Tíminn - 07.06.1991, Blaðsíða 9

Föstudagur 7. júní 1991
Tíminn 9
Guðmunda Guðjónsdóttir
Hjálmholti
Fædd 15. ágúst 1914
Dáin 30. maí 1991
í dag, föstudag 7. júní, er til moldar
borin frá Hraungerðiskirkju Guð-
munda Guðjónsdóttir.
Mér er mikil hryggð í huga þegar
ég set hér á blað nokkur orð í virð-
ingarskyni og þökk fyrir að hafa
fengið að kynnast svo yndislegri
konu sem Guðmunda var.
Það er sárt til þess að hugsa að
Munda, eins og hún var alltaf köll-
uð, sé farin. Hún veiktist fyrir rúm-
um fimm mánuðum með þeim af-
leiðingum að kallið kom. Það er erf-
itt að sætta sig við það, en huggun
að vita að henni verði vel tekið í
Himnaríkinu.
Mundu kynntist ég fyrir sex árum.
Hún reyndist mér yndisleg tengda-
móðir og áttum við margar ánægiu-
stundir saman. Oft kom hún niður
til mín og við spjöliuðum saman yf-
ir kaffibolla.
Munda var fædd 15. ágúst 1914,
dóttir hjónanna Guðjóns Sigurðs-
sonar, bónda í Hrygg, og konu hans
Kristínar Láru Gísladóttur. Hún var
elst af átta systkinum, hin voru: Sig-
urður, d. 10. sept. 1988, Gísli, bóndi
í Hrygg, Ásta, búsett í Reykjavík, Ág-
úst, bóndi í Hrygg, Pétur, d. 1. des.
1990, Guðrún, búsett í Reykjavík, og
Þorbjörg, bóndi á Læk.
Munda var dugmikil kona, hún átti
marga og góða vini. Snemma fór
hún að hjálpa til við bústörf heima í
foreldrahúsum.
Hún fluttist að Hjálmholti árið
1936 og fór að búa með Ólafi Ög-
mundssyni, bónda í Hjálmholti, síð-
ar eiginmanni hennar, en þau gengu
í hjónaband 1. ágúst 1949. Mann
sinn missti hún 15. febrúar 1982.
Ólafur missti heilsuna snemma og
var heilsulaus alla tíð. Munda gekk
því bæði í úti- og innistörf og ól
þeim hjónum 9 börn. Tvö dóu á
fyrsta ári, en 7 komust til fullorðins-
ára, þau eru:
Ágústa, f. 6. nóv. 1937, húsfrú í Út-
hlíð, gift Birni Sigurðssyni, þau búa
í Úthlíð og eiga 4 börn. Kolbeinn, f.
3. júní 1940, býr í Hjálmholti. Krist-
inn, f. 10. mars 1945, bílstjóri, giftur
Guðbjörgu Sigurðardóttur, þau búa
á Selfossi og eiga 3 börn. Kristín
Lára, f. 4. júní 1946, bankastarfs-
maður, gift Guðmundi Jónssyni,
þau búa á Selfossi og eiga 3 börn.
Þormóður, f. 26. nóv. 1951, bóndi,
giftur Valdísi Bjarnþórsdóttur, þau
búa í Hjálmholti og eiga 3 börn. Sig-
urður, f. 17. september 1953, bóndi í
Hjálmholti. Bergur Ingi, f. 12. júlí
1958, bóndi í Hjálmholti. Barna-
börnin voru orðin 13 og bama-
barnabörnin 6.
Munda var alltaf létt í skapi og var
mikið fyrir flölmenni. Þótti henni
alltaf tilhlökkun þegar fjölskyldan
kom saman á jóladag og skemmti
sér og drakk kaffi saman. Var alltaf
mikið fyrir þessum degi haft, enda
voru allir kátir og glaðir.
Munda var gestrisin kona, hún var
hlýleg og vildi öllum gera gott. Hún
var félagslynd og var virk í kvenfé-
laginu.
Eg kveð Mundu með sárum sökn-
uði og þakka henni fyrir góðar
stundir. Ég á margar yndislegar
minningar um hana áfram.
Megi Munda hvíla í friði og guð
blessi minningu hennar.
Valdís Bjamþórsdóttir
Á fegursta degi vorsins barst mér sú
harmafregn að tengdamóðir mín í
Hjálmholti sé látin. Guðmunda er
gengin til æðri heima eftir farsælt
ævistarf, svo sem veðrið á hennar
hinsta degi hér á jörð. Sú dánar-
fregn kom fjölskyldunni ekki á
óvart, því hún hafði um skeið dvalið
á sjúkrahúsinu á Selfossi við góða
umönnun. Skyndilega var komið að
vistaskiptum. Húsfreyjan í Hjálm-
holti aftur farin í vist til bónda síns,
Ólafs Ögmundssonar, er bjó allan
sinn búskap á föðurleifð sinni í
Hjálmholti. En Ólafur lést
15.02.1982.
Guðmunda var fædd í Hrygg í
Hraungerðishreppi 15.08.1914.
Hún var elst barna hjónanna sem
þar bjuggu, Guðjóns Sigurðssonar
og Kristínar Láru Gísladóttur. Þeim
hjónum varð níu barna auðið, þar af
lifa fimm Guðmundu. Með þeim
systkinum var mjög kært alla tíð.
Á árunum, sem Guðmunda var að
vaxa úr grasi, var hart í ári hjá fá-
tæku bændafólki og unglingar fljótt
látnir vinna sem þeir gátu. Guð-
munda varð fljótt afburðadugmikil
stúlka og stoð og stytta foreldra
sinna sem elsta barn í stórum systk-
inahópi.
Er Guðmunda var 22 ára gömul
kom hún sem kaupakona til Ólafs í
Hjálmholti og móður hans, til að
létta undir með umönnun háaldraðs
tengdaföður hennar. Hjálmholts-
heimilið hafði frá fornu fari verið
höfuðból. Ólafur bóndi, þá 37 ára,
hafði búið með móður sinni frá
1925. Hún var dóttir Ólafs Þormóðs-
sonar, bónda og smiðs í Hjálmholti.
Ögmundur, tengdafaðir Guðmundu,
var þá látinn, en Kolbeinn, afi Ólafs,
lifði í hárri elli. Hann hafði fylgt Ög-
mundi syni sínum er hann settist að
í Hjálmholti.
Ólafur í Hjálmholti var einstakur
maður að allri gerð. Hann var fjöl-
greindur gleðimaður. Þegar Guð-
munda kom til hans sem kaupakona
hafði hann um tíu ára skeið glímt
við erfiðan sjúkdóm, sem var lömun
í fótum. Um skeið hafði hann dvalið
á sjúkrahúsi í Danmörku. Þar var
talið að hann gæti í mesta lagi lifað í
fimm ár. En úr þeim teygðist, því
hann lifði í 82 ár. Ólafur og Guð-
munda hófú sambýli á vordögum ár-
ið 1937, en giftu sig 01.08.1949.
Þau hjónin bjuggu myndarbúi alla
tíð. Þau voru landsfræg íyrir fram-
gang á kynbótum á kúm. Þau áttu
oft á tíðum verðlaunagripi fyrir af-
urðir. í þeim efnum gaf húsfreyjan
ekkert eftir, sinnti oft ein stóru fjósi,
svo og öllum öðrum bústörfum
hvort sem var úti eða inni. Á efri ár-
um þeirra sem bændur stóðu þau að
því með ungum sonum sínum, er þá
höfðu stofnað með þeim félagsbú, að
byggja upp allt í annað sinn, fjós og
hlöðu og glæsilegt íbúðarhús.
Þau hjónin eignuðust níu börn, en
tvö dóu f bemsku. Þau, sem upp
komust, eru:
Ágústa Margrét, f. 06.11.1937, hús-
freyja í Úthlíð í Biskupstungum, gift
Birni Sigurðssyni, bónda þar. Þau
eiga fjögur börn. Elstur er Ólafur,
héraðsdómslögmaður á Selfossi,
kvæntur Ingu Margréti Skúladóttur
félagsráðgjafa og eru þau búsett á
Selfossi ásamt börnum sínum
tveimur. Sigríður, við nám í dýra-
lækningum í Óslóarháskóla, sam-
býlismaður hennar er Ólafúr Ingi
Sigurgeirsson, líffræðingur í Ósló.
Hjördís íslenskufræðingur, gift Þor-
steini Sverrissyni tölvunarfræðingi,
og eiga þau tvo drengi. Jónína Birna
stúdent, unnusti er Hjörtur Freyr,
einnig stúdent.
Kolbeinn, f. 03.06.1945, ókvæntur
og heimilismaður í Hjálmholti alla
tíð.
Kristinn, f. 11.03.1945, bifreiða-
stjóri á Selfossi. Hans kona er Guð-
björg Sigurðardóttir frá Selfossi.
Börn þeirra eru: Fjóla Steindóra og
Sigurður Óli, bæði við nám í Fjöl-
brautaskóla Suðurlands. Sonur
Kristins er Ingimundur, vélvirki á
Selfossi.
Kristín Lára, f. 04.06.1946, gift
Guðmundi Jónssyni, framkvæmda-
stjóra á Selfossi. Börn þeirra eru:
Jón Birgir, íþróttakennari og við
nám í sjúkraþjálfun í Ósló. Hans
sambýliskona er Ragnhildur Sigurð-
ardóttir íþróttakennari. Börn henn-
ar eru tvö. Ólafur stundar nám við
íþróttakennaraskóla íslands. Hauk-
ur, stúdent á Selfossi.
Þormóður, f. 26.11.1951, kvæntur
Valdísi Bjarnþórsdóttur og eiga þau
tvo syni, Ólaf og Brynjar Þór. Áuk
þess á Valdís Þórdísi.
Sigurður Ingi, f. 17.09.1953, bóndi
og skólabílstjóri í Hjálmholti.
Ritari
Laus er staða ritara (100% starf) í viðskiptaráðuneyt-
inu. Skilyrði er að viðkomandi hafi gott vald á ís-
lensku, ensku, dönsku og ritvinnslukerfinu Orðsnilld
(WordPerfect). Umsóknir sendist viðskiptaráðuneyt-
inu fyrir föstudaginn 14. þ.m. ásamt upplýsingum um
menntun og fyrri störf.
Viðskiptaráðuneytið,____-
5. júní 1991
Bergur Ingi, f. 12.07.1958, bóndi í
Hjálmholti.
Eins og á þessari upptalningu má
sjá er fjölskylda Guðmundu orðin
stór. Hún fylgdist grannt með öllum
og lagði sig fram um að mæta í
barnaafmæli og önnur boð sem lutu
að fjölskyldunni.
Það eru rúm þrjátíu ár síðan undir-
ritaður kvaddi dyra í Hjálmholti
þeirra erinda að fastna sér konu,
elstu dótturina, sem verið hafði for-
eldrum sínum styrk stoð. Á eftir
íylgdu æ fleiri tengdabörn og hverj-
um var fagnað af þeim hlýhug er
fylgir foreldrum sem staðráðnir eru
í að Iáta hamingju og ást til barn-
anna ganga fyrir öllu. Þegar nýr ætt-
liður fór að sjá dagsins ljós og hlut-
verk ömmunnar varð að veruleika,
kom í ljós hve vel hún hugsaði um
börnin sín og barnabörn. Á stuttum
tíma var hópur barnabarnanna orð-
inn stór, 12, og amma í Hjálmholti
gleymdi engum og gjafirnar allar
stórfenglegar. Mikil var gleðin er
unga fólkið kom í heimsókn í
Hjálmholt og þegar stokkið var upp
um hálsinn á ömmu var uppskorið
svo sem sáð hafði verið. Með mildu
hamingjubrosi sagði hún: „Það er
ekkert að þakka.“
Guðmunda í Hjálmholti safnaði
hvorki gulli né silfri á veraldar vísu,
en hún safhaði gulli í brjóst ástvina
sinna og vinanna mörgu sem
bjuggu í kringum hana. Hún hafði á
yngri árum plægt og sáð í akurinn
og þar uppskar hún ríkulega á efri
árum. Hún var elskuð og virt sem
glæsileg eiginkona, húsmóðir,
tengdamóðir, amma og langamma.
Með slíkan bakgrunn er Ijúft að
skilja við ástvinina hér á jörð og
hverfa á vit vinanna sem á undan
eru gengnir.
Mild mun moldin á móti taka,
og mjúkur mun beður þinn.
Ég kveð þessa kæru móður og bið
henni blessunar í æðri heimi.
Bjöm Sigurðsson,
Úthlíð
FLUGMÁLASTJÓRN
EGILSSTAÐAFLUGVÖLLUR
Ný flugbraut
FORVAL VERKTAKA
Flugmálastjórn mun viðhafa forval á bjóðendum til lokaðs
útboðs í 5. verkáfanga Egilsstaðaflugvallar, þ.e. efnis-
vinnslu í efra burðarlag og útlögn þess svo og efnisvinnslu,
framleiðslu og útlögn malbiksslitlags á flugbraut, tengi-
brautir, flughlað og axlir, alls um 165.000 m2.
Eftirfarandi magntölur gefa til kynna stærð verksins:
Burðarlag (mulið berg): 40.000 m3
Slitlag (malbik): 36.000 tonn
ídráttarrör: 9 km
Áætluð verklok eru haustið 1992.
Þeir verktakar, sem áhuga kunna að hafa á að bjóða í
verkið, geta keypt forvalsgögn á Almennu verkfræðistof-
unni hf., Fellsmúla 26 (4. hæð), Reykjavík, og hjá um-
dæmisstjóra Flugmálastjórnar, Egilsstöðum. Verð kr.
1000,- eintakið.
Flugmálastjóm
Hjartanlegar þakkir til ykkar, sem glödduð mig ósegjanlega með
hamingjuóskum, gjöfum, skeytum, og simtölum á 90 ára afmæl-
inu. Sérstakar þakídrflyt ég hinumfjölskyldunum á Skálpastöð-
um, sem önnuðust allan undirbúning fyrir afmælið og veiting-
ar á afmælisdaginn.
Með blessunaróskum til ykkar allra.
Skálpastöðum, 2. júní 1991,
Þorsteinn Guðmundsson
Sumartími skrífstofu
Framsóknarflokksins
Frá 15. mal verður skrifstofa okkar I Hafnarstræti 20, III hæð, opin frá kl.
8:00-16:00 mánudaga-föstudaga.
Verið velkomin. Framsóknarfbkkurinn
MUNIÐ
aft sklla tilkynníngum (flokksstarfið tímanlega - þ.e. fyrirk). 4
daginn fyrir útkomudag.
Suöurland
Skrifstofa Kjördæmissambands framsóknarfélaganna á Suðuriandi, Eyrar-
vegi 15, Selfossi, verðuropiná þriðjudögum og fimmtudögum frá kl. 15-17.
Simi 98-22547.
Félagar hvattir til að Irta inn.
KSFS
Stjómarmenn SUF
4. stjómarfundur SUF verður haldinn föstudaginn 7. júni nk. kl. 19.00 að
Hafnarstræti 20, 3. hæð.
Formaður SUF
Reyknesingar-
nærsveitamenn
Framsóknarfélög Kópavogs efna til ferðar um Reykjanes sunnudaginn 16.
júnl næstkomandi. Lagt verður af stað frá Kópavogi kl. 10 og komið aftur
um kl. 18.
Hægt verður að panta hádegisverð I Sjómannastofunni I Grindavik áöur
en lagt verður af stað.
Leiösögumaður verður Steinunn F. Harðardóttir og fararstjóri Guðnin
Alda Harðardóttir.
Áætlað verð 1500-2000 krónur.
Tekið verður á móti pöntunum hjá Sigurbjörgu Björgvinsdóttur I slma
43774 á kvöldin og Guðrúnu Öldu Harðardóttur I slma 45672 á kvöldin.