Tíminn - 29.09.1990, Side 13
Tíminn 21
Laugardagur 29. september 1990
Axel Nikulásson leikur framhjá Eríc Mudd í leiknum á fimmtudagskvöld.
Evrópukeppni meistaraliða í körfuknattleik:
Frábært hjá KR-ingum gegn SAAB
Þaö var sannkölluð körfuknattleiks-
veisla í íþróttahúsinu á Seltjamar-
nesi í fyrrakvöld er íslandsmeistarar
KR tóku á móti og sigruðu finnsku
meistarana SAAB. Leikurinn hafði
upp á allt það besta að bjóða sem
einn körfuboltaleikur getur boðið
upp á og 120-118 sigur KR-inga er
enn ein rósin í hnappagatið á ís-
lenskum körfuknattleik.
Finnska liðið var ekki árennilegt í
byrjum leiksins. Þeir tóku forystuna
með þriggja stiga körfu og náðu þeg-
ar undirtökunum. KR-ingar gáfust
aldrei upp, tóku góða spretti við og
við og finnska liðið náði ekki að
hrista vesturbæingana af sér. Munur-
inn var þetta 2-13 stig lengst af í fyrri
hálfleik. Willie Bland, geysisterkur
Bandaríkjamaður í finnska liðinu, fór
hamförum á upphafsmínútunum og
var nánast óstöðvandi. Hann lenti í
villuvandræðum snemma í leiknum,
en þjálfarar SAAB sáu ekki ástæðu til
að taka hann af leikvelli. Þegar 7:56
mín voru eftir af fyrri hálfleik fékk
hann sína 5. villu, en hann hafði þá
skorað 17 stig. KR-ingar eygðu enn
sterkari von um sigur eftir að Bland
var farinn af leikvelli og þegar 2:30
voru til leikhlés tókst þeim að
minnka muninn í 1 stig 51-52. Finn-
arnir juku muninn aftur fyrir hlé, en
í hálfleik munaði 6 stigum, 55-61.
Síðari hálfleikur var jafnfjörugur og
sá fyrri. Finnarnir leiddu framan af
hálfleiknum með 5-10 stigum. Páll
Kolbeinsson varð að fara af leikvelli
með 5 villur þegar 9:54 mín. voru til
leiksloka, en þá var staðan 90-96. Inn
á kom Lárus Árnason sem stóð sig
mjög vel. Hann missti boltann reynd-
ar nokkrum sinnum, en bætti fyrir
það með tveimur þriggja stiga körf-
um. Það var einmitt hann sem kom
KR-ingum yfir í fyrsta sinn í leikn-
um, 111-110, þegar3:35 mín. voru til
leiksloka. Það sem eftir var til leiks-
loka var leikurinn í jámum. SAAB
komst yfir, 111-112, og KR jafnaði.
KR hafði síðan frumkvæðið, en SAAB
jafnaði jafnharðan. Guðni Guðnason
náði boltanum af Finnum undir
þeirra eigin körfu og kom KR yfir,
118-116. Jari Raitanen jafnaði úr
vítaskotum, 118-118. Jonathan Bow
átti síðasta orðið í leiknum, 9 sek.
fyrir leikslok, þegar Finnar vörðu
skot hans fyrir ofan körfuhringinn og
karfa var dæmd. Skot Finna á loka-
sekúndunum rataði ekki rétta leið og
KR-ingar unnu frækilegan sigur,
120-118.
Jonathan Bow átti stórleik fyrir KR-
inga, ásamt Páli Kolbeinssyni og
Guðna Guðnasyni. Axel Nikulásson,
Matthías Einarsson og Ólafúr Guð-
mundsson stóðu vel fyrir sínu og
Lárus Árnason skilaði erfiðu hlut-
verki á lokamínútunum vel. Björn
Steffensen fann sig aldrei í leiknum
og var langt frá sínu besta.
Jari Raitanen var óstöðvandi og
hittni hans var með ólíkindum.
Bandaríkjamennirnir Bland og Mudd
voru sterkir, en Bland lék aðeins með
í 12 mín. eins og áður sagði. Hinn 39
ára gamli Gerald Lee, sem er banda-
rískur að uppruna en er nú finnskur
ríkisborgari, lék inná allan leikinn og
stóð sig mjög vel. Harri Lehtonen,
sem er finnskur landsliðsmaður og
2,07 m á hæð, lék einnig þokkalega.
Það er mikið afrek hjá KR-ingum að
sigra þetta finnska lið. Hæðarmun-
urinn á liðunum er mjög mikill ,en
að öðru leyti er styrkur liðanna svip-
aður, þó er mun meiri breidd í
finnska liðinu. Það verður þungur
róður hjá KR-ingum í síðari leiknum
sem fram fer í Finnlandi næsta
fimmtudag. Til stendur að Pétur
Guðmundsson komi til liðs við Iiðið
fyrir þann leik og þá ættu möguleik-
ar KR á að komast í 2. umferð keppn-
innar að vera fyrir hendi, en án Pét-
urs er vandséð að KR eigi möguleika.
Liðið sem kemst áfram mætir gríska
liðinu Aris Saloniki á 2. umferð.
Leikinn dæmdu Peter Knowles frá
Englandi og Anthony Burke frá ír-
landi. Þeir gerðu sig seka um tjöl-
mörg mistök, en höfðu þó góð tök á
leiknum.
Stigin KR: Jonathan Bow 39,
Guðni Guðnason 27, Páll Kolbeins-
son 25, Ólafur Guðmundsson 9, Axel
Nikulásson 6, Matthías Einarsson 6,
LárusÁmason 6 ogBjöm Steffensen
2. SAAB: Jari Raitanen 39, Gerald
Lee 20, Eric Mudd 18, Willie Bland
17, Harri Lethonen 11, Erkki Saari-
sto 5 og Jani Hyytinen 2.
BL
Tt RANNSÓKNASTOFNUN
RALA LANDBÚNAÐARINS
Tilraunastjóri
Rannsóknastofnun landbúnaðarins óskar eftir að
ráða tilraunastjóra að tilraunastöðinni á Möðruvöll-
um í Hörgárdal. Umsóknirásamtupplýsingum um
menntun og fyrri störf skulu sendar forstjóra,
Þorsteini Tómassyni, Keldnaholti, 112 Reykjavík,
fyrir 31. október 1990.
Tilkynning til
launaskattsgreiðenda
Athygli launaskattsgreiðenda skal vakin á því að
gjalddagi launaskatts fyrir september er 1. október
n.k.
Launaskatt ber launagreiðanda að greiða til inn-
heimtumanns ríkissjóðs, í Reykjavík tollstjóra, og
afhenda um leið launaskattsskýrslu í þríriti.
Fjármálaráðuneytið.
L
LANDSVIRKJUN
Útboð
Landsvirkjun óskar hér með eftir tilboðum í
framleiðslu og afhendingu á einangrurum fyrir
háspennulínur samkvæmt útboðsgögnum BLL-
15, „Transmission Line Insulators".
Útboðsgögn verða afhent frá og með þriðjudegin-
i um 2. október 1990 á skrifstofu Landsvirkjunar að
Háaleitisbraut 68, Reykjavík, gegn óafturkræfu
gjaldi að upphæð kr. 2.000,-.
Helstu magntölur eru:
390 stk. U120 BS Einangrarar
5300 stk. U120 BS Einangrarar
2900 stk. U210 BS Einangrarar
Afhendingardagur efnis er 1. apríl 1991.
Tilboðum skal skila á skrifstofu Landsvirkjunar,
Háaleitisbraut 68, 103 Reykjavík, fyrir kl. 12:00,
þriðjudaginn 6. nóvember 1990, en þau verða
opnuð þar sama dag kl. 13:30 að viðstöddum þeim
bjóðendum sem þess óska.
Reykjavík, 26. september 1990
LANDSVIRKJUN
Útboð
Landsvirkjun óskar hér með eftir tilboðum í
framleiðslu og afhendingu á leiðurum fyrir há-
spennulínur, samkvæmt útboðsgögnum BLL-14,
„Transmission Line Conductors".
Útboðsgögn verða afhent frá og með þriðjudegin-
um 2. október 1990 á skrifstofu Landsvirkjunar að
Háaleitisbraut 68, Reykjavík, gegn óafturkræfu
gjaldi að upphæð kr. 2.000,-.
Helstu magntölur eru:
Álblönduleiðari: 57 km.
Stálstyrkturálblönduleiðari: 56 km.
Afhendingardagur efnis er 1. maí 1991.
Tilboðum skal skila á skrifstofu Landsvirkjunar,
Háaleitisbraut 68, 103 Reykjavík, fyrir kl. 12:00
mánudaginn 5. nóvember 1990, en þau verða
opnuð þar sama dag kl. 13.30 að viðstöddum þeim
bjóðendum sem þess óska.
Reykjavík, 27. september 1990