Tíminn - 16.03.1991, Blaðsíða 5

Láugardagiir '16.1 ,márs,1'991
fírtiirtri 6
Tvær þotur hættulega
nálægt hvor annarri
Litlu mátti muna að tvær stór-
ar þotur lentu í árekstri skammt
suður af landinu 25. janúar sl.
Önnur þotan var bresk en hin
sovésk og voru báðar í sömu
hæð þegar atburðurinn gerðist.
Samkvæmt heimildum Tímans
var það flugmaður sovésku vél-
arinnar sem kom í veg fyrir
árekstur með því að sveigja í
burtu þegar hann sá bresku þot-
una.
Atburðurinn átti sér stað klukkan
þrjú að degi til. Flugumferðarstjór-
inn sem sá um afgreiðslu vélanna
mun hafa verið að ná sér í kaffi
þegar vélarnar voru komnar
hættulega nálægt hvor annarri.
Hann var leystur frá störfum strax
eftir atburðinn, en hann hefur ver-
ið á undanþágu þar sem hann er
kominn yfir venjulegan hámarks-
aldur flugumferðarstjóra. Báðir
flugstjórar vélanna tilkynntu um
atburðinn og telja báðir að vélarn-
ar hafi á tímabili verið nær hvor
annarri en leyfilegt er. Flugslysa-
nefnd hefur málið til rannsóknar
og hefur skilað skýrslu til flug-
málastjóra. Rannsókn er þó ekki
lokið og ekki er hægt að segja til
um hvenær von er á endanlegri
skýrslu. Ekki náðist í Pétur Einars-
son flugmálastjóra í gær og ekki
náðist í neinn hjá Flugmálastjórn
sem vildi tjá sig opinberlega um
málið.
—SE
Dr. Eugene Makhlouf, sendifulltrúi Frelsissamtaka Palestínu, í íslandsheimsókn:
„PLO studdi ávallt friösamlega
lausn í Persaflóadeilunni“
Dr. Eugene Makhlouf, sendi-
fulltrúi Frelsissamtaka Palest-
ínu (PLO), er staddur hér á
landi um þessar mundir og hef-
ur átt viðræður við Steingrím
Hermannsson forsætisráð-
herra, Jón Baldvin Hannibals-
son utanríkisráðherra, séra Ólaf
Skúlason, biskup íslands, og
fleiri aðila. Hann mun halda op-
inn fund um málefni Austur-
landa nær í dag, laugardag,
kl. 14:00 í Komhlöðuloftinu við
Lækjarbrekku.
Dr. Makhlouf segir að afstaða PLO
í Persaflóastríðinu hafi fyrst og
fremst verið að finna friðsamlega
lausn deilunnar áður en til stríðs
kæmi. Hann segir að þeir hafi helst
ekki viljað taka afstöðu með eða á
móti deiluaðilum, því þeirra raun-
verulega afstaða hafi verið á móti
beitingu hervalds. Þeir hefðu
neyðst til þess að taka afstöðu og
kusu afstöðu með írak og þar með
aröbum því þar búa 170.000 Pal-
estínumenn og 230.000 í Kúvæt,
þeir kusu að reyna að vernda sitt
fólk á þennan hátt. „Við stóðum
með aröbum og voru í broddi fylk-
ingar araba í afstöðu okkar," segir
dr. Makhlouf.
„Við lögðum okkur alla fram við
að finna friðsamlega lausn deil-
unnar en fyrir því var ekki vilji og
sérlega ekki hjá Bandaríkjamönn-
um. Bandaríkjamenn höfðu ein-
ungis áhuga á olíunni og hver
héldi um stjórnvölinn á þeim vett-
vangi. Vegna olíuhagsmuna sinna
vildu þeir fá tækifæri til að brjóta
Dr. Eugene Makhlouf.
herafla íraka á bak aftur og það var
löngu fyrir innrás íraka í Kúvæt.
Innrás íraka í Kúvæt kom því eins
og frábært tækifæri fyrir Banda-
ríkjamenn til að brjóta niður her-
styrk íraka, þess vegna reyndu þeir
ekki að stoppa þá fyrirfram. Það
fundust skjöl eftir innrás fraka í
Kúvæt sem styðja þetta,“ segir dr.
Makhlouf.
Dr. Makhlouf segir að Bandaríkja-
menn hafi yfirtekið öryggisráð
Sameinuðu þjóðanna þar til að ör-
yggisráðið gaf leyfi til að nota allar
nauðsynlegar aðferðir sem þyrfti
til að fá íraka til að yfirgefa Kúvæt.
,Að okkar áliti vildu Bandaríkja-
menn engan veginn finna friða-
samlega lausn, þeir ætluðu í stríð
og þeir þvinguðu öryggisráðið til
þess að leyfa þeim það.“
„Við höfðum rétt fyrir okkur, þó
að bandamenn hafi unnið stríðið
sem slíkt, þá höfðum við rétt fyrir
okkur því við reyndum að koma í
veg fyrir blóðbað. írak hefur verið
gjörsamlega eyðilagt og það tekur
a.m.k. fimmtíu ár að byggja það
upp að nýju í sama horf,“ segir dr.
Makhlouf.
Dr. Makhlouf segir að það sem
PLO sé að berjast fyrir sé að Palest-
ína fái sjálfstjórn og land sitt aftur,
þeirra markmið er að lausn verði
fundin á vandamálum Palestínu-
manna sem geri þeim kleift að lifa í
sátt og samlyndi við nábúa sína,
þar sem mannréttindi eru virt.
„Palestínumenn lifa nú í stöðugri
ógn og ótta á herteknu svæðunum,
þar sem þeir fá ekki að njóta sjálf-
sagðra mannréttinda, eru lokaðir
inni í fangelsum fyrir það eitt að
vera Palestínumenn og inni á
heimilum sínum, þeir eru jafnvel
skotnir fyrir það eitt að vera. Við
viljum koma á friði á þessu svæði
svo að fólkið þurfi ekki að lifa með
skriðdreka og hermenn í kringum
sig viðstöðulaust," segir dr. Mak-
hlouf. Dr. Makhlouf segir að ís-
lendingar geti stutt Palestínumenn
með ýmsum hætti. Með fjárfram-
lögum til uppbyggingar skóla, leik-
skóla, sjúkrahúsa og slíks á her-
teknu svæðunum og einnig með
því að versla við þá, flytja t.d. inn
ávexti og grænmeti þaðan. Auk
þess með pólitískum hætti, með
stuðningi við málstað þeirra á al-
þjóðavettvangi. Hann sagði að
hann hafi fundið fyrir skilningi á
málstað þeirra í heimsókn sinni
hér og að það hefði komið sér á
óvart hversu vel upplýstir fslend-
ingar voru um aðstæður og sögu
Palestínumanna.
—GEÓ
Mætum í Kosningamiðstöðina!
Kosningamiðstöð framsóknarmanna í Reykjavík var
opnuð um síðustu helgi og kom strax fyrsta daginn
mikið af fólki. Kosningamiðstöðin er að Borgartúni
22 og er opin alla daga og eru stuðningsmenn B-list-
ans hvattir til að líta inn og taka virkan þátt í kosn-
ingabaráttunni og ræða málin. Síminn er 620-360
og faxnúmerið 620-355. Hittumst í kosningamið-
stöðinni. B-listinn
flotgalla á leið í sjóinn.
Menningarvika BÍSN:
Flotgallasund í
Reykjavíkurhöfn
í gær fór fram keppni í flotgalla-
sundi í Reykjavíkurhöfn. Þar
kepptu, undir stjórn Steingríms J.
Sigfússonar ráðherra, lið úr Stýri-
mannaskólanum og lið vélstjórn-
arnema úr Iðnskólanum.
Með þessu vildu verðandi skip-
stjórnarmenn vekja athygli á ör-
yggismálum sjómanna.
Keppnin er liður í menningar-
vöku Bandalags íslenskra sérskóla-
nema, BÍSN. Hún var sett í gær og
stendur til 22. mars.
í BÍSN eru nemendur úr 16 sér-
skólum. Þeir eru: Garðyrkjuskól-
inn, Lyfjatækniskólinn, Sam-
vinnuháskólinn, Fósturskólinn,
Þroskaþjálfaskólinn, Myndlista- og
handíðaskólinn, Iðnskólinn,
Kennaraháskólinn, Tónlistarskól-
inn, Tækniskólinn, Fiskvinnslu-
skólinn, Leiklistarskólinn, Stýri-
mannaskólinn, Söngskólinn,
Tölvuháskólinn, og íþróttakenn-
araskólinn.
Á menningarviku BÍSN kennir
ýmissa grasa. í dag opna nemend-
ur í Myndlista- og handíðaskólan-
um sýningu í sal FÍH að Rauða-
gerði 27. Stýrimannaskólinn í
Reykjavík verður opinn. í tilefni af
100 ára afmæli skólans verða
kynnt tæki og starfsemi skólans.
Á sunnudaginn verður opið hús í
Háskóla fslands. Sérskólanemar
ganga þar í lið með háskólafólki og
kynna starf sinna skóla.
Á mánudaginn halda nemendur,
sem eru að ljúka einleikaraprófi frá
Tónlistarskólanum, tónleika í
Hafnarborg, Hafnarfírði. Flutt
verða verk eftir: Dvorak, Beetho-
ven, Wieniawski, Bach, Brahms og
Chopin. -aá.
OPIÐ HUS
Nám og starfsemi Háskóla íslands
og sérskóla landsins kynnt
SUNNUDAGINN 17. MARS
KL. 13.00-18.00