Tíminn - 23.05.1990, Blaðsíða 3
Miövikudagur 23. maí 1990
Tíminn 3
Frá aðalfundi SÍF í gær, Dagbjartur Einarsson er í ræðustól. Tímamynd: Ami Bjama
57. aðalfundur Sölusambands íslenskra fiskframleiðenda:
Félagsmenn vilja halda
sérleyfi SÍF óbreyttu
Á aðalfundi Sölusambands íslenskra fiskframleiðenda, sem hófst
í gær, samþykkti meirihluti félagsmanna ályktun þess efnis að
skora á stjómvöld að breyta í engu núverandi fyrirkomulagi á salt-
fisksölumálum íslendinga á meðan ekki liggur fýrir niðurstaða í fýr-
irhuguðum samningaviðræðum við Evrópubandalagið um við-
skipti með sjávarafurðir. Þessi niðurstaða bendir ótvírætt til þess
að félagsmenn vilja halda óbreyttu sérieyfi SÍF á sölu saltfisks.
Tillagan kemur í framhaldi þess að
á undanfömum vikum hefiir mikið
verið rætt um fyrirkomulag saltfisk-
sölumála. I ræðu formanns stjómar
SIF, Dagbjarts Einarssonar, kom fram
að umræðan hafi fyrst og ífemst snúist
um hvort leyfa eigi fleirum en SÍF að
flytja út saltfisk frá íslandi. Inn í þá
umræðu hafa blandast viðhorf manna
til þess hvort leyfa eigi að flytja út
ferskan, flattan fisk sem hráefhi fyrir
erlenda saltfiskvinnslu. Dagbjartur
sagði að hugmyndir utanríkisráðherra,
er virtust studdar af viðskiptaráðherra,
um að svipta SÍF því sérleyfi sem það
hefur haft í nær 60 ár væri vanhugsuð
aðgerð, sem byggist fyrst og ffemst á
þekkingarleysi viðkomandi aðila er
hvorki hafi kynnt sér söguna né eðli
saltfiskmarkaðanna í dag. Sagði Dag-
bjartur það að gefa útflutning á salt-
fiski fijálsan og rýra með því stöðu
SIF, væri fyrst og ffemst í þágu hinna
erlendu kaupenda, sem ættu þá ósk
heitasta að SÍF legðist af, glundroði
myndaðist í saltfisksölumálum ís-
lendinga og undirboð hæfust á sama
hátt og skreiðarffamleiðendur hafa
mátt búa við undanfarin ár.
Hann sagði að sá ágreiningur sem
uppi hafi verið varðandi útflutning á
flöttum, ferskum fiski og um það
hvort veita eigi öðrum en SÍF útflutn-
ingsleyfi á saltfiski, ekki vera sprott-
inn upp á meðal saltfiskffamleiðenda.
„Hann á upptök sín erlendis, á meðal
saltfiskkaupenda og fiskvinnslu-
manna en því miður hefur tekist að
reka fleyg í samstarf okkar við þá síð-
amefndu með dyggilegri aðstoð
nokkurra heildsala í Reykjavík,“
sagði Dagbjartur. Hann sagði það vera
staðfasta trú stjómar SÍF og flestra
ffamleiðenda að þessi útflutningur á
flöttum, ferskum fiski væri óheilla-
vænleg þróun. Taldi hann þrennt
koma þar einkum til, er mælti gegn út-
flutningnum. í fyrsta lagi væri útflutn-
ingurinn rangur gæðalega séð, í öðm
lagi þá væri með útflutningnum verið
að flytja vinnu úr landi og í þriðja lagi
væri verið að útvega samkeppnisaðil-
um hráetni sem þeir vinna í saltfisk,
styrktir á ýmsan hátt og selja sem ís-
lenskan saltfisk í samkeppni við ís-
lenska ffamleiðendur.
Þá var í gær einnig samþykkt tillaga
stjómar um að fela stjóm SIF að vinna
að endurskoðun á félagsformi og
stefhu sölusamtakanna með það að
markmiði að efla stöðu SÍF enn ffek-
ar, til undirbúnings aukinni sam-
keppni að loknum samningum við
Evrópubandalagið. Þessari endur-
skoðun á að vera lokið í haust og hafa
verið kynnt félagsmönnum ekki síðar
en 15. október nk. með það í huga að
hugsanlegar breytingar taki gildi 1.
janúar 1991.
Dagbjartur kom inn á í ræðu sinni
þær hugmyndir sem aðilar innan sjáv-
arútvegs hafa verið að ræða um; sam-
runa hinna Jwiggja stóru sölusamtaka,
þ.e. SH, SIS og SÍF, en sagðist ekki
ætla að taka afstöðu til þeirra hug-
mynda á aðalfundinum. Hann benti á
að sölusamtökin þijú þjóni sömu
ffamleiðendum, þó SÍF hefði nokkra
sérstöðu. Samstarfið milli þessara
samtaka hafi alltaf verið traust og
sagði hann annað óhugsandi, en það
samstarf héldi áffam. Dagbjartur
sagðist vel geta séð fyrir sér samvinnu
eða jafhvel sameiginlegar söluskrif-
stofur innan EB, eða jafnvel að stofh-
sett yrði fyrirtæki á erlendri grund
sem hefði íslenskar sjávarafurðir á
boðstólum.
Stjómarformaðurinn ræddi því næst
spuminguna um hvað væri ffamundan
og hvaða kosti SÍF hefði, þar sem nú
lægi i loftinu yfirlýsing utanrikisráð-
herra um að útflutningsleyfi á saltfiski
verði gefin öðrum aðilum en SÍF.
„Þótt ráðherra muni setja einhveijar
takmarkanir og skilyrði á þann út-
flutning vitum við vel að það yrðu
bókstafir einir - reyndin yrði sú að þar
með væri búið að gefa útflutning á
saltfiski fijálsan og það sem öllu verra
er, að útflutningur á flöttum, ferskum
fiski er einnig fijáls og óhindraður í
reynd," sagði Dagbjartur.
Hann tiltók fjóra kosti sem stjóm SÍF
hefur rætt undanfamar vikur og mán-
uði. í fyrsta lagi að halda óbreyttu
ástandi og gera ekki neitt, sem þýddi
að SIF héldi áffam í óbreyttu félags-
formi og félagar í SÍF gætu einnig
flutt út ferskan, flattan fisk og jaínvel
hluta af sínum saltfiski með öðmm út-
flytjendum. Hlutverk SÍF, hvað hags-
munagæslu varðar, héldist óbreytt.
Annar kostur væri að loka SIF og gera
það upp, þannig að ffamleiðendur geti
þá farið hver sína leið. Þeir sem vilji
vinna saman gætu stofhað nýtt út-
flutningsfyrirtæki eða leitað á náðir
heildsalanna í Reykjavík, eins og
Dagbjartur komst að orði. Þar með
flyttist hagsmunagæslan yfir á önnur
samtök. Þriðji kosturinn væri að halda
óbreyttu félagsformi, en hreinsa til
innan samtakanna. Þ.e. þeir sem seldu
ffam hjá SÍF, hvort sem um væri að
ræða flattan, ferskan fisk eða saltfisk,
fengju ekki þjónustu af hálfu SIF,
m.ö.o. reknir úr samtökunum. Eftir
stæði fámennara en ef til vill samhent-
ari samtök. Fjórði kosturinn sem Dag-
bjartur nefndi var að breyta SIF í
hlutafélag. Hlutafélagið væri þá rekið
í samstarfi við SH og Sjávarafurða-
deild Sambandsins, líkt og SÍF hefur
gert ffam til þessa. Skuldbindingar
samtakanna yrðu gerðar upp og það
sem eftir stæði í séreignarsjóðum fé-
lagsmanna yrði breytt í hlutafjáreign
viðkomandi aðila og ef einhveijir
vildu ekki eiga hlutabréf í þessu nýja
hlutafélagi, gætu þeir selt bréf sín.
—ABÓ
BÆNDUR:
Nú eru síðustu forvöð á að staðfesta pantanir
f NEW HOLLAND bindivélar og rúllubindivélar
á tilboðsverði.
Tilboðsverð Rétt verð
NEW HOLLAND 570 heybindivél kr. 600,000 kr. 69^000
NEW HOLLAND 575 heybindivél kr. 640,000 kr. 74^,000
NEW HOLLAND 841 rúllubindivél kr. 740,000 kr. 86/1,000
iMÉkfcfi*m iv* iitm \ m *;
Frestur til að staðfesta pantanir á þessu hagstæða
tilboðsverði rennur út 31. maí.k. Vinsamlegast staðfestið
pantanir hið fyrsta þar sem um takmarkað magn véla er að
ræða.