Tíminn - 01.12.1990, Blaðsíða 2
2 Tíminn
Laugardagur 1. desember 1990
Breiðdælingar vonast nú til að halda kvóta frystitogarans Andeyjar eftir:
Togari seldur tveimur:
Hvor þeirra fær ham?
Nú blasir við að togarinn Andey frá Breiðdalsvík verður seldur úr
plássinu. Ekki er þó enn vitað hvort hann verður seldur til Jemen
eða Homafjarðar, sem skiptir miklu máli fyrir byggðalagið: Ef hann
fer úr iandi þá haida Breiðdælingar eftir kvótanum, en ekki ef togar-
inn fer til Homafjarðar. Það era tæplega 900 tonna þorskígildi mið-
að við næsta ár. Breiðdælingar bíða því eftir staðfestingu á tiiboði
Jemena, en von er á því í næstu viku.
Um þessi mál var rætt á borgarafundi
í Breiðdalsvík sl. þriðjudagskvöld og
fannst mönnum sárt að þurfa að
horfa á eftir Andey. Tilboð í Andey
hefur komið frá Jemen sem þykir
vænlegt, en enn vantar nægilegar
tryggingar fyrir sölunni. Því var
samningur um sölu togarans til
Hornafjarðar undirritaður á mið-
vikudagsnótt með þeim íyrirvara að
af sölunni verði ekki, berist tilskildar
tryggingar frá Jemen. Togarinn fer
því frá Breiðdalsvík og ekki aftur snú-
ið með það. Það er þó bót í máli fyrir
Breiðdælinga ef togarinn fer úr landi
og kvótinn verður eftir í plássinu.
Eigandi frystitogarans Andeyjar er
Hraðfrystihús Breiðdælinga. Lang-
stærsti hluthafi þess er Hlutafjár-
sjóður eftir að Hraðfrystihúsið var
endurskipulagt fyrir ári síðan. Hluta-
fjársjóður setti það sem skilyrði fyrir
aðstoð við fyrirtækið að Andey yrði
seid, þar sem hún er frystitogari og
starfsreglur sjóðsins miða fyrst og
fremst að því að koma atvinnu í landi
til aðstoðar, að sögn Lárusar Sigurðs-
sonar, sveitarstjóra á Breiðdalsvík, í
samtali við Tímann.
Ýmis vandamál hafa einnig orðið
þess valdandi að Andey er seld. Benda
má á að Andeyin er tiltölulega nýtt
skip og á henni hvflir mikill fjár-
magnskostnaður sem erfiðlega geng-
ur að hemja. Einnig er talið að með
nýju kvótalögunum bætist eitt
vandamál við. Um síðustu áramót
gátu Breiðdælingar valið um hvaða
aðferðum þeir beittu við veiðarnar.
Þeir völdu sóknarmarkið, en þar ríkir
frelsi á vissar fiskitegundir á ákveðn-
um tímum og hentaði það vel á
Breiðdalsvík. Það gerði m.a. að verk-
um að afkoma skipsins í ár er þokka-
leg. „Nú hins vegar, með nýju kvóta-
lögunum sem taka gildi um áramót-
in, þá verðum við í þeirri stöðu að
vera með 897 tonn af þorskígildum,
sem er tæplega helmingurinn af því
sem við veiðum núna, og varla það,“
sagði Lárus.
Það þarf því kannski ekki að vera svo
slæmt að selja Andey til Jemen, eða
hvað? Ef svo fer þá helst kvóti togar-
ans á Breiðdalsvík og leggst við ísfisk-
togarann Hafnarey, sem er einnig í
eigu Hraðfrystihúss Breiðdælinga.
Lárus sagði það vitanlega vera mun
skárra heldur en að togarinn yrði
seldur innanlands, því þá færi kvót-
inn einnig. Að hans mati hefur of lít-
ill kvóti verið á Hafnarey hingað til,
eða kvóti sem nemur u.þ.b. 7-8 mán-
aða vinnu og hefur verið úthlutað
1783 tonna kvóta á næsta ári. „Ef
kvóti Andeynnar legðist við, þá vær-
um við allvel settir, en samt þyrftum
við frekar að sækja á en hitt til að vel
væri. Kvótinn yrði því hrein viðbót
hjá landverkafólki, en myndi hins
vegar ekki þýða neina aukningu á
mannafla hjá því. Þessi frystitogari
hefur skapað drjúgmikil störf í landi
við þjónustu, bæði hvað varðar véla-
verkstæði, rafvirkjun, veslun og
fleira. Sú þjónusta verður í dálítilli
hættu eftir að Andey er farin.“
Lárus var spurður að því hvort ekk-
ert hafi verið hægt að gera til að forða
þessu, t.d. með opinberri aðstoð.
„Menn töldu sig vera komnir á enda-
punkt í því efni og stjórnarformaður
og framkvæmdastjóri hafa verið
langdvölum í stofnunum vegna
þessa. Ég fór sjálfur með þeim í síð-
ustu viku og við töldum okkur kom-
ast lengst með því að fá þennan frest
til 15. desember og bíða eftir þessu
erlenda tilboði. Það var það lengsta
sem við komumst gagnvart Hluta-
fjársjóði," sagði Lárus að lokum.
Breiðdælingar bíða því í nokkurri
óvissu um framhald mála fram yfir
helgi, og hvort þeir komi til með að
missa umtalsverðan kvóta frá byggð-
ariaginu eða ekki. —hs.
NÝJAR VÖRUR
Mjólkursamsalan setur á mark-
að um þessar mundir tvær nýj-
ar bragötegundir af skólajógúrt,
þ.e. epla-/karamellubragð og
bananabragð.
Skól^jógúrt kom fyrst á mark-
aðinn í mars s.l. Nafnið, Skólaj-
ógúrt, er til komið vegna þess
að sölumarkaðshópurinn er
yngsta kynslóðin. Skólajógúrt
er framleidd úr nýmjólk með
2% undanrennudufti eins og
óskajógúrtin. Skólajógúrt er
sýrð með jógúrtgerlum, sem
eru frábrugðnir hinum hefð-
bundnu að tvennu leyti: Jógúrt-
in verður þykkri og jógúrtin
súmar lítið sem ekkert eftir að
hún er komin í dósimar og er
því mildari.
....,......—...........0----hægri eiganda og stofnanda Hörpuútgáf-
unnar, Braga Þórðarson. Við hlið hans er kona hans Elín Þorvaldsdótt-
ir og þá sonur þeirra Þorvaldur Bragason.
Hörpuútgáfan
þrjátíu ára
Hörpuútgáfan á Akranesi er þrjátíu
ára um þessar mundir. Á þessu
tímabili hefur útgáfan geflð út um
þrjú hundmð bókatitla. Aðalstöðvar
útgáfunnar em á Akranesi og hafa
verið þar frá upphafí, en jafnframt
hefur útgáfan leigt aðstöðu í
Reykjavík. Á þessu ári var afgreiðsl-
an í Reykjavík flutt í eigið húsnæði
að Síðumúla 29.
Árið 1974 hóf Hörpuútgáfan útgáfu
eftirprentana af málverkum, mynd-
um úr þjóðlífinu, og gefin voru út
nokkur málverk. Árið 1988 var síðan
hafin útgáfa sögusnælda. Þar er um
að ræða sígildar barnasögur og æv-
intýri. Útgáfan hefur samtals gefið
út 18 slíkar sögusnældur. Á þessu ári
koma út hjá Hörpuútgáfunni tólf
bækur, tvær nýjar sögusnældur og
átta endurútgefnar.
Af verkum sem eru í undirbúningi
hjá Hörpuútgáfunni, má nefna
Borgfirðingaljóð, sýnisbók borg-
firskra Ijóðahöfunda. En Hörpuút-
gáfan hefur ávallt leitast við að sinna
útgáfumálum í heimabyggð, þ.e. á
Akranesi og í Borgarfirði, auk al-
mennrar bókaútgáfu á landsvísu.
khg.
Stúlkuandlit Sigurðar
seldist á 1,6 milljón
Málverk eftir Sigurð Guðmundsson
málara, Stúlkuandlit, seldist á 1,6
milljónir króna á 30. listmunaupp-
boði Gallerís Borgar sem haldið var
sl. fímmtudag í samvinnu við List-
munauppboð Sigurðar Benedikts-
sonar.
Annað verk eftir Sigurð seldist á
850 þúsund og mynd af Reykjavík-
urhöfn eftir Gunnlaug Blöndal seld-
ist á 900 þúsund. Málverk eftir Ás-
grím Jónsson, Frá Þingvöllum, seld-
ist á 460 þúsund, málverk af Goða-
fossi eftir Kristínu Jónsdóttur seld-
ist á 350 þúsund og verk eftir
Þórarin B. Þorláksson, Við glugg-
ann, seldist á 650 þúsund.
PÓSTUR OG SÍMI:
Þjónustusvæði
boðkerfa stækkað
Póstur og sími mun á næstunni
stækka það þjónustusvæði er fyr-
irtækið býður upp á fyrir boðkerfí.
Einnig mun þjónusta verða aukin.
Verð á boðtækjum hefur almennt
lækkað að undanfömu og getur
þar munað allt að 10.000 krónum
fyrir og eftir lækkun.
T.d kostar Storno Senser talna-
boðatæki núna 19.950 en kostaði
áður 29.083. Storno Bravo tón-
boðatæki kostar nú 12.542 en áður
14.542. Sterno Bravo talnaboða-
tæki kostar núna 15.739 en áður
19.437.
Stutt er síðan boðkerfaþjónusta
Pósts og síma var tekin í notkun en
það var um áramótin 1989/1990.1.
nóvember s.l. var notendafjöldi
boðkerfisins um 1.100. Tilgangur-
inn með þessu nýja kerfi er að gefa
kost á að koma skilaboðum á fljót-
virkan og öruggan hátt til manna,
óháð því hvar þeir eru innan vissra
landfræðilegra marka. Til þess að
svo megi verða þarf sá sem skila-
boðin á að fá að bera á sér lítið
tæki, boðtæki, og sá sem skilaboð-
in sendir þarf að hafa aðgang að
ólæstum síma. Ef nýta á alla
möguleika kerfisins verður að nota
tónvalssíma eða farsíma með tón-
vali.
Þjónusta eða útbreiðsla radíó-
senda boðkerfisins nær þegar yfir
allt höfuðborgarsvæðið, Keflavík,
Akranes, Akureyri og Selfoss. Sam-
band á að vera mjög öruggt á þess-
um svæðum. Um næstu áramót
bætast við ný svæði þegar sendum
verður komið fyrir á Þorbjarnar-
fjalli, Hegranesi í Skagafirði, Hrís-
ey, Gagnheiði, Vestmannaeyjum
og Háhrygg við Nesjavelli.
Boðtækin eru af tveimur aðal-
gerðum: tónboðtæki og talnaboð-
tæki. Þjónustutegundir eru fimm:
Ólafur Tómasson póst- og símamálastjóri er á myndinni að hringja í
eitthvert boðtækið. Sjálfur er hann með eitt slíkt hangandi í jakkan-
um.
tónboð, talnaboð, talhólf, eigið
kynningarsvar og hópkall. Boð-
tækin eru lítil og þétt, og er algeng
stærð 7,5 x 4,7 x 1,8 cm. Þau geta
flest geymt nokkur, allt að 12 stafa,
númer. Sótt er um aðild að boð-
kerfinu með því að fylla út um-
sóknareyðublöð á póst- og sím-
stöðvum eða hjá öðrum söluaðil-
um boðtækja. Aætlað er að stækka
þjónustusvæði boðkerfisins á
næstu árum með því að setja upp
upp fleiri senda.
khg.