóm Gunnars
Karlssonar prófessors. Gunnar
hafði siðan umsjón með
lokafrágangi verksins. Eftirtaldir
sagnfræðinemar sömdu bókina
með Gunnari: Axel Kristinsson,
Brynjar Viborg, Helgi Hannesson,
Jón Viðar Sigurðsson, Magnús
Hauksson, Magnús Þorkelsson,
Margrét Guðmundsdóttir, Óðinn
Jónsson, Ragnheiður Mósesdóttir
og Þorleifur Óskarsson.
Bókin er 266 bls. að stærð.
Prentsmiðjan Oddi hf. sá um
filmuvinnu og prentun.
Mál og menning:
Eva Luna
Mál og menning hefur sent frá
sér skáldsöcfuna Eva Luna eftir
skáldkonuna Isabcl Allende i
þýðingu Tómasar R. Einarssonar.
Söpusvið bókarinnar er ótiltekið
land 1 Suður-Ameríku.
Aðalpersónan, Eva Luna, er
sagnaþulur af guðs náð og Iitrík
uppvaxtarárin eru henni óþrjótandi
uppspretta frásagna. Ung missir hún
móður sína, er þá komið fyrir hjá
ókunnugum og lendir brátt í
æsilegum atburðum í tengslum við
stjórnmálabaráttu í heimalandi
hennar. Hér er sagt frá
ógleymanlegu fólki, kostulegum
uppátækjum þess, ástum og sorgum,
folki af háum og lágum stigum með
ólíkan bakgrunn. Elskhugar Evu eru
sinn af hverri sortinni, tyrkneskur
kaupmaður með skarð í vör,
hugdjarfur skæruliðaforingi uppi í
fjöílum, fréttamaður frá Evrópu sem
kannar myrkviði suður-amenskra
stjórnmála. Hvert furðuatvikið
rekur annað og lcsandinn kynnist
ólgandi mannlífl álfunnar.
Isabel Ailende er frá Chile, en er
nú búsett í Bandaríkjunum. Aður
hafa komið út eftir hana á íslensku
bækurnar Hús andanna og Ast
ogskuggar.
Eva Luna er 259 bls. Kápumynd
gerði Robert Guillemette en bókin'
er prentuð í Odda.
Ódýrar
barnabækur
ÆVINTÝRI
IÍAböisesbib
MM-UNG er flokkur bama- og
unglingabóka sem kemur út í
ódýrri útgáfu hjá Máli og
menningu. Bæði er um
endurútgáfu vinsælla verka að
ræða og nýjar þýðingar.
Ævintýri litla tréhestsins
heitir bók sem nú kemur út í
þessum flokki. Bókin er eftir
Ursula Moray Williams, breskan
höfund sem er þekktur viða um
heim, og myndskreyting er eftir
Joyce L. Brisley. Litli tréhesturinn
lifnar við í höndum Péturs
leikfangasmiðs og lendir í
spennandi ævintýrum bæði á sjó
og landi. í sögunni eiga sér stað
átök milli góðs og ills, en allt fer
vel að lokum. Sigríður Thorlacius
þýddi söguna sem kom fyrst út
1954.
Vonir og þrár
Við bláa voga nefnist ný bók
eftir Ingibjörgu Sigurðardóttur.
Ingibjörg Sigurðardóttir er án efa
ein af vinsælustu skáldsögum
landsins. Nú fá aðdáendur hennar
enn eina spennandi ástarsögu frá
hennar hendi. Bókin fjallar um
fórnfýsi, heitar ástir og vonir og
þrár ungu elskendanna Ásrúnar
Ijósmóður og Frosta kennara.
Prentunogbókband: Prentverk
Odds Björnssonar hf.
Sandkorn
tímans
Sandkorn tímans eftir Sidney
Sheldon segir frá fjórum nunnum
sem skyndilega neyðast til að flýja
vemdað umhverfi klaustursins i
miskunnarlausan heim sem þær
höfðu yfirgefið. Án fyrirvara eru
þessar fjórar konur orðnar peð i
grimmilegri baráttu hreyfingar
Baska og spánska hersins. Þetta
er ógleymanleg atburðarás þar
sem ástir og spenna binda
lesandann við lesturinn frá
upphafi til enda.
Prentunogbókband: Prentverk
Odds Björnssonar.
\m\imm dagbók iiiiiiiiiiiiiiiiiiiiiiiiiiiiiii
Félag íslenskra
náttúrufræðinga:
Ráðstefna um umhverfismál
Föstudaginn 24. nóvember heldur Fé-
lag íslenskra náttúrufræðinga ráðstefnu
um umhverfismál að Holiday Inn, Sigtúni
38. Fundarstjóri er Sigurbjörg Gísladótt-
ir, varaformaður FÍN.
Kl. 13:30 setur Auður Antonsdóttir,
form. FÍN, ráðstefnuna og þvfnæst talar
Jón Sveinsson, aðstoðarmaður forsætis-
ráðherra: Aðdragandi að umhverfisráðu-
neyti.
Þá verða umræður á milli fyrirlestra
sem ýmsir sérfræðingar á sviði umhverfis-
mála halda.
Ráðstefnan er öllum opin, en henni
lýkur um kl. 17:00.
Björg sýnir í Slunkaríki
Laugardaginn 25. nóvember hefst sýn-
ing Bjargar Þorsteinsdóttur í Slunkaríki á
Ísafirði.
Fyrir utan myndlistarnám hér heima
nam Björg myndlist í Þýskalandi og
Frakklandi. Hún hefur tekið þátt f fjölda
samsýninga víða um heim og einkasýning-
ar hennar eru orðnar á annan tug, - nú
sfðast f Norræna húsinu f október sl.
Verk Bjargar má sjá í fjölmörgum söfnum
hér heima og úti í heimi.
1 Slunkarfki mun hún sýna 12 olíukrft-
armyndir unnar á sfðasta ári.
Sýningin hefst á laugardag kl. 16:00 og
stendur til 9. desember. Slunkarfki er
opið frá fimmtudegi til sunnudags kl.
16:00-18:00.
Hljómsveit Jóns Sigurðssonar
og gömlu dansamir á B0RGINNI
á sunnudagskvóld
Næstu sunnudagskvöld hefjast að nýju
gömlu dansamir á Hótel Borg. Jón Sig-
urðsson ásamt hljómsveit mun leika
ásamt söngvurunum Hjördísi Geirsdóttur
og Trausta Jónssyni, sem sungið hafa á
dægurlagahátíðinni „Komdu í kvöld“, en
sú sýning hefur að undanfömu verið sýnd
fyrir fullu húsi í Sjallanum á Akureyri.
Jón Sigurðsson og hljómsveit hafa
undanfarin þrettán ár leikið fyrir dansi á
Hótel Borg.
Sendið kort til CRAIG!
Craig Shergold er 7 ára drengur í The
Royal Marsden Hospital í London. Craig
er mikið veikur. Hann er með æxli í heila
og annað við mænu, og á að sögn stutt
eftir ólifað.
Hann hefur fengið mörg kort frá fólki
til að óska honum góðs, og nú langar
Craig til að komast í heimsmetabók
Guinness sem sá einstaklingur sem hefur
fengið flest kort með góðum óskum
(„Get Well Cards“) af öllum sjúklingum
í heimi.
Nú hefur Tímanum borist beiðni frá
London um að hvetja fólk til að senda
kort til Craig og hér á eftir fer utanáskrift-
in á kortið:
CRAIG SHERGOLD
56 SELBY ROAD
CARSHALTON
SURREY
SM 5 1 LD
ENGLAND
Afmælisfundur
Kvenfélags Neskirkju
Kvenfélag Neskirkju heldur afmælisf-
und sinn mánudagskvöldið 27. nóvember
kl. 20:30 í safnaðarheimili kirkjunnar.
Gestur fundarins verður Sigríður Guð-
mundsdóttir, framkvæmda-stjóri Hjálp-
arstofnunar kirkjunnar.
Fræðslufundur
Bandalags kvenna
Bandarlag kvenna í Reykjavík gengst
fyrir fræðslufundi að Hallveigarstöðum,
Túngötu 14, fimmtudagskvöldið 23. nóv-
ember kl. 20:30.
Fyrirlesari verður Ingólfur S. Sveinsson
geðlæknir, sem fjallar um STRESS OG
VÖÐVABÓLGU. Öllum heimill að-
gangur meðan husrúm leyfir.
Fræðslunefnd BKR
Frá Félagi eldri borgara
Opið hús í Goðheimum, Sigtúni 3, í
dag, fimmtud. 23. nóvember. Kl. 14:00 er
frjáls spilamennska, kl. 19:30 félagsvist.
Kl. 21:00 er dansað.
Göngu-Hrólfur hittist nk. laugardag
kl. 11:00 að Nóatúni 17.
Félagsvist
Húnvetningafélagsins
Spiluð verður félagsvist í Húnabúð,
Skeifunni 17, laugardaginn 25 nóvember
kl. 14:00. Verðlaun, kaffiveitingar. Allir
velkomnir.
Fundur Safnaðarfélags
Ásprestakalls
Safnaðarfélag Ásprestakalls heldur
fund fimmtudaginn 23. nóv. í safnaðar-
heimilinu kl. 20:30. Spiluð verður félags-
vist. Allir velkomnir.
Spilakvóld
Rangæingafélagsins
Rangæingafélagið í Reykjavík heldur
fyrsta spilakvöld vetrarins fimmtudaginn
23. nóv. að Ármúla 40 kl. 20:30.
Bima Krístjánsdóttir við eitt verka sinna
Bima sýnir I Ásmundarsal
Nýlega opnaði Bima Kristjánsdóttir
þriðju einkasýningu sfna. Hún sýnir í
Ásmundarsal til 3. desember. Salurinn er
á sýningunni(Tímamynd Ámi Bjama)
opinn virka daga kl. 14:00-18:00 en um
helgar kl. 14:00-19:00. Nítján verk eru á
sýningunni.
Félagsvist
Húnvetningafélagsins
Spiluð verður félagsvist í Húnabúð,
Skeifunni 17, laugardaginn 25 nóvember
kl. 14:00. Verðlaun, kaffiveitingar. Allir
velkomnir.
Hljómsveit Ragnars
Bjamasonar í ÁSBYRGI
Hótels íslands
Nýlega byrjaði hljómsveit Ragnars
Bjamasonar að leika fyrir dansi í Ásbyrgi,
nýjustu salarkynnum Hótels íslands.
I vetur verður Ásbyrgi leigt út fyrir
árshátíðir og aðra mannfagnaði, ásamt
því að almennir dansleikir verða þar í
tengslum við aðra starfsemi Hótels
lslands.
Hljómsveit Ragnars Bjamasonar skipa
auk hans: Árni Elvar, sem leikur á pfanó,
Guðmundur Steingrímsson trommur,
Gunnar Hrafnsson bassa og Edwin Ka-
aber gítar.
Alla nánari upplýsingar um Ásbyrgi og
þá þjónustu sem þar er hægt að fá veitir
aðstoðarhótelstjóri Hörður Sigurjónsson
í síma 687111.
Sendiherrar Mexiko,
Ungverjalands og írans
Þrír nýskipaðir sendiherrar afhentu
forseta Islands trúnaðarbréf sín í dag að
viðstöddum utanríkisráðherra. Þeir em:
sendiherra Mexikó, hr. Manuel Rodrig-
ues Arriaga; sendiherra Ungverjalands,
hr. Jozef Hajdu; og sendiherra Irans, hr.
Danesh Yazdi.
Sendiherrarnir þágu síðan boð forseta
Islands í Ráðherrabústaðnum ásamt fleiri
gestum.
Sendiherra Mexikó hefur aðsetur í
Osló, en sendiherra Ungverjalands og
Irans í Stokkhólmi.
Nýr sendiherra Bandaríkjanna
Nýskipaður sendiherra Bandaríkj-
anna, hr. Charles E. Cobb jr. afhenti í
dag forseta Islands trúnaðarbréf sitt að
viðstöddum Jóni Baldvini Hannibalssyni
utanríkisráðherra.
Sendiherrann þáði síðan boð forseta
íslands f Ráðherrabústaðnum við Tjam-
argötu ásamt fleiri gestum.