Tíminn - 18.05.1991, Blaðsíða 3
Laugardagur 18. maí 1991
Tíminn 3
Ásmundur Stefánsson forseti ASÍ ræddi um sérstöðu íslands í EES viðræðunum á þingi ETUC:
Hagsmunir íslendinga eru meiri
en nokkurrar annarrar þjóðar
„Er einhver hér á þessu þingi sem myndi vilja mæla með því við
félagsmenn sína í heimalandinu að ganga ti! samninga um efna-
hagssvæði þar sem 70% af útflutningi lands ykkar fengi ekki
sanngjörn kjör á markaðssvæðinu?“ Þessari spumingu varpaði
Ásmundur Stefánsson forseti ASÍ fram í gærdag á þingi ATUC,
Evrópusambandi verkalýðsfélaga í Evrópu. Þar er hann nú stadd-
ur ásamt Ögmundi Jónassyni, formanni BSRB.
í ræðu sinn dró forseti ASÍ fram
sérstöðu íslendinga í samningun-
um um evrópskt efnahagssvæði og
þá einkum hvað varðaði hagsmuni
okkar í sjávarútvegsmálum. Hann
sagði hagsmuni íslendinga í þess-
um samningum vera meiri en
nokkurrar annarrar þjóðar sem í
þeim tæki þátt og þeir gætu haft
áhrif á kjör allra launþega. „Það er
öllum Ijóst að fiskveiðistefna Evr-
ópubandalagsins hefur brugðist.
Rányrkja hefur verið ríkjandi á
fiskimiðum Evrópu meðan stjórn-
unaraðferðir okkar íslendinga á
fiskimiðunum hafa dugað vel þó
þær séu engan veginn fullkomnar.
Ég nefni þetta hér vegna þess að
það skiptir máli að fara vel með
þær auðlindir okkar í heimi þar
sem margir svelta."
Ásmundur sagði sérkennilegt ef
eina þjóðin í Evrópu, sem gæti rek-
ið fiskveiðar sínar án ríkisstyrkja,
fengi nú ekki að taka þátt í frjálsri
samkeppni í markaðslöndum Evr-
ópu. Ef sú yrði niðurstaðan gengi
hún þvert á hagsmuni neytenda og
það meginmarkmið EES samning-
anna að bæta lífskjör almennings.
Mikil hætta á að samningaviðræð-
ur færu í hnút vegna þess að sjáv-
arútvegur í V- Evrópu, sem uppfyll-
ir öll skilyrði sem gerð eru til fram-
leiðslugreina í iðnaði, óskaði eftir
því að fá að keppa við sjávarútveg
annarra þjóða á grundvelli jafnrétt-
is.
Að lokum skoraði forseti ASÍ á
þingfulltrúa að kynna sér afstöðu
íslendinga og hvatti verkalýðssam-
tök að þrýsta á ríkisstjórnir sínar
um að styðja okkar.
-sbs.
Sorpa tekur
nú á móti
spilliefnum
Eiður Guðnason umhverfisráð-
herran afhenti í gær Sorpu, sorp-
eyðingarstöð höfuðborgarsvæðisins
í Gufunesi, starfsleyfi fyrir móttöku
spilliefna. Það eru þau efni sem geta
haft mengun í för með sér.
í starfsleyfi spilliefnamóttökunnar
eru ströng ákvæði um meðferð
efna. Kveðið er á um að fyrirtækið
komi upp aðstöðu til reglulegrar
söfnunnar spilliefna hjá fyrirtækj-
um og stöðvum þar sem almenn-
ingum getur skilað þessum efnum.
Frá þeim því í mars í fyrra hafa
borist þangað 120 tonn af spilliefn-
um sem send hafa verið til Dan-
merkur.
-sbs.
Borgarleikhúsið:
Hátíðarsýning Sólheima
Leikfélag Sólheima í Grímsnesi er
60 ára. Það er fyrsta og elsta leikfé-
lag fyrir þroskahefta á íslandi. Af
þessu tilefni verður sérstök hátíð-
arsýning á ævintýrinu um Stígvél-
aða köttinn í leikgerð Alexöndru
Kjuregej Argunovu. Sýningin verð-
ur Borgarleikhúsinu 22. maí nk. kl.
20:00.
Leiklistarstarf í Sólheimum hófst
haustið 1931. Þá var leikritið Ása
eftir Margréti Jónsdóttur sett upp. í
hálfa öld einkenndist starfsemin af
uppfærslum á goðsögum og helgi-
leikjum. Þær voru árstíðabundnar.
Á aðventu var sýnt leikrit um Adam
og Evu. Á jólum fæðing frelsarans. Á
þrettándanum var sýnt af Heródesi
og vitringunum frá Austurlöndum.
A sumardaginn fyrsta voru skraut-
sýningar, eða goðsögur eins og
Persival, Burnirótin og Þrymskviða
á dagskrá. Leikrit þessi voru flutt í
leikgerð dr. Rudolfs Steiner, byggðar
á germanskri leikhefð.
Á síðasta áratug hefur verkefnaval
Leikfélagsins tekið breytingum. Lát-
bragðsleikur með sögumanni tekið
við af flutningi hefðbundins leik-
hústexta. Árið 1986 varð mikil
breyting á allri aðstöðu fyrir leikhús
í Sólheimum. Þá var íþróttahús Sól-
heima fullgert. Það var reist fyrir
sjálfaflafé, sem Reynir Pétur Ingva-
son safnaði á íslandsgöngu sinni.
Húsið er glæsilegur minnisvarði um
hlýhug og velvilja sem Sólheimar
njóta með þjóðinni. -aá.
Úr uppfærslu Leikfélags Sólheima.
Öruggasta aftursæti í heimi!
Volvo hannar sína bíla með öryggi allrar fjölskyldunnar í huga,
þess vegna kaupa fjölskyldur Volvo.
Með Volvo 940 og 960 heldur Volvo áfram að ryðja brautina í
öryggismálum.
Nú hefur Volvo fyrstur allra bifreiðaframleiðenda í heiminum
komið fyrir innbyggðum barnabílstól í aftursæti. Auk þess hefur
Volvo komið fyrir þriggja punkta öryggisbelti og höfuðpúða fyrir
þriðja farþega í afmrsæti. Þessi búnaður er ekki fáanlegur í
nokkrum öðrum bifreiðum en Volvo 940 og 960 og því má með
sanni segja að hér sé um að ræða öruggasta aftursæti í heimi.
Það verður að teljast hálf einkennilegt að engum hafi dottið í hug
að gera þetta fyrr, en það er aftur á móti ekki einkennilegt að það
skuli fyrst vera Volvo!
VOLVO
Bifreið sem þú getur treyst!